 |
ໃນໂອກາດປິດຊຸດຝຶກອົບຮົມດັ່ງກ່າວ ສະຫາຍ ຄຳຜາ ພິມມະສອນ ໄດ້ມີຄຳເຫັນວ່າ: ຜ່ານການຝຶກ ອົບຮົມວຽກງານແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ ແມ່ນໄດ້ຝຶກອົບຮົມຕາມຫຼັກສູດ ຂອງກະຊວງພາຍໃນ ເວົ້າລວມ, ເວົ້າສະເພາະກໍຄືສະຖາບັນຄົ້ນຄວ້າວິທະຍາສາດການປົກຄອງ ແລະ ຝຶກອົບຮົມ ກໍານົດ ຊຶ່ງການຝຶກ ອົບຮົມໃນຄັ້ງນີ້ມີທັງໝົດ 5 ວິຊາ ໂດຍແມ່ນການຝຶກ, ບັນຍາຍເອກະສານແລກປ່ຽນບົດຮຽນທາງດ້ານທິດສະດີ ແລະ ພຶດຕິກໍາຕົວຈິງຈາກນັກວິທະຍາກອນ ຫຼື ຄູຝຶກທີ່ມີຄວາມຮູ້ຄວມສາມາດ ແລະ ປະສົບການສູງ ທີ່ມາຈາກກະຊວງພາຍໃນ ຊຶ່ງບົດຮຽນຕ່າງໆຕາມຫຼັກສູດການຝຶກອົບຮົມດັ່ງກ່າວແມ່ນມີຄວາມສໍາຄັນຫຼາຍຕໍ່ການ ຍົກລະດັບຄວາມຮູ້ຄວາມສາມາດຂອງພະນັກງານ - ລັດຖະກອນຂອງຫ້ອງວ່າການສູນກາງພັກຂອງພວກເຮົາ ໂດຍສະເພາະແມ່ນຜູ້ທີ່ເຮັດວຽກງານດັ່ງກ່າວຕົວຈິງ, ຂ້າພະເຈົ້າເຊື່ອໝັ້ນວ່າຜ່ານການໄດ້ຝຶກອົບຮົມຄັ້ງນີ້ສໍາເລັດ ແລ້ວບັນດາຜູ້ເຂົ້າຮ່ວມຈະໄດ້ຮັບຄວາມຮູ້, ບົດຮຽນ, ປະສົບການທາງດ້ານທິດສະດີ ແລະ ພຶດຕິດໍາຕົວຈິງ ຫຼາຍຂຶ້ນກວ່າເກົ່າເພື່ອນໍາມາໝູນໃຊ້ເຂົ້າໃນການຈັດຕັ້ງປະຕິບັດໜ້າທີ່ວຽກງານຂອງຕົນໃນຕໍ່ໜ້າເປັນຢ່າງດີ. ສະນັ້ນ, ຂ້າພະເຈົ້າຂໍສະແດງຄວາມຊົມເຊີຍມາຍັງບັນດາທ່ານທັງໝົດທີ່ສໍາເລັດການຝຶກອົບຮົມໃນຄັ້ງນີ້.
ບັນດາທ່ານທີ່ຮັກແພງທັງຫຼາຍ ຂ້າພະເຈົ້າຂໍມີຄວາມເຫັນຈໍານວນໜຶ່ງໃຫ້ບັນດາທ່ານພະນັກງານ-ລັດຖະ ກອນ ພາຍໃນຫ້ອງວ່າການສູນກາງພັກ ຂອງພວກເຮົາດັ່ງນີ້:
1. ໃຫ້ບັນດາທ່ານເກັບກໍາຂໍ້ມູນບົດຮຽນ, ຄວາມຮູ້ທີ່ໄດ້ຝຶກອົບຮົມໃນຄັ້ງນີ້ ນໍາໄປຜັນຂະຫຍາຍ, ໝູນໃຊ້ ເຂົ້າໃນວຽກງານຕົວຈິງຂອງບັນດາທ່ານໃຫ້ເກີດດອກອອກຜົນ.
2. ພາຍຫຼັງທີ່ບັນດາທ່ານຝຶກອົບຮົມໄປແລ້ວໃຫ້ບັນດາທ່ານສືບຕໍ່ຍົກລະດັບຄວາມຮູ້, ຄວາມສາມາດ ຂອງຕົນເອງຕໍ່ໄປ, ນໍາໃຊ້ຄວາມຮູ້ຄວາມສາມາດເຂົ້າໃນການປັບປຸງ, ພັດທະນາວຽກງານການຈັດຕັ້ງພາຍໃນຫ້ອງ ວ່າການສູນກາງພັກໃຫ້ມີການປ່ຽນແປງໃໝ່ທີ່ດີ, ມີຜົນງານ, ຜະລິດຕະພັນໃໝ່ ແລະ ມີການຫັນປ່ຽນຢ່າງປະດິດສ້າງ. ຖືວ່າຊຸດຝຶກອົບຮົມຂອງພວກເຮົາໃນຄັ້ງນີ້ມີຜົນສໍາເລັດຕາມລະດັບຄາດໝາຍ.
ຂ່າວ-ພາບ: ພູວຽງຄຳ
ຄໍາເຫັນ