ຜູ້ມີສິດເລືອກຕັ້ງກວ່າ 93% ໄປປ່ອນບັດເລືອກຕັ້ງສະມາຊິກສະພາແຫ່ງຊາດ

13:18 16/03/2026

ວິທະຍຸກະຈາຍສຽງຫວຽດນາມລາຍງານວ່າ: ຕາມຂໍ້ມູນຈາກສະພາເລືອກຕັ້ງແຫ່ງຊາດ, ໄລ່ມາຮອດເວລາ 16:00 ໂມງຂອງວັນທີ 15 ມີນາ ຜ່ານມາ ຍອດຈຳນວນຜູ້ມີສິດເລືອກຕັ້ງທັງໝົດໄປປ່ອນບັດເລືອກຕັ້ງສະມາຊິກສະພາແຫ່ງຊາດຊຸດທີ XVI ແລະ ສະມາຊິກສະພາປະຊາຊົນທຸກຂັ້ນ ອາຍຸການ 2026 – 2031 ແມ່ນ 71.3 ລ້ານກວ່າຄົນ (ບັນລຸລະດັບ 93%). ໃນນັ້ນມີ 5/34 ແຂວງ, ນະຄອນມີອັດຕາຜູ້ມີສິດເລືອກຕັ້ງບັນລຸເກືອບ 100%, ລວມມີ ຕວຽນກວາງ, ລາວກາຍ, ລ້າງເຊີນ, ດຽນບຽນ, ລາຍເຈົາ.

ຂ່າວລະບຸວ່າ: ໄລ່ມາຮອດເວລາ 16:00 ໂມງຂອງວັນທີ 15 ມີນາ ຜ່ານມາ, ມີ 5,200 ຂ່າວກວ່າ ແລະ ບົດໄດ້ເອົາລົງບັນດາໜັງສືພິມ, ວາລະສານ, ຖານຂໍ້ມູນ, ສື່ເອເລັກໂຕຣນິກພາຍໃນປະເທດ ກ່ຽວກັບການເລືອກຕັ້ງ. ມີຫຼາຍອົງການສື່ມວນຊົນສາກົນມີຄວາມເອົາໃຈໃສ່ລົງຂ່າວກ່ຽວກັບວັນເລືອຕກັ້ງຂອງ ຫວຽດນາມຄື: Reuters (ອັງກິດ), Bloomberg (ອາເມຣິກາ), AP News (ອາເມຣິກາ), ABC News (ອົສຕຣາລີ).

ຕາມຂໍ້ກຳນົດແລ້ວ, ການເລືອກຕັ້ງສະມາຊິກສະພາແຫ່ງຊາດຊຸດທີ XVI ແລະ ສະມາຊິກສະພາປະຊາຊົນທຸກຂັ້ນອາຍຸການ 2026 – 2031 ສິ້ນສຸດລົງໃນຕອນເວລາ 19:00 ໂມງຂອງວັນທີ 15 ມີນາ ຍົກເວັ້ນກໍລະນີແກ່ຍາວເວລາຕາມຂໍ້ກຳນົດແຕ່ບໍ່ເກີນ 21:00 ໂມງ.

ຄໍາເຫັນ

ຂ່າວຕ່າງປະເທດ

ສີລັງກາໃຊ້ລະບົບລະຫັດ QR ເພື່ອຈ່າຍນໍ້າມັນເຊື້ອໄຟ

16/03/2026 13:30

ຂ່າວຕ່າງປະເທດລາຍງານ ໃນວັນທີ 15 ມີນາ ຜ່ານມາວ່າ: ກະຊວງພະລັງງານສີລັງກາ ລາຍງານວ່າ, ສີລັງກາ ໄດ້ເລີ່ມຈຳໜ່າຍນໍ້າມັນເຊື້ອໄຟໃຫ້ແກ່ຍານພາຫະນະຜ່ານລະບົບລະຫັດ QR ແລະສະຖານີນໍ້າມັນເຊື້ອໄຟຈະບໍ່ຈຳໜ່າຍນໍ້າມັນເຊື້ອໄຟໃຫ້ແກ່ຍານພາຫະນະທີ່ບໍ່ມີລະຫັດ QR. ມາດຕະການນີ້ເພື່ອຄຸ້ມຄອງຄັງສຳຮອງນໍ້າມັນເຊື້ອໄຟຂອງປະເທດ ທ່າມກາງການສະໜອງທີ່ຢຸດສະງັກຈາກສະຖານະການຄວາມຂັດແຍ່ງໃນຕາເວັນອອກກາງ.

ອັດຕາຄວາມທຸກຍາກຂອງຣັດເຊຍ ປີ 2025 ຫຼຸດລົງເຫຼືອ 6.7%

16/03/2026 13:29

ຂ່າວຕ່າງປະເທດລາຍງານໃນທ້າຍອາທິດຜ່ານມາວ່າ: ທ່ານ ທັດຍານາ ໂກລິໂກວາ ຮອງນາຍົກລັດຖະມົນຕີຣັດເຊຍ ໄດ້ເປີດເຜີຍວ່າ, ອັດຕາຄວາມທຸກຍາກຂອງຣັດເຊຍຫຼຸດລົງເຫຼືອ 6.7% ໃນປີ 2025, ຫຼຸດລົງ 0.4 ຈຸດ ຈາກປີກ່ອນ.

ສປຊ ຮັບຮອງເອົາຂອບສະຖິຕິຄວາມສ່ຽງ ແລະ ຜົນກະທົບຈາກໄພທຳມະຊາດ

16/03/2026 13:26

ວິທະຍຸກະຈາຍສຽງຫວຽດນາມລາຍງານວ່າ: ຫວ່າງມໍ່ໆມານີ້, ຄະນະກຳມະການເສດຖະກິດ ແລະ ສັງຄົມ ສປຊ ພາກພື້ນ ອາຊີ-ປາຊີຟິກ (ESCAP) ມີສຳນັກງານຕັ້ງຢູ່ບາງກອກ ປະເທດໄທ ໃຫ້ຮູ້ວ່າ: ສປຊ ໄດ້ຮັບຮອງເອົາຂອບສະຖິຕິທົ່ວໂລກໃໝ່ກ່ຽວກັບສະຖິຕິວິກິດການໄພທຳມະຊາດ ເພື່ອແນໃສ່ຊ່ວຍບັນດາປະເທດເຂົ້າໃຈແຈ້ງ ແລະ ຫຼຸດຜ່ອນຄວາມສ່ຽງໃນລະດັບຕ່ຳສຸດ ຂອງໄພທຳມະຊາດທີ່ນັບມື້ນັບເພີ່ມຂຶ້ນ.

ລັດຖະມົນຕີຕ່າງປະເທດອາຊຽນ ຫາລືກ່ຽວກັບສະຖານະການຢູ່ພາກພື້ນຕາເວັນອອກກາງ

16/03/2026 13:21

ຂ່າວສານຊີອາໄອລາຍງານວ່າ: ໃນທ້າຍອາທິດຜ່ານມາ, ອາຊຽນໄດ້ຈັດກອງປະຊຸມລັດຖະມົນຕີຕ່າງປະເທດສະ ໄໝພິເສດເພື່ອແລກປ່ຽນຄວາມເຫັນກ່ຽວກັບການເພີ່ມທະວີຂຶ້ນຂອງສະຖານະການຢູ່ເຂດຕາເວັນອອກກາງໃນປັດຈຸບັນ ກໍຄື ຜົນກະທົບຕໍ່ພາກພື້ນ. ກອງປະຊຸມໄດ້ອອກຖະແຫຼງການໂດຍສະແດງຄວາມເປັນຫ່ວງຢ່າງຍິ່ງຕໍ່ການປະທະກັນຢູ່ພາກພື້ນຕາເວັນອອກກາງຮຸນແຮງຂຶ້ນຕື່ມ, ພ້ອມທັງຮຽກຮ້ອງໃຫ້ຝ່າຍຕ່າງໆທີ່ກ່ຽວຂ້ອງຢຸດຕິການເຄື່ອນໄຫວທີ່ເປັນປໍລະປັກກັນໃນທັນທີ, ແກ້ໄຂຂໍ້ຂັດແຍ້ງກັນດ້ວຍການສົນທະນາ ແລະ ວິທີທາງການທູດ.

ຈີນ ຈະຍົກລະດັບລະບົບນຳທາງດ້ວຍດາວທຽມ ເປີຍໂຕວ

16/03/2026 13:20

ຂ່າວສານຊີອາໄອລາຍງານ ຫວ່າງມໍ່ໆມານີ້ວ່າ: ຫ້ອງການຄຸ້ມຄອງລະບົບນຳທາງດ້ວຍດາວທຽມຈີນ ແຈ້ງໃຫ້ຮູ້ວ່າ, ລະບົບນຳທາງດ້ວຍດາວທຽມ “ເປີຍໂຕວ” ຈະໄດ້ຮັບການຍົກລະດັບຕາມວົງໂຄຈອນໃນໄວໆນີ້, ໂດຍຈະປັບປຸງດາວທຽມບາງດວງໃຫ້ດີຂຶ້ນ ເພື່ອໃຫ້ບໍລິການທີ່ດີກວ່າເກົ່າ. ໃນໄລຍະການປັບປຸງນີ້, ການທົດສອບຮ່ວມກັນ ແລະ ການຕິດຕາມກວດກາ ການບໍລິການຈະໄດ້ຮັບການເສີມສ້າງຢ່າງຕໍ່ເນື່ອງ ເພື່ອຮັບປະກັນໃຫ້ຜູ້ຊົມໃຊ້ໄດ້ຮັບປະສົບການທີ່ດີຍິ່ງຂຶ້ນ.

UNESCO ມີຄວາມວິຕົກກັງວົນຕໍ່ຄວາມເສຍຫາຍຂອງປູສະນີຍະສະຖານປະຫວັດສາດ ອີຣານ

13/03/2026 14:10

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 11 ມີນາ ຜ່ານມາ, ອົງການສຶກສາວິທະຍາສາດ ແລະ ວັດທະນະທຳສະຫະປະຊາຊາດ (UNESCO) ໄດ້ສະແດງຄວາມວິຕົກກັງວົນກ່ຽວກັບຊາຕະກຳຂອງບັນດາມໍລະດົກໂລກຢູ່ ອີຣານ ແລະ ພາກພື້ນ, ພາຍຫຼັງວັງໂກເລສຕັນ ຢູ່ນະຄອນຫຼວງເຕເຮຣານ, ພ້ອມກັບໂບດອິສລາມ ແລະ ວັງປະຫວັດສາດຢູ່ນະຄອນອິສຟາຮານ ຖືກເປ່ເພຍ້ອນການປະທະກັນ.

IEA ປ່ອຍນ້ຳມັນອອກ 400 ລ້ານຖັງ ເພື່ອສະກັດກັ້ນວິກິດການ

13/03/2026 13:04

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 11 ມີນາ ຜ່ານມາ, ອົງການພະລັງງານສາກົນ (IEA) ໃຫ້ຮູ້ວ່າ, ບັນດາປະເທດສະມາຊິກຂອງອົງການ IEA ຈະປ່ອຍນ້ຳມັນທີ່ເກັບສຳຮອງໄວ້ຈຳນວນ 400 ລ້ານຖັງ ເພື່ອຫຼຸດຜ່ອນຜົນກະທົບຂອງການປະທະກັນຢູ່ ຕາເວັນອອກກາງ ແລະ ແມ່ນການປ່ອຍນ້ຳມັນອອກຄັ້ງໃຫຍ່ທີ່ສຸດຂອງ IEA.

ການາດາ ຈະມີການຮ່ວມມື ກັບຈີນຫຼາຍຂຶ້ນ ໃນອະນາຄົດ

13/03/2026 13:02

“ພວກເຮົາແນມເບິ່ງໂລກຕາມຄວາມເປັນຈິງ ບໍ່ແມ່ນຕາມສິ່ງທີ່ພວກເຮົາຢາກໃຫ້ເປັນ.” ນີ້ແມ່ນຄຳອະທິບາຍຂອງ ມາກຄາເນ (Mark Carney )ນາຍົກລັດຖະມົນຕີຂອງການາດາ ກ່ຽວກັບແນວທາງການຈັດການຄວາມສຳພັນກັບ ສປ ຈີນ. ທ່ານໄດ້ກ່າວຕໍ່ນັກຂ່າວວ່າ “ໂລກໄດ້ມີການປ່ຽນໄປແລ້ວ” ແລະ ການປັບປຸງຄວາມສຳພັນກັບຈີນຈະຊ່ວຍໃຫ້ ການາດາ ມີຈຸດຢືນທີ່ດີໃນ “ລະບຽບໂລກໃໝ່”. ຄຳເຫັນດັ່ງກ່າວຖືກກ່າວຂຶ້ນເມື່ອທ່ານໃນລະຫວ່າງການເດີນທາງຢ້ຽມຢາມ ສປ ຈີນໃນເດືອນມັງກອນທີ່ຜ່ານມາ.

ຜູ້ນຳພັກ ແລະ ລັດຈີນ ເຂົ້າຮ່ວມພິທີປິດກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນຊຸດທີ 14

13/03/2026 12:56

ຂ່າວສານຊີອາໄອລາຍງານວ່າ ໃນວັນທີ 12 ມີນາ ຜ່ານມາ, ກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດ ຈີນຊຸດທີ 14 ໄດ້ປິດລົງຢູ່ຫໍສະພາປະຊາຊົນແຫ່ງຊາດຈີນທີ່ນະຄອນຫຼວງປັກກິ່ງ. ໂດຍມີທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດ ປະທານປະເທດຈີນ ປະທານຄະນະກຳມະການການທະຫານສູນກາງຈີນ ພ້ອມດ້ວຍຜູ້ນຳພັກ ແລະ ລັດເຂົ້າຮ່ວມ.

ທ່ານ ໂຕເລິມ ຮຽກຮ້ອງຜັນຂະຫຍາຍມະຕິເລກທີ 57 ຂອງກົມການເມືອງຢ່າງມີປະສິດທິຜົນ

13/03/2026 12:55

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 12 ມີນາ ຜ່ານມາ, ຢູ່ສຳນັກງານສູນກາງພັກ ທີ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໄດ້ເປັນປະທານວາລະປະຊຸມຄັ້ງທີ 1 ປີ 2026 ຂອງຄະນະປະຈຳຄະນະຊີ້ນຳສູນກາງກ່ຽວກັບການພັດທະນາວິທະຍາສາດ, ເຕັກໂນໂລຊີ, ນະວັດຕະກຳ ແລະ ການຫັນເປັນດີຈີຕອນ. ເຂົ້າຮ່ວມວາລະປະຊຸມມີ ທ່ານ ຟ້າມມິງຈິງ ນາຍົກລັດຖະມົນຕີ, ທ່ານ ເຈິ່ນແທັງເໝີ້ນ ປະທານສະພາແຫ່ງຊາດ ແລະ ທ່ານ ເຈິ່ນເກິມຕູ ຜູ້ປະຈຳການຄະນະເລຂາທິການສູນກາງພັກ.

ເພີ່ມເຕີມ