 |
ໃນຖານະເປັນປະເທດໃຫຍ່ອັນດັບໜຶ່ງດ້ານການຄ້າສິນຄ້າຂອງໂລກ, ປະເທດຈີນ ໄດ້ເອົາໃຈໃສ່ຕໍ່ການເປີດກວ້າງການນຳເຂົ້າມາໂດຍຕະຫຼອດ ຊຶ່ງໄດ້ກາຍເປັນຕະຫຼາດນຳເຂົ້າຂະໜາດໃຫຍ່ອັນດັບສອງຂອງໂລກມາເປັນເວລາ 17 ປີ ລຽນຕິດ. ເມື່ອ 8 ປີກ່ອນຈີນໄດ້ລິເລີ່ມຈັດງານວາງສະແດງສິນຄ້ານຳເຂົ້າສາກົນ ຈີນ ຊຶ່ງເປັນງານວາງສະແດງສິນຄ້າລະດັບຊາດທີ່ຖືການນຳເຂົ້າເປັນຫົວຂໍ້ຫຼັກ ພຽງແຫ່ງດຽວໃນໂລກ, ມາຮອດປັດຈຸບັນ, ນັບລວມແລ້ວໄດ້ຕົກລົງຊື້-ຂາຍກັນຫຼາຍກວ່າ 580 ຕື້ໂດລາ, ກາຍເປັນຜະລິດຕະພັນສາທາລະນະສາກົນທີ່ທົ່ວໂລກຮ່ວມກັນຊົມໃຊ້.
ຢູ່ສະຖານທີ່ຈັດກິດຈະກຳ, ແຂກຜູ້ມີກຽດທີ່ຮ່ວມງານຈຳນວນບໍ່ໜ້ອຍເຫັນວ່າ ໃນປີເລີ່ມຕົ້ນປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 15, ກິດຈະກຳຕ່າງໆພາຍໃຕ້ຫົວຂໍ້ “ຮ່ວມກັນຊົມໃຊ້ຕະຫຼາດຂະໜາດໃຫຍ່·ສົ່ງອອກປະເທດຈີນ” ທີ່ຈີນລິເລີ່ມຈັດ, ເປັນການກະທຳຕົວຈິງທີ່ເປັນເຈົ້າການເປີດຕະຫຼາດສູ່ໂລກ ແລະ ຊຸກຍູ້ໃຫ້ການນຳເຂົ້າ ແລະ ສົ່ງອອກພັດທະນາຢ່າງດຸ່ນດ່ຽງກັນ ຊຶ່ງຈະຮ່ວມກັນກັບງານວາງສະແດງສິນຄ້ານຳເຂົ້າສາກົນຈີນ ເພື່ອສ້າງຊ່ອງທາງຫຼາຍກວ່າເກົ່າໃຫ້ແກ່ສິນຄ້າທົ່ວໂລກເຂົ້າສູ່ຕະຫຼາດຈີນ.
ຫຼາຍປີຜ່ານມານີ້, ຈີນໄດ້ສືບຕໍ່ເປີດຕະຫຼາດສູ່ໂລກຢ່າງຕໍ່ເນື່ອງ. ປັດຈຸບັນ, ລະດັບພາສີໂດຍລວມໄດ້ຫຼຸດລົງເຫຼືອ 7,3% ຊຶ່ງຢູ່ໃນລະດັບອ່າວຕ່ຳເມື່ອທຽບໃສ່ທົ່ວໂລກ. ເທື່ອນີ້, ກະຊວງການຄ້າຈີນປະກາດວ່າ ປີ 2026 ຈະຈັດກິດຈະກຳຕ່າງໆ ພາຍໃຕ້ຫົວຂໍ້ “ຮ່ວມກັນຊົມໃຊ້ຕະຫຼາດຂະໜາດໃຫຍ່·ສົ່ງອອກປະເທດຈີນ” ຫຼາຍກວ່າ 100 ຄັ້ງ. ສິ່ງນີ້ໄດ້ສະໜອງທາງເລືອກໃນການຊື້ສິນຄ້າທີ່ອຸດົມສົມບູນ ແລະ ຫຼາຍເຄົ້າໃຫ້ແກ່ຜູ້ບໍລິໂພກຈີນເພື່ອຕອບສະໜອງກັບຄວາມຕ້ອງການໃນ ການຍົກລະດັບການບໍລິໂພກພາຍໃນປະເທດໃຫ້ໄດ້ດີກວ່າເກົ່າ, ທັງໄດ້ສ້າງເວທີການຮ່ວມມືໃຫ້ແກ່ວິສາຫະກິດຈີນ ແລະ ຕ່າງປະເທດເພື່ອແບ່ງປັນໂອກາດ “ສົ່ງອອກຈີນ”.
ອີກ 10 ກວ່າມື້, ຈີນຈະຕ້ອນຮັບບຸນກຸດຈີນທີ່ເປັນບຸນປີໃຫມ່ຈີນຕາມຈັນທະຄະຕິ. ຈາກ “ປະເທດໃຫຍ່ດ້ານການຜະລິດ” ຮອດ “ປະເທດໃຫຍ່ດ້ານການບໍລິໂພກ”, ໃນປີໃໝ່ນີ້, ໂອກາດແຫ່ງຕະຫຼາດຂະ ໜາດໃຫຍ່ພິເສດຂອງຈີນຈະສືບຕໍ່ປົດປ່ອຍອອກມາ, ປະຕູໃຫຍ່ແຫ່ງການເປີດປະຕູສູ່ພາຍນອກຈະນັບມື້ນັບກວ້າງອອກ. ຍິນດີຕ້ອນຮັບປະເທດຕ່າງໆໃນໂລກຮ່ວມກັບຈີນ, ສົ່ງອອກສູ່ປະເທດຈີນ ແລະ ຮ່ວມກັນສ້າງອະນາຄົດທີ່ດີງາມບົນພື້ນຖານຕ່າງຝ່າຍຕ່າງໄດ້ຮັບຜົນປະໂຫຍດ.
ຄໍາເຫັນ