 |
ການໂຄສະນາຫາສຽງຄັ້ງນີ້, ຜູ້ສະໝັກຮັບເລືອກຕັ້ງເປັນ ສສຊ ແລະ ສສຂ ໄດ້ຜັດປ່ຽນກັນສະເໜີຊື່ ແລະ ປະຫວັດການເຄື່ອນໄຫວຂອງຕົນໃນໄລຍະຜ່ານມາ ພ້ອມທັງສະເໜີຈຸດປະສົງໃນການລົງເຄື່ອນໄຫວແລະ ຮຽກຮ້ອງໃຫ້ຜູ້ມີສິດເລືອກຕັ້ງ ຈົ່ງໄດ້ຮ່ວມຈິດຮ່ວມໃຈເຂົ້າຮ່ວມຂະບວນການເລືອກຕັ້ງຄັ້ງນີ້ ໃຫ້ກາຍເປັນປາງບຸນໃຫຍ່ຂອງຊາດ, ເລືອກໄດ້ຜູ້ສະໝັກທີ່ມີມາດຕະຖານເງື່ອນໄຂຄົບຖ້ວນ, ມີຄວາມຮູ້ຄວາມສາມາດ, ມີວິໄສທັດທີ່ກວ້າງໄກ ເພື່ອມາເປັນຕົວແທນໃຫ້ປະຊາຊົນ ເຂົ້າໄປຢູ່ໃນສະພາແຫ່ງຊາດ ແລະ ສະພາປະຊາຊົນແຂວງ.
ສຳລັບເຂດເລືອກຕັ້ງທີ 10 ແຂວງວຽງຈັນ ມີຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ຈໍານວນ 14 ທ່ານ ຍິງ 5 ທ່ານ, ຈະໄດ້ປ່ອນບັດເລືອກຕັ້ງເອົາ 10 ທ່ານ. ສຳລັບຜູ້ສະໝັກຮັບເລືອກຕັ້ງເປັນສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງທຸລະຄົມ ມີຈໍານວນ 7 ທ່ານ ຍິງ 1 ທ່ານ ທີ່ຈະໄດ້ປ່ອນບັດເລືອກຕັ້ງເອົາ 5 ທ່ານ.
ບ້ານແຈ້ງ ໄດ້ກຳນົດໃຫ້ມີໜ່ວຍປ່ອນບັດເລືອກຕັ້ງທັງໝົດ 2 ໜ່ວຍ ແລະ ຜູ້ມີສິດປ່ອນບັດເລືອກຕັ້ງ ມີທັງໝົດ 1,277 ຄົນ ຍິງ 654 ຄົນ ທີ່ຈະໄດ້ໃຊ້ສິດປະຊາທິປະໄຕຂອງຕົນເອງ ປ່ອນບັດເລືອກຕັ້ງເອົາ ສສຊ ຊຸດທີX ແລະ ສສຂ ຊຸດທີV ໃນວັນທີ 22 ກຸມພາ 2026 ທີ່ຈະມາເຖິງນີ້.
(ພາບ-ຂ່າວ: ບຸນມາ ແກ້ວບຸດດາ)
ຄໍາເຫັນ