ທ່ານ ພັນເອກ ກົງຈັນ ໄຊປັນຍາ ຫົວໜ້າກອງບັນຊາການປ້ອງກັນຄວາມສະຫງົບ (ປກສ) ແຂວງບໍລິຄຳໄຊ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນໃນວັນທີ 4 ມີນາຜ່ານມາ ທີ່ກອງບັນຊາການດັ່ງກ່າວ ໃນໂອກາດສະເຫຼີມສະຫຼອງວັນສ້າງຕັ້ງແຂວງຄົບຮອບ 40 ປີ (6/3/1984-6/3/2024) ກອງບັນຊາການ ປກສ ແຂວງໄດ້ວາງກຳລັງເຈົ້າໜ້າທີ່ປ້ອງກັນຄວາມສະຫງົບຮອບດ້ານ.
ທ່ານ ພັນເອກ ກົງຈັນ ໄຊປັນຍາ ກ່າວວ່າ: ພາຍຫຼັງໄດ້ຮັບທິດຊີ້ນຳຈາກຂັ້ນເທິງພວກເຮົາໄດ້ຫ້າງຫາກະກຽມປ້ອງກັນຄວາມສະຫງົບຄວາມເປັນລະບຽບຮຽບຮ້ອຍໄດ້ວາງແຜນປ້ອງກັນໃນ 5 ໜ້າວຽກຄື: ໜຶ່ງ ພາຍຫຼັງໄດ້ຮັບການຊີ້ນຳຈາກອົງການປົກຄອງແຂວງແລ້ວ ພວກເຮົາໄດ້ສ້າງນິຕິກຳໂດຍການອອກຂໍ້ຕົກລົງນັບແຕ່ແຂວງຈົນຮອດບັນດາກຸ້ມບ້ານ; ສອງ ໄດ້ກຳນົດເອົາສູນບັນຊາຂອງກອງບັນຊາການ ປກສ ແຂວງ ແລະ 7 ກອງບັນຊາການ ປກສ ເມືອງສຸມໃສ່ປ້ອງກັນຢູ່ສະຖານທີ່ສຳຄັນໆທີ່ຕ້ອງໄດ້ນໍາໃຊ້ກຳລັງ ແລະ ສະຖານທີ່ສະເຫຼີມສະຫຼອງຊຶ່ງກຳນົດອອກເປັນ 2 ຈຸດໃຫຍ່ຄື: ຈຸດທີໜຶ່ງສວນສາທາລະນະຂອງທ່ານ ສີສົມພອນ ລໍວັນໄຊ ທີ່ນໍາໃຊ້ເປັນບ່ອນມິດຕິ່ງ, ສະໜາມກິລາຄົບວົງຈອນຂອງແຂວງຊຶ່ງກຳນົດເປັນຈຸດວາງສະແດງສິນຄ້າ. ນອກຈາກນັ້ນ, ຍັງວາງກຳລັງຢູ່ຕາມບ້ານພັກ, ໂຮງແຮມ, ສຳນັກງານ, ອົງການຂອງພັກ-ລັດຕະຫຼອດຮອດບັນດາເມືອງພາຍໃນແຂວງ; ວຽກທີສາມ ສຸມໃສ່ໃຫ້ອ້າຍນ້ອງຈະລາຈອນອຳນວຍຄວາມສະດວກໃນການສັນຈອນ, ທ່ຽວຊົມ, ເຂົ້າຮ່ວມງານສະເຫຼີມສະຫຼອງ ແລະ ນໍາພາແຂກທ່ອງທ່ຽວ; ວຽກທີສີ່ ກະກຽມພາຫະນະ, ອຸປະກອນຮັບໃຊ້ໃຫ້ແກ່ວຽກງານປ້ອງກັນເປັນຕົ້ນພາຫະນະລົດສະຫຼາມ, ລົດກວດກາລາດຕະເວນ, ລົດດັບເພີງ ແລະ ອຸປະກອນອື່ນໆໃຫ້ມີຄວາມພ້ອມ; ວຽກທີຫ້າ ກະກຽມການປະສານສົມທົບກັບພາກສ່ວນກ່ຽວຂ້ອງ ໂດຍສະເພາະກຳລັງປ້ອງກັນຊາດຊຶ່ງມີກົນໄກໃນການປະສານງານກັນຢ່າງເລິກເຊິ່ງ ພ້ອມນັ້ນໄດ້ສົມທົບບັນດາອົງການປົກຄອງທ້ອງຖິ່ນເມືອງຕະຫຼອດຮອດພໍ່ແມ່ປະຊາຊົນ, ພະນັກງານ-ລັດຖະກອນເພື່ອຊ່ວຍວຽກງານປ້ອງກັນໃຫ້ມີຄວາມເປັນລະບຽບຮຽບຮ້ອຍ; ວຽກທີຫົກຮຽກຮ້ອງມາຍັງພະນັກງານ, ທະຫານ, ຕຳຫຼວດຕະຫຼອດຮອດປະຊາຊົນລາວບັນດາເຜົ່າພາຍໃນແຂວງຈົ່ງພ້ອມກັນເປັນເຈົ້າການປະກອບສ່ວນເຂົ້າໃສ່ວຽກງານສະເຫຼີມສະຫຼອງ 40 ປີວັນສ້າງຕັ້ງແຂວງບໍລິຄຳໄຊໃຫ້ຮັບປະກັນຄວາມສະຫງົບ ຄວາມເປັນລະບຽບຮຽບຮ້ອຍທາງສັງຄົມໃຫ້ໄດ້ 100%.
ຂ່າວ: ພູວັນ, ພາບ: ແສງຈັນ
ທ່ານ ພັນເອກ ກົງຈັນ ໄຊປັນຍາ ກ່າວວ່າ: ພາຍຫຼັງໄດ້ຮັບທິດຊີ້ນຳຈາກຂັ້ນເທິງພວກເຮົາໄດ້ຫ້າງຫາກະກຽມປ້ອງກັນຄວາມສະຫງົບຄວາມເປັນລະບຽບຮຽບຮ້ອຍໄດ້ວາງແຜນປ້ອງກັນໃນ 5 ໜ້າວຽກຄື: ໜຶ່ງ ພາຍຫຼັງໄດ້ຮັບການຊີ້ນຳຈາກອົງການປົກຄອງແຂວງແລ້ວ ພວກເຮົາໄດ້ສ້າງນິຕິກຳໂດຍການອອກຂໍ້ຕົກລົງນັບແຕ່ແຂວງຈົນຮອດບັນດາກຸ້ມບ້ານ; ສອງ ໄດ້ກຳນົດເອົາສູນບັນຊາຂອງກອງບັນຊາການ ປກສ ແຂວງ ແລະ 7 ກອງບັນຊາການ ປກສ ເມືອງສຸມໃສ່ປ້ອງກັນຢູ່ສະຖານທີ່ສຳຄັນໆທີ່ຕ້ອງໄດ້ນໍາໃຊ້ກຳລັງ ແລະ ສະຖານທີ່ສະເຫຼີມສະຫຼອງຊຶ່ງກຳນົດອອກເປັນ 2 ຈຸດໃຫຍ່ຄື: ຈຸດທີໜຶ່ງສວນສາທາລະນະຂອງທ່ານ ສີສົມພອນ ລໍວັນໄຊ ທີ່ນໍາໃຊ້ເປັນບ່ອນມິດຕິ່ງ, ສະໜາມກິລາຄົບວົງຈອນຂອງແຂວງຊຶ່ງກຳນົດເປັນຈຸດວາງສະແດງສິນຄ້າ. ນອກຈາກນັ້ນ, ຍັງວາງກຳລັງຢູ່ຕາມບ້ານພັກ, ໂຮງແຮມ, ສຳນັກງານ, ອົງການຂອງພັກ-ລັດຕະຫຼອດຮອດບັນດາເມືອງພາຍໃນແຂວງ; ວຽກທີສາມ ສຸມໃສ່ໃຫ້ອ້າຍນ້ອງຈະລາຈອນອຳນວຍຄວາມສະດວກໃນການສັນຈອນ, ທ່ຽວຊົມ, ເຂົ້າຮ່ວມງານສະເຫຼີມສະຫຼອງ ແລະ ນໍາພາແຂກທ່ອງທ່ຽວ; ວຽກທີສີ່ ກະກຽມພາຫະນະ, ອຸປະກອນຮັບໃຊ້ໃຫ້ແກ່ວຽກງານປ້ອງກັນເປັນຕົ້ນພາຫະນະລົດສະຫຼາມ, ລົດກວດກາລາດຕະເວນ, ລົດດັບເພີງ ແລະ ອຸປະກອນອື່ນໆໃຫ້ມີຄວາມພ້ອມ; ວຽກທີຫ້າ ກະກຽມການປະສານສົມທົບກັບພາກສ່ວນກ່ຽວຂ້ອງ ໂດຍສະເພາະກຳລັງປ້ອງກັນຊາດຊຶ່ງມີກົນໄກໃນການປະສານງານກັນຢ່າງເລິກເຊິ່ງ ພ້ອມນັ້ນໄດ້ສົມທົບບັນດາອົງການປົກຄອງທ້ອງຖິ່ນເມືອງຕະຫຼອດຮອດພໍ່ແມ່ປະຊາຊົນ, ພະນັກງານ-ລັດຖະກອນເພື່ອຊ່ວຍວຽກງານປ້ອງກັນໃຫ້ມີຄວາມເປັນລະບຽບຮຽບຮ້ອຍ; ວຽກທີຫົກຮຽກຮ້ອງມາຍັງພະນັກງານ, ທະຫານ, ຕຳຫຼວດຕະຫຼອດຮອດປະຊາຊົນລາວບັນດາເຜົ່າພາຍໃນແຂວງຈົ່ງພ້ອມກັນເປັນເຈົ້າການປະກອບສ່ວນເຂົ້າໃສ່ວຽກງານສະເຫຼີມສະຫຼອງ 40 ປີວັນສ້າງຕັ້ງແຂວງບໍລິຄຳໄຊໃຫ້ຮັບປະກັນຄວາມສະຫງົບ ຄວາມເປັນລະບຽບຮຽບຮ້ອຍທາງສັງຄົມໃຫ້ໄດ້ 100%.
ຂ່າວ: ພູວັນ, ພາບ: ແສງຈັນ
ຄໍາເຫັນ