 |
ເປັນກຽດເຂົ້າຮ່ວມພິທີ ໂດຍ ທ່ານ ພັນເອກ ບຸນຫຼວງ ວິໄລສຸກ ຄະນະປະຈໍາພັກ ຮອງຫົວໜ້າກົມໃຫຍ່ຕໍາຫຼວດ ພ້ອມດ້ວຍຄະນະ, ມີຫົວໜ້າກົມ-ຮອງກົມ, ຫົວໜ້າຫ້ອງ-ຮອງຫົວໜ້າຫ້ອງ ພ້ອມດ້ວຍພະນັກງານຫຼັກແຫຼ່ງ 200 ກວ່າທ່ານ.
ໃນພິທີ, ຜູ້ຕາງໜ້າໃຫ້ຄະນະພັກ-ຄະນະບັນຊາກົມໃຫຍ່ ກະຊວງປ້ອງກັນຄວາມສະຫງົບ ກ່າວວ່າ: ເພື່ອເປັນການຢັ້ງຢືນການກະກຽມຄວາມພ້ອມຂອງກົມໃຫຍ່ຕໍາຫຼວດ ໃຫ້ແກ່ບັ້ນເລືອກຕັ້ງສະມາຊິກສະພາແຫ່ງຊາດ(ສສຊ) ຊຸດທີ X ແລະ ສະພາປະຊາຊົນ ນວ (ສສນວ) ຊຸດທີ V ຊຶ່ງຈະໄດ້ຈັດຂຶ້ນໃນມໍ່ໆນີ້. ພາຍຫຼັງໄດ້ມີການແຕ່ງຕັ້ງຄະນະຮັບຜິດຊອບໜ່ວຍປ່ອນບັດເລືອກຕັ້ງຂອງກໍາລັງປ້ອງກັນຄວາມສະຫງົບ, ກົມໃຫຍ່ຕຳຫຼວດໄດ້ແຕ່ງຕັ້ງຄະນະຮັບຜິດຊອບຊີ້ນໍາລວມ, ກອງເສນາຊ່ວຍວຽກ, ອະນຸກຳມະການໂຄສະນາ, ອານຸກຳມະການເສດຖະກິດ ເພື່ອຮັບໃຊ້ໃຫ້ແກ່ການປ່ອນບັດເລືອກຕັ້ງສະມາຊິກສະພາແຫ່ງຊາດຊຸດທີ X ແລະ ສະພາປະຊາຊົນ ນວ ຊຸດທີ V ຕາມ ຂໍ້ຕົກລົງສະບັບເລກທີ 36/ຕຫຼ, ລົງວັນທີ 27 ມັງກອນ 2026. ຈາກນັ້ນຄະນະຮັບຜິດຊອບໄດ້ມີການປະຊຸມປຶກສາຫາລື, ປະສານສົມທົບ, ກະກຽມຄວາມພ້ອມດ້ານຕ່າງໆ ຮັບໃຊ້ໃຫ້ແກ່ບັ້ນເລືອກຕັ້ງ ເປັນຕົ້ນ: 1. ໄດ້ສ້າງແຜນການ, ແຜນງົບປະມານຮັບໃຊ້ ໃຫ້ແກ່ການເລືອກຕັ້ງຂອງກົມໃຫຍ່ຕຳຫຼວດ, 2. ໄດ້ຈັດຕັ້ງເຜີຍແຜ່ເຊື່ອມຊຶມເອກະສານກະກຽມບັ້ນເລືອກຕັ້ງຢູ່ທົ່ວກົມໃຫຍ່ຕຳຫຼວດສໍາເລັດ, 3. ອອກແຈ້ງການໃຫ້ແກ່ບັນດາກົມກອງອ້ອມຂ້າງກົມໃຫຍ່ຕຳຫຼວດ, ກໍາລັງປ້ອງກັນທີ່ຕັ້ງ ຢູ່ຂອບເຂດເມືອງສີສັດຕະນາກ ໃຫ້ຮັບຊາບ ແລະ ເຂົ້າຮ່ວມການປ່ອນບັດເລືອກຕັ້ງຢ່າງເປັນເຈົ້າການ ໃນວັນທີ 14 ກຸມພາ 2026, 4. ໄດ້ແບ່ງຈຸດ, ແຕ່ງຕັ້ງຄະນະຮັບຜິດຊອບໜ່ວຍປ່ອນບັດເລືອກຕັ້ງ ມີຈໍານວນ 3 ຈຸດເລືອກ ຕັ້ງ; 1. ຢູ່ຕຶກກົມໃຫຍ່ຕຳຫຼວດມີ 2 ຫີບບັດ, 2. ຢູ່ຕຶກກົມນິຕິວິທະຍາ ແລະ 3. ຢູ່ຄ້າຍ ຄຸມຂັງຊົ່ວຄາວນາຂ່າ, ຜູ້ມີສິດເລືອກຕັ້ງທັງໝົດ 1,298 ຄົນ.
ໃນໂອກາດທີ່ຄະນະຜູ້ແທນລົງສະໝັກຮັບເລືອກຕັ້ງເປັນສະພາປະຊາຊົນ ນະຄອນຫຼວງວຽງຈັນ ຊຸດທີ V ເຂດເມືອງສີສັດຕະນາກ ລົງມາພົບປະຢ້ຽມຢາມ ໃນເທື່ອນີ້ ແມ່ນເພື່ອເຮັດໃຫ້ນາຍຕຳຫຼວດ, ພະນັກງານຫຼັກແຫຼ່ງ ແລະ ບັນດາສະຫາຍທີ່ເຂົ້າຮ່ວມໃນໃນຄັ້ງນີ້ ເຫັນໄດ້ຄວາມໝາຍສໍາຄັນ, ສ້າງຄວາມເຂົ້າໃຈທີ່ຖືກຕ້ອງ ກໍາໄດ້ຊີວະປະຫວັດ ກໍຄືຜົນງານການເຄື່ອນໄຫວຂອງຜູ້ສະໝັກແຕ່ລະທ່ານ. ຈາກນັ້ນ, ບັນດາຜູ້ລົງສະໝັກເລືອກຕັ້ງເປັນຜູ້ແທນ ຍັງໄດ້ຜັດປ່ຽນກັນຂຶ້ນແນະນໍາຕົວເອງ. ສໍາລັບກໍາລັງປ້ອງກັນຄວາມສະຫງົບແມ່ນພ້ອມແລ້ວຈະໃຫ້ການສະໜັບສະໜູນພວກທ່ານເປັນຢ່າງດີ ແລະ ຫວັງຢ່າງຍິ່ງວ່າບັນດາທ່ານຜູ້ລົງສະໝັກຮັບເລືອກຕັ້ງໃນຄັ້ງນີ້ຈະກາຍເປັນຕົວແທນໃຫ້ແກ່ປະຊາຊົນລາວບັນດາເຜົ່າຢ່າງແທ້ຈິງ.
(ຂ່າວ: ແສງຈັນ)
ຄໍາເຫັນ