ເພື່ອສົ່ງອອກ; ໃນນີ້, ການຜະລິດກະສິກຳເປັນສິນຄ້າ ເປັນວຽກງານສຳຄັນໜຶ່ງ ແລະ ກໍເປັນແຜນງານທີ 2ໃນ 4 ແຜນງານຫຼັກ ທີ່ກະຊວງກະສິກຳ ແລະ ປ່າໄມ້ (ກປ) ໄດ້ສຸມໃສ່ຈັດຕັ້ງປະຕິບັດ ຊຶ່ງໃນປີ 2024 ຜ່ານມາການຜະລິດກະສິກໍາເປັນສິນຄ້າ ໄດ້ມີຜົນຜະລິດເພີ່ມຂຶ້ນ ບວກກັບການເຈລະຈາເປີດຕະຫຼາດ ເຮັດໃຫ້ການສົ່ງອອກສິນຄ້າກະສິກຳ ແລະ ປ່າໄມ້ ສາມາດລື່ນແຜນການ.
ບົດສະຫຼຸບການຈັດຕັ້ງປະຕິບັດແຜນພັດທະນາກະສິກຳ, ປ່າໄມ້ ແລະ ພັດທະນາຊົນນະບົດ ປະຈໍາປີ 2024 ແລະ ທິດທາງແຜນການ ປີ 2025 ໄດ້ໃຫ້ຮູ້ວ່າ: ຂະແໜງກະສິກໍາແລະປ່າໄມ້ໄດ້ສຸມໃສ່ຜະລິດບັນດາພືດທີ່ໄດ້ຮັບການເຈລະຈາເຕັກນິກເປີດຕະຫຼາດແລ້ວຊຶ່ງສາມາດປະຕິບັດໄດ້719,273ເຮັກຕາ, ລື່ນແຜນການ3.9%ຂອງແຜນການປີ (ແຜນການ692,260ເຮັກຕາ) ຜົນຜະລິດປະມານ11,092,150ໂຕນ, ທຽບໃສ່ໄລຍະດຽວກັນຂອງປີ 2023ຜົນຜະລິດເພີ່ມຂຶ້ນ13.8%;ໃນນັ້ນ,ພືດພົ້ນເດັ່ນແມ່ນສາລີແຂງ103,603ເຮັກຕາຜົນຜະລິດ515,300ໂຕນ, ກາເຟ96,100ເຮັກຕາຜົນຜະລິດ174,900ໂຕນ, ມັນຕົ້ນ295,000ເຮັກຕາຜົນຜະລິດ7.40ລ້ານໂຕນ, ໝາກກ້ວຍ38,892ເຮັກຕາຜົນຜະລິດ901,500ໂຕນ,ໝາກໂມ5,106ເຮັກຕາຜົນຜະລິດ93,600ໂຕນ, ອ້ອຍ33,300ເຮັກຕາຜົນຜະລິດ1.6ລ້ານໂຕນ,ປະເພດຖົ່ວ61,114ເຮັກຕາຜົນຜະລິດ130,700ໂຕນແລະພືດສິນຄ້າອື່ນໆ.
ພ້ອມດຽວກັນນີ້, ການລ້ຽງສັດແລະສັດນໍ້າເປັນສິນຄ້າແບບເປັນກຸ່ມເປັນຟາມໄດ້ມີການຂະຫຍາຍຕົວຊຶ່ງມີຟາມທັງໝົດ2,242 ຟາມມີສັດລ້ຽງ6,591,561ໂຕ;ໃນນັ້ນ, ເປັນຟາມລ້ຽງຄວາຍ41ຟາມມີຄວາຍ2,475ໂຕ, ຟາມລ້ຽງງົວ709ຟາມມີງົວ78,890ໂຕ, ຟາມລ້ຽງໝູ737ຟາມມີໝູ503,695ໂຕ, ຟາມລ້ຽງແບ້/ແກະ89ຟາມມີແບ້11,426ໂຕ, ຟາມລ້ຽງໄກ່ພັນໄຂ່365 ຟາມມີໄກ່ແມ່ໄຂ່2,503,602ໂຕ, ຟາມລ້ຽງໄກ່ພັນຊີ້ນ208ຟາມມີໄກ່3,008,043ໂຕ, ຟາມເປັດພັນໄຂ່68ຟາມມີເປັດແມ່ພັນໄຂ່162,400ໂຕ, ຟາມເປັດຊີ້ນ18ຟາມມີເປັດ56,730ໂຕແລະນົກກະທາມີ7ຟາມມີນົກກະທາ264,300ໂຕ. ຟາມລ້ຽງປາກະຊັງ146 ກະຊັງມີປາ19,500,000ໂຕຕໍ່ຮອບ.
ການເຈລະຈາເຕັກນິກເປີດຕະຫຼາດ ແມ່ນໄດ້ສໍາເລັດການເຈລະຈາເຕັກນິກເປີດຕະຫຼາດກັບບັນດາປະເທດຄູ່ຄ້າໄດ້ທັງໝົດ 67ລາຍການພືດຄື: ສປຈີນ ມີພືດ31 ລາຍການແລະສັດ3ລາຍການ (ງົວ-ຄວາຍ, ລີງຫາງຍາວແລະລີງວອກ); ສສຫວຽດນາມມີ17ລາຍການພືດ; ປະເທດໄທມີ16ລາຍການພືດ; ສໍາລັບການສົ່ງອອກໄປສະຫະພາບເອີຣົບ (EU) ແມ່ນເປີດຮັບທຸກປະເພດສິນຄ້າແຕ່ຕ້ອງປະຕິບັດຕາມເງື່ອນໄຂການນໍາເຂົ້າຂອງສະຫະພາບເອີຣົບ. ບັນດາຕະຫຼາດດັ່ງກ່າວ, ກໍໄດ້ສ້າງເງື່ອນໄຂໃຫ້ແກ່ການສົ່ງອອກສິນຄ້າກະສິກຳ ແລະ ປ່າໄມ້ ຢ່າງແຂງແຮງ ຊຶ່ງໃນປີ 2024 ການສົ່ງອອກສິນຄ້າດັ່ງກ່າວ ປະຕິບັດໄດ້1,466.53ລ້ານກວ່າໂດລາບັນລຸລື່ນແຜນການ22.21% (ແຜນການຕາມສະພາຮັບຮອງ1,200ລ້ານໂດລາ); ໃນນີ້,ການສົ່ງອອກພືດແລະຜະລິດຕະພັນພືດຜ່ານດ່ານກັກກັນພືດສາກົນມີມູນຄ່າທັງໝົດ1,114ລ້ານກວ່າໂດລາບັນລຸລື່ນແຜນການ1.2% (ແຜນການ1,100ລ້ານໂດລາ) ລາຍການພືດທີ່ສົ່ງອອກພົ້ນເດັ່ນກວ່າໝູ່ໄດ້ແກ່ມັນຕົ້ນ, ໝາກກ້ວຍ, ສາລີແຂງ, ອ້ອຍ, ໝາກໂມແລະອື່ນໆ. ພ້ອມນີ້, ກໍສາມາດສົ່ງອອກສັດລ້ຽງໄດ້101.57ລ້ານໂດລາລື່ນແຜນການ1.57% (ແຜນການ100ລ້ານໂດລາ); ສົ່ງອອກໄມ້, ຜະລິດຕະພັນໄມ້, ຢາງພາລາແລະເຄື່ອງປ່າຂອງດົງໄດ້250.94ລ້ານໂດລາ.
ນອກຈາກນີ້, ຂະແໜງກະສິກຳ ແລະ ປ່າໄມ້ ຍັງໄດ້ເອົາໃຈໃສ່ຕິດຕາມການນໍາເຂົ້າພືດແລະຜະລິດຕະພັນພືດແລະຜະລິດຕະພັນໄມ້ຜ່ານດ່ານກັກກັນພືດ,ການນໍາເຂົ້າພືດແລະຜະລິດຕະພັນພືດຜ່ານດ່ານກັກກັນພືດສາກົນຊຶ່ງໃນປີ2024ມີມູນຄ່າ121.06ລ້ານກວ່າໂດລາຖ້າທຽບໃສ່ໃນໄລຍະດຽວກັນຂອງປີ2023ເພີ່ມຂຶ້ນ11.13ລ້ານກວ່າໂດລາເທົ່າກັບ9.1% ຈາກ109.93 ລ້ານກວ່າໂດລາ;ໃນນີ້, ມີສິນຄ້າສົ່ງຜ່ານມີມູນຄ່າ95.7ລ້ານກວ່າໂດລາຊຶ່ງລາຍການສົ່ງຜ່ານສ່ວນຫຼາຍແມ່ນປະເພດໝາກໄມ້ເຊັ່ນ: ຖົ່ວລຽນ, ໝາກມັງຄຸດ, ຜັກພືດອື່ນໆ.ຄຽງຄູ່ກັບການຈັດຕັ້ງຜັນຂະຫຍາຍແຈ້ງການ1115/ສຫນຍ, ວັນທີ7 ມິຖຸນາ2024ແລະແຈ້ງການ3171/ກປ, ວັນທີ20ກໍລະກົດ2024ກ່ຽວກັບການເພີ່ມທະວີປະຕິບັດມາດຕະການເກືອດຫ້າມການນໍາເຂົ້າສິນຄ້າກະສິກໍາທີ່ສາມາດຜະລິດໄດ້ພາຍໃນຢູ່ບັນດາດ່ານທ້ອງຖິ່ນແລະດ່ານປະເພນີສາມາດຫຼຸດຜ່ອນການນໍາເຂົ້າສະເພາະໝວດເຂົ້າ, ພືດຜັກແລະໝາກໄມ້ມີມູນຄ່າ1.02ລ້ານກວ່າໂດລາເທົ່າກັບ7%ຖ້າທຽບໃນໄລຍະດຽວກັນຂອງປີ2023.
ທັງໝົດນັ້ນ, ເປັນຜົນງານອັນສຳຄັນ ທີ່ສະແດງໃຫ້ເຫັນທ່າອ່ຽງທີ່ດີຂຶ້ນ ຂອງວຽກງານການຜະລິດກະສິກຳເປັນສິນຄ້າ ປະກອບສ່ວນໃນການຈັດຕັ້ງປະຕິບັດວຽກງານຈຸດສຸມຂອງຂະແໜງກະສິກຳ ແລະ ປ່າໄມ້ ໃນການຈັດຕັ້ງຜັນຂະຫຍາຍ ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ໂດຍສະເພາະບັນຫາທີ່ຕິດພັນກັບຂະແໜງກະສິກຳ ແລະ ປ່າໄມ້ ໃຫ້ໄດ້ມີຄວາມຄືບໜ້າດີຂຶ້ນເລື້ອຍໆ ຊຶ່ງທ່າອ່ຽງທີ່ດີຂຶ້ນນີ້ ແມ່ນສົ່ງຜົນດີໃຫ້ແກ່ ສປປ ລາວ ທີ່ຊ່ວຍໜຸນໃນການແກ້ໄຂບັນຫາຫຍຸ້ງຍາກ.
ຄໍາເຫັນ