ອົງການປົກຄອງ ແຂວງໄຊສົມບູນ ໄດ້ເອົາໃຈໃສ່ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຕິດພັນກັບການຈັດຕັ້ງປະຕິບັດນະໂຍບາຍຂອງລັດຖະບານດຳລັດ 414/ລບ ແລະ ວາລະແຫ່ງຊາດຢ່າງແຂງແຮງ, ເຮັດໃຫ້ເສດຖະກິດມະຫາພາກຂອງແຂວງສືບຕໍ່ຂະຫຍາຍຕົວຢ່າງຕໍ່ເນື່ອງ GDP ໃນລະດັບ 7.3%, ມູນຄ່າ 2,712.04 ຕື້ກີບ, ສະເລ່ຍໃສ່ຫົວຄົນ ບັນລຸໄດ້ 25 ລ້ານກວ່າກີບຕໍ່ຄົນຕໍ່ປີ. ໃນນີ້, ຂະແໜງກະສິກຳຂະຫຍາຍຕົວ 8.20%, ອຸດສາຫະກຳ 2.6% ແລະ ຂະແໜງບໍລິການ ຂະຫຍາຍຕົວ 8.7%, ໄດ້ຮັບອະນຸມັດແຜນການລົງທຶນລັດ (ໂຄງການສືບຕໍ່ ແລະ ສະເໜີໃໝ່) ທີ່ຮັບຮອງຈາກສະພາແຫ່ງຊາດ ແລະ ສະພາປະຊາຊົນແຂວງ ທັງໝົດ 158 ໂຄງການ, ມູນຄ່າມູນຄ່າ 4,074.48 ຕື້ກີບ. ໃນນີ້, ໄດ້ໂຄງການຕາມດໍາລັດ 414/ລບ ທີ່ກຳລັງຈັດຕັ້ງປະຕິບັດ ແລະ ສືບຕໍ່ຊໍາລະ ໃນປັດຈຸບັນນີ້ ມີທັງໝົດ 30 ໂຄງການ, ມູນຄ່າ 227,35 ຕື້ກີບ, ໂຄງການຂັ້ນສູນກາງຄຸ້ມຄອງ 56 ໂຄງການ, ມູນຄ່າ 3,484,317.64 ລ້ານກີບ, ຂັ້ນແຂວງຄຸ້ມຄອງ 102 ໂຄງການ, ມູນຄ່າ 590,169.90 ລ້ານກີບ ພ້ອມນີ້ ຍັງໄດ້ສໍາເລັດມອບ-ຮັບໂຄງການຊ່ວຍເຫຼືອ ເພື່ອການພັດທະນາຈາກລັດຖະບານ ສສ ຫວຽດນາມ 4 ໂຄງການ ອັນພົ້ນເດັ່ນແມ່ນສາມາດປົດໂຄງການລົງທຶນຂອງລັດອອກຈາກສາລະບານງົບປະມານຂອງແຂວງ ໄດ້ທັງໝົດ 38 ໂຄງການ, ມູນຄ່າຕາມສັນຍາ 62.09 ຕື້ກີບ ພ້ອມນີ້ ແຂວງມີແຜນຈັດເກັບລາຍຮັບທັງໝົດ 700 ກວ່າຕື້ກີບ, ສາມາດຈັດເກັບລາຍຮັບເຂົ້າງົບປະມານ ໄດ້ທັງໝົດ 1,794.98 ຕື້ກີບ, ເທົ່າກັບ 225,38%, ທຽບໃສ່ໄລຍະດຽວກັນຂອງແຜນການປີຜ່ານມາ ເພີ່ມຂຶ້ນ 60.90%. ໃນນີ້, ລາຍຮັບບ້ວງ ລໍາລັດ 414/ລບ ແຜນປີ 512.09 ຕື້ກີບ, ປະຕິບັດໄດ້ 1,507.89 ຕື້ກີບ, ເທົ່າກັບ 294,45% ຂອງແຜນການປີ ທັງໄດ້ເອົາໃຈໃສ່ຊອກຫາແຫ່ງທຶນ ແລະ ລະດົມທຶນຈາກ 8 ແຫຼ່ງທຶນ, ສາມາດລະດົມທຶນຈາກກອງທຶນສົ່ງເສີມຈຸລະວິສາຫະກິດຂະໜາດນ້ອຍ ແລະ ຂະໜາດກາງ ໄດ້ 469 ລ້ານກວ່າກີບ ແລະ ຍັງໄດ້ຂະຫຍາຍກອງທຶນ ພັດທະນາໄຊສົມບູນ ມາຮອດປັດຈຸບັນມີ 2,212 ບັນຊີ, ມີຍອດເງິນເງິນຝາກ 12.36 ຕື້ກີບ, ສະມາຊິກກູ້ຢືມ 570 ບັນຊີ, ມີຍອດເງິນກູ້ 12.83 ຕື້ກີບ.
(ຂ່າວ: ພຸດທະສອນ ເວດສະວົງ)
ຄໍາເຫັນ