ສະພາບຄວາມເສຍຫາຍ ແລະ ຜັນຂະຫຍາຍບັນດາມາດຕະການຮີບດ່ວນເພື່ອແກ້ໄຂຜົນຮ້າຍຢ້ອນຫຼັງຈາກພາຍຸ Yagi. ກອງປະຊຸມໄດ້ເຊື່ອມຕໍ່ທາງອອນລາຍຈາກສຳນັກງານລັດຖະບານໄປເຖິງ 26 ທ້ອງຖິ່ນ ເພື່ອປະເມີນວຽກງານຮັບມືກັບພາຍຸນັບທັງຢູ່ສູນກາງ ແລະ ທ້ອງຖິ່ນ; ປະເມີນຜົນຮ້າຍຢ້ອນຫຼັງທີ່ເກີດຈາກພາຍຸ ແລະ ປຶກສາຫາລືມາດຕະການແກ້ໄຂ
ທ່ານນາຍົກລັດຖະມົນຕີ ກ່າວຄຳເຫັນໃນກອງປະຊຸມວ່າ: ພາຍຸ Yagi ໄດ້ກໍ່ໃຫ້ເກີດຜົນຮ້າຍຢ້ອນຫຼັງຢ່າງຮ້າຍແຮງ ແລະ ຮຽກຮ້ອງໃຫ້ສຳຫຼວດກວດກາໂດຍໄວ, ຊ່ວຍເຫຼືອບັນດາທ້ອງຖິ່ນທີ່ຖືກເສຍຫາຍ ແລະ ຄອບຄົວທີ່ມີຜູ້ເສຍຊີວິດ; ພ້ອມກັນນັ້ນ, ສືບຕໍ່ປະຕິບັດວຽກງານແກ້ໄຂຜົນຮ້າຍຢ້ອນຫຼັງຈາກພາຍຸ; ຮີບຮ້ອນແກ້ໄຂບັນຫາທີ່ກ່ຽວຂ້ອງເຖິງຊີວິດການເປັນຢູ່ຂອງປະຊາຊົນ, ການຜະລິດ, ການດຳເນີນທຸລະກິດ ແລະ ການຮັບມືຕໍ່ສະພາບດິນເຊາະເຈື່ອນ.
ຕາມການລາຍງານຂອງກະຊວງກະສິກຳ ແລະ ພັດທະນາຊົນນະບົດ, ພາຍຸໄຕ້ຝຸ່ນ Yagi ແມ່ນພາຍຸທີ່ແຮງທີ່ສຸດຢູ່ທະເລຕາເວັນອອກໃນຮອບ 30 ປີຜ່ານມາ. ຄວາມເສຍຫາຍເບື້ອງຕົ້ນ ແມ່ນມີຜູ້ເສຍຊີວິດຫຼາຍກວ່າ 10 ຄົນ ແລະ ຜູ້ໄດ້ຮັບບາດເຈັບ ເກືອບ 200 ຄົນ; ກຳປັ່ນ 25 ລຳຖືກຈົມນ້ຳຢູ່ກວາງນິງ; ບັນດາທ້ອງຖິ່ນຄື: ກວາງນິງ, ຫາຍຟ່ອງ, ທາຍບິ່ງ, ຫາຍເຢືອງ, ຮ່າໂນ້ຍ ປະສົບກັບສະພາບບໍ່ມີໄຟຟ້າໃຊ້ ແລະ ຂາດການຕິດຕໍ່ສື່ສານໃນວົງກວ້າງ. ເຮືອນເກືອບ 3.300 ຫຼັງເປ່ເພ; ເສົາໄຟຟ້າ 400 ກວ່າເສົາຫັກ; ຫ້າງຮ້ານ, ສໍານັກງານໃຫຍ່ແລະໂຮງຮຽນຫຼາຍແຫ່ງຫຼັງຄາຖືກເລີກຮື້; ຕົ້ນໄມ້ຫຼາຍຕົ້ນຫັກ. ກ່ຽວກັບກະສິກໍາ, ເນື້ອທີ່ນາ ແລະ ພືດ 121.500 ເຮັກຕາຖືກນ້ຳຖ້ວມ, ຕົ້ນໄມ້ກິນໝາກ 5.000 ກວ່າຕົ້ນເສຍຫາຍ; ກະຊັງລ້ຽງປາ ຫຼາຍກວ່າ 1.000 ກະຊັງ ຖືກເສຍຫາຍ ຫຼື ຖືກນ້ຳໝູນໄປ.
ທ່ານ ຟ້າມມິງຈິງ ໄດ້ຮຽກຮ້ອງໃຫ້ຫ້ອງວ່າການລັດຖະບານ ແຕ່ງຕັ້ງຄະນະປະຕິບັດງານລົງໄປເຖິງບັນດາທ້ອງຖິ່ນທີ່ຖືກຄວາມເສຍຫາຍຈາກພາຍຸ. ທ່ານນາຍົກລັດຖະມົນຕີ ໄດ້ສົ່ງຄຳຢື້ຢາມຖາມຂ່າວຂອງທ່ານໂຕເລີມເລຂາທິການໃຫຍ່ປະທານປະເທດ ຫວຽດນາມ ເຖິງບັນດາຄອບຄົວ, ບັນດາອົງການ, ສຳນັກງານ, ຫົວໜ່ວຍ, ທ້ອງຖິ່ນທີ່ຖືກເສຍຫາຍກ່ຽວກັບຊີວິດອີນຊີ ແລະ ຊັບສິນຍ້ອນພາຍຸ Yagi ກໍ່ຂຶ້ນ.
ໃນຕອນບ່າຍວັນດຽວກັນນີ້, ທ່ານນາຍົກລັດຖະມົນຕີ ໄດ້ລົງກວດກາສະພາບຄວາມເສຍຫາຍ ແລະ ຊີ້ນຳຜັນຂະຫຍາຍບັນດາມາດຕະການຮີບດ່ວນເພື່ອແກ້ໄຂຜົນຮ້າຍຢ້ອນຫຼັງຈາກພາຍຸ Yagi ຢູ່ ແຂວງກວາງນິງ ແລະ ນະຄອນຫາຍຟ່ອງ ຊຶ່ງພາຍຸດັ່ງກ່າວໄດ້ພັດຖະຫຼົ່ມດ້ວຍກຳລັງແຮງລົມແຮງທີ່ສຸດ ແລະ ກໍ່ຄວາມເສຍຫາຍຢ່າງໜັກໜ່ວງທີ່ສຸດ.
ຄໍາເຫັນ