ປີ 2025 ຫວຽດນາມ ສົ່ງອອກແກ່ນໝາກມ່ວງຫິມະພານ ບັນລຸ 5.4 ຕື້ກວ່າໂດລາ

11:33 25/05/2026

ວິທະຍຸກະຈາຍສຽງຫວຽດນາມ ລາຍງານໃນວັນທີ 24 ພຶດສະພາ ຜ່ານມາວ່າ: ຕາມໂຕເລກຫຼ້າສຸດຂອງກົມພາສີ, ປີ 2025 ຍອດວົງເງິນສົ່ງອອກແກ່ນໝາກມ່ວງຫິມະພານຂອງ ຫວຽດນາມ ບັນລຸ 5.4 ຕື້ກວ່າໂດລາ, ສົ່ງອອກໄປຍັງ 112 ປະເທດ ແລະ ເຂດແຄວ້ນ ຊຶ່ງຢືນຢັນທີ່ຕັ້ງອັນດັບ 1 ຂອງ ຫວຽດນາມ ໃນການສົ່ງອອກແກ່ນໝາກມ່ວງຫິມະພານສູ່ໂລກ ດ້ວຍການກວມເອົາອັດຕາສ່ວນຕະຫຼາດສົ່ງອອກທົ່ວໂລກ 80%.

ຂ່າວລະບຸວ່າ: ໄລ່ສະເພາະເດືອນເມສາ 2026, ການສົ່ງອອກແກ່ນໝາກມ່ວງຫິມະພານຂອງ ຫວຽດນາມ ບັນລຸ 217,000 ໂຕນ, ວົງເງິນສົ່ງອອກບັນລຸເກືອບ 1.5 ຕື້ໂດລາ, ເພີ່ມຂຶ້ນນັບທັງດ້ານຈຳນວນ ແລະ ມູນຄ່າເມື່ອທຽບໃສ່ປີ 2025. ຄາດວ່າ, ປີ 2026 ວົງເງິນສົ່ງອອກຂອງຂະແໜງໝາກມ່ວງຫິມະພານຈະບັນລຸ 5 ຕື້ໂດລາ.

ປັດຈຸບັນ, ນະຄອນດົ່ງນາຍ ຖືວ່າແມ່ນເຂດປູກໝາກມ່ວງຫິມະພານໃຫຍ່ທີ່ສຸດຂອງ ຫວຽດນາມ ດ້ວຍເນື້ອທີ່ປະມານ 176,000 ເຮັກຕາ, ປະລິມານໝາກມ່ວງຫິມະພານດິບບັນລຸປະມານ 300,000 ໂຕນ/ປີ. ດ້ວຍຍອດວົງເງິນສົ່ງອອກປະມານ 8.05 ຕື້ໂດລາ ແລະ ວົງເງິນນຳເຂົ້າປະມານ 5.9 ຕື້ໂດລາ, ນະຄອນດົ່ງນາຍ ສືບຕໍ່ຮັກສາທີ່ຕັ້ງແມ່ນໜຶ່ງໃນບັນດາສູນສົ່ງອອກໃຫຍ່ທີ່ສຸດຂອງຫວຽດນາມ.

ຄໍາເຫັນ

ຂ່າວຕ່າງປະເທດ

ຈີນ ສົ່ງຍານອະວະກາດເສີນໂຈ່ວ 23 ຂຶ້ນສູ່ອະວະກາດດ້ວຍຜົນສຳເລັດອັນຈົບງາມ

25/05/2026 11:34

ວິທະຍຸ, ໂທລະພາບສູນກາງຈີນ (CMG) ລາຍງານ ໃນວັນທີ 25 ພຶດສະພານີ້ວ່າ: ຫ້ອງການໂຄງການການບິນອະວະກາດບັນທຸກຄົນຈີນແຈ້ງໃຫ້ຮູ້ວ່າ, ເວລາ 23 ໂມງ 8 ນາທີ ຂອງວັນທີ 24 ພຶດສະພາ ຜ່ານມາ. ຈະຫຼວດສົ່ງຍານ “ສາງເຈີ່ງ 2F-Y23” ທີ່ບັນຈຸຍານອະວະກາດບັນທຸກຄົນເສີນໂຈ່ວ 23 ໄດ້ຖືກປ່ອຍອອກຈາກສູນຍິງສົ່ງດາວທຽມຈິວສວນຈີນ, ຈາກນັ້ນປະມານ 10 ນາທີ ຍານອະວະກາດໄດ້ແຍກຕົວອອກຈາກຈະຫຼວດສົ່ງຍານຢ່າງສຳເລັດຜົນ ແລ້ວເຂົ້າສູ່ວົງໂຄຈອນຕາມທີ່ກຳນົດໄວ້, ຈຸນັກບິນອະວະກາດມີສະພາບສົມບູນດີ, ເຮັດໃຫ້ພາລະກິດສົ່ງຍານຂຶ້ນສູ່ອະວະກາດຄັ້ງນີ້ປະສົບຜົນສຳເລັດຢ່າງຈົບງາມ.

ປັດໄຈສຳຄັນໃນການປ່ຽນແປງໃຫຍ່ຂອງໂລກໃນຮອບຮ້ອຍປີ

24/05/2026 09:43

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນລະຫວ່າງວັນທີ 19 ຫາ 20 ພຶດສະພາ ຜ່ານມາ, ທ່ານ ວະລາດີເມຍ ປູຕິນ ປະທານາທິບໍດີຣັດເຊຍໄດ້ເດີນທາງມາຢ້ຽມຢາມຈີນທາງລັດຖະກິດ, ປະມຸກລັດສອງປະເທດໄດ້ກ້າວເຖິງຂັ້ນມີຄວາມຮັບຮູ້ທີ່ເປັນເອກະພາບກັນໃໝ່ ໃນການຊຸກຍູ້ການພົວພັນຄູ່ຮ່ວມປະສານງານຍຸດທະສາດຮອບດ້ານຈີນ-ຣັດເຊຍ. ໃນຖານະເປັນແບບຢ່າງແຫ່ງການພົວພັນລະຫວ່າງປະເທດໃຫຍ່ແບບໃໝ່, ຄວາມສຳຄັນ ແລະ ອິດທິພົນຂອງການພົວພັນລະຫວ່າງຈີນ-ຣັດເຊຍໄດ້ລື່ນກາຍຂອບເຂດການພົວພັນລະຫວ່າງສອງປະເທດຢ່າງຫຼວງຫຼາຍ ແລະ “ກາຍເປັນປັດໄຈສຳຄັນທີ່ແນ່ນອນໃນການປ່ຽນແປງໃຫຍ່ຂອງໂລກໃນຮອບຮ້ອຍປີ”.

ອາຊຽນ - ອີຢູ ຊຸກຍູ້ການຮ່ວມມືຫຼາຍຝ່າຍ

22/05/2026 11:19

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 20 ພຶດສະພາ ຜ່ານມາ, ເອກອັກຄະລັດຖະທູດ ແລະ ຫົວໜ້າຄະນະຜູ້ຕາງໜ້າບັນດາປະເທດ ອາຊຽນ ປະຈຳນະຄອນວຽນ ປະເທດໂອຕຣິດ ໄດ້ພົບປະກັບທ່ານ ຄາລ ຮາເລກາດ ເອກອັກຄະລັດຖະທູດສະຫະພາບ ເອີຣົບ (ອີຢູ), ເພື່ອປຶກສາຫາລືກ່ຽວກັບການຮ່ວມມື ອາຊຽນ - ອີຢູ, ວິວັດການປະຕິຮູບສະຫະປະຊາຊາດ ແລະ ການຮ່ວມມືຢູ່ອົງການພະລັງງານປະລະມານູສາກົນ (IAEA).

ສ ເກົາຫຼີ ແລະ ຍີ່ປຸ່ນ ເພີ່ມທະວີການຮ່ວມມືໃນລະບົບຕ່ອງໂສ້ການສະໜອງ ແລະ ພະລັງງານ

22/05/2026 11:18

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ທ່ານ ລີແຈມຽງ ປະທານາທິບໍດີ ສ ເກົາຫຼີ ແລະ ທ່ານນາງ ຊານາເອະ ທາຄາອິຈິ ນາຍົກລັດຖະມົນຕີຍີ່ປຸ່ນ ໄດ້ຖະແຫຼງເຫັນດີທີ່ຈະຍົກລະດັບການຮ່ວມມືໃນລະບົບຕ່ອງໂສ້ການສະໜອງ, ລວມທັງນ້ຳມັນດິບ ແລະ ອາຍແກັສທຳມະຊາດແຫຼວ (LNG), ທ່າມກາງການຂັດແຍ່ງທີ່ຍັງດຳເນີນຢູ່ໃນຕາເວັນອອກກາງ, ພາຍຫຼັງຜູ້ນຳທັງສອງສຳເລັດກອງປະຊຸມສຸດຍອດທີ່ເມືອງອັນດົງ.

ຈີນ-ຣັດເຊຍ ກ້າວສູ່ການປະສານງານຍຸດທະສາດຮອບດ້ານທີ່ມີຄຸນນະພາບສູງ

22/05/2026 11:16

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 20 ພຶດສະພາ ຜ່ານມາ, ທ່ານ ສີຈິ້ນຜິງ ປະທານປະເທດຈີນ ໄດ້ພົບປະເຈລະຈາກັບທ່ານ ວະລາດີເມຍ ປູຕິນ ປະທານາທິບໍດີຣັດເຊຍ ທີ່ເດີນທາງມາຢ້ຽມຢາມຈີນທາງລັດຖະກິດຢູ່ຫໍສະພາປະຊາຊົນແຫ່ງຊາດ ທີ່ນະຄອນຫຼວງປັກກິ່ງ.

ຫວຽດນາມ ພັດທະນາອຸດສາຫະກຳວັດສະດຸຕາມທິດສີຂຽວ ຍືນຍົງ ແລະ ເປັນເຈົ້າຕົນເອງ

22/05/2026 11:15

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 21 ພຶດສະພາ ຜ່ານມາ ຢູ່ສຳນັກງານສູນກາງພັກ ທີ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ປະທານປະເທດ ຫວຽດນາມ ໄດ້ເປັນປະທານການເຮັດວຽກກັບຄະນະນະໂຍບາຍຍຸດທະສາດສູນກາງກ່ຽວກັບການກຳນົດທິດພັດທະນາອຸດສາຫະກຳວັດສະດຸຢູ່ ຫວຽດນາມ.

ອີຣັກ ພົບຄົນເຈັບຫາຍໃຈຍາກ 837 ຄົນ ຍ້ອນພາຍຸຝຸ່ນຮຸ່ນແຮງ

22/05/2026 10:51

ຂ່າວຕ່າງປະເທດລາຍງານໃນວັນທີ 19 ພຶດສະພາ ຜ່ານມາວ່າ: ກະຊວງສາທາລະນະສຸກອີຣັກໄດ້ລາຍງານມີຄົນເຈັບ ຈຳນວນ 837 ຄົນ ທີ່ມີອາການຫາຍໃຈຍາກ ຍ້ອນພາຍຸຝຸ່ນຮຸນແຮງທີ່ພັດປົກຄຸມປະເທດ. ໂດຍບໍ່ມີລາຍງານຜູ້ເສຍຊີວິດ ແລະ ຜູ້ທີ່ໄດ້ຮັບຜົນກະທົບທັງໝົດໄດ້ອອກຈາກໂຮງໝໍແລ້ວ ຫຼັງຈາກໄດ້ຮັບການປິ່ນປົວ.

ສປຊ ຫຼຸດອັດຕາຄາດຄະເນລະດັບການເຕີບໂຕເສດຖະກິດທົ່ວໂລກລົງ

22/05/2026 10:49

ວິທະຍຸກະຈາຍສຽງຫວຽດນາມລາຍງານໃນວັນທີ 21 ພຶດສະພາ ຜ່ານມາວ່າ: ຕາມບົດລາຍງານສະພາບການ ແລະ ທ່າອ່ຽງເສດຖະກິດໂລກໄລຍະກາງປີ 2026 ໂດຍ ສປຊ ປະກາດໃນວັນທີ 19 ພຶດສະພາ ຜ່ານມາວ່າ, ລະດັບການເຕີບໂຕ GDP ທົ່ວໂລກ ໄດ້ຮັບການດັດປັບຫຼຸດລົງຈາກ 2.7% (ໂຕເລກທີ່ຄາດຄະເນເມື່ອເດືອນມັງກອນ 2026) ເປັນ 2.5%.

ອັດຕາແລກປ່ຽນເງິນຣູເປຍອິນໂດເນເຊຍ ຫຼຸດລົງເຖິງລະດັບຕ່ຳສຸດໃນປະຫວັດສາດ

22/05/2026 10:48

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນທີ 18 ພຶດສະພາຜ່ານມາ, ຂໍ້ມູນອັດຕາແລກປ່ຽນທີ່ທະນາຄານກາງອິນໂດເນເຊຍເປີດເຜີຍສະແດງໃຫ້ເຫັນວ່າ, ອັດຕາແລກປ່ຽນຕໍ່ເງິນໂດລາຂອງເງິນຣູເປຍອິນໂດເນເຊຍໄດ້ຕົກຕ່ຳລົງຢ່າງຕໍ່ເນື່ອງໃນຫຼາຍມື້ຜ່ານມາ. ໃນວັນດັ່ງກ່າວ, ຄ່າເງິນຣູເປຍໄດ້ຫຼຸດລົງມາຢູ່ປະມານ 17,600 ຣູເປຍຕໍ່ໂດລາ ຊຶ່ງເປັນຈຸດຕ່ຳສຸດໃນປະຫວັດສາດ ແລະ ຄວາມກົດດັນເງິນເຟີ້ຂອງເງິນຣູເປຍໄດ້ເພີ່ມສູງຂຶ້ນຢ່າງຕໍ່ເນື່ອງ.

UN ຮຽກຮ້ອງໃຫ້ທົ່ວໂລກໃຊ້ມາດຕະການຢ່າງຕັ້ງໜ້າ ເພື່ອຫຼຸດມົນລະພິດຈາກການກໍ່ສ້າງ

22/05/2026 10:42

ຂ່າວຕ່າງປະເທດລາຍງານ ໃນວັນທີ 19 ພຶດສະພາ ຜ່ານມາວ່າ: ບົດລາຍງານຂອງອົງການສະຫະປະຊາຊາດ (UN) ລະບຸວ່າ, ການກໍ່ສ້າງອາຄານໃໝ່ຄວນປະຕິບັດຕາມມາດຕະການຄວບຄຸມ ເພື່ອບັນລຸເປົ້າໝາຍການປ່ອຍອາຍພິດເຮືອນແກ້ວສຸດທິເປັນສູນ, ເນື່ອງຈາກວ່າຂະແໜງການກໍ່ສ້າງເປັນສາເຫດຂອງການປ່ອຍອາຍພິດກາກບອນໄດອອກຊາຍທົ່ວໂລກເຖິງ 37% ຊຶ່ງຫຼາຍທີ່ສຸດເມື່ອທຽບກັບຂະແໜງການອື່ນໆ.

ເພີ່ມເຕີມ