 |
ທ່ານ ນາງ ທອງຊ່ຽນ ວົງສະນິດ ຫົວໜ້າຂະແໜງພະຍາດຕິດຕໍ່ທາງເພດສໍາພັນ ໄດ້ນໍາສະເໜີ ສະຖານະການແຜ່ລະບາດຂອງເຮສໄອວີ ໃນ ສປປລາວ ແລະ ພາຍໃນແຂວງໄຊຍະບູລີ ສະພາບລວມກ່ຽວກັບ HIV ໃນ ສປປລາວ ແຕ່ປີ 1990-2025: ພົບຜູ້ຕິດເຊື້ອ ເຮສໄອວີ ໃນກໍລະນີທໍາອີດ ແມ່ນ ປີ 1990. ຊຶ່ງໃນນີ້, ມີຕົວເລກສະສົມແຕ່ປີ 1990-2025 ຈໍານວນແຂວງທີລາຍງານມີ 18 ແຂວງ, ຈໍານວນຕົວຢ່າງເລືອດທີ່ໄດ້ກວດ 1,657,463 ກໍລະນີ ພົບຈໍານວນຜູ້ຕິດເຊື້ອ ເຮສໄອວີ 24,421 ກໍລະນີ, ພົບຈໍານວນຜູ້ເປັນພະຍາດເອດ 7,660 ກໍລະນີ ຄົນທີເສຍຊີວິດຍ້ອນພະຍາດເອດ 6,078 ກໍລະນີ ຈໍານວນຄົນທີ່ຕິດເຊື້ອເຮສໄອວີ ຍັງມີຊີວິດ 18,343 ກໍລະນີ ອັດຕາການຕິດເຊື້ອເຮສໄອວີ ແມ່ນໃນກຸ່ມອາຍຸ 15-49 ປີ. ໃນນັ້ນ, ມີຊາຍຮ່ວມເພດຊາຍ 5% , ສາວບໍລິການ 1%, ຜູ້ທີ່ໃຊ້ສານເສບຕິດກີນ ຫຼື ສັກຢາເຂົ້າເສັ້ນເລືອດ 0,6% ,ສະຖານທີ່ບໍລິການ HIV ຂອງແຂວງໄຊຍະບູລີ ໂຮງໝໍແຂວງໄຊຍະບູລີ (ຈຸດຈ່າຍຢາ POC), ໂຮງໝໍທະຫານແຂວງ, ໂຮງໝໍທະຫານຫອງພົນທີ່ II, ໂຮງໝໍເມືອງພຽງ, ໂຮງໝໍເມືອງປາກລາຍ (ຈຸດຈ່າຍ POC), ໂຮງໝໍເມືອງ ແກ່ນທ້າວ, ໂຮງໝໍເມືອງ ບໍ່ແຕນ, ໂຮງໝໍເມືອງ ທົ່ງມີໄຊ, ໂຮງໝໍເມືອງ ຄອບ, ໂຮງໝໍເມືອງ ຊຽງຮ່ອນ, ໂຮງໝໍເມືອງ ເງິນ, ໂຮງໜໍເມືອງ ຫົງສາ, ໂຮງໝໍເມືອງ ໄຊຊະຖານ. ສະພາບລວມກ່ຽວກັບ HIV/AIDS ໃນແຂວງໄຊຍະບູລີ ແຕ່ປີ 1996-2025,ຜູ້ຕິດເຊື້ອເຮສໄອວີ ກໍລະນີທຳອິດ ປີ 1996 ແລະ ຜູ້ເປັນພະຍາດເອດ ກໍລະນີທຳອິດ ປີ 1997ຕົວເລກສະສົມຂອງຜູ້ຕິດເຊື້ອເຮສໄອວີ ແລະ ເປັນພະຍາດເອດ ປີ 1996-2025 ມີຈຳນວນເມືອງທີ່ລາຍງານ 10 ເມືອງ (13 ແຫ່ງ), ຈຳນວນຕົວຢ່າງເລືອດທີ່ໄດ້ກວດ 52,112 ເທື່ອຄົນ ຍິງ 37,629 ເທື່ອຄົນ, ພົບຜູ້ຕິດເຊື້ອເຮສໄອວີ 570 ຄົນ ຍິງ 230 ຄົນ, ຜູ້ທີ່ເປັນພະຍາດເອດ 161 ຄົນ ຍິງ 60 ຄົນ, ຜູ້ທີ່ຕາຍຍ້ອນພະຍາດເອດ 50 ຄົນ ຍິງ 26 ຄົນ, ຜູ້ທີ່ຕິດເຊື້ອເຮສໄອວີ ແລະ ເປັນພະຍາດເອດຍັງມີຊີວິດ 520 ຄົນ ຍິງ 204 ຄົນ.
ທ່ານ ຄູນສະຫວັນ ດີດາລາວົງ ກໍໄດ້ເຜີຍແຜ່ກົດໝາຍວ່າດ້ວຍການກັນ ແລະ ຄວບຄຸມເຊື້ອເຮສໄອວີ/ພະຍາດເອດ (ສະບັບປັບປຸງ) ພ້ອມທັງມີຄໍາເຫັນເຈາະຈີ້ມ ແລະ ບັນດາທ່ານຜູ້ເຂົ້າຮ່ວມກໍໄດ້ພ້ອມກັນປະກອບຄໍາຄິດຄໍາເຫັນຢ່າງກົງໄປກົງມາ.
(ຂ່າວ-ພາບ: ລັດດາວອນ ແກ້ວໄພທູນ)
ຄໍາເຫັນ