ແລະ ອິດສະຫຼະພາບຂອງຊາດເຮົາຢືນຢັນໄດ້ວ່າການນໍາພາຂອງພັກ ເປັນປັດໄຈພື້ນຖານທີ່ຕັດສິນຊີ້ຂາດກ່ວາໝູ່ ແລະ ຮັບປະກັນທຸກໄຊຊະນະຂອງພາລະກິດປະຕິວັດ ເປັນປະຫວັດສາດແຫ່ງການຕໍ່ສູ້ຢ່າງທໍລະຫົດອົດທົນຕ້ານການຮຸກຮານຢ່າງຕໍ່ເນື່ອງກັນ ເພື່ອການຍືນຍົງຄົງຕົວຂອງຕົນໃນຖານະເປັນຊາດໜຶ່ງ. ຂະບວນການຕໍ່ສູ້ປະຊາຊົນບັນດາເຜົ່າຕ້ານຈັກກະພັດລ່າເມືອງຂຶ້ນແບບເກົ່າ-ແບບໃໝ່ ເພື່ອຍາດເອົາເອກະລາດ ແລະ ອິດສະຫຼະພາບຂອງຊາດໄດ້ເກີດຂຶ້ນເປັນເວລາຍາວນານ, ພາຍໃຕ້ການນໍາພາ ຂອງບັນດາຊັ້ນຄົນທີ່ແຕກຕ່າງກັນ, ບໍ່ມີພັກການເມືອງທີ່ມີແນວທາງ ແລະ ແບບວິທີຕໍ່ສູ້ອັນຖືກຕ້ອງ, ບໍ່ສາມາດລະດົມ ແລະ ເຕົ້າໂຮມກຳລັງມະຫາຊົນເຂົ້າຮ່ວມ ຂະບວນການຕໍ່ສູ້ໄດ້ໃນທີ່ສຸດບັນດາຂະບວນການເຫຼົ່ານັ້ນລ້ວນແຕ່ບໍ່ໄປເຖິງຫຼັກໄຊ.
ການກຳເນີດຂອງ ພັກປະຊາຊົນປະຕິວັດລາວພ້ອມກັບໂຄງການການເມືອງ ຊຶ່ງເປັນຄັນທຸງເພື່ອກຳນົດແນວທາງ ແລະ ບາດກ້າວເດີນຂອງການປະຕິວັດ ໃນແຕ່ລະໄລຍະຂອງການປະຕິວັດລາວນັ້ນແມ່ນເປັນຂີດໝາຍແຫ່ງການຂະຫຍາຍຕົວຢ່າງກະໂດດຂັ້ນ ແລະ ເປັນບາດລ້ຽວອັນຍິ່ງໃຫຍ່ໃນປະຫວັດສາດຂອງການປະຕິວັດລາວ, ດ້ານແນວທາງການເມືອງ ແລະ ການຈັດຕັ້ງນໍາພາ. ດ້ວຍທາດແທ້ປະຕິວັດ ແລະ ວິທະຍາສາດຂອງຕົນ ຊຶ່ງໄດ້ມີມາແຕ່ກຳເນີດນັ້ນ, ພັກປະຊາຊົນລາວກໍຄື ພັກປະຊາຊົນປະຕິວັດລາວໃນປັດຈຸບັນ ໄດ້ກຳສິດຜູກຂາດໃນການນໍາພາການປະຕິວັດລາວ, ເປັນຜູ້ຮັບຜິດຊອບຢ່າງສົມບູນຕໍ່ຊາຕາກຳຂອງຊາດ ກໍຄືອະນາຄົດຂອງການປະຕິວັດລາວ ແລະ ນໍາພາການປະຕິວັດຢ່າງມີໄຊຕະຫຼອດມາ.ໃນສະພາບການໃໝ່ພັກເຮົາຕ້ອງສືບຕໍ່ເສີມຂະຫຍາຍມູນເຊື້ອອັນດີງາມແຫ່ງການນໍາພາອັນສະຫຼາດສ່ອງໃສ, ເປັນເຈົ້າຕົນເອງ ແລະປະດິດສ້າງຂອງຕົນ ເພື່ອນໍາພາພາລະກິດປົກປັກຮັກສາ ແລະ ສ້າງສ້າງປະເທດຊາດ, ບູລະນະລະບອບປະຊາທິປະໄຕ ປະຊາຊົນໃຫ້ສົມບູນຍິ່ງໆຂຶ້ນ ແລະ ກ້າວສູ່ຈຸດໝາຍສັງຄົມນິຍົມເທື່ອລະກ້າວຢ່າງໜັກແໜ້ນ, ພັກປະຊາຊົນປະຕິວັດລາວ ໃນປັດຈຸບັນ ເປັນບາດລ້ຽວປະຫວັດສາດ ຕັດສິນໄຊຊະນະຂອງການປະຕິວັດລາວໄດ້ນໍາພາວຽກງານຂອງ ຍທຂ ແລະ ຜົນງານອັນພົ້ນເດັ່ນ ໂດຍສະເພາະໃນໄລຍະຜັນຂະຫຍາຍມະຕິ XI ຂອງພັກ, ພັກເຮົາຖືເອົາວຽກງານກໍ່ສ້າງພື້ນຖານໂຄງລ່າງ ເປັນຂະແໜງເສດຖະກິດ ໂດຍສະເພາະການຂະຫຍາຍເສັ້ນທາງຄົມມະນາຄົມລົງສູ່ຊົນນະບົດເປັນບຸລິມະສິດທີໜຶ່ງ, ໂດຍເຫັນໄດ້ການປັບປຸງບັນດາເສັ້ນທາງຫຼວງແຫ່ງຊາດ, ຂະຫຍາຍ ແລະ ປັບປຸງເສັ້ນທາງລະຫວ່າງ ແຂວງຕໍ່ແຂວງ, ເມືອງຕໍ່ເມືອງ, “ຂະຫຍາຍຄົມມະນາຄົມ ລະຫວ່າງ ແຂວງຕໍ່ແຂວງ, ເມືອງຕໍ່ເມືອງ ແລະ ຂະຫຍາຍການຄົມມະນາຄົມຢູ່ຊົນນະບົດ”. ແຕ່ໃນການພັດທະນາພື້ນຖານໂຄງລ່າງນັ້ນ, ໄດ້ເນັ້ນເຖິງການພັດທະນາເສັ້ນທາງຕ້ອງມີແຜນການ, ມີການແບ່ງງານໃຫ້ແຕ່ລະພາກສ່ວນຈະແຈ້ງ, ພັກໄດ້ຊີ້ນໍາ, ແຜນການແບ່ງງານໃຫ້ທ້ອງຖິ່ນ ແລະ ຮາກຖານສົມທົບກັບສູນກາງ, ສູ້ຊົນກໍ່ສ້າງລະບົບເສັ້ນທາງທາງບົກ ປະເພດຕ່າງໆ, ເຮັດໃຫ້ການຄົມມະນາຄົມ ລະຫວ່າງ ບ້ານຕໍ່ບ້ານ, ເມືອງຕໍ່ເມືອງ, ແຂວງຕໍ່ແຂວງ ເຊື່ອມຈອດກັນ ແລະ ທະລຸໂລ່ງໃນທົ່ວປະເທດ”. ພັກເຮົາຖືເອົາ “ການຄົມມະນາຄົມຂົນສົ່ງເປັນປາຍແຫຼມ ເພື່ອຊຸກຍູ້ການຜະລິດໃຫ້ຂະຫຍາຍຕົວ, ບົນພື້ນຖານດັ່ງກ່າວນັ້ນລັດຖະບານກໍຄື ກະຊວງ ຍທຂ ໄດ້ສຸມໃສ່ພັດທະນາໂຄງລ່າງພື້ນຖານຕ່າງໆ ໃຫ້ມີການຂະຫຍາຍຕົວຢ່າງບໍ່ຢຸດຢັ້ງ ແລະມີບາດກ້າວຂະຫຍາຍຕົວກ້າວກະໂດດເຊັ່ນ: ການສ້າງທາງດ່ວນ, ທາງລົດໄຟ ແລະ ອື່ນໆ ເພື່ອອໍານວຍຄວາມສະດວກໃຫ້ແກ່ການເຊື່ອມໂຍງເຊື່ອມຈອດກັບພາກພື້ນ ແລະ ສາກົນ ສ້າງເງື່ອນໄຂໃຫ້ແກ່ການເຂົ້າເຖິງຕະຫຼາດພາກພື້ນ ແລະ ສາກົນ, ສ້າງເງື່ອນໄຂສະດວກໃຫ້ແກ່ການພັດທະນາເສດຖະກິດ-ສັງຄົມ ແລະ ການດໍາລົງຊີວິດຂອງປະຊາຊົນ, ໃນນັ້ນ. ມີທາງປູເບຕົງ, ທາງປູອັດສະຟານທາງປູຢາງ, ທາງປູແຮ່ ແລະ ທາງປູດິນທຳມະຊາດ, ມີຂົວທັງໝົດ 12,723ຂົວ, ທຽບໃສ່ປີ 1986 ເພີ່ມຂຶ້ນ 12,624 ຂົວ, ໃນນີ້. ມີທາງປູຢາງທີ່ໄປເຖິງທຸກເທດສະບານແຂວງ, ມີເສັ້ນທາງປູຢາງ ແລະ ເສັ້ນທາງດິນແດງທຽວໄດ້ສອງລະດູເຂົ້າເຖິງ 148 ເມືອງໃນຂອບເຂດທົ່ວປະເທດ, ຕາໜ່າງເສັ້ນທາງສາມາດໄປເຖິງທຸກແຂວງ, ທຸກເມືອງໃນທົ່ວປະເທດໃນນັ້ນມີ 147 ເມືອງ, ທີ່ມີເສັ້ນທາງປູຢາງເຂົ້າເຖິງ, ຈາກທັງໝົດ 148 ເມືອງ.
ນອກຈາກນັ້ນ, ຍັງໄດ້ເອົາໃຈໃສ່ພັດທະນາບັນດາຕະໜ່າງຄົມມະນາຄົມຂົນສົ່ງເຊື່ອມໂຍງເສັ້ນທາງພາຍໃນປະເທດກັບບັນດາປະເທດໃກ້ຄຽງຕາມແລວເສດຖະກິດໃນອະນຸພາກພື້ນ ໃຫ້ໄດ້ມາດຕະຖານສາກົນ, ໂດຍສາມາດຍົກລະດັບຕາໜ່າງເສັ້ນທາງຫຼວງແຫ່ງຊາດທີ່ເປັນທາງຫຼວງອາຊຽນ 8 ຕອນທາງ, ເປັນຕົ້ນທາງ R3, ທາງ 2W, ທາງ 2E, ທາງ 13 ເໜືອ, ທາງ 13 ໃຕ້, ທາງເລກ 8, ທາງເລກ 9, ທາງເລກ 12, ທາງເລກ 18B, ອັນພົ້ນເດັ່ນໄດ້ສໍາເລັດການກໍ່ສ້າງ ແລະ ເປີດການນໍາໃຊ້ທາງດ່ວນນະຄອນຫຼວງວຽງຈັນ-ວັງວຽງ, ເປີດການນໍາໃຊ້ເສັ້ນທາງລົດໄຟລາວ-ຈີນ; ສະເພາະການບໍລິການດ້ານຄົມມະນາຄົມຂົນສົ່ງທັງໂດຍສານ ແລະ ສິນຄ້າ ເຫັນວ່າມີການຂະຫຍາຍຕົວຢ່າງແຂງແຮງ ພາຍຫຼັງທີ່ໄດ້ເປີດນໍາໃຊ້ທາງລົດໄຟລາວ-ຈີນ ຢ່າງເປັນທາງການ, ສະເພາະທາງລົດໄຟ ລາວ-ຈີນ ສັງລວມຕົວເລກຂົນສົ່ງຜູ້ໂດຍສານແຕ່ມື້ເປີດຮອດເດືອນມັງກອນ 2025 ໄດ້ 8.2 ລ້ານກວ່າເທື່ອຄົນ, ການຂົນສົ່ງສິນຄ້າໄດ້ 11.62 ລ້ານກວ່າໂຕນ, ນອກນັ້ນ,ສາມາດສ້າງລາຍຮັບໄດ້ຈາກການເກັບຄ່າບິນຜ່ານນ່ານຟ້າ ມີເຮືອບິນຜ່ານຈໍານວນ 2,8 ລ້ານກວ່າຖ້ຽວບິນ, ສາມາດສ້າງລາຍຮັບໃຫ້ປະເທດຊາດໄດ້ທັງໝົດ 723.59 ລ້ານກວ່າໂດລາ.
ສະຫາຍງາມປະສົງ ເມືອງມະນີ ໄດ້ຕາງໜ້າໃຫ້ ຄະນະພັກ-ຄະນະນໍາ ແລະ ພະນັກງານ-ສະມາຊິກພັກກະຊວງຍທຂອວຍພອນໄຊອັນປະເສີດມາຍັງ ການນໍາພັກ-ລັດ ແລະ ອະດີດການນໍາພັກ-ລັດຈົ່ງມີສຸຂະພາບແຂງແຮງ, ມີພາລະນາໄມສົມບູນ, ສືບຕໍ່ເປັນຮົ່ມໂພຮົ່ມໄຊ ແລະ ເປັນຄັນທຸງນໍາໜ້າໃຫ້ແກ່ ການປະຕິວັດຊາດປະຊາທິປະໄຕຂອງປະເທດເຮົາ ໂດຍສະເພາະແມ່ນການປະຕິບັດ 2 ໜ້າທີ່ຍຸດທະສາດຄື ປົກປັກຮັກສາ ແລະ ສ້າງສາພັດທະນາປະເທດຊາດ ນໍາພາປະເທດຊາດ ຮັ່ງມີຜາສຸກ ຕາມເປົ້າໝາຍກ້າວຂຶ້ນສັງຄົມນິຍົມ ທີ່ພັກໄດ້ກຳນົດໄວ້.
ຄໍາເຫັນ