ເປັນຄັ້ງທຳອິດໃນປີ 2024, ໃນຂະນະທີ່ແກ໊ສທຳມະຊາດກວມອັດຕາສ່ວນຫຼຸດລົງເປັນປີທີ 5 ຕິດຕໍ່ກັນ.
ບົດລາຍງານລະບຸວ່າ:ພະລັງງານໝູນວຽນກວມອັດຕາມສ່ວນເພີ່ມຂຶ້ນຈາກ 34% ໃນປີ 2019 ເປັນ 47% ໃນປີ 2024, ຍ້ອນການຂະຫຍາຍຕົວຂອງພະລັງງານລົມແລະແສງຕາເວັນ. ໃນຂະນະທີ່ເຊື້ອໄຟຟອດຊິວ ກວມອັດຕາສ່ວນຫຼຸດລົງຈາກ 39% ໃນປີ 2019 ລົງສູ່ລະດັບຕ່ຳສຸດແບບບໍ່ເຄີຍມີມາກ່ອນ ທີ່ 29% ໃນປີ 2024.
ຂະແໜງພະລັງງານແສງຕາເວັນກໍາລັງເຕີບໂຕໃນທຸກປະເທດສະມາຊິກສະຫະພາບເອີຣົບ (EU), ໃນຂະນະທີ່ບົດບາດຂອງຖ່ານຫີນກຳລັງຫຼຸດລົງຢ່າງຕໍ່ເນື່ອງ ໂດຍການຜະລິດໄຟຟ້າຈາກພະລັງງານແສງຕາເວັນຂອງ EU ເພີ່ມຂຶ້ນ 21.7% ໃນປີ 2024 ເມື່ອທຽບໃສ່ປີ 2023.
ໃນຂະນະດຽວກັນ, ການໃຊ້ອາຍແກ໊ສທໍາມະຊາດທັງໝົດຂອງ EU ໄດ້ຫຼຸດລົງ 20% ໃນໄລຍະ 5 ປີທີ່ຜ່ານມາ, ໂດຍປະມານ 1 ໃນ 3 ຂອງການຫຼຸດລົງນີ້ເກີດຂຶ້ນໃນຂະແໜງການໄຟຟ້າ.
ປັດຈຸບັນພະລັງງານນິວເຄລຍກວມເອົາ 23.7% ຂອງການຜະລິດໄຟຟ້າໃນສະຫະພາບເອີຣົບ. ຖັດມາແມ່ນພະລັງງານລົມ 17.4%, ອາຍແກ໊ສທໍາມະຊາດ 15.7%, ພະລັງງານນໍ້າ 13.2%, ພະລັງງານແສງຕາເວັນ 11.1% ແລະຖ່ານຫີນ 9.8%, ສ່ວນທີ່ເຫຼືອແມ່ນມາຈາກພະລັງງານຊີວະພາບແລະແຫຼ່ງພະລັງງານອື່ນໆ.
ເຖິງແມ່ນວ່າການຫັນປ່ຽນໄປສູ່ພະລັງງານສີຂຽວມີຄວາມກ້າວໜ້າ ແຕ່ລາຄາພະລັງງານໃນສະຫະພາບເອີຣົບຍັງຄົງຢູ່ໃນລະດັບສູງ, ໂດຍປີ 2024ລາຄາອາຍແກ໊ສຂາຍສົ່ງໂດຍສະເລ່ຍໃນກຸ່ມປະເທດ EU ສູງກວ່າຂອງ ສະຫະລັດ ອາເມຣິກາ ເກືອບ 5 ເທົ່າ, ຂະນະທີ່ລາຄາໄຟຟ້າອຸດສາຫະກຳສູງກວ່າປະມານ2.5ເທົ່າ.
ສະຫະລັດ ອາເມຣິກາ ແມ່ນຜູ້ສະໜອງອາຍແກັສທຳມະຊາດແຫຼວໃຫຍ່ທີ່ສຸດຂອງສະຫະພາບເອີຣົບ. ອີງຕາມບົດລາຍງານຂອງ USAFactsໃນເດືອນກັນຍາ 2024 ລະບຸວ່າ:3 ສ່ວນ 4 ຂອງການຜະລິດພະລັງງານຂອງສະຫະລັດ ອາເມຣິກາ ໄດ້ມາຈາກເຊື້ອໄຟຟອດຊິວ, ໃນຂະນະທີ່ພະລັງງານໝູນວຽນ, ພະລັງງານນິວເຄລຍ ແລະອາຍແກ໊ສທໍາມະຊາດແຫຼວຮ່ວມກັນກວມເອົາສ່ວນແບ່ງທີ່ຍັງເຫຼືອ.
ທ່ານ ໂດນັລ ທຣໍາປະທານາທິບໍດີສະຫະລັດ ອາເມລິກາ ໄດ້ລົງນາມໃນຄໍາສັ່ງບໍລິຫານໃນວັນທີ 20 ມັງກອນ ຜ່ານມາ ເພື່ອສະແດງເຖິງຄວາມຕັ້ງໃຈຂອງປະເທດໃນການຖອນຕົວອອກຈາກສັນຍາປາຣີ, ຕໍ່ມາໃນວັນທີ 21 ມັງກອນ ຜ່ານມາ ທ່ານນາງ ເອີຊູລາ ຟອນເດິ ເລເຢນປະທານຄະນະກໍາມະການເອີຣົບ ກ່າວວ່າ: ທຸກທະວີບຈຳເປັນຕ້ອງແບກຫາບພາລະທີ່ເພີ່ມຂຶ້ນຂອງການປ່ຽນແປງດິນຟ້າອາກາດ. ດັ່ງນັ້ນ, ຈຶ່ງບໍ່ມີທາງທີ່ຈະບໍ່ສົນໃຈໄດ້. ໂດຍສັນຍາປາຣີຍັງຄົງເປັນຄວາມຫວັງຂອງມວນມະນຸດ, ເອີຣົບຈະສືບຕໍ່ຕາມແນວງທານີ້ຕໍ່ໄປ ພ້ອມແລ້ວທີ່ຈະຮ່ວມມືກັບທຸກປະເທດເພື່ອຢຸດຕິໂລກຮ້ອນ.
ຄໍາເຫັນ