ຢູ່ທີ່ຫ້ອງວ່າການແຂວງວຽງຈັນ ໂດຍການເປັນປະທານຂອງ ທ່ານ ວາລະສິນ ດາລາພອນ ຮອງຫົວໜ້າສາຂາທະນາຄານແຫ່ງ ສປປ ລາວ ພາກເໜືອແຂວງຫຼວງພະບາງ, ມີບັນດາພະແນກການ, ທະນາຄານທຸລະກິດ ແລະ ສະຖາບັນການເງິນອ້ອມຂ້າງແຂວງເຂົ້າຮ່ວມຮັບຟັງ.
ທ່ານ ວາລະສິນ ດາລາພອນ ກ່າວວ່າ: ຈຸດປະສົງຂອງການເຜີຍແຜ່ກົດໝາຍຄັ້ງນີ້, ແນ່ໃສ່ສ້າງຄວາມຮັບຮູ້, ຄວາມເຂົ້າໃຈຢ່າງຖືກຕ້ອງ ແລະ ເປັນເອກະພາບກັນໃນການຈັດຕັ້ງປະຕິບັດ ເພື່ອໃຫ້ມີຄວາມສະດວກໂລ່ງລ່ຽນ ແລະ ມີປະສິດທິຜົນສູງ, ຊຶ່ງເຫດຜົນຂອງການປັບປຸງ ແມ່ນມີບາງມາດຕາບໍ່ທັນສອດຄ່ອງກັບກົດໝາຍຄຸ້ມຄອງເງິນຕາຕ່າງປະເທດສະບັບປັບປຸງ, ບາງເນື້ອໃນບໍ່ທັນແທດເໝາະກັບສະພາບເສດຖະກິດໃນປັດຈຸບັນ ແລະ ມີບາງເນື້ອໃນຍັງບໍ່ທັນລະອຽດ, ຈະແຈ້ງ ແລະ ຄົບຖ້ວນ ຊຶ່ງກົດໝາຍວ່າດ້ວຍທະນາຄານທຸລະກິດສະບັບປັບປຸງມີ 12 ພາກ, 14 ໝວດ, 114 ມາດຕາ. ໃນນັ້ັນ ປັງປຸງ55 ມາດຕາ ແລະ ເພີ່ມໃໝ່ 8 ມາດຕາ, ສຳລັບກົດໝາຍວ່າດ້ວຍລະບົບການຊຳລະສະບັບປັບປຸງມີ 7 ພາກ, 62 ມາດຕາ. ໃນນີ້ ປັບປຸງ 38 ມາດຕາ, ສ້າງໃໝ່ 18 ມາດຕາ ແລະ ຮັກສາເດີມ 6 ມາດຕາ.
ໃນໂອກາດນີ້ບັນດາຜູ້ເຂົ້າຮ່ວມຍັງໄດ້ມີການແລກປ່ຽນຄຳເຫັນເພື່ອຄວາມເຂົ້າໃຈເລິກຊຶ່ງ ແລະ ເປັນເອກະພາບກັນໃນທາງຈັດຕັ້ງປະຕິບັດອີກດ້ວຍ.
ຄໍາເຫັນ