ບົດລາຍງານການເກີດ ແລະ ການເສຍຊີວິດປະຈຳປີ 2025 ຊີ້ໃຫ້ເຫັນວ່າ: ເດັກນ້ອຍເຊື້ອສາຍຈີນມີອັດຕາສ່ວນສູງສຸດຂອງການເກີດໃໝ່ທັງໝົດໃນປີ 2025, ຢູ່ທີ່ 56.6%, ຮອງລົງມາແມ່ນເຊື້ອສາຍມາລາຍູ 22.5%, ເຊື້ອສາຍອິນເດຍ 11.5% ແລະ ກຸ່ມຊົນເຜົ່າອື່ນໆ 9.4%.
ທັງນີ້, ເຊື້ອສາຍມາລາຍູຍັງຄົງມີອັດຕາການເກີດສູງສຸດ ຢູ່ທີ່ 11.8 ຄົນຕໍ່ປະຊາກອນ 1,000 ຄົນ, ຮອງລົງມາແມ່ນເຊື້ອສາຍອິນເດຍ 7.3 ຄົນ, ໃນຂະນະທີ່ເດັກນ້ອຍເຊື້ອສາຍຈີນມີອັດຕາການເກີດຕໍ່າສຸດຢູ່ທີ່ 5.3 ຄົນຕໍ່ປະຊາກອນ 1,000 ຄົນ.
ໃນຂະນະດຽວກັນ, ພະຍາດມະເຮັງແມ່ນສາເຫດຕົ້ນຕໍຂອງການເສຍຊີວິດໃນປີ 2025, ຮອງລົງມາແມ່ນພະຍາດຫົວໃຈ ແລະ ຄວາມດັນເລືອດສູງ ຊຶ່ງພະຍາດເຫຼົ່ານີ້ຄິດເປັນ 52.1% ຂອງການເສຍຊີວິດທັງໝົດທີ່ລົງທະບຽນ. ສ່ວນພະຍາດປອດ ແລະ ພະຍາດທາງເດີນຫາຍໃຈຄິດເປັນ 24.7% ຂອງການເສຍຊີວິດ, ຕິດຕາມມາດ້ວຍພະຍາດເສັ້ນເລືອດໃນສະໝອງຕີບ (5.6%).
ສຳລັບການເສຍຊີວິດຈາກສາເຫດທີ່ບໍ່ໄດ້ເກີດຂຶ້ນຕາມທຳມະຊາດ ເຊັ່ນ: ອຸບັດເຫດ, ການຂ້າຕົວຕາຍ ແລະ ປັດໄຈພາຍນອກອື່ນໆ ຄິດເປັນ 2% ຂອງການເສຍຊີວິດທັງໝົດທີ່ລົງທະບຽນ.
ຄໍາເຫັນ