 |
ໂອກາດນີ້, ຜູ້ເຂົ້າຮ່ວມກໍ່ໄດ້ຮັບຟັງຜົນສໍາເລັດກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງ ຊຸດທີ II ຊຶ່ງກອງປະຊຸມໄດ້ພິຈາລະນາເອົາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ 6 ເດືອນຕົ້ນປີ 2025, ພິຈາລະນາຮັບຮອງເອົາ ຜົນການເຄື່ອນໄຫວຂອງພະແນກຍຸຕິທໍາແຂວງ ກ່ຽວກັບການຈັດຕັ້ງປະຕິບັດຄໍາຕັດສິນຂອງສານທີ່ໃຊ້ໄດ້ຢ່າງເດັດຂາດໃນໄລຍະຜ່ານມາ, ກອງປະຊຸມຍັງໄດ້ພິຈາລະນາຮັບຮອງເອົາຜົນການປະເມີນການຈັດຕັ້ງປະຕິບັດຂໍ້ຕົກລົງຂອງເຈົ້າແຂວງຈໍານວນ 3 ສະບັບ, ຂໍ້ຕົກລົງຂອງເຈົ້າແຂວງ ວ່າດ້ວຍການຄຸ້ມຄອງລາຍຮັບ-ລາຍຈ່າຍງົບປະມານຂັ້ນແຂວງ, ຂັ້ນເມືອງ ແລະ ຂັ້ນບ້ານ; ການຄຸ້ມຄອງສິ່ງປຸກສ້າງ ແລະ ເຂດສະຫງວນທາງພາຍໃນເທດສະບານ ແລະ ບັນດາຕົວເມືອງຂອງແຂວງຫຼວງນໍ້າທາ; ການກໍານົດເຂດປະເມີນລາຄາທີ່ດິນແຕ່ລະປະເພດ ຢູ່ແຂວງຫຼວງນໍ້າທາ, ຮັບຮອງເອົາ ບົດລາຍງານການຈັດຕັ້ງປະຕິບັດແຜນການເຄື່ອນໄຫວວຽກງານ ແຕ່ກອງປະຊຸມສະໄໝສາມັນເທື່ອທີ VIII ຫາເທື່ອທີ IX ແລະ ແຜນການຮອດກອງປະຊຸມສະໄໝສາມັນເທື່ອທີ X ຂອງສະພາປະຊາຊົນແຂວງ ພ້ອມນັ້ນ ຍັງໄດ້ເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ IX ກອງປະຊຸມໄດ້ພິຈາລະນາຮັບຮອງເອົາ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2025 ຂອງລັດຖະບານ, ພິຈາລະນາຮັບຮອງເອົາ ການຈັດຕັ້ງປະຕິບັດບັນດານະໂຍບາຍ, ນິຕິກໍາ, ກົນໄກຕ່າງໆ ໃນການພັດທະນາພະລັງງານໄຟຟ້າ, ພິຈາລະນາຮັບຮອງເອົານະໂຍບາຍຊຸກຍູ້ສົ່ງເສີມການກໍ່ສ້າງ ແລະ ສ້ອມແປງທາງໃນໄລຍະໃໝ່, ພິຈາລະນາຮັບຮອງເອົາ ການສະຫຼຸບຕີລາຄາຜົນການໂຄສະນາເຜີຍແຜ່ກົດໝາຍ, ພິຈາລະນາຮັບຮອງເອົາ ການຈັດຕັ້ງປະຕິບັດປີທ່ອງທ່ຽວລາວ ແລະ ທິດທາງແຜນການໃນຕໍ່ໜ້າ, ພິຈາລະນາຮັບຮອງເອົາບົດລາຍງານຂອງສະພາແຫ່ງຊາດໃນການເຄື່ອນໄຫວວຽກງານ ແຕ່ກອງປະຊຸມສະໄໝສາມັນ ເທື່ອທີ 8 ຫາ ເທື່ອທີ່ 9 ແລະ ທິດທາງແຜນການຮອດກອງປະຊຸມສະໄໝສາມັນ ເທື່ອທີ່ 10 ຂອງສະພາແຫ່ງຊາດຊຸດທີ IX. ໃນພິທີຜູ້ເຂົ້າຮ່ວມໄດ້ປະກອບຄໍາຄິດຄໍາເຫັນສະເໜີຕໍ່ສະມາຊິກສະພາປະຊາຊົນແຂວງ ເປັນຕົ້ນແມ່ນ ການປັບປຸງສ້ອມແປງຖະໜົນຫົນທາງ, ການຊ່ວຍເຫຼືອໄພນໍ້າຖ້ວມ, ການແກ້ໄຂລາຄາສິນຄ້າແພງ, ການລົງຊຸກຍູ້ການຜະລິດຂອງຊາວກະສິກອນແຕ່ລະໄລຍະ, ລະບົບໄຟຟ້າເຍືອງທາງ ແລະ ບັນຫາອື່ນໆ ຕື່ມອີກ.
 |
(ຂ່າວ: ຄໍາຕັນ ອຸ່ນຄໍາ)
ຄໍາເຫັນ