ເຜີຍແຜ່ເອກະສານກຽມຄວາມພ້ອມເລືອກຕັ້ງ ສສຊ-ສສຂ

12:36 12/02/2026

ກົມຕຳຫຼວດສະກັດກັ້ນ ແລະ ຕ້ານການຄ້າມະນຸດ ກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ (ປກສ) ຈັດພິທີເຜີຍແຜ່ເອກະສານກຽມຄວາມພ້ອມ ໃນການເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະພາປະຊາຊົນແຂວງ (ສສຂ) ຊຸດທີ V ໃນວັນທີ 10 ກຸມພາ ຜ່ານມາ, ໃຫ້ກຽດເປັນປະທານ ແລະ ເຜີຍແຜ່ໂດຍທ່ານ ພັອ ກິແກ້ວ ຈັນທະລັງສີ ຫົວໜ້າກົມຕຳຫຼວດສະກັດກັ້ນ ແລະ ຕ້ານການຄ້າມະນຸດ, ມີຄະນະພັກ-ຄະນະກົມ, ຄະນະພະແນກ ພ້ອມດ້ວຍນາຍ ແລະ ພົນຕໍາຫຼວດຮ່ວມ.

ເຜຍແຜເອກະສານກຽມຄວາມພອມເລອກຕງ ສສຊ-ສສຂ - image 1

ການເຜີຍແຜ່ຄັ້ງນີ້, ແນໃສ່ໃຫ້ບັ້ນເລືອກຕັ້ງ ສສຊ ແລະ ສສຂ ມີຂະບວນຟົດຟື້ນ, ຮັບປະກັນການນໍາໃຊ້ສິດມີຄວາມຖືກຕ້ອງ ທັງເຮັດໃຫ້ນາຍ ແລະ ພົນຕຳຫຼວດຮັບຮູ້ ແລະ ເຂົ້າໃຈກ່ຽວກັບຄວາມໝາຍ ຄວາມສໍາຄັນຂອງວຽກງານດັ່ງກ່າວ. ເນື່ອງຈາກວ່າ ການເລືອກຕັ້ງ ສສຊ ແລະ ສສຂ ໃນຂອບເຂດທົ່ວປະເທດ ເປັນເຫດ ການທີ່ໃຫຍ່ ແລະ ມີຄວາມໝາຍສໍາຄັນ ຊຶ່ງຈະຈັດຂຶ້ນທຸກໆ 5 ປີ ເພື່ອນໍາໃຊ້ສິດປ່ອນບັດຄັດເລືອກເອົາຜູ້ແທນຊຸດໃໝ່ໃຫ້ໄດ້ຕາມຄາດໝາຍທີ່ວາງໄວ້.

ເຜຍແຜເອກະສານກຽມຄວາມພອມເລອກຕງ ສສຊ-ສສຂ - image 2

ເອກະສານທີ່ນໍາມາເຜີຍແຜ່ໃນຄັ້ງນີ້ ປະກອບມີຄໍາແນະນໍາຂອງຄະນະປະຈໍາການ ກໍາມະການເລືອກຕັ້ງ ນະຄອນຫຼວງວຽງຈັນ (ນວ) ກ່ຽວກັບການປ່ອນບັດນັບຄະແນນສຽງ ແລະ ການປະກາດຜົນເລືອກຕັ້ງ ສສຊ ຊຸດທີ X ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ (ນວ) ແລະ ສສຂ ຊຸດທີ V; ແຜນການດຳເນີນການປ່ອນບັດເລືອກຕັ້ງ ສສຊ ຊຸດທີ X ແລະ ສສຂ ທົ່ວປະເທດ ຊຸດທີ V; ຂໍ້ຕົກລົງວ່າດ້ວຍການແຕ່ງຕັ້ງຄະນະຮັບຜິດຊອບຄວບຄຸມການປ່ອນບັດເລືອກຕັ້ງ ສສຊ ຊຸດທີ X ແລະ ສສຂ ທົ່ວປະເທດ ຊຸດທີ V; ແຜນການດຳເນີນການປ່ອນບັດເລືອກຕັ້ງ ສສຊ ຊຸດທີ X ແລະ ສສຂ ທົ່ວປະເທດ ຊຸດທີ V.

ຂ່າວ: ປກສ

ຄໍາເຫັນ

ຂ່າວວັດທະນະທຳ-ສັງຄົມ

ເມືອງໂຂງ ກຽມຄວາມພ້ອມ 100%ໃນການປ່ອນບັດເລືອກຕັ້ງວັນທີ 22 ກຸມພາ 2026ນີ້

12/02/2026 12:40

ເມືອງໂຂງ ແຂວງຈຳປາສັກ ກຽມຄວາມພ້ອມຮອບດ້ານ ເພື່ອຮັບປະກັນໃຫ້ການເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ V ທີ່ຈະມາເຖິງໃນວັນທີ 22 ກຸມພາ 2026ນີ້ ດຳເນີນໄປຢ່າງມີປະສິດທິຜົນ ໂປ່ງໃສ ແລະ ທົ່ວເຖິງ.

ລາວເດີນອາກາດ ສະຫຼຸບວຽກງານຮອບດ້ານປະຈຳປີ 2025

12/02/2026 12:39

ສະຫະພັນກຳມະບານ ລັດວິສະຫະກິດລາວເດີນອາກາດ ຈັດກອງປະຊຸມສະຫຼຸບວຽກງານຮອບດ້ານປະຈຳປີ 2025 ແລະ ວາງທິດທາງປີ 2026 ຂຶ້ນໃນວັນທີ 11 ກຸມພາ ຜ່ານມາ ໂດຍການເປັນປະທານຂອງສະຫາຍ ພັນເອກ ສຸວັນນີ ດວງປະເສີດ ຫົວໜ້າຫ້ອງກຳມະບານກອງທັບ, ມີສະຫາຍ ພັນເອກ ປັນທະວີ ສີສົງຄາມ ຜູ້ອຳນວຍການລັດວິສະຫະກິດລາວເດີນອາກາດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ຜູ້ສະໝັກ ສສ ນວ ລົງພົບປະຫາສຽງ ທີ່ກົມໃຫຍ່ຕໍາຫຼວດ

12/02/2026 12:34

ພິທີພົບປະຫາສຽງຂອງຜູ້ສະໝັກຮັບເລືອກຕັ້ງເປັນສະມາຊິກສະພາປະຊາຊົນນະຄອນຫຼວງວຽງຈັນ (ສສ ນວ) ປະຈໍາເຂດ ເລືອກ ຕັ້ງທີ 1 ເມືອງສີສັດຕະນາກ ທີ່ກົມໃຫຍ່ຕໍາຫຼວດ ຈັດຂຶ້ນໃນວັນທີ10 ກຸມພາ ຜ່ານມານີ້; ນໍາພາຄະນະລົງພົບປະຄັ້ງນີ້ ໂດຍ ທ່ານ ອະໂນໄທ ຈັນທະລາສີ ກໍາມະການພັກ ນວ ເລຂາຄະນະພັກເມືອງສີສັດຕະນາກ ນໍ້າເບີ 1, ທ່ານ ສຸລິຍະ ສະວີສຸກ ນໍ້າເບີ 2 ຮອງຫົວໜ້າຫ້ອງວ່າການສະພາ ນວ, ທ່ານ ບຸນທະວີ ສີແສນດີ ນໍ້າເບີ 3 ເລຂາໜ່ວຍພັກຮາກຖານ ຫົວໜ້າອົງການໄອຍະການປະຊາຊົນເຂດ 3 ນວ, ທ່ານ ສິງຫາ ວົງພັກດີ ນໍ້າເບີ 4 ຫົວໜ້າຫ້ອງການຍຸຕິທໍາເມືອງສີສັດຕະນາກ, ທ່ານ ວິຣະໄຊຄໍາ ພິລາພັນເດຊ ເບີ 5 ອໍານວຍການບໍລິສັດເຄພີ ສາມຈີ ແລະ ໂນມຸຣະເທຣດດິ້ງ ຈໍາກັດ ອໍານວຍການ ບໍລິສັດອີຊຸຊຸລາວບໍລິການ ຈໍາກັດຜູ້ດຽວ ປະທານສະຫະພັນກິລາອ໊ອບໂຣດ ນວ, ທ່ານ ນາງ ວິຍະດາ ພິມພັນ ນໍ້າເບີ 6 ຮອງເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວ ນວ, ທ່ານນາງ ເຄືອວັນ ຄໍາປະດິດ ນໍ້າເບີ 7 ສະຫະພັນແມ່ຍິງເມືອງສີສັດຕະນາກ ຊີ້ນໍາວຽກງານ ປົກປ້ອງແມ່ຍິງ ແລະ ເດັກນ້ອຍ.

ປີ 2025 ຍີ່ປຸ່ນ ສົ່ງອອກເຂົ້າສູງສຸດເປັນປະຫວັດການ

12/02/2026 11:37

ຂ່າວຕ່າງປະເທດລາຍງານ ໃນວັນທີ 10 ກຸມພາ ຜ່ານມາວ່າ: ກະຊວງກະສິກຳ, ປ່າໄມ້ ແລະ ການປະມົງຂອງຍີ່ປຸ່ນລາຍງານວ່າ, ຍີ່ປຸ່ນສົ່ງອອກເຂົ້າ ລວມທັງເຂົ້າທີ່ຫຸ້ມຫໍ່ແລ້ວພ້ອມກິນ ຫຼາຍກວ່າ 48,000 ໂຕນ ໃນປີ 2025, ເພີ່ມຂຶ້ນ 3.7% ແລະ ສູງສຸດເປັນປະຫວັດການ. ໂດຍຖືເປັນການທຳລາຍສະຖະຕິການສົ່ງອອກເຂົ້າໄປຕ່າງປະເທດສູງສຸດຕິດຕໍ່ກັນເປັນປີທີ 5 ນັບຕັ້ງແຕ່ມີການລວບລວມສະຖິຕິທີ່ປຽບທຽບໄດ້ໃນປີ 2020.

ຜູ້ສະໝັກ ສສຊ ຊຸດທີ X ປະຈຳເຂດເລືອກຕັ້ງທີ 1 ນວ ລົງພົບປະປະຊາຊົນ

12/02/2026 11:35

ຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ (ສສຊ) ຊຸດທີ X ປະຈຳເຂດເລືອກຕັ້ງທີ 1 ນະຄອນຫຼວງວຽງຈັນ (ນວ) ໄດ້ລົງພົບປະປະຊາຊົນ ໃນວັນທີ 11 ກຸມພານີ້ ທີ່ວັດບ້ານບຶງຂະຫຍອງ ເມືອງສີສັດຕະນາກ ນວ.

ຄະນະຜູ້ສະໝັກຮັບເລືອກຕັ້ງ ສສຊ ເຂດ 12 ແຂວງຄໍາມ່ວນເຄື່ອນໄຫວສະເໜີຕົວຢູ່ບ້ານນາໂດນ

12/02/2026 11:30

ວັນທີ 11 ກຸມພານີ້, ຄະນະຜູ້ສະໝັກຮັບເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ X ເຂດເລືອກຕັ້ງທີ 12 ແຂວງຄໍາມ່ວນຈໍານວນ 14 ທ່ານ ພາຍຫຼັງສໍາເລັດການ ລົງໂຄສະນາຫາສຽງ ເພື່ອສະເໜີຕົວ ຢູ່ທີ່ເຂດເທສະບານ ເມືອງທ່າແຂກແລ້ວ, ມາໃນຕອນບ່າຍຂອງວັນດຽວກັນ ກໍໄດ້ເຄື່ອນໄຫວຢູ່ບັນດາບ້ານຂອງເມືອທ່າແຂກ, ໂດຍໄດ້ແບ່ງເປັນສອງຄະນະຄື: ຄະນະທີ 1 ເຄື່ອນໄຫວຢູ່ບ້ານທ່າງາມ ແລະ ຄະນະທີ 2 ເຄື່ອນໄຫວຢູ່ບ້ານນາໂດນ.

ສະຖາບັນການເງິນຈຸລະພາກ ສຸລິວົງ ມອບອຸປະກອນກິລາໃຫ້ ສະພາປະຊາຊົນ ແຂວງສາລະວັນ

12/02/2026 11:22

ເພື່ອປະກອບສ່ວນຊຸກຍູ້ຂະບວນການກິລາ-ກາຍະກຳ ແລະ ສ້າງບັນຍາກາດຄືກຄື້ນ ໃນການຄໍານັບຮັບຕ້ອນ ການເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະພາປະຊາຊົນ ຂັ້ນແຂວງ ຊຸດທີ V; ໃນວັນທີ 11 ກຸມພາ 2026 ນີ້ ຢູ່ທີ່ສະພາປະຊາຊົນ ແຂວງສາລະວັນ ໄດ້ຈັດພິທີມອບ–ຮັບ ເຄື່ອງອຸປະກອນກິລາ ຈາກ ສະຖາບັນການເງິນຈຸລະພາກ ສຸລິວົງ ທີ່ບໍ່ຮັບເງິນຝາກ ມອບໃຫ້ແກ່ ສະພາປະຊາຊົນ ແຂວງສາລະວັນ ລວມມູນຄ່າ 54 ລ້ານກີບ.

ຜູ້ສະໝັກເລືອກຕັ້ງເປັນ ສສຊ ຊຸດທີ X ແລະ ສສຂ ຫຼວງນໍ້າທາ ຊຸດທີ V ລົງສະເໜີຕົວຫາງສຽງ ຢູ່ທີບ້ານກາງໂພນສິງ

12/02/2026 11:18

ຕອນເຊົ້າວັນທີ 11 ກຸມພາ 2026 ນີ້ ຜູ້ສະໝັກເລືອກຕັ້ງເປັນສະມາຊິກສະພາແຫ່ງຊາດ (ສສຂ) ຊຸດທີ X ແລະ ສະມາຊິກສະພາປະຊາຊົນແຂວງ (ສສຂ) ຫຼວງນໍ້າທາ ຊຸດທີ V ລົງສະເໜີຕົວຫາສຽງ ຢູ່ທີບ້ານກາງໂພນສິງ ເມືອງສິງ ນໍາພາໂດຍທ່ານ ນາງ ອຳໄພວອນ ລອມບູນເເພງ ກໍາມະການສູນກາງພັກ ກຳມະການຄະນະປະຈໍາພັກສະພາເເຫ່ງຊາດ, ຫົວໜ້າຫ້ອງວ່າການສະພາແຫ່ງຊາດ, ພ້ອມດ້ວຍຜູ້ຮັບສະໝັກເລືອກຕັ້ງເປັນສສຊ ຊຸດທີ X ແລະ ສສຂ ຫຼວງນໍ້າທາຊຸດທີ V, ມີຄະນະປະຈໍາພັກເມືອງ, ກຳມະການພັກເມືອງ, ຫົວໜ້າ-ຄະນະສະມາຊິກສະພາປະຊາຊົນເເຂວງປະຈໍາເຂດເລືອກຕັ້ງເມືອງສິງ, ອານຸກໍາມະການໂຄສະນາປຸກລະດົມຂັ້ນເມືອງ, 2 ກອງບັນຊາການ ປກຊ-ປກສ, ພະນັກງານຫຼັກແຫຼ່ງ, ປະທານປົກຄອງຕາເເສງ ແລະ ພໍ່ແມ່ປະຊາຊົນຜູ້ມີສິດປ່ອນບັດເລືອກຕັ້ງເຂົ້າຮ່ວມ.

ຜູ້ສະໝັກຮັບເລືອກຕັ້ງ ສສຊ ແຂວງຈຳປາສັກ ຢ້ຽມຢາມໂຄງການຊົນລະປະທານອ່າງເກັບນ້ຳຫ້ວຍວັງເຫ

12/02/2026 11:16

ວັນທີ 11 ກຸມພາ 2026, ພາຍຫຼັງທີ່ຄະນະຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດ (ສສຊ) ເຂດເລືອກຕັ້ງທີ 15 ແຂວງຈຳປາສັກ, ຄະນະທີ 2 ຈໍານວນ 10 ທ່ານ, ຍິງ 3 ທ່ານ ນໍາໂດຍທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາພັກແຂວງ ປະທານຄະນະກໍາມະເລືອກຕັ້ງຂັ້ນແຂວງ ສໍາເລັດການເຄື່ອນໄຫວພົບປະຜູ້ມີສິດເລືອກຕັ້ງຢູ່ບ້ານໃຫຍ່ຝັ່ງແດງ ເມືອງເມືອງໂພນທອງ ກໍໄດ້ໄດ້ເຄື່ອນໄຫວຢ້ຽມຢາມໂຄງການຊົນລະປະທານອ່າງເກັບນ້ຳຫ້ວຍວັງເຫ ໂດຍການຕ້ອນຮັບຂອງ ທ່ານ ໄກສອນ ຈັນທະສອນ ບໍລິສັດ ສາມັກຄີໄຊກໍ່ສ້າງ ໃຫ້ກຽດຕ້ອນຮັບ.

ຄໍາມ່ວນເຄື່ອນຍ້າຍສະຣິຣະສັງຂານຍາທ່ານໃຫຍ່ ມະຫາ ໜູໄຕ ແກ້ວມະນີໄຊຂຶ້ນສູ່ສາລາໂຮງທັມ ວັດຈອມທອງ

11/02/2026 10:13

ຕອນແລງຂອງວັນທີ 10 ກຸມພາ 2026,ຝ່າຍຄະນະພະເຖຣະນຸເຖຣະນໍາໂດຍພະອາຈານໃຫຍ່ ວັນເພັນ ໄຊຍະສອນ ປະທານອົງການພຸດທະສາສະໜາສໍາພັນລາວ (ອພສ) ແຂວງຄໍາມ່ວນ, ຝ່າຍຄາລະວາດກໍຄືຄະນະການນໍາຂັ້ນສູງຂອງແຂວງຄໍາມ່ວນນໍາໂດຍທ່ານ ໄຊຊະນະ ໂຄດພູທອນ ເລຂາຄະນະບໍລິຫານງານພັກແຂວງຄໍາມ່ວນ,ມີຄະນະນໍາຂອງເມືອງທ່າແຂກ, ອະດີດພະນັກງານການນໍາຂັ້ນຕ່າງໆ, ເຖົ້າແກ່ແນວໂຮມ, ຜູ້ຊົງຄຸນວຸດທິ, ການຈັດຕັ້ງບ້ານຈອມທອງ ແລະ ອອກຕົນຍາດໂຍມຈາກແຫ່ງຕ່າງໆໄດ້ເຂົ້າຮ່ວມ.

ເພີ່ມເຕີມ