ແລະ ວຽກງານພັດທະນາຊົນນະບົດລຶບລ້າງຄວາມທຸກຍາກ ປີ 2024 ຕໍ່ກອງປະຊຸມ ສະໄໝສາມັນ ເທື່ອທີ 8 ຂອງສະພາປະຊາຊົນແຂວງວຽງຈັນ ຊຸດທີ II ທີ່ໄຂຂຶ້ນໃນວັນທີ 21-24 ມັງກອນ 2025 ນີ້ວ່າ: ທົ່ວແຂວງປະກອບມີ 431 ບ້ານ, ມີ 79.266 ຄອບຄົວ, ມີບ້ານພົ້ນທຸກ 431 ບ້ານ ກວມເອົາ 100% ທຽບໃສ່ ປີຜ່ານມາເພີ່ມຂຶ້ນ 3 ບ້ານ (ຍ້ອນມີການແຍກບ້ານຢູ່ເມືອງຫີນເຫີບ ຄື: ບ້ານຕັ່ງຄໍາ, ນາຄຸ້ມ, ນາຊັດ ແລະ ບ້ານນາພ້ອງ), ມີຄອບຄົວພົ້ນທຸກ 75,761 ຄອບຄົວ ກວມ 95,57% ທຽບໃສ່ ປີຜ່ານມາເພີ່ມຂຶ້ນ 743 ຄອບຄົວ, ມີຄອບຄົວ ທຸກຍາກ 3,505 ຄອບຄົວ ກວມ 4.42% ທຽບໃສ່ ປີຜ່ານມາຫຼຸດລົງ 215 ຄອບຄົວ, ບ້ານພັດທະນາ 175 ບ້ານ ກວມ 40.60% ທຽບໃສ່ປີຜ່ານມາ ເພີ່ມຂຶ້ນ 12 ບ້ານ, ມີຄອບຄົວພັດທະນາ 64,149 ຄອບຄົວ ກວມ 80.92% ທຽບໃສ່ ປີຜ່ານມາ ເພີ້ມຂຶ້ນ 695 ຄອບຄົວ.
ທ່ານກ່າວອີກວ່າ: ການພັດທະນາບັນດາຈຸດສຸມຂອງແຂວງ ສ້າງບ້ານໃຫ່ຍກາຍເປັນຕົວເມືອງນ້ອຍໃນຊົນນະບົດມີ 6 ຈຸດສຸມ, ສາມາດປະກາດຈຸດສຸມຜາສັງເມືອງເຟືອງ ເປັນຕົວເມືອງນ້ອຍໃນຊົນນະບົດ, ສ່ວນ 5 ຈຸດສຸມແມ່ນສາມາດປະຕິບັດໄດ້ ຄື: ຈຸດສຸມເມືອງຄີ, ເມືອງແມດ ບັນລຸໄດ້ 14 ມາດຖານ ກວມເອົາ 87.50%, ຈຸດສຸມປຸງຫຼັກ, ເມືອງກາສີ ບັນລຸໄດ້ 11 ມາດຖານ ກວມເອົາ 68.75%, ຈຸດສຸມບ້ານນາມອນ ເມືອງວັງວຽງ ບັນລຸໄດ້ 16 ມາດຖານ ກວມເອົາ 100%, ຈຸດສຸມບ້ານໂນນສະຫວັນ ບັນລຸໄດ້ 13 ມາດຖານ ກວມເອົາ 81.25%, ຈຸດສຸມກຸ່ມບ້ານຄົກເຂົ້າດໍ ເມືອງຊະນະຄາມ ບັນລຸໄດ້ 13 ມາດຖານ ກວມເອົາ 81.25% ແລະ ຈຸດສຸມຜາບ່ອງ ເມືອງຫີນເຫີບ ຍັງບໍ່ໄດ້ປະເມີນ. ການສ້າງເມືອງພົ້ນທຸກ ແລະ ເຂັ້ມແຂງຮອບດ້ານ ເຫັນວ່າ 11 ເມືອງ ແມ່ນສາມາດບັນລຸເມືອງພົ້ນທຸກ ໄດ້ໝົດທຸກເມືອງແລ້ວ, ການສ້າງເມືອງເຂັ້ມແຂງຮອບດ້ານ ຕາມດໍາລັດ 348/ລບ, 16 ມາດຕະຖານ 60 ຕົວຊີ້ບອກ, ທົ່ວແຂວງສາມາດບັນລຸໄດ້ ມີ 3 ເມືອງຄື: ເມືອງທຸລະຄົມ, ເມືອງວັງວຽງ ແລະ ເມືອງຫີນເຫີບ.
(ພາບ-ຂ່າວ: ແກ້ວອຸດົມ)
ຄໍາເຫັນ