ແລະ ເປັນປະເພນີໜຶ່ງທີ່ນອນຢູ່ໃນຮີດສິບສອງຂອງລາວໂດຍໃນຕອນເຊົ້າຂອງວັນທີ 17 ຕຸລານີ້ ຊຶ່ງກົງກັບມື້ຂຶ້ນ 15 ຄໍ່າ ເດືອນ 11 ລາວ ປິມະໂລງ 2567, ຢູ່ພາຍໃນເທສະບານເມືອງທ່າແຂກ ແຂວງຄໍາມ່ວນ ໂດຍສະເພາະຢູ່ທີ່ວັດນັນທະຄາມ (ວັດກາງ) ໄດ້ມີພຸດທະສາສະນິກະຊົນຈາກບັນດາຄຸ້ມບ້ານຕ່າງໆພາຍໃນເທສະບານເມືອງເຂົ້າຮ່ວມໃສ່ບາດ, ຖວາຍປັດໃຈໄຊຍະທານຕ່າງໆເປັນຈໍານວນຫຼາຍ ແລະ ເຕັມໄປດ້ວຍຈິດແຫ່ງສັດທາໃນຜົນທານຂອງຕົນ. ພິເສດ ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນພ້ອມດ້ວຍຄະນະ ກໍໄດ້ເຂົ້າຮ່ວມໃສ່ບາດເນື່ອງໃນໂອກາດງານບຸນດັ່ງກ່າວ.
ນອກຈາກນັ້ນ, ໃນມື້ນີ້ຊຶ່ງເປັນມື້ສຸດທ້າຍຂອງການຈັດງານບຸນອອກພັນສາ ແລະ ແຂ່ງຂັນຊ່ວງເຮືອປະຈໍາປີ 2024 ໂດຍມີເຮືອໃຫຍ່ປະເພດ 50-55 ສີພາຍເຂົ້າຮອບຊີງຊະນະເລີດ ມີ 4 ລໍາຄື : LDB ນາງຄໍາໄຫຼ ຈາກບ້ານນາເມືອງ ເມືອງທ່າແຂກ, ເທບທິລາດ ຈາກບ້ານປາກເປັງ ເມືອງທ່າແຂກ, ພອນພະອິນປົງ ບ້ານຫາດຊາຍສູງ ເມືອງໄຊບູລີ ແຂວງສະຫວັນນະເຂດ ແລະ ລູກດອກຟ້າ ປຕທ ຕົ້ນເພັດນໍາໂຊກ ຈາກບ້ານປຸງເໜືອ ເມືອງຫີນບູນ; ເຮືອກາງປະເພດ 50-55 ສີພາຍເຂົ້າຮອບຊີງຊະນະເລີດ ມີ 4 ລໍາຄື : ມັງກອນຄາຍຢວນ, ລູກດອກຟ້າ ປຕທ ຕົ້ນເພັດນໍາໂຊກ, ຂຸນພົນເມືອງວັງ ຈາກບ້ານຫາດຄໍາຮຽງ ເມືອງເຊບັ້ງໄຟ ແລະ ເພັດສີໂພໄຊ ຈາກບ້ານຫາດຊາຍສູງ ເມືອງໄຊບູລີ ແຂວງສະຫວັນນະເຂດ. ນອກນີ້ ຍັງມີການແຂ່ງຂັນຊ່ວງເຮືອມິດຕະພາບລາວ-ໄທລະຫວ່າງແຂວງຄໍາມ່ວນ ສປປ ລາວ ແລະ ຈັງຫວັດນະຄອນພະນົມແຫ່ງຣາຊະອານາຈັກໄທ.
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ