ໂດຍ: ບຸນທີ
ການເພາະພັນລູກໝູນ້ອຍຂາຍໃນປັດຈຸບັນ ເປັນອີກທາງເລືອກໜຶ່ງສຳລັບຜູ້ທີ່ເຄີຍລ້ຽງໝູຂາຍເພາະມີລາຍຮັບສູງກວ່າການລ້ຽງໝູໃຫ້ໃຫຍ່ແລ້ວຂາຍອອກ, ອີກດ້ານໜຶ່ງໃນຊຸມປີຜ່ານມານີ້ ປະຊາຊົນລາວໄດ້ລ້ຽງໝູຂາຍຢ່າງແຜ່ຫຼາຍເນື່ອງຈາກເຫັນວ່າເປັນອີກອາຊີບໜຶ່ງທີ່ສ້າງລາຍຮັບເຂົ້າຄອບຄົວ, ໃນຂະນະດຽວກັນການຈໍາກັດການນໍາເຂົ້າໝູຈາກຕ່າງປະເທດ ໄດ້ເຮັດໃຫ້ຜູ້ປະກອບການລ້ຽງໝູຢູ່ພາຍໃນປະເທດຜ່ອນຄາຍຄວາມກັງວົນເລື່ອງຕະຫຼາດຈຳໜ່າຍ, ດັ່ງນັ້ນເມື່ອແນມເຫັນໂອກາດດັ່ງກ່າວຫຼາຍຄອບຄົວຈຶ່ງຫັນມາເພາະພັນໝູນ້ອຍຂາຍ, ດັ່ງຄອບຄົວຂອງປ້າມ່ວນ ຜຸຍແກ້ວ ອາຍຸ 58 ປີ ປະຊາຊົນບ້ານໜອງບົວພີ່ນ້ອງ ເມືອງພຽງ ແຂວງໄຊຍະບູລີ ທີ່ຫັນປ່ຽນຈາກການລ້ຽງໝູຂາຍພຽງຢ່າງດຽວມາເພາະພັນໝູນ້ອຍຂາຍຈົນມີລາຍຮັບ 200-300ລ້ານກີບຕໍ່ປີ.
ປ້າມ່ວນ ຜຸຍແກ້ວເລົ່າສູ່ຟັງວ່າ: ພາຍໃນຄອບຄົວຢູ່ຮ່ວມກັນພຽງຜົວກັບເມຍ, ສ່ວນລູກໆ ໄດ້ສ້າງຄອບຄົວແລະ ອອກຈາກເຮືອນແລ້ວ, ໃນເມື່ອກ່ອນຄອບຄົວຂອງປ້າຢຶດຖືອາຊີບເຮັດນາແລະລ້ຽງໝູຂຸນຂາຍໂດຍເລີ່ມໃນປີ 2015 ເປັນຕົ້ນມາໄລຍະນັ້ນມີໝູທັງໝົດພາຍໃນຟາມ 100 ກວ່າໂຕ ລ້ຽງ 6 ເດືອນແລ້ວຂາຍອອກຊຶ່ງໃນໄລຍະນັ້ນໝູກໍບໍ່ໄດ້ລາຄາດີເຮັດໃຫ້ລາຍຮັບບໍ່ສູງຍ້ອນແນວນັ້ນ, ຄອບຄົວຂອງຂ້າພະເຈົ້າຈຶ່ງໄດ້ປຶກສາກັນຊອກຫາທາງອອກໂດຍການຫັນຈາກການລ້ຽງໝູຂຸນມາລ້ຽງພໍ່ແມ່ພັນໝູເພື່ອເພາະພັນລູກໝູນ້ອຍຂາຍ ເລີ່ມໃນປີ 2020 ເປັນຕົ້ນມາ ຊຶ່ງໄດ້ລົງທຶນເບື້ອງຕົ້ນຊື້ແມ່ພັນ 6 ໂຕ, ພໍ່ພັນ 1 ໂຕ ລົງທຶນທັງໝົດ 70 ລ້ານກີບ, ປັບປຸງຄອກໃໝ່ຂະໜາດ 10x40 ແມັດ ການໃຫ້ອາຫານແມ່ນຮໍາ, ເຂົ້າປຽນປະສົມຫົວອາຫານໝູໃຫ້ກິນ 2 ຄາບເຊົ້າ ແລະ ແລງ, ສ່ວນນໍ້າແມ່ນບໍ່ໃຫ້ຂາດ ຕໍ່ກ໊ອກເຂົ້າໃນຄອກເລີຍ, ລ້ຽງໄດ້ 6 ເດືອນ ໝູແມ່ແຕ່ລະໂຕ ກໍຈະເກີດລູກໂດຍເຮົາຈະແຍກແຕ່ລະແມ່ອອກຈາກກັນມາໄວ້ຄອກເຫຼັກ, ເປັນຫ້ອງໃຜຫ້ອງມັນເພື່ອຮັບປະກັນການຕາຍຂອງລູກໝູນ້ອຍ ແຕ່ລະແມ່ເກີດລູກສະເລ່ຍບໍ່ຫຼຸດ 13 ໂຕ ຂຶ້ນໄປ, ຫຼັງຈາກໝູອອກລູກແລ້ວປ່ອຍໃຫ້ໝູນ້ອຍຢູ່ນໍາແມ່ໄດ້ 1 ເດືອນ ຈາກນັ້ນຈຶ່ງເອົາອອກຈາກແມ່ມາລ້ຽງໄວ້ 15 ວັນ ແລ້ວສົ່ງອອກຂາຍໃນລາຄາ1,5 ລ້ານກີບຕໍ່ໜຶ່ງໂຕ, ປີໜຶ່ງແຕ່ລະແມ່ເກີດສອງຊຸດ ປັດຈຸບັນ ພໍ່,ແມ່ພັນຢູ່ໃນຟາມຂອງຄອບຄົວຂ້າພະເຈົ້າມີທັງໝົດ 20 ກວ່າໂຕ ສະເລ່ຍ ມີລາຍຮັບເຂົ້າຄອບຄົວບໍ່ຕໍ່າກວ່າ 200-300 ລ້ານກີບຕໍ່ປີຈາກການຂາຍລູກໝູນ້ອຍ.
ຄອບຄົວຂອງປ້າຍັງໃຫ້ຮູ້ຕື່ມວ່າ: ໃນຕໍ່ໜ້ານີ້ ເພື່ອຕອບສະໜອງຕາມຄວາມຕ້ອງການຂອງລູກຄ້າທີ່ຢາກໄດ້ໝູນ້ອຍໄປລ້ຽງຈະໄດ້ສັ່ງຊື້ໝູແມ່ພັນ ແລະຈະລ້ຽງທອມເອົາລູກໝູທີ່ເກີດຢູ່ໃນຟາມ ໂຕທີ່ແຂງແຮງດີ ແລະ ງາມໃນຈໍານວນທັງໝົດ 10 ໂຕ ເພື່ອມາເສີມໃນຟາມໃຫ້ມີແມ່ພັນ30-40 ໂຕ.
ຈາກຄວາມມຸ່ງຫວັງຕັ້ງໃຈຂອງຄອບຄົວຂ້າພະເຈົ້າໃນການສ້າງຟາມເພາະພັນໝູຂາຍເຮັດໃຫ້ຄອບຄົວມີລາຍຮັບປີໜຶ່ງ 200-300 ລ້ານກີບ. ຖ້າຫາກວ່າລວມລາຍຮັບຈາກການສີເຂົ້າຂາຍ ເຂົ້ານາ ແລະ ອື່ນໆ ແລ້ວປີໜຶ່ງຈະມີລາຍຮັບທັງໝົດ 400 ລ້ານກີບ,ປັດຈຸບັນໃນຄອບຄົວມີພາຫະນະຮັບໃຊ້, ມີມີເງິນແຮໄວ້ໃຊ້ຈ່າຍໃນຍາມຈໍາເປັນ, ສິ່ງສໍາຄັນຄອບຄົວຂອງຂ້າພະເຈົ້າໄດ້ຮັບຮອງເປັນຄອບຄົວຕົວແບບໃນການເພາະພັນລູກໝູນ້ອຍຂາຍຂອງເມືອງພຽງ ແຂວງໄຊຍະບູລີ.
ການເພາະພັນລູກໝູນ້ອຍຂາຍໃນປັດຈຸບັນ ເປັນອີກທາງເລືອກໜຶ່ງສຳລັບຜູ້ທີ່ເຄີຍລ້ຽງໝູຂາຍເພາະມີລາຍຮັບສູງກວ່າການລ້ຽງໝູໃຫ້ໃຫຍ່ແລ້ວຂາຍອອກ, ອີກດ້ານໜຶ່ງໃນຊຸມປີຜ່ານມານີ້ ປະຊາຊົນລາວໄດ້ລ້ຽງໝູຂາຍຢ່າງແຜ່ຫຼາຍເນື່ອງຈາກເຫັນວ່າເປັນອີກອາຊີບໜຶ່ງທີ່ສ້າງລາຍຮັບເຂົ້າຄອບຄົວ, ໃນຂະນະດຽວກັນການຈໍາກັດການນໍາເຂົ້າໝູຈາກຕ່າງປະເທດ ໄດ້ເຮັດໃຫ້ຜູ້ປະກອບການລ້ຽງໝູຢູ່ພາຍໃນປະເທດຜ່ອນຄາຍຄວາມກັງວົນເລື່ອງຕະຫຼາດຈຳໜ່າຍ, ດັ່ງນັ້ນເມື່ອແນມເຫັນໂອກາດດັ່ງກ່າວຫຼາຍຄອບຄົວຈຶ່ງຫັນມາເພາະພັນໝູນ້ອຍຂາຍ, ດັ່ງຄອບຄົວຂອງປ້າມ່ວນ ຜຸຍແກ້ວ ອາຍຸ 58 ປີ ປະຊາຊົນບ້ານໜອງບົວພີ່ນ້ອງ ເມືອງພຽງ ແຂວງໄຊຍະບູລີ ທີ່ຫັນປ່ຽນຈາກການລ້ຽງໝູຂາຍພຽງຢ່າງດຽວມາເພາະພັນໝູນ້ອຍຂາຍຈົນມີລາຍຮັບ 200-300ລ້ານກີບຕໍ່ປີ.
ປ້າມ່ວນ ຜຸຍແກ້ວເລົ່າສູ່ຟັງວ່າ: ພາຍໃນຄອບຄົວຢູ່ຮ່ວມກັນພຽງຜົວກັບເມຍ, ສ່ວນລູກໆ ໄດ້ສ້າງຄອບຄົວແລະ ອອກຈາກເຮືອນແລ້ວ, ໃນເມື່ອກ່ອນຄອບຄົວຂອງປ້າຢຶດຖືອາຊີບເຮັດນາແລະລ້ຽງໝູຂຸນຂາຍໂດຍເລີ່ມໃນປີ 2015 ເປັນຕົ້ນມາໄລຍະນັ້ນມີໝູທັງໝົດພາຍໃນຟາມ 100 ກວ່າໂຕ ລ້ຽງ 6 ເດືອນແລ້ວຂາຍອອກຊຶ່ງໃນໄລຍະນັ້ນໝູກໍບໍ່ໄດ້ລາຄາດີເຮັດໃຫ້ລາຍຮັບບໍ່ສູງຍ້ອນແນວນັ້ນ, ຄອບຄົວຂອງຂ້າພະເຈົ້າຈຶ່ງໄດ້ປຶກສາກັນຊອກຫາທາງອອກໂດຍການຫັນຈາກການລ້ຽງໝູຂຸນມາລ້ຽງພໍ່ແມ່ພັນໝູເພື່ອເພາະພັນລູກໝູນ້ອຍຂາຍ ເລີ່ມໃນປີ 2020 ເປັນຕົ້ນມາ ຊຶ່ງໄດ້ລົງທຶນເບື້ອງຕົ້ນຊື້ແມ່ພັນ 6 ໂຕ, ພໍ່ພັນ 1 ໂຕ ລົງທຶນທັງໝົດ 70 ລ້ານກີບ, ປັບປຸງຄອກໃໝ່ຂະໜາດ 10x40 ແມັດ ການໃຫ້ອາຫານແມ່ນຮໍາ, ເຂົ້າປຽນປະສົມຫົວອາຫານໝູໃຫ້ກິນ 2 ຄາບເຊົ້າ ແລະ ແລງ, ສ່ວນນໍ້າແມ່ນບໍ່ໃຫ້ຂາດ ຕໍ່ກ໊ອກເຂົ້າໃນຄອກເລີຍ, ລ້ຽງໄດ້ 6 ເດືອນ ໝູແມ່ແຕ່ລະໂຕ ກໍຈະເກີດລູກໂດຍເຮົາຈະແຍກແຕ່ລະແມ່ອອກຈາກກັນມາໄວ້ຄອກເຫຼັກ, ເປັນຫ້ອງໃຜຫ້ອງມັນເພື່ອຮັບປະກັນການຕາຍຂອງລູກໝູນ້ອຍ ແຕ່ລະແມ່ເກີດລູກສະເລ່ຍບໍ່ຫຼຸດ 13 ໂຕ ຂຶ້ນໄປ, ຫຼັງຈາກໝູອອກລູກແລ້ວປ່ອຍໃຫ້ໝູນ້ອຍຢູ່ນໍາແມ່ໄດ້ 1 ເດືອນ ຈາກນັ້ນຈຶ່ງເອົາອອກຈາກແມ່ມາລ້ຽງໄວ້ 15 ວັນ ແລ້ວສົ່ງອອກຂາຍໃນລາຄາ1,5 ລ້ານກີບຕໍ່ໜຶ່ງໂຕ, ປີໜຶ່ງແຕ່ລະແມ່ເກີດສອງຊຸດ ປັດຈຸບັນ ພໍ່,ແມ່ພັນຢູ່ໃນຟາມຂອງຄອບຄົວຂ້າພະເຈົ້າມີທັງໝົດ 20 ກວ່າໂຕ ສະເລ່ຍ ມີລາຍຮັບເຂົ້າຄອບຄົວບໍ່ຕໍ່າກວ່າ 200-300 ລ້ານກີບຕໍ່ປີຈາກການຂາຍລູກໝູນ້ອຍ.
ຄອບຄົວຂອງປ້າຍັງໃຫ້ຮູ້ຕື່ມວ່າ: ໃນຕໍ່ໜ້ານີ້ ເພື່ອຕອບສະໜອງຕາມຄວາມຕ້ອງການຂອງລູກຄ້າທີ່ຢາກໄດ້ໝູນ້ອຍໄປລ້ຽງຈະໄດ້ສັ່ງຊື້ໝູແມ່ພັນ ແລະຈະລ້ຽງທອມເອົາລູກໝູທີ່ເກີດຢູ່ໃນຟາມ ໂຕທີ່ແຂງແຮງດີ ແລະ ງາມໃນຈໍານວນທັງໝົດ 10 ໂຕ ເພື່ອມາເສີມໃນຟາມໃຫ້ມີແມ່ພັນ30-40 ໂຕ.
ຈາກຄວາມມຸ່ງຫວັງຕັ້ງໃຈຂອງຄອບຄົວຂ້າພະເຈົ້າໃນການສ້າງຟາມເພາະພັນໝູຂາຍເຮັດໃຫ້ຄອບຄົວມີລາຍຮັບປີໜຶ່ງ 200-300 ລ້ານກີບ. ຖ້າຫາກວ່າລວມລາຍຮັບຈາກການສີເຂົ້າຂາຍ ເຂົ້ານາ ແລະ ອື່ນໆ ແລ້ວປີໜຶ່ງຈະມີລາຍຮັບທັງໝົດ 400 ລ້ານກີບ,ປັດຈຸບັນໃນຄອບຄົວມີພາຫະນະຮັບໃຊ້, ມີມີເງິນແຮໄວ້ໃຊ້ຈ່າຍໃນຍາມຈໍາເປັນ, ສິ່ງສໍາຄັນຄອບຄົວຂອງຂ້າພະເຈົ້າໄດ້ຮັບຮອງເປັນຄອບຄົວຕົວແບບໃນການເພາະພັນລູກໝູນ້ອຍຂາຍຂອງເມືອງພຽງ ແຂວງໄຊຍະບູລີ.
ຄໍາເຫັນ