 |
ໃນພິທີ, ຕາງໜ້າຄະນະກຳມະການຂັ້ນເມືອງ ໄດ້ກ່າວສະແດງຄວາມຍິນດີຕ້ອນຮັບຢ່າງອົບອຸ່ນ ພ້ອມທັງລາຍງານສະພາບລວມຂອງບ້ານຫ້ວຍແຊງຄຳ ຊຶ່ງມີພົນລະເມືອງທັງໝົດ 462 ຄົນຍິງ 211 ຄົນ. ໃນນັ້ນ, ມີຜູ້ທີ່ມີສິດຢ່ອນບັດເລືອກຕັ້ງທັງໝົດ 748 ຄົນຍິງ 249 ຄົນ. ປັດຈຸບັນ, ທາງບ້ານໄດ້ມີຄວາມພ້ອມຮອບດ້ານ ບໍ່ວ່າຈະເປັນດ້ານເອກະສານ, ລະບຽບການ, ງົບປະມານ ແລະ ອຸປະກອນຮັບໃຊ້ຕ່າງໆ ເພື່ອຮັບປະກັນໃຫ້ການເລືອກຕັ້ງດຳເນີນໄປຢ່າງມີປະສິດທິພາບ.
ໂອກາດນີ້, ຜູ້ສະໝັກຮັບເລືອກຕັ້ງ ສສຊ ຊຸດທີ X ໄດ້ຂຶ້ນນຳສະເໜີໂຕ ເປັນຕົ້ນແມ່ນການເຄື່ອນໄຫວຂອງຕົນ ເພື່ອໃຫ້ພໍ່ແມ່ປະຊາຊົນໄດ້ມີຂໍ້ມູນໃນການຄົ້ນຄວ້າ ແລະ ຕັດສິນໃຈເລືອກເອົາຜູ້ທີ່ເໝາະສົມທີ່ສຸດເປັນຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນ.
ສຳລັບການກະກຽມໃນທົ່ວເມືອງປາກແບງ ແມ່ນມີທັງໝົດ 33 ຈຸດເລືອກຕັ້ງ. ໃນນັ້ນ, ມີຈຸດຄົງທີ່ 25 ຈຸດ. ປັດຈຸບັນ ທຸກຂັ້ນຕອນແມ່ນມີຄວາມພ້ອມ100% ເພື່ອເຮັດໃຫ້ວັນທີ 22 ກຸມພາ 2026 ກາຍເປັນວັນບຸນໃຫຍ່ຂອງທົ່ວປວງຊົນ ໃນການອອກໄປໃຊ້ສິດປະຊາທິປະໄຕຂອງຕົນຢ່າງຖືກຕ້ອງ ແລະ ສົມບູນ.
(ພາບ-ຂ່າວ:ແສງອາທິດ)
ຄໍາເຫັນ