ກ່ຽວກັບຜົນສໍາເລັດ ຂອງການດໍາເນີນ ກອງປະຊຸມຄັ້ງປະຖົມມະລຶກ ຂອງສະພາປະຊາຊົນ ແຂວງຄໍາມ່ວນ ຊຸດທີ V, ຊຶ່ງທ່ານໄດ້ກ່າວວ່າ: ກອງປະຊຸມຄັ້ງປະຖົມມະລຶກ ຂອງສະພາປະຊາຊົນແຂວງຄໍາມ່ວນ ຊຸດທີ V ໄດ້ໄຂຂຶ້ນໃນວັນທີ 28 ເມສາ 2026 ແລະ ອັດລົງໃນວັນທີ 29 ເມສາ 2026 ຊຶ່ງໄດ້ດໍາເນີນເປັນເວລາ 2 ວັນເຕັມ ຢູ່ທີ່ສະໂມສອນໃຫຍ່ 21 ມີນາ ຂອງແຂວງ, ພາຍໃຕ້ການເປັນປະທານ ຂອງທ່ານ ບຸນມີ ພິມມະສອນ ປະທານສະພາປະຊາຊົນແຂວງຄໍາມ່ວນ ຊຸດທີ IV ແລະ ທ່ານ ໄຊຊະນະ ໂຄດພູທອນ ປະທານສະພາປະຊາຊົນແຂວງຄໍາມ່ວນ ຊຸດທີ V.
ຕະຫຼອດໄລຍະການດໍາເນີນກອງປະຊຸມ, ບັນດາທ່ານ ສະມາຊິກສະພາປະຊາຊົນຂັ້ນແຂວງ ໄດ້ສຸມທຸກເຫື່ອແຮງສະຕິປັນຍາ ເຂົົ້າໃສ່ການຄົົ້ນຄວ້າປະກອບຄໍາຄິດ ຄໍາເຫັນ ຢ່າງຖີ່ຖວ້ນ ກົງໄປ-ກົງມາ ຕໍ່ບັນດາເນື້ອໃນ ທີ່ໄດ້ນໍາມາ ພິຈາລະນາ ຢູ່ໃນກອງປະຊຸມ ແລະ ໄດ້ພິຈາລະນາ, ຮັບຮອງເອົາບັນຫາສໍາຄັນພື້ນຖານ ຂອງແຂວງ ຕາມພາລະບົດບາດ, ສິດ ແລະ ໜ້າທີ່ ຂອງສະພາປະຊາຊົນຂັ້ນແຂວງ ທີ່ກໍານົດໄວ້ໃນລັດຖະທໍາມະນູນ ແລະ ກົດໝາຍ ໄດ້ຮັບຜົນສໍາເລັດຕາມຄາດໝາຍທີື່ວາງໄວ້.
ກອງປະຊຸມ ໄດ້ຊົມເຊີຍ ແລະ ຮັບຮອງເອົາຜົນສໍາເລັດ ຂອງການເລືອກຕັ້ງ ແລະ ຢັ້ງຢືນຄຸນລັກສະນະ ຂອງສະມາຊິກສະພາແຫ່ງຊາດ ຊຸດທີ X ປະຈໍາເຂດເລືອກຕັ້ງທີ 12 ແຂວງຄໍາມ່ວນ ແລະ ສະມາຊິກສະພາປະຊາຊົນແຂວງຄໍາມ່ວນ ຊຸດທີ V. ກອງປະຊຸມໄດ້ດໍາເນີນການເລືອກຕັ້ງ, ຮັບຮອງເອົາການແຕ່ງຕັ້ງ ແລະ ການສະເໜີແຕ່ງຕັ້ງ ບຸກຄະລາກອນ ນໍາພາຄຸ້ມຄອງ ຂອງອົງການລັດຂັ້ນແຂວງ ເປັນຕົ້ນແມ່ນ: ການເລືອກຕັ້ງ ປະທານສະພາປະຊາຊົນຂັ້ນແຂວງ, ຮອງປະທານສະພາປະຊາຊົນຂັ້ນແຂວງ, ຄະນະກໍາມະການ ຄະນະປະຈໍາ ສະພາປະຊາຊົນຂັ້ນແຂວງ, ຮັບຮອງເອົາ ການແຕ່ງຕັ້ງ ປະທານຄະນະກໍາມະການ, ຫົວໜ້າຫ້ອງວ່າການສະພາປະຊາຊົນຂັ້ນແຂວງ, ຮັບຮອງເອົາ ການສະເໜີແຕ່ງຕັ້ງ ປະທານອົງການກວດກາລັດຂັ້ນແຂວງ-ຫົວໜ້າອົງການຕ້ານການສໍ້ລາດບັງຫຼວງຂັ້ນແຂວງ ແລະ ຫົວໜ້າຫ້ອງການ ຄະນະກໍາມະການສົ່ງເສີມ ແລະ ຄຸ້ມຄອງການລົງທຶນແຂວງ.
ຜົນສໍາເລັດທີ່ສໍາຄັນໃນການດໍາເນີນກອງປະຊຸມຄັ້ງນີ້, ກອງປະຊຸມໄດ້ຄົ້ນຄວ້າ, ພິຈາລະນາ ແລະ ຮັບຮອງເອົາບັນຫາສໍາຄັນພື້ນຖານ ຂອງແຂວງ ແລະ ໄດ້ອອກເປັນ ມະຕິ ກອງປະຊຸມສະພາປະຊາຊົນ ແຂວງຄໍາມ່ວນ ຊຸດທີ່ V ຈໍານວນ 12 ສະບັບ ດັ່ງນີົ້: 1. ມະຕິ ວ່າດ້ວຍການຮັບຮອງເອົາການເລືອກຕັ້ງປະທານສະພາປະຊາຊົນແຂວງຄຳມ່ວນ; 2. ມະຕິ ວ່າດ້ວຍການຮັບຮອງເອົາການເລືອກຕັ້ງຮອງປະທານສະພາປະຊາຊົນແຂວງຄຳມ່ວນ ແລະ ກຳມະການຄະນະປະຈຳສະພາປະຊາຊົນແຂວງຄຳມ່ວນ; 3. ມະຕິ ວ່າດ້ວຍການຮັບຮອງເອົາກົງຈັກການຈັດຕັ້ງ ຂອງສະພາປະຊາຊົນແຂວງຄຳມ່ວນ, ການແຕ່ງຕັ້ງປະທານ ຄະນະກຳມະການ, ຫົວໜ້າຫ້ອງວ່າການສະພາປະຊາຊົນແຂວງຄຳມ່ວນ; 4. ມະຕິ ວ່າດ້ວຍການຮັບຮອງເອົາການແຕ່ງຕັ້ງປະທານອົງການກວດກາລັດຂັ້ນແຂວງ; 5. ມະຕິ ວ່າດ້ວຍການຮັບຮອງເອົາການສະເໜີແຕ່ງຕັ້ງຫົວໜ້າຫ້ອງການສົ່ງເສີມ ແລະ ຄຸ້ມຄອງການລົງທຶນແຂວງ ຊຶ່ງແມ່ນກໍາມະການ ຂອງຄະນະກຳມະການປົກຄອງແຂວງ; 6. ມະຕິ ວ່າດ້ວຍການຮັບຮອງ ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ແລະ ແຜນພັດທະນາຊົນນະບົດ ແລະ ລົບລ້າງຄວາມທຸກຍາກ 5 ປີ (2026-2030) ຂອງແຂວງ; 7. ມະຕິ ວ່າດ້ວຍການຮັບຮອງເອົາແຜນການເຄື່ອນໄຫວວຽກງານ 5 ປີ (2026-2030) ຂອງອົງການກວດສອບປະຈຳພາກກາງ 2; 8. ມະຕິ ວ່າດ້ວຍການຮັບຮອງເອົາແຜນການເຄື່ອນໄຫວວຽກງານ 5 ປີ (2026-2030) ຂອງອົງການກວດກາລັດຂັ້ນແຂວງ; 9. ມະຕິ ວ່າດ້ວຍການຮັບຮອງເອົາແຜນການເຄື່ອນ ໄຫວວຽກງານ 5 ປີ (2026-2030) ຂອງອົງການໄອຍະການປະຊາຊົນແຂວງ; 10. ມະຕິ ວ່າດ້ວຍການຮັບຮອງເອົາແຜນການເຄື່ອນໄຫວວຽກງານ 5 ປີ (2026-2030) ຂອງສານປະຊາຊົນແຂວງ; 11. ມະຕິ ວ່າດ້ວຍການຮັບຮອງເອົາແຜນການເຄື່ອນໄຫວວຽກງານ 5 ປີ (2026-2030) ຂອງສະພາປະຊາຊົນແຂວງຄຳມ່ວນ ຊຸດທີ V; 12. ມະຕິ ວ່າດ້ວຍການຮັບຮອງເອົາແຜນການສ້າງ, ປັບປຸງ ແລະ ປະເມີນ ນິຕິກຳໃຕ້ກົດໝາຍ 5 ປີ (2026-2030) ຂອງແຂວງ.
(ແຫຼ່ງຂ່າວ: ແຂວງຄໍາມ່ວນ)
ຄໍາເຫັນ