ຮອງນາຍົກລັດຖະມົນຕີ, ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ, ທ່ານ ບົວສອນ ບຸບຜາວັນ ອະດີດນາຍົກລັດຖະມົນຕີ ຕະຫຼອດເຖິງພຸດທະສາສະນິກະຊົນຈາກເມືອງທ່າແຂກ ແລະ ແຫ່ງຕ່າງໆເຂົ້າຮ່ວມທໍາບຸນເປັນຈໍານວນຫຼາຍ.
ໃນພິທີແມ່ນເລີ້ມຕົ້ນດ້ວຍການເຕົ້າໂຮມອອກໂຕນຍາດໂຍມທີ່ມາຈາກພາກສ່ວນຕ່າງໆ ແລະ ຕໍ່ດ້ວຍການໄຕທຽນໄຊເພື່ອສັກກາລະບູຊາ ຄຸນພະຣັດຕະນະໄຕຣ ຫຼື ຄຸນແກ້ວ 3 ປະການໂດຍທ່ານ ສະເຫຼີມໄຊ ກົມມະສິດ. ຈາກນັ້ນພະສົງກໍໄດ້ສະແດງພະທໍາມະເທດສະໜາໂດຍພະອາຈານໃຫຍ່ ມະຫາເວດ ມະເສໄນ ຮອງປະທານອົງການພຸດທະສາສະໜາສໍາພັນລາວໃນຫົວຂໍ້ “ ການຖວາຍປັດໃຈໃຫ້ເປັນທານ ຕິດພັນກັບວັນມາຂະບູຊາ, ງານບຸນເຂົ້າຈີ່ ແລະ ງານບຸນນະມັດສະການພະທາດສີໂຄດຕະບອງ”. ນອກຈາກມີພິທີໃສ່ບາດຖວາຍປັດໃຈໄຊຍະທານຈາກທຸກພາກສ່ວນໃນສັງຄົມແລ້ວ ໃນຕອນບ່າຍຂອງວັນດຽວກັນຍັງໄດ້ມີກິດຈະກໍາແຂ່ງຂັນກິລາກະຕໍ້, ບານສົ່ງ, ບານເຕະໃນຮອບຊິງຊະນະເລີດ, ຕອນແລງແມ່ນມີການແຂ່ງຂັນເສັງກອງແຕ້-ກອງຈິງຮອບຊິງຊະນະເລີດ, ສ່ວນຍາມຄໍ່າຄືນແມ່ນຈະມີພິທີກໍາທາງສາສະ ໜາວຽນທຽນອ້ອມອົງພະທາດ - ພຸດທະສິມມາ ແລະ ຮັບຊົມ-ຮັບຟັງໝໍລໍາເລື່ອງຈາກຄະນະໝໍລໍາແຂວງຄໍາມ່ວນ.
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ