ເຂົ້າຮ່ວມພິທີກ່າວໄວ້ອາໄລທ່ານເລຂາທິການໃຫຍ່ ຫງວຽນຝູຈ້ອງ ຢູ່ຫໍຈັດງານສົບແຫ່ງຊາດ ທີ່ນະຄອນຮ່າໂນ້ຍ ມີທ່ານ ໂຕເລິມ ປະທານປະເທດ ຫວຽດນາມ; ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ; ທ່ານ ເຈິ່ນແທັງເໝິນ ປະທານສະພາແຫ່ງຊາດ ຫວຽດນາມ; ພ້ອມດ້ວຍທ່ານ ທອງລຸນ ສີສຸລິດ ເລຂາທິການໃຫຍ່ ປະທານປະເທດລາວ ແລະ ພັນລະຍາ; ສົມເດັດ ຮຸນເຊນ ປະທານພັກປະຊາຊົນ ກຳປູເຈຍ ປະທານສະພາສູງ ກຳປູເຈຍ, ທ່ານ ເອັສເຕບານ ລາໂຊ ເຮີນັນເດຊ ປະທານສະພາແຫ່ງຊາດກູບາ, ຜູ້ຕາງໜ້າບັນດາຄະນະຜູ້ແທນສາກົນ ພ້ອມດ້ວຍປະຊາຊົນຈຳນວນຫຼາຍ.
 |
ເປັນປະທານພິທີກ່າວໄວ້ອາໄລ, ທ່ານ ເລືອງເກືອງ ກຳມະການກົມການເມືອງ ຜູ້ປະຈຳການຄະນະເລຂາສູນກາງພັກ ຫົວໜ້າຄະນະຈັດຕັ້ງພິທີງານສົບ ເນັ້ນໜັກວ່າ: “ໃນຄວາມອາໄລອາວອນຢ່າງສຸດຊຶ້ງຂອງຈຸດເວລາອັນສັກສິດນີ້, ພວກເຮົາເຕົ້າໂຮມກັນຢູ່ທີ່ນີ້ ເພື່ອສົ່ງອຳລາທ່ານເລຂາທິການໃຫຍ່ ຫງວຽນຝູຈ້ອງ ໃຫ້ໄປສູ່ສຸຂະຕິພົບເທີ້ນ”.
ເມື່ອກ່າວບົດສະດຸດີ , ທ່ານ ໂຕເລິມ ກຳມະການກົມການເມືອງ ປະທານປະເທດ ຫົວໜ້າຄະນະງານສົບ ເນັ້ນໜັກວ່າ: “ທ່ານເລຂາທິການໃຫຍ່ ຫງວຽນຝູຈ້ອງ ແມ່ນການນຳຜູ້ດີເລີດພິເສດ, ເປັນແວນແຍງອັນໃສແຈ້ງກ່ຽວກັບການສຶກສາຮ່ຳຮຽນ, ປະຕິບັດຕາມແນວຄິດ, ຄຸນສົມບັດ ໂຮ່ຈິມິນ, ເປັນສະມາຊິກພັກຜູ້ຈົງຮັກພັກດີ, ມີອິດທິພົນຊື່ສຽງຢ່າງຍິ່ງໃຫຍ່ຂອງພັກ, ລັດ ແລະ ປະຊາຊົນ ຫວຽດນາມ, ເປັນຜູ້ທີ່ມີຄົບທຸກຄຸນນະທາດ, ປີຊາສາມາດ, ຈັນຍາບັນ, ພູມປັນຍາຂອງການນຳຫວຽດນາມ ໃນຍຸກສະໄໝປ່ຽນແປງໃໝ່.”
ທ່ານ ໂຕເລິມ ກຳມະການກົມການເມືອງ ປະທານປະເທດ ຫວຽດນາມ ຢັ້ງຢືນວ່າ: ການຈາກໄປຂອງທ່ານເລຂາທິການໃຫຍ່ ຫງວຽນຝູຈ້ອງ ນັ້ນ ແມ່ນການສູນເສຍຢ່າງໃຫຍ່ຫຼວງສຳລັບພັກ, ລັດ ແລະ ປະຊາຊົນ ຫວຽດນາມ, ໂດຍບໍ່ມີຫຍັງສາມາດທົດແທນໄດ້. ປະເທດຊາດສູນເສຍການນຳຜູ້ປີຊາສາມາດ. ຂະບວນການກອມມູນິດກ້າວໜ້າໂລກ ສູນເສຍນັກທິດສະດີທີ່ຫຼັກແຫຼມ. ເພື່ອນມິດສາກົນສູນເສຍໄປເພື່ອນທີ່ນ້ຳໃສໃຈຈິງ, ມິດສະຫາຍທີ່ສະໜິດສະໜົມ, ຄອບຄົວ, ວົງຕະກຸນ, ບ້ານເມືອງເສຍລູກຜູ້ດີເລີດ. ເກືອບ 60 ປີແຫ່ງການເຄື່ອນໄຫວປະຕິວັດ, ທ່ານເລຂາທິການໃຫຍ່ ຫງວຽນຝູຈ້ອງ ດ້ວຍພູມປັນຍາເລິກເຊິ່ງ, ແຫຼມຄົມ, ໄດ້ປະໄວໃຫ້ທົ່ວພັກ, ທົ່ວປວງຊົນ, ທົ່ວກອງທັບ ຫວຽດນາມ ລະບົບແນວຄິດ ແລະ ທິດສະດີທີ່ລ້ຳຄ່າກ່ຽວກັບເສັ້ນທາງປະຕິວັດ ຫວຽດນາມ ໃນຍຸກສະໄໝໃໝ່; ຢືດໝັ້ນນຳໃຊ້ການປະດິດຄິດສ້າງຂອງລັດທິ ມາກ - ເລນິນ, ແນວຄິດ ໂຮ່ຈິມິນ, ດ້ວຍເປົ້າໝາຍສ້າງເອກະລາດຊົນຊາດ ແລະ ລັດທິສັງຄົມນິຍົມ. ມໍລະດົກທີ່ລ້ຳຄ່ານັ້ນໄດ້ປັບປຸງຄວາມໄວ້ເນື້ອເຊື່ອໃຈຢ່າງແຂງແຮງຕໍ່ເສັ້ນທາງກ້າວຂຶ້ນສັງຄົມນິຍົມຂອງ ຫວຽດນາມ, ປະກອບສ່ວນສຳຄັນເຂົ້າໃນການພັດທະນາຂອງຂະບວນການກອມມູນິດໃນໂລກໃນຍຸກສະໄໝປັດຈຸບັນ”.
ທ່ານ ໂຕເລິມ ຢືນຢັນວ່າ: ທົ່ວພັກ, ທົ່ວປວງຊົນ, ທົ່ວກອງທັບໝັ້ນໝາຍວ່າຈະປະຕິບັດຄວາມມຸ່ງຫວັງຂອງທ່ານເລຂາທິການໃຫຍ່, ຈົດຈຳຄຳສັ່ງສອນຕະຫຼອດໄປທີ່ວ່າ: ຖ້າເປັນມະນຸດ, ຈົ່ງເປັນນັກກອມມູນິດ, ຮັບໃຊ້ປະເທດຊາດ, ປະຊາຊຊົນຢ່າງສຸດຈິດສຸດໃຈ.
ພາຍຫຼັງບົດກ່າວສະດຸດີ, ການນຳພັກ, ລັດ, ແຂກສາກົນ, ຄອບຄົວໄດ້ສະຫງວນເວລາໜຶ່ງນາທີ່ເພື່ອກົ້ມຫົວໄວ້ອາໄລເຖິງທ່ານເລຂາທິການໃຫຍ່.
ພາຍຫຼັງກ່າວຄຳຂອບໃຈຂອງຄອບຄົວທ່ານເລຂາທິການໃຫຍ່ ຫງວຽນຝູຈ້ອງ, ໂລງສົບທ່ານເລຂາທິການໃຫຍ່ ຫງວຽນຝູຈ້ອງ ໄດ້ສົ່ງໄປລົດສົ່ງສະການຢູ່ນອກຫໍຈັດງານສົບໃນທ່າມກາງສຽງດຸລິຍະດັ່ງຂຶ້ນ.
 |
ໂລງສົບຂອງທ່ານເລຂາທິການໃຫຍ່ ຫງວຽນຝູຈ້ອງ ໄດ້ສົ່ງໄປຜ່ານຖະໜົນຫຼາຍສາຍຂອງນະຄອນຫຼວງ ເພື່ອໄປເຂດສຸສານ ມາຍຢິກ ນະຄອນ ຮ່າໂນ້ຍ. ພິທີປົງສົບທ່ານເລຂາທິການໃຫຍ່ ຫງວຽນຝູຈ້ອງ ຈັດຂຶ້ນໃນເວລາ 15:00 ໂມງຂອງວັນດຽວກັນ.
ຄໍາເຫັນ