ຂຶ້ນທີ່ຫ້ອງປະຊຸມຂອງບໍລິສັດດັ່ງກ່າວ, ໂດຍການເຂົ້າຮ່ວມຂອງທ່ານ ພົມມະລາ ນັນທະວົງ ຫົວໜ້າພະແນກເຕັກໂນໂລຊີ ແລະ ການສື່ສານແຂວງວຽງຈັນ, ທ່ານ ນາງ ແສງສະເດັດ ແສງມະນີ ຫົວໜ້າບໍລິສັດລາວໂທລະຄົມມະນາຄົມ ມະຫາຊົນ (ລລທ) ສາຂາແຂວງ, ພ້ອມດ້ວຍພະນັກງານເຂົ້າຮ່ວມ.
ທ່ານ ເຕັ່ງ ຊົ່ງ ຮອງຫົວໜ້າຂະແໜງຈັດຕັ້ງບໍລິຫານ ບໍລິສັດລາວໂທລະຄົມມະນາຄົມ ມະຫາຊົນ ສາຂາແຂວງວຽງຈັນ ໄດ້ຂຶ້ນຜ່ານບົດສະຫຼຸບວຽກງານໃນໄລຍະ 1 ປີຜ່ານມາ ແລະ ທິດທາງແຜນການ ປີ 2025 ວ່າ: ໄລຍະຜ່ານມາຄະນະພັກ-ຄະນະນຳ ລລທ ສາຂາແຂວງວຽງຈັນ ໄດ້ເອົາໃຈໃສ່ຢ່າງຕັ້ງໜ້າໃນການນຳພາ-ຊີ້ນຳວຽກງານຮອບດ້ານ ຊຶ່ງເຮັດໃຫ້ມີຜົນສຳເລັດຫຼາຍດ້ານສະແດງອອກ: ມີເຄືອຄ່າຍ 2G, 3G, 4G ແລະ 4Ga ມີທັງໝົດ 374 ສະຖານີ, ມີ 2,588 ເຊວ, ຂະຫຍາຍສັນຍານ Zone ແຫຼ່ງທ່ອງທ່ຽວໄດ້ 2 ຈຸດ, ຈຸດທີ່ເປັນປະຕູເຂົ້າ-ອອກແຂວງວຽງຈັນ ໄດ້ 2 ຈຸດ, ຊຸມຊົນ ໄດ້ 4 ຈຸດ, ຂະຫຍາຍ Cell ໃສ່ຈຸດໃໝ່ໄດ້ 7 ຈຸດ, ເພີ່ມ Cell ແກ້ໄຂ້ High PRB ໄດ້ 22 ຈຸດ, ຂະຫຍາຍ Link PTN ເປັນ ATN 1G ໄດ້ 2 ສະຖານີ, ຂະຫຍາຍ Link IPRAN 10G ໄດ້ 1 ສະຖານີ, ດຶງສາຍໃໝ່ ເພື່ອແກ້ Loss ໄດ້ທັງ 5 ສະຖານີ ລວມທັງໝົດ 32 ກິໂລແມັດ, ວຽກຕິດຕັ້ງ FBB ຕິດຕັ້ງໄດ້ 1,301 User ແລະ ສາມາດປະຕິບັດສໍາເລັດ ຕາມແຜນ KPI ໃນແຕ່ລະ Q ແມ່ນສາມາດຍາດໄດ້ເກດ A. ສຳເລັດການຂະຫຍາຍຕາມຂອງໂຄງການ: ປະກອບມີ phase 11 Q3 & Q4 ແລະ phase 12 ພາຍໃນເທດສະບານແຂວງ ແລະ ເມືອງ, ດຶງສາຍຂະຫຍາຍ FATBox, ODP ເລັ່ງດ່ວນພາຍໃນເຂດຊຸມຊົນໜາແໜ້ນໃນເທດສະບານແຂວງ. ຂະຫຍາຍ Uplink OLT ຫຼັກ 52 ເພື່ອຮອງຮັບການໃຊ້ງານ ຂອງລູກຄ້າ FTTH ຈາກ 3Gb ເປັນ 10Gb ສໍາເລັດ. ສ້ອມແປງໄຟໃໝ່ສາຍແມ່ FATbox & ODP ສໍາເລັດ 6 ຄັ້ງ, ສ້ອມແປງ FBB ສໍາເລັດ ພາຍໃນ 24h/User ຕາມແຜນ Kpi ທີ່ຕັ້ງໄວ້, ສ້ອມແປງແກ້ຄ່າ LOSS FTTH ໄດ້ທັງໝົດ 81 User. ສາມາດຂາຍບັດເຕີມເງິນ ໄດ້ 93 ຕື້ 684 ລ້ານກວ່າກີບ, ຂາຍເບີ ແລະ ຊິມເນັດ ໄດ້ 30,357 ຊິມ. FTTH ມີ 6,884 User ເພີ່ມຂຶ້ນຈາກປີ 2023 ຈໍານວນ 1,275 User, ມີ Leased Line 87 User ເພີ່ມຂຶ້ນຈາກປີ 2023 ຈໍານວນ 26 User, ເຄື່ອນໄຫວ Re-Visit ລູກຄ້າຈໍານວນ 4 ຄັ້ງ/ປີ. ປີ 2024 ຍອດການຂຶ້ນທະບຽນເບີໂທລະສັບທັງໝົດ 122,479 ເລກໝາຍ, ຍອດຄ້າງລົງທະບຽນ 36,204 ເລກໝາຍ, ມີລູກຄ້າ M money 24,532 ເລກໝາຍ. ປີຜ່ານມາບໍລິສັດມີລາຍຮັບທັງໝົດ 112 ຕື້ 611 ລ້ານກວ່າກີບ, ລາຍຈ່າຍ 59 ຕື້ 325 ລ້ານກວ່າກີບ, ມີກຳໄລສຸດທິ 53 ຕື້, 286 ລ້ານກວ່າກີບ, ໂອນພັນທະໃຫ້ ລລທ ສູນກາງ 63 ຕື້ 700 ລ້ານກີບ, ອາກອນມູນຄ່າເພີ່ມ 4 ຕື້ 708 ລ້ານກວ່າກີບ, ອາກອນຊົມໃຊ້ 723 ລ້ານກວ່າກີບ ແລະ ອາກອນເງິນເດືອນ 1 ຕື້ 96 ລ້ານກວ່າກີບ, ລວມມອບອາກອນໃຫ້ລັດ ທັງໝົດ 6 ຕື້ 529 ລ້ານກວ່າກີບ.
ກອງປະຊຸມຄັ້ງນີ້, ຍັງໄດ້ມີພິທີມອບໃບຍ້ອງຍໍ ໃຫ້ກັບພະນັກງານທີ່ມີຜົນງານດີເດັ່ນໃນການປະກອບສ່ວນເຄື່ອນໄຫວວຽກງານຂອງ ລລທ ປະຈຳປີ 2024. ໃນນີ້, ມີຂັ້ນກະຊວງ 16 ທ່ານ, ຍິງ 4 ທ່ານ, ຍ້ອງຍໍປະເພດ I ຂອງບໍລິສັດຈຳນວນ 18 ທ່ານ, ຍິງ 5 ທ່ານ, ປະເພດ II ຈຳນວນ 30 ທ່ານ, ຍິງ 10 ທ່ານ ແລະ ໃບຊົມເຊີຍ 22 ທ່ານ, ຍິງ 8 ທ່ານ.
(ແຫຼ່ງຂ່າວ: ແຂວງວຽງຈັນ)
ຄໍາເຫັນ