 |
ໂດຍການເຂົ້າຮ່ວມເປັນກຽດຂອງທ່ານ ຄຳພັນ ເຜີຍຍະວົງ ຄະນະເລຂາທິການສູນກາງພັກຫົວໜ້າຄະນະໂຄສະນາອົບ ຮົມສູນກາງພັກ, ພ້ອມດ້ວຍຄອບຄົວ, ທ່ານ ທອງລີ ສີສຸລິດ ກໍາມະການສູນກາງພັກເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ແລະ ຜູ້ມີສິດປ່ອນບັດເລືອກຕັ້ງ ຢູ່ຈຸດປ່ອນບັດເລືອກຕັ້ງດັ່ງກ່່າວໄດ້ອອກມານໍາໃຊ້ສິດ ເພື່ອປ່ອນບັດເລືອກຕັ້ງເອົາ ສສຊ ຊຸດທີ X ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນຊຶ່ງມີຜູ້ສະໝັກຮັບເລືອກຕັ້ງ 25 ທ່ານ ເລືອກເອົາ 19 ທ່ານ ແລະ ປ່ອນບັດເລືອກຕັ້ງເອົາສະມາຊິກສະພາປະຊາຊົນນະຄອນຫຼວງວຽງຈັນ(ສສ ນວ) ຊຸດທີ V ປະຈໍາເຂດເລືອກຕັ້ງເມືອງໄຊເສດຖາຊຶ່ງມີຜູ້ສະໝັກຮັບເລືອກຕັ້ງ 7 ທ່ານ ເລືອກເອົາ 5 ທ່ານ.ບັນຍາກາດການປ່ອນບັດເລືອກຕັ້ງ ສສຊ ຊຸດທີ X ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ ແລະ ສສ ນວ ຊຸດ ທີ V ຢູ່ໜ່ວຍປ່ອນບັດເລືອກຕັ້ງ ບ້ານໂນນສະຫວັນເມືອງໄຊເສດຖານະຄອນຫຼວງວຽງຈັນຄັ້ງນີ້ ເຫັນວ່າມີປະຊາຊົນທີ່ມີສິດປ່ອນບັດເລືອກຕັ້ງໄດ້ມີຄວາມຕື່ນຕົວພາກັນອອກມານໍາໃຊ້ສິດຂອງຕົນເອງຕັ້ງແຕ່ເຊົ້າໆ; ສ່ວນເຈົ້າໜ້າທີ່ແຕ່ລະພາກສ່ວນ ກໍສາມາດປະຕິບັດໜ້າທີ່ໄດ້ດີ, ເຮັດໃຫ້ການປ່ອນບັດມີຄວາມສະດວກ, ເປັນລະບຽບຮຽບຮ້ອຍ ແລະ ມີຄວາມສະຫງົບ-ປອດໄພດີ ຊຶ່ງນໍາພາປ່ອນບັດຂອງ ຂອງທ່ານ ສະໄຫວ ສີຫາລາດ ເລຂາພັກບ້ານ ນາຍບ້ານໂນນສະຫວັນຫົວໜ້າຄະນະຮັບຜິດຊອບໜ່ວຍປ່ອນບັດເລືອກຕັ້ງ, ມີຄະນະຮັບຜິດຊອບ, ຂະແໜງການທີ່ກ່ຽວຂອ້ງ, ການນໍາ-ພັກລັດ ແລະ ປະຊາຊົນເຂົ້າຮ່ວມຊຶ່ງມີຜູ້ມາໃຊ້ສິດປ່ອນບັດເລືອກຕັ້ງ ມີຈຳນວນ 832 ຄົນຍິງ 490 ກວ່າຄົນ.
(ຂ່າວ: ສະຫຍາມ)
ຄໍາເຫັນ