ໃນປີ 2024 ທີ່ຈະມາເຖິງນີ້, ເມືອງນໍ້າບາກ ແຂວງຫຼວງພະບາງຈະສູ້ຊົນເຮັດໃຫ້ລວມຍອດຜະລິດຕະພັນອຸດສາຫະກໍາ-ຫັດຖະກໍາໃຫ້ ບັນລຸ 560 ຕື້ກີບ, ສົ່ງອອກໃຫ້ໄດ້ 220 ຕື້ກີບ ແລະ ນໍາເຂົ້າໃຫ້ໄດ້ 370 ຕື້ກີບ; ເພື່ອໃຫ້ໄດ້ຕາມແຜນການ ເມືອງນໍ້າບາກຈະເຂັ້ມງວດຕິດຕາມກວດກາ, ຄຸ້ມຄອງລາຄາສິນຄ້າໃນໂລຍະເງິນກີບອ່ອນຄ່າ ໃຫ້ຢູ່ໃນເກນປົກກະຕິ,ຕິດຕາກວດກາດັດແກ້ຕົວແທນວິສາຫະກິດເພີ່ມຕົວເລກປະຈໍາຕົວຂອງຜູ້ເສຍອາກອນ,ສົມທົບກັບຂະແໜງການທີ່ກ່ຽວຂ້ອງຂັ້ນເມືອງເກັບກໍາຈໍານວນຫົວໜ່ວຍວິສາຫະກິດທີ່ບໍ່ເຄື່ອນໄຫວ ເພື່ອລາຍງານພະແນກລົບລ້າງຕາມລະບຽບການ, ສົ່ງເສີມທຸລະກິດຂະໜາດນ້ອຍ-ກາງເຂົ້າເຖິງແຫຼ່ງທຶນໃຫ້ຫຼາຍຂຶ້ນ, ຄຸ້ມຄອງປໍ້ານໍ້າມັນ, ລາຄານໍ້າມັນ,ຊິງຊັ່ງຜອງຕາມທ້ອງຕະຫຼາດ, ສົ່ງເສີມບໍລິສັດເກັບຊື້ສິນຄ້າ, ຮ້ານຂາຍຍົກ-ຂາຍຍ່ອຍໃຫ້ດໍາເນີນທຸລະກິດຢ່າງໂລ່ງລ່ຽນເປັນປົກກະຕິ,ອອກໃບຢັ້ງຢືນວັດແທກຕາມລະບຽບກົດໝາຍ; ສູ້ຊົນລະດົມທຶນ ເພື່ອການພັດທະນາ ແລະ ໂຄງການສືບຕໍ່ຊໍາລະ 12 ໂຄງການ ທີ່ຍັງເຫຼືອ 18.935,58 ຕື້ກີບ, ອັດຕາການຂະຫຍາຍຕົວໃຫ້ ໄດ້ 7,52%, ລວມຍອດຜະລິດຕະພັນໃຫ້ໄດ້ 1.605.171.745.418ກີບ ສະເລ່ຍໃສ່ຫົວຄົນ/ປີໃຫ້ໄດ້ 19.059.431 ກີບ/ຄົນ/ປີ. ສົມທົບກັບຂະແໜງການທີ່ກ່ຽວຂ້ອງລົງຕິດຕາມຊຸກຍູ ບັນດາຫົວໜ່ວຍທຸລະກິດໃຫ້ເຄື່ອນໄຫວຖືກຕ້ອງຕາມສັນຍາ ແລະ ລະບຽບການ, ເປີດກອງປະຊຸມແຈ້ງຕົວເລກອະນຸມັດການລົງທຶນປະຈໍາປີ 2024 ພ້ອມທັງກະກຽມຈັດຕັ້ງປະຕິບັດໂຄງການທີ່ໄດ້ອະນຸມັດ ແລະ ສະເໜີແຜນການລົງທຶນ ປີ 2025, ສືບຕໍ່ອໍານວຍຄວາມສະດວກ ໃຫ້ແກ່ບໍລິສັດຕ່າງໆ ແລະ ນັກທຸລະກິດຜູ້ຕ້ອງການລົງທຶນ ໃນດ້ານ ເອກະສານ, ລະບຽບການໃຫ້ຖືກຕ້ອງກ່ອນຈັດຕັ້ງປະຕິບັດ ແລະ ໃຫ້ທັນກັບເວລາ.ປະສານສົບທົບກັບຂະແໜງການທີ່ກ່ຽວຂ້ອງໃນການເກັບຄ່າທໍານຽມ, ຄ່າເຊົ່າ ສໍາປະທານ, ຫົວໜ່ວຍທຸລະກິດ ແລະ ການຂຸດຄົ້ນຕ່າງໆ ໃຫ້ຖືກຕ້ອງຕາມລະບຽບກົໝາຍ; ສືບຕໍ່ເກັບລາຍຮັບ ເຂົ້າງົບປະມານໃຫ້ໄດ້ 8.500.000.000 ກີບ, ໃນນັ້ນສ່ວຍສາອາກອນໃຫ້ໄດ້ 6.450.000.000 ກີບ, ລາຍຮັບຄ່າ ທໍານຽມທີ່ດິນ 1.370.000.000 ກີບ, ລາຍຮັບຊັບສິນຂອງລັດໃຫ້ໄດ້ 680.000.000 ກີບ, ສືບຕໍ່ຄຸ້ມຄອງລາຍ ຈ່າຍໃຫ້ຊັດເຈນ ແລະ ຖືກຕ້ອງຕາມຂໍ້ກໍານົດ, ລະບຽບການເງິນໃຫ້ຢູ່ໃນ 34.136.221.334 ກີບ.
ໄປພ້ອມກັນນັ້ນ ເມືອງຈະປົກປັກຮັກສາ-ບຸລະນະ ຊັບພະຍາກອນທໍາມະຊາດ ແລະ ສິ່ງແວດລ້ອມໃຫ້ຮັດກຸມຂຶ້ນກວ່າເກົ່າ. ສືບຕໍ່ອອກໃບຕາດິນເປັນລະບົບໃຫ້ ໄດ້ 4 ບ້ານ, ສືບຕໍ່ແກ້ໄຂຂໍ້ຂັດແຍ່ງກ່ຽວກັບທີ່ດິນຕາມການຮ້ອງຂໍ, ວັດແທກແບ່ງແຍກ,ໂຮມຕອນດິນ ແລະ ໂອນ ກໍາມະສິດຕາມການຮ້ອງຂໍຂອງເຈົ້າຂອງສິດນໍາໃຊ້ທີ່ດິນ, ເກັບກໍາຂໍ້ມູນຕອນດິນເຂົ້າປຶ້ມສໍາມະໂນທີ່ດິນແບບລະອຽດຄືນໃໝ່ໃຫ້ໄດ້ 6 ບ້ານ, ສໍາຫຼວດວັດແທກອອກໃບຕາດິນເປັນລະບົບໃຫ້ໄດ້ 489 ຕອນ, ສືບຕໍ່ພິມໃບຕາດິນບ້ານທີ່ຍັງຄ້າງໃຫ້ສໍາເລັດ, ສືບຕໍ່ແກ້ໄຂທີ່ດິນລັດຢູ່ບ້ານຊາງ, ບ້ານໂຄ້ງ, ບ້ານບົມ ແລະ ບ້ານນໍ້າຖ້ວມໃຕ້ໃຫ້ສໍາເລັດ, ອອກໃບຢັ້ງຢືນສິ່ງແວດລ້ອມໃຫ້ບັນດາຫົວໜ່ວຍທຸລະກິດຄອບຄົວໃຫ້ໄດ້ 120 ກິດຈະການ, ຕິດຕາມກວດກາການປູກກ້ວຍຂອງຊາວຕ່າງປະເທດ ແລະ ບັນດາ ໂຮງງານພາຍໃນເມືອງໃຫ້ຖືກຕ້ອງຕາມແຜນຄຸ້ມຄອງສິ່ງແວດລ້ອມ.(ໂດຍ: ຕະວິນຍານ)
ໄປພ້ອມກັນນັ້ນ ເມືອງຈະປົກປັກຮັກສາ-ບຸລະນະ ຊັບພະຍາກອນທໍາມະຊາດ ແລະ ສິ່ງແວດລ້ອມໃຫ້ຮັດກຸມຂຶ້ນກວ່າເກົ່າ. ສືບຕໍ່ອອກໃບຕາດິນເປັນລະບົບໃຫ້ ໄດ້ 4 ບ້ານ, ສືບຕໍ່ແກ້ໄຂຂໍ້ຂັດແຍ່ງກ່ຽວກັບທີ່ດິນຕາມການຮ້ອງຂໍ, ວັດແທກແບ່ງແຍກ,ໂຮມຕອນດິນ ແລະ ໂອນ ກໍາມະສິດຕາມການຮ້ອງຂໍຂອງເຈົ້າຂອງສິດນໍາໃຊ້ທີ່ດິນ, ເກັບກໍາຂໍ້ມູນຕອນດິນເຂົ້າປຶ້ມສໍາມະໂນທີ່ດິນແບບລະອຽດຄືນໃໝ່ໃຫ້ໄດ້ 6 ບ້ານ, ສໍາຫຼວດວັດແທກອອກໃບຕາດິນເປັນລະບົບໃຫ້ໄດ້ 489 ຕອນ, ສືບຕໍ່ພິມໃບຕາດິນບ້ານທີ່ຍັງຄ້າງໃຫ້ສໍາເລັດ, ສືບຕໍ່ແກ້ໄຂທີ່ດິນລັດຢູ່ບ້ານຊາງ, ບ້ານໂຄ້ງ, ບ້ານບົມ ແລະ ບ້ານນໍ້າຖ້ວມໃຕ້ໃຫ້ສໍາເລັດ, ອອກໃບຢັ້ງຢືນສິ່ງແວດລ້ອມໃຫ້ບັນດາຫົວໜ່ວຍທຸລະກິດຄອບຄົວໃຫ້ໄດ້ 120 ກິດຈະການ, ຕິດຕາມກວດກາການປູກກ້ວຍຂອງຊາວຕ່າງປະເທດ ແລະ ບັນດາ ໂຮງງານພາຍໃນເມືອງໃຫ້ຖືກຕ້ອງຕາມແຜນຄຸ້ມຄອງສິ່ງແວດລ້ອມ.(ໂດຍ: ຕະວິນຍານ)
ຄໍາເຫັນ