ເພີ່ມທະວີປ້ອງກັນ ແລະ ຮັກສາຄວາມເປັນລະບຽບຮຽບຮ້ອຍໃນງານບຸນນະມັດສະການພະທາດຫຼວງ

ໄດ້ສືບທອດກັນມາໄດ້ຫຼາຍຮ້ອຍປີ ທັງຮັບປະກັນໄດ້ຄວາມສະຫງົບ, ຄວາມເປັນລະບຽບຮຽບຮ້ອຍ, ຄວາມປອດໄພຢ່າງຮອບດ້ານ, ມີຄວາມສະອາດຈົບງາມ, ກອງບັນຊາການປ້ອງກັນຄວາມສະຫງົບ (ປກສ) ນະຄອນຫຼວງວຽງຈັນ ຈຶ່ງໄດ້ອອກແຈ້ງການເພີ່ມທະວີປ້ອງກັນ ແລະ ຮັກສາຄວາມເປັນລະບຽບຮຽບຮ້ອຍ ໃນໄລຍະຈັດງານບຸນນະມັດສະການພະທາດຫຼວງວຽງຈັນ ແລະ ງານວາງສະແດງສິນຄ້າປະຈໍາປີ 2024 ໃຫ້ມີຄວາມສະຫງົບປອດໄພມີຜົນສຳເລັດຢ່າງຈົບງາມ ຮັກສາໄດ້ວັດທະນະທຳ ຮີດຄອງປະເພນີອັນດີງາມຂອງຊາດ.

ກອງບັນຊາການປ້ອງກັນຄວາມສະຫງົບ (ປກສ) ນະຄອນຫຼວງວຽງຈັນໄດ້ກໍານົດຫຼາຍຂໍ້ຫ້າມເພື່ອຮັກສາຄວາມສະຫງົບ, ຄວາມເປັນລະບຽບຮຽບຮ້ອຍໃນໄລຍະຈັດງານບຸນນະມັດສະການພະທາດຫຼວງວຽງຈັນ ແລະ ວາງສະແດງສິນຄ້າປະຈຳປີ 2024 ຊຶ່ງບັນດາຂໍ້ຫ້າມປະກອບມີ: ຫ້າມໂຄສະນາ, ເຜີຍແຜ່ທຸກຮູບແບບທີ່ຜິດຕໍ່ລະບຽບ, ກົດໝາຍຂອງສປປ ລາວ, ຫ້າມນໍາເອົາອາວຸດ, ຂອງມີຄົມທຸກປະເພດ, ສະໜັບມື, ສາຍແອວຫົວໃຫຍ່ ແລະ ວັດຖຸຕ້ອງຫ້າມທຸກຊະນິດເຂົ້າມາໃນງານບຸນເດັດຂາດ (ຍົກເວັ້ນເຈົ້າໜ້າທີ່ໄປປະຕິບັດໜ້າທີ່ວຽກງານຕາມການມອບໝາຍ), ຫ້າມນໍາເອົາທາດລະເບີດ, ທາດແຕກ, ທາດເບື່ອ, ສານເຄມີ, ສານກຳມັນຕະພາບລັງສີ ແລະ ວັດຖຸອອກລິດຕໍ່ຈິດປະສາດທຸກຊະນິດເຂົ້າມາໃນງານບຸນເດັດຂາດ, ຫ້າມຊື້-ຂາຍ ແລະ ຈູດໂຄມໄຟລອຍຂຶ້ນຟ້າ, ໝາກກະໂພກທຸກຊະນິດ, ບັ້ງໄຟດອກທຸກປະເພດຢູ່ສະຖານທີ່ເຮືອນ, ຮ້ານຂອງຕົນ ແລະ ຂອບເຂດງານບຸນເດັດຂາດ, ຫ້າມວາງເຄື່ອງຂາຍເກີນຂອບເຂດຂອງຮ້ານທີ່ຄະນະກຳມະການຈັດງານບຸນ-ງານວາງສະແດງສິນຄ້າກຳນົດໄວ້, ຫ້າມເອົາເຄື່ອງໃສ່ລໍ້ຍູ້ຂາຍຊະຊາຍໃນງານບຸນ ແລະ ຫ້າມນຳເອົາທຸກຜະລິດຕະພັນສື່ສິ່ງພິມທີ່ເປັນແຮງຈູງໃຈສ້າງຄວາມຮຸນແຮງ, ລາມົກອານາຈານຕ່າງໆເຂົ້າມາໃນງານບຸນເດັດຂາດ, ຫ້າມເປີດສຽງດັງເກີນຂອບເຂດ, ເວລາຂັບຂີ່ລົດປະເພດຕ່າງໆ ສັນຈອນຕາມທ້ອງຖະໜົນຜູ້ຂັບຂີ່ຕ້ອງປະຕິບັດຕາມກົດລະບຽບຈະລາຈອນວາງອອກຢ່າງເຂັ້ມງວດເຊັ່ນ: ດື່ມສິ່ງມຶນເມົາແລ້ວບໍ່ຂັບລົດ ຫຼື ຂັບລົດບໍ່ດື່ມສິ່ງມຶນເມົາຢ່າງເດັດຂາດ, ຫ້າມຫຼິ້ນການພະນັນທຸກປະເພດ ແລະ ຫ້າມດື່ມສິ່ງມຶນເມົາແລ້ວກໍ່ອາລະວາດຜິດຖຽງກັນຕີກັນຊຶ່ງເປັນການສ້າງຄວາມບໍ່ສະຫງົບໃນງານບຸນເດັດຂາດ, ຫ້າມວາງສິ່ງຂອງທີ່ກີດຂວາງໃນບໍລິເວນເດີ່ນພະທາດຫຼວງຢ່າງເດັດຂາດ, ຫ້າມນໍາໃຊ້ໂດຣນ ຫຼືອຸປະກອນຖ່າຍພາບທາງອາກາດ, ຍົກເວັ້ນແຕ່ທາງການອະນຸຍາດໃຫ້ພາກສ່ວນທີ່ກ່ຽວຂ້ອງເທົ່ານັ້ນ.

ນອກຈາກນັ້ນ, ຍັງມີບັນດາຂໍ້ແນະນໍາເພື່ອຍົກສູງສະຕິລະວັງຕົວໃນໄລຍະທ່ຽວບຸນພະທາດຫຼວງວຽງຈັນ ປະຈຳປີ 2024 ດັ່ງນີ້: 1. ແຕ່ລະຄອບຄົວ, ແຕ່ລະບ້ານ, ບັນດາສໍານັກງານ, ອົງການ, ໂຮງຈັກ, ໂຮງງານ, ສະຖາບັນສຶກສາ, ໂຮງຮຽນ, ໂຮງໝໍ, ກົມກອງທະຫານ, ກົມກອງຕຳຫຼວດ, ການຈັດຕັ້ງສາກົນ, ການຈັດຕັ້ງສັງຄົມ, ພໍ່ຄ້າ-ຊາວຂາຍ ແລະ ພໍ່ແມ່ປະຊາຊົນ ໃຫ້ມີສະຕິໃນການເຄົາລົບ, ປະຕິບັດລັດຖະທຳມະນູນ ແລະ ກົດໝາຍ ແຫ່ງ ສປປ ລາວ; 2. ຍົກສູງສະຕິລະວັງຕົວ, ປົກປັກຮັກສາວັດຖຸ-ເຄື່ອງຂອງ, ຊັບສິນເງິນ-ຄໍາ, ເຄື່ອງປະດັບທີ່ມີມູນຄ່າສູງຂອງຕົນໃຫ້ດີ ຫຼືຖ້າບໍ່ຈໍາເປັນກໍບໍ່ຄວນນໍາຕິດຕົວມາໃນງານບຸນຈໍານວນຫຼວງຫຼາຍ ເພື່ອປ້ອງກັນບໍ່ໃຫ້ພວກກຸ່ມຄົນບໍ່ດີສວຍໂອກາດເຄື່ອນໄຫວກໍ່ອາຊະຍາກຳເຊັ່ນ: ປຸ້ນຊັບ, ຊິງຊັບ, ລັກຊັບ, ແຫກກະເປົາ ແລະ ອື່ນໆ ຢູ່ໃນງານບຸນນະມັດສະການພະທາດຫຼວງ ແລະ ງານວາງສະແດງສິນຄ້າ; 3. ຈັດຕັ້ງກໍາລັງປ້ອງກັນເວນຍາມຢູ່ສຳນັກງານ-ອົງການ, ບ້ານ ພ້ອມທັງອອກກວດກາລາດຕະເວນຕາມຈຸດຫຼໍ່ແຫຼມ, ກະກຽມຄວາມພ້ອມເພື່ອແກ້ໄຂບັນດາປະກົດການຕ່າງໆ ທີ່ອາດຈະເກີດຂຶ້ນໃຫ້ທັນສະພາບການ, ຮັບປະກັນຄວາມສະຫງົບ-ປອດໄພ ແລະ ຄວາມເປັນລະບຽບຮຽບຮ້ອຍຢູ່ໃນຂອບເຂດຄວາມຮັບຜິດຊອບຂອງຕົນ; 4. ທຸກຄົນທີ່ພາລູກນ້ອຍ, ລູກຫຼານມາທ່ຽວງານບຸນຕ້ອງຂຽນຊື່ພໍ່-ແມ່, ເບີໂທລະສັບ, ທີ່ຢູ່ບ້ານ, ເມືອງ, ແຂວງ ແລ້ວເອົາໃສ່ຖົງເສື້ອ, ຖົງໂສ້ງຂອງລູກຫຼານ ເພື່ອຄວາມສະດວກໃນການຕິດຕໍ່ຫາເວລາພັດຫຼົງກັນ; 5. ກ່ອນຈະອອກເຮືອນຕ້ອງໄດ້ກວດກາປັກສຽບໄຟຟ້າ, ການຈູດທູບທຽນບູຊາ ເພື່ອປ້ອງກັນບໍ່ໃຫ້ເກີດອັກຄີໄພ, ອັດປະຕູໃສ່ກະແຈເຮືອນທຸກຄັ້ງ, ດີແທ້ຄວນມີຜູ້ຢູ່ເຝົ້າ ເພື່ອປ້ອງກັນບໍ່ໃຫ້ຄົນບໍ່ດີສວຍໂອກາດໄປງັດແງະ ລັກຊັບຢູ່ເຮືອນຊານຂອງຕົນ; 6. ຜູ້ທີ່ສັນຈອນຕາມທ້ອງຖະໜົນຕ້ອງມີສະຕິເຄົາລົບ ແລະ ປະຕິບັດຕາມກົດລະບຽບຈະລາຈອນຢ່າງເຂັ້ມງວດ, ດື່ມສິ່ງມືນເມົາແລ້ວຫ້າມຂັບລົດຢ່າງເດັດຂາດ; 7. ຜູ້ປະກອບການ, ພໍ່ຄ້າຊາວຂາຍທີ່ຂາຍເຄື່ອງ, ຂາຍອາຫານການນໍາໃຊ້ໄຟຟ້າ, ແກັດຫຸງຕົ້ມ ຕ້ອງກວດກາຄຸນນະພາບປັກສຽບໄຟ, ຖັງແກັດ, ເຕົາແກັດໃຫ້ມີຄວາມຮັບປະກັນ ເພື່ອຫຼີກລ່ຽງບໍ່ໃຫ້ມີໄຟຮົ່ວໄຫຼ, ແກັດຮົ່ວໄຫຼ; 8. ໃຫ້ປະຕິບັດຕາມກົດລະບຽບຊົ່ວຄາວທີ່ຄະນະຮັບຜິດຊອບກະກຽມ ແລະດໍາເນີນການຈັດງານບຸນນະມັດສະການພະທາດຫຼວງ ແລະ ງານວາງສະແດງສິນຄ້າປະຈຳປີ 2024 ໄດ້ກຳນົດໄວ້. ພ້ອມນັ້ນຍັງມີບັນດາຂໍ້ຫ້າມດັ່ງນີ້:

1. ຫ້າມໂຄສະນາ, ເຜີຍແຜ່ທຸກຮູບແບບ ທີ່ຜິດຕໍ່ລະບຽບ, ກົດໝາຍຂອງ ສປປ ລາວ; 2. ຫ້າມນໍາເອົາອາວຸດ, ຂອງມີຄົມ ທຸກປະເພດ, ສະໜັບມື, ສາຍແອວຫົວໃຫຍ່ ແລະ ວັດຖຸຕ້ອງຫ້າມທຸກຊະນິດ ເຂົ້າມາໃນງານບຸນເດັດຂາດ (ຍົກເວັ້ນເຈົ້າໜ້າທີ່ໄປປະຕິບັດໜ້າທີ່ວຽກງານຕາມການມອບໝາຍ); 3. ຫ້າມນໍາເອົາທາດລະເບີດ, ທາດແຕກ, ທາດເບື່ອ, ສານເຄມີ, ສານກຳມັນຕະພາບລັງສີ ແລະ ວັດຖຸອອກລິດຕໍ່ ຈິດປະສາດທຸກຊະນິດ ເຂົ້າມາໃນງານບຸນເດັດຂາດ; 4. ຫ້າມຊື້-ຂາຍ ແລະ ຈຸດໂຄມໄຟລອຍຂຶ້ນຟ້າ, ໝາກກະໂພກທຸກຊະນິດ, ບັ້ງໄຟດອກທຸກປະເພດຢູ່ສະຖານທີ່ ເຮືອນ, ຮ້ານຂອງຕົນ ແລະ ຂອບເຂດງານບຸນ ເດັດຂາດ; 5. ຫ້າມວາງເຄື່ອງຂາຍເກີນຂອບເຂດຂອງຮ້ານ ທີ່ຄະນະກຳມະການຈັດງານບຸນ-ງານວາງສະແດງສິນຄ້າ ກຳນົດໄວ້, ຫ້າມເອົາເຄື່ອງໃສ່ລໍ້ຍູ້ຂາຍຊະຊາຍໃນງານບຸນ ແລະ ຫ້າມນຳເອົາທຸກຜະລິດຕະພັນສື່ສິ່ງພິມທີ່ເປັນແຮງຈູງໃຈສ້າງຄວາມຮຸນແຮງ, ລາມົກອະນາຈານຕ່າງໆ ເຂົ້າມາໃນງານບຸນເດັດຂາດ; 8. ຫ້າມເປີດສຽງດັງເກີນຂອບເຂດ, ເວລາຂັບຂີ່ລົດປະເພດຕ່າງໆ ສັນຈອນຕາມທ້ອງຖະໜົນ ຜູ້ຂັບຂີ່ຕ້ອງປະຕິບັດຕາມກົດລະບຽບຈະລາຈອນວາງອອກຢ່າງເຂັ້ມງວດເຊັ່ນ: ດື່ມສິ່ງມືນເມົາແລ້ວບໍ່ຂັບລົດ ຫຼື ຂັບລົດບໍ່ດື່ມ ສິ່ງມຶນເມົາ ຢ່າງເດັດຂາດ, ຫ້າມຫຼິ້ນການພະນັນທຸກປະເພດ ແລະ ຫ້າມດື່ມສິ່ງມຶນເມົາ ແລ້ວກໍ່ອາລະວາດຜິດຖຽງກັນຕີກັນ, ຊຶ່ງເປັນການສ້າງຄວາມບໍ່ສະຫງົບໃນງານບຸນເດັດຂາດ; 7. ຫ້າມວາງສິ່ງຂອງທີ່ກີດຂວາງໃນບໍລິເວນເດີ່ນພະທາດຫຼວງຢ່າງເດັດຂາດ; 8. ຫ້າມນໍາໃຊ້ໂດນ ຫຼືອຸປະກອນຖ່າຍພາບທາງອາກາດ, ຍົກເວັ້ນແຕ່ທາງການອະນຸຍາດໃຫ້ພາກສ່ວນທີ່ກ່ຽວຂ້ອງເທົ່ານັ້ນ. ພ້ອມນີ້, ທາງເຈົ້າໜ້າທີ່ໄດ້ອອກມາດຕະການຕໍ່ຜູ້ລະເມີດດັ່ງນີ້:

1. ທຸກການກະທໍາທີ່ລະເມີດຂໍ້ຫ້າມໃນແຈ້ງການສະບັບນີ້ ດ້ວຍການເຈດຕະນາ ຫຼື ບໍ່ເຈດຕະນາລ້ວນແຕ່ຖືກສຶກສາອົບຮົມ, ກ່າວເຕືອນ, ປັບໄໝຕາມສະຖານການລະເມີດ ຫຼືຖືກດໍາເນີນຄະດີຕາມຂະບວນຍຸຕິທຳ; 2. ສໍາລັບການຊື້-ຂາຍ, ການມີໄວ້ໃນຄອບຄອງໝາກກະໂພກ, ບັ້ງໄຟດອກທຸກປະເພດ ຫຼືຈຸດໝາກກະໂພກ, ບັ້ງໄຟດອກ, ຈຸດໂຄມໄຟລອຍຂຶ້ນຟ້າທຸກຊະນິດ-ທຸກລະດັບ ຖ້າເຈົ້າໜ້າທີ່ກ່ຽວຂ້ອງ, ອົງການປົກຄອງບ້ານ, ປກສ, ກຸ່ມ ປກສ ບ້ານ, ກອງຫຼອນກວດພົບເຫັນໃຫ້ຢຶດ ແລະ ທຳລາຍຖິ້ມ ພ້ອມທັງນໍາຕົວຜູ້ລະເມີດມອບໃຫ້ເຈົ້າໜ້າທີ່ກ່ຽວ ຂ້ອງປະສານສົມທົບກັບອົງການປົກຄອງບ້ານສ້າງບົດບັນທຶກສຶກສາອົບຮົມ, ກ່າວເຕືອນ ແລະ ປັບໃໝຕາມລະບຽບການ; 3. ການປັບໃໝແຕ່ລະກໍລະນີໃຫ້ອີງໃສ່ຂໍ້ຕົກລົງຂອງເຈົ້າຄອງນະຄອນຫຼວງວຽງຈັນເລກທີ 1323/ຈນວ, ລົງວັນທີ 21 ທັນວາ 2018 ວ່າດ້ວຍມາດຕະການຫຼຸດຜ່ອນອຸບັດເຫດ ແລະ ຮັກສາຄວາມປອດໄພຕາມທ້ອງຖະໜົນ ຂໍ້ຕົກລົງເລກທີ 620/ຈນວ, ລົງວັນທີ 29 ກັນຍາ 2020 ວ່າດ້ວຍການຄວບຄຸມສຽງເນື່ອງນັນຢູ່ນະຄອນຫຼວງວຽງຈັນ, ດຳລັດຂອງນາຍົກລັດຖະມົນຕີ ສະບັບເລກທີ 568/ລບ, ລົງວັນທີ 16 ກັນຍາ 2021, ບັນດາກົດໝາຍ ແລະ ນິຕິກຳໃຕ້ກົດໝາຍວາງອອກຢ່າງເຂັ້ມງວດ. ດັ່ງນັ້ນ, ເຈົ້າໜ້າທີ່ຈຶ່ງໄດ້ອອກມາດຕະການຈັດຕັ້ງປະຕິບັດຄື: 1. ມອບໃຫ້ບັນດາກອງບັນຊາການປກສເມືອງ, ຫ້ອງວິຊາສະເພາະ, ກອງພັນປ້ອງກັນເຄື່ອນທີ່, ກອງເສນາກໍ່ສ້າງຮາກຖານການເມືອງ, ປກສ ກຸ່ມບ້ານສົມທົບກັບອົງການປົກຄອງບ້ານ ແລະ ພາກສ່ວນທີ່ກ່ຽວຂ້ອງຈັດຕັ້ງໂຄສະນາເຜີຍແຜ່ແຈ້ງການສະບັບນີ້ໃຫ້ປະຊາຊົນ, ຊັ້ນຄົນຕ່າງໆຮັບຮູ້ຢ່າງເລິກເຊິ່ງທົ່ວເຖິງ ແລະ ພ້ອມກັນປະຕິບັດຢ່າງເຂັ້ມງວດ; 2. ໃນກໍລະນີເຈົ້າໜ້າທີ່ກວດພົບເຫັນການກະທຳຜິດຂອງບຸກຄົນ, ນິຕິບຸກຄົນ ຫຼືພາກສ່ວນໃດທີ່ຝ່າຝືນກົດລະບຽບ, ຂໍ້ຫ້າມຕ່າງໆທີ່ວາງອອກ ຕ້ອງໄດ້ສຶກສາອົບຮົມກ່າວເຕືອນ, ປັບໃໝຕາມລະບຽບການ, ຖ້າກໍລະນີຮ້າຍແຮງຕ້ອງນໍາຕົວຜູ້ກະທຳຜິດມາດຳເນີນຄະດີຕາມກົດໝາຍ ໂດຍບໍ່ມີຂໍ້ຍົກເວັ້ນ; ມອບໃຫ້ກຳລັງ ປກຊ-ປກສ ເປັນໃຈກາງໃນການປະສານງານກັບທຸກພາກສ່ວນ, ຂະແໜງການ, ອົງການປົກຄອງທຸກຂັ້ນ ເພື່ອຈັດຕັ້ງປະຕິບັດແຈ້ງການສະບັບນີ້ຢ່າງເຂັ້ມງວດ.