 |
ໃຫ້ກຽດກ່າວປິດໂດຍທ່ານ ບົວວົງ ພົມພັກດີ ຮອງຫົວໜ້າກົມໂຄສະນາ ຄະນະໂຄສະນາອົບຮົມສູນກາງພັກ ຕາງໜ້າຄະນະສື່ມວນຊົນ ສປປລາວ. ຕະຫຼອດໄລຍະການຝຶກອົບຮົມ, ນັກສຳມະນາໄດ້ມີໂອກາດສຶກສາ ແລະ ແລກປ່ຽນບົດຮຽນກ່ຽວກັບວິວັດທະນາການຂອງສື່ໃໝ່, ແນວທາງການພັດທະນາສື່ດີຈີຕອນ, ການນຳໃຊ້ເຕັກໂນໂລຊີໃນການຜະລິດເນື້ອໃນ, ການປັບຕົວຂອງສື່ດັ້ງເດີມເຂົ້າສູ່ຍຸກດີຈີຕອນ ຕະຫຼອດເຖິງການສ້າງເນື້ອໃນໃຫ້ສາມາດເຂົ້າເຖິງຜູ້ຊົມຫຼາຍແພລັດຟອມ. ນອກຈາກນັ້ນ, ບັນດານັກສຳມະນາກອນຍັງໄດ້ມີໂອກາດລົງທັດສະນະສຶກສາດ້ານວັດທະນະທຳ, ນະວັດຕະກໍາ, ເຕັກໂນໂລຊີ ແລະ ໜ່ວຍງານດ້ານສື່ຂອງຈີນ ພ້ອມທັງແລກປ່ຽນຂໍ້ມູນກັບບັນດາຜູ້ຊ່ຽວຊານ ແລະ ນັກວິຊາການ ກ່ຽວກັບໂອກາດ, ສິ່ງທ້າທາຍ ແລະ ທິດທາງໃໝ່ຂອງອຸດສາຫະກຳສື່ໃນສະພາບການປ່ຽນຜ່ານສູ່ດີຈີຕອນ.
 |
ການຝຶກອົບຮົມຄັ້ງນີ້, ບໍ່ພຽງແຕ່ເປັນເວທີແລກປ່ຽນຄວາມຮູ້ດ້ານສື່ເທົ່ານັ້ນ, ແຕ່ຍັງເປັນໂອກາດໃຫ້ນັກສຳມະນາຈາກ 4 ປະເທດອາຊຽນໄດ້ສ້າງເຄືອຂ່າຍ, ຮູ້ຈັກຊຶ່ງກັນ ແລະ ກັນ ແລະ ຮ່ວມກັນຊອກຫາແນວທາງສ້າງຄວາມຮ່ວມມືໃນອະນາຄົດ. ໃນພິທີປິດການຝຶກອົບຮົມ, ຜູ້ຕາງໜ້າຈາກຝ່າຍຈີນ ແລະ ບັນດາປະເທດອາຊຽນ ໄດ້ຮ່ວມທົບທວນໝາກຜົນຈາກການຮ່ວມກັນຮຽນຮູ້ ແລະ ແລກປ່ຽນຕະຫຼອດໄລຍະຫຼັກສູດ, ພ້ອມຢືນຢັນເຖິງຄວາມສຳຄັນຂອງສື່ໃໝ່ໃນການເຊື່ອມໂຍງປະຊາຊົນ, ເສີມສ້າງຄວາມເຂົ້າໃຈ ແລະ ສົ່ງເສີມມິດຕະພາບລະຫວ່າງຈີນ-ອາຊຽນ. ການສິ້ນສຸດຂອງຫຼັກສູດຝຶກອົບຮົມ ບໍ່ແມ່ນຈຸດຈົບຂອງການແລກປ່ຽນ, ແຕ່ເປັນຈຸດເລີ່ມຕົ້ນໃໝ່ຂອງການສານຕໍ່ການຮ່ວມມືດ້ານສື່ລະຫວ່າງຈີນ ແລະ ອາຊຽນ. ຜ່ານການແລກປ່ຽນຢ່າງໃກ້ຊິດ, ບັນດາຝ່າຍຈະຮ່ວມກັນສ້າງພະລັງໃໝ່ໃຫ້ຂະແໜງສື່, ຍົກລະດັບທັກສະຂອງບຸກຄະລາກອນ ແລະ ສົ່ງເສີມການສ້າງສື່ໃໝ່ທີ່ມີຄຸນນະ ພາບ ສາມາດຕອບສະໜອງຕໍ່ພັດທະນາຂອງຍຸກດີຈີຕອນ. ການຮ່ວມມືດ້ານສື່ຈີນ-ອາຊຽນ ຈຶ່ງມີແນວໂນ້ມສືບຕໍ່ຂະຫຍາຍຕົວ ແລະ ເລິກເຊິ່ງຂຶ້ນ ໂດຍອາໄສສື່ເປັນຂົວເຊື່ອມໂຍງຄວາມເຂົ້າໃຈ, ເສີມສ້າງມິດຕະພາບ ແລະ ຮ່ວມສ້າງໂອກາດໃໝ່ໆ ໃນການພັດທະນາຂະແໜງການສູ່ຄຸນນະພາບສູງ. ຂ່າວ: ໄມຕຣີ
ຄໍາເຫັນ