ຕາມການໃຫ້ຂໍ້ມູນຂອງ ທ່ານ ສີ ຕາງໜ້າ ບໍລິສັດ ໂຫລາວີ ຈຳກັດຜູ້ດຽວ ຮັບຊື້ມັນຕົ້ນ ໃນຄັ້ງວັນທີ 9 ຕຸລາ ນີ້ ໃຫ້ຮູ້ວ່າ: ບໍລິສັດ ໂຫລາວີ ຈຳກັດຜູ້ດຽວ ເລີ່ມເຂົ້າມາຈັດຕັ້ງປະຕິບັດຮັບຊື້ມັນຕົ້ນຢູ່ເມືອງນອງ ແຂວງສະຫວັນນະເຂດ ເລີ່ມແຕ່ປີ 2022 ຊຶ່ງທາງບໍລິສັດ ໄດ້ແຈກຢາຍແນວພັນລຳມັນຕົ້ນໃຫ້ພໍ່ແມ່ປະຊາຊົນ ແລະ ພາຍຫຼັງທີ່ໄດ້ເກັບກູ້ຜົນຜະລິດແລ້ວ, ທາງບໍລິສັດໄດ້ຄິດໄລ່ມູນຄ່າແນວພັນລຳມັນຕົ້ນຄືນ ດ້ວຍລາຄາຕົ້ນທຶນທີ່ຕ່ຳ ທັງນີ້ເພື່ອສະໜອງແນວພັນໃຫ້ປະຊາຊົນໄດ້ປູກໃນປີທຳອິດ ຈຳນວນ 26 ບ້ານ ທີ່ຂຶ້ນກັບເຂດແບ່ງຄວາມຮັບຜິດຊອບຂອງບໍລິສັດ, ລວມເປັນເງິນທັງໝົດ 1 ຕື້ 200 ລ້ານກີບ ຈາກນີ້ກໍໄດ້ລົງທຶນໃສ່ກິດຈະການຕ່າງໆເປັນຕົ້ນ: ການຕັ້ງຊິງຊັ່ງມັນຕົ້ນ, ພາຫະນະລາກແກ່ມັນຕົ້ນ ແລະ ຄ່າແຮງງານອື່ນໆ ຄິດເປັນມູນຄ່າທັງໝົດ 2 ຕື້ 800 ລ້ານກີບ ພ້ອມນີ້, ທາງບໍລິສັດ ຍັງໄດ້ມີນະໂຍບາຍໂດຍອີງໃສ່ຄວາມຮຽກຮ້ອງຕ້ອງການຂອງປະຊາຊົນ ທີ່ຍັງຂາດແຄນທາງດ້ານສະບຽງອາຫານ ຊຶ່ງປັດໄຈຫຼັກໆກໍແມ່ນເຂົ້າກິນ.
ດັ່ງນັ້ນ, ທາງບໍລິສັດ ຈຶ່ງໄດ້ສະໜອງເຂົ້າສານແຈກຢາຍໃຫ້ພໍ່ແມ່ປະຊາຊົນກ່ອນໃນໄລຍະຂາດ ແຄນ; ແຕ່ພໍຮອດລະດູເກັບກູ້ຜົນຜະລິດ ກໍຄືກົ່ນມັນຕົ້ນຂາຍແລ້ວ, ປະຊາຊົນ ຕ້ອງໄດ້ສົ່ງທຶນຄືນໃຫ້ທາງບໍລິສັດຕາມການສັນຍາກັນ, ສ່ວນການເກັບຊື້ມັນຕົ້ນພາຍໃນປີ 2022 ທາງບໍລິສັດໂຫລາວີຈຳກັດຜູ້ດຽວ ສາມາດເກັບຊື້ມັນຕົ້ນໄດ້ທັງໝົດ 31 ພັນໂຕນ, ເປັນເງິນ 31 ຕື້ກີບ, ມັນແຫ້ງ 900 ໂຕນ ເປັນເງິນ 2 ຕື້ 700 ລ້ານກີບ, ມາໃນປີ 2023 ບໍລິສັດ ກໍໄດ້ລົງທຶນຂະຫຍາຍລານມັນຕົ້ນອອກຕື່ມອີກ ຈາກແຕ່ກ່ອນມີລານຮັບຊື້ມັນຕົ້ນ 2 ຈຸດຄື: ບ້ານປະໂຕ້ຍໃຫຍ່, ບ້ານຫີນສະຫວ່າງ ໂດຍເພີ່ມອີກ 2 ຈຸດຄື: ຈຸດບ້ານນາກອງ ທີ່ເປັນຊິງທີ່ໃຫຍ່ໄດ້ມາດຖານ ຮັບນ້ຳໜັກໄດ້ 60 ໂຕນ ແລະ ບ້ານອາສິງສາລີ, ບ້ານແກ້ງລີ້ນ, ບ້ານຊວງ ທັງໝົດ 6 ຈຸດ ເພື່ອເອື້ອອຳນວຍຄວາມສະດວກໃຫ້ກັບປະຊາຊົນທີ່ມາຂາຍຜົນຜະລິດໄດ້ສະດວກສະບາຍຂຶ້ນກວ່າເກົ່າ.
ທ່ານ ສີ ໄດ້ກ່າວໃຫ້ຮູ້ຕື່ມວ່າ: ສຳລັບການເກັບຊື້ມັນຕົ້ນໃນປີນີ້, ທາງບໍລິສັດພວກເຮົາ ຄາດຄະເນວ່າ ຈະເກັບຊື້ມັນຕົ້ນ ເພື່ອສົ່ງອອກຕະຫຼາດໃຫ້ໄດ້ 60 ພັນໂຕນ ໃນລາຄາມັນຕົ້ນດິບ 1.700 ກີບຕໍ່ກິໂລ, ສ່ວນລາຄາມັນແຫ້ງ ຕາມການສັນຍາແມ່ນບໍ່ໃຫ້ຫຼຸດ 2.500 ກີບຕໍ່ກິໂລ, ແຕ່ຕາມກົນໄກຂອງຕະຫຼາດ ຖ້າຫາກລາຄາມັນຕົ້ນຂຶ້ນ, ທາງບໍລິສັດ ກໍຕອງໄດ້ຂຶ້ນລາຄາເຊັ່ນດຽວກັນ, ແຕ່ໃນກໍລະນີ ມັນລົງລາຄາ ທາງບໍລິສັດ ກໍຕ້ອງໄດ້ຮັບຊື້ບໍ່ໃຫ້ຫຼຸດຕາມລາຄາທີ່ໄດ້ບັນທຶກສັນຍາກັນໄວ້ລະຫວ່າງເມືອງກັບບໍລິສັດ.
ປັດຈຸບັນ, ປະຊາຊົນຊາວເມືອງນອງ ພວມກຳລັງເກັບກູ້ຜົນຜະລິດມັນຕົ້ນສະໜອງໃຫ້ທາງບໍລິສັດພາຍໃນເມືອງຢ່າງເປັນຂະບວນຟົດຟື້ນ ຊຶ່ງຕ່າງຄົນຕ່າງກໍພາກັນດີອົກດີໃຈ ທີ່ທາງການນຳຂອງເມືອງ ໄດ້ສູ້ຊົນຊອກຫາທຸກວິຖີທາງ ເພື່ອໃຫ້ປະຊາຊົນມີລາຍຮັບເຂົ້າສູ່ຄອບຄົວ ຊຶ່ງການປູກມັນຕົ້ນນີ້ ແມ່ນປູກງ່າຍ, ເຫັນຜົນໄວ, ມີລາຍຮັບປີຕໍ່ປີ, ສະເລ່ຍລາຍຮັບຈາກການຂາຍມັນຕົ້ນຄອບຄົວໜຶ່ງບໍ່ຕ່ຳກວ່າ 20 ລ້ານກີບຕໍ່ປີ ອັນເປັນເງື່ອນໄຂສຳຄັນໜຶ່ງ ທີ່ຈະເຮັດໃຫ້ພໍ່ແມ່ປະຊາຊົນຊາວເມືອງນອງ ຫຼຸດພົ້ນອອກຈາກຄວາມທຸກຍາກໄດ້ເທື່ອລະກ້າວ.
(ຂ່າວ-ພາບ: ສະຫວັນນະເຂດ)
ດັ່ງນັ້ນ, ທາງບໍລິສັດ ຈຶ່ງໄດ້ສະໜອງເຂົ້າສານແຈກຢາຍໃຫ້ພໍ່ແມ່ປະຊາຊົນກ່ອນໃນໄລຍະຂາດ ແຄນ; ແຕ່ພໍຮອດລະດູເກັບກູ້ຜົນຜະລິດ ກໍຄືກົ່ນມັນຕົ້ນຂາຍແລ້ວ, ປະຊາຊົນ ຕ້ອງໄດ້ສົ່ງທຶນຄືນໃຫ້ທາງບໍລິສັດຕາມການສັນຍາກັນ, ສ່ວນການເກັບຊື້ມັນຕົ້ນພາຍໃນປີ 2022 ທາງບໍລິສັດໂຫລາວີຈຳກັດຜູ້ດຽວ ສາມາດເກັບຊື້ມັນຕົ້ນໄດ້ທັງໝົດ 31 ພັນໂຕນ, ເປັນເງິນ 31 ຕື້ກີບ, ມັນແຫ້ງ 900 ໂຕນ ເປັນເງິນ 2 ຕື້ 700 ລ້ານກີບ, ມາໃນປີ 2023 ບໍລິສັດ ກໍໄດ້ລົງທຶນຂະຫຍາຍລານມັນຕົ້ນອອກຕື່ມອີກ ຈາກແຕ່ກ່ອນມີລານຮັບຊື້ມັນຕົ້ນ 2 ຈຸດຄື: ບ້ານປະໂຕ້ຍໃຫຍ່, ບ້ານຫີນສະຫວ່າງ ໂດຍເພີ່ມອີກ 2 ຈຸດຄື: ຈຸດບ້ານນາກອງ ທີ່ເປັນຊິງທີ່ໃຫຍ່ໄດ້ມາດຖານ ຮັບນ້ຳໜັກໄດ້ 60 ໂຕນ ແລະ ບ້ານອາສິງສາລີ, ບ້ານແກ້ງລີ້ນ, ບ້ານຊວງ ທັງໝົດ 6 ຈຸດ ເພື່ອເອື້ອອຳນວຍຄວາມສະດວກໃຫ້ກັບປະຊາຊົນທີ່ມາຂາຍຜົນຜະລິດໄດ້ສະດວກສະບາຍຂຶ້ນກວ່າເກົ່າ.
ທ່ານ ສີ ໄດ້ກ່າວໃຫ້ຮູ້ຕື່ມວ່າ: ສຳລັບການເກັບຊື້ມັນຕົ້ນໃນປີນີ້, ທາງບໍລິສັດພວກເຮົາ ຄາດຄະເນວ່າ ຈະເກັບຊື້ມັນຕົ້ນ ເພື່ອສົ່ງອອກຕະຫຼາດໃຫ້ໄດ້ 60 ພັນໂຕນ ໃນລາຄາມັນຕົ້ນດິບ 1.700 ກີບຕໍ່ກິໂລ, ສ່ວນລາຄາມັນແຫ້ງ ຕາມການສັນຍາແມ່ນບໍ່ໃຫ້ຫຼຸດ 2.500 ກີບຕໍ່ກິໂລ, ແຕ່ຕາມກົນໄກຂອງຕະຫຼາດ ຖ້າຫາກລາຄາມັນຕົ້ນຂຶ້ນ, ທາງບໍລິສັດ ກໍຕອງໄດ້ຂຶ້ນລາຄາເຊັ່ນດຽວກັນ, ແຕ່ໃນກໍລະນີ ມັນລົງລາຄາ ທາງບໍລິສັດ ກໍຕ້ອງໄດ້ຮັບຊື້ບໍ່ໃຫ້ຫຼຸດຕາມລາຄາທີ່ໄດ້ບັນທຶກສັນຍາກັນໄວ້ລະຫວ່າງເມືອງກັບບໍລິສັດ.
ປັດຈຸບັນ, ປະຊາຊົນຊາວເມືອງນອງ ພວມກຳລັງເກັບກູ້ຜົນຜະລິດມັນຕົ້ນສະໜອງໃຫ້ທາງບໍລິສັດພາຍໃນເມືອງຢ່າງເປັນຂະບວນຟົດຟື້ນ ຊຶ່ງຕ່າງຄົນຕ່າງກໍພາກັນດີອົກດີໃຈ ທີ່ທາງການນຳຂອງເມືອງ ໄດ້ສູ້ຊົນຊອກຫາທຸກວິຖີທາງ ເພື່ອໃຫ້ປະຊາຊົນມີລາຍຮັບເຂົ້າສູ່ຄອບຄົວ ຊຶ່ງການປູກມັນຕົ້ນນີ້ ແມ່ນປູກງ່າຍ, ເຫັນຜົນໄວ, ມີລາຍຮັບປີຕໍ່ປີ, ສະເລ່ຍລາຍຮັບຈາກການຂາຍມັນຕົ້ນຄອບຄົວໜຶ່ງບໍ່ຕ່ຳກວ່າ 20 ລ້ານກີບຕໍ່ປີ ອັນເປັນເງື່ອນໄຂສຳຄັນໜຶ່ງ ທີ່ຈະເຮັດໃຫ້ພໍ່ແມ່ປະຊາຊົນຊາວເມືອງນອງ ຫຼຸດພົ້ນອອກຈາກຄວາມທຸກຍາກໄດ້ເທື່ອລະກ້າວ.
(ຂ່າວ-ພາບ: ສະຫວັນນະເຂດ)
ຄໍາເຫັນ