 |
ໃນກອງປະຊຸມ, ໄດ້ຮັບຟັງການລາຍງານຈາກຄະນະພັກຮາກຖານຫ້ອງການເມືອງ ໃນການຈັດຕັ້ງປະຕິບັດກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ໂດຍຍົກໃຫ້ເຫັນດ້ານດີໃນການຈັດຕັ້ງປະຕິບັດ ໃນໄລຍະ1 ປີຜ່ານມາ;
 |
ຈາກນັ້ນ, ສະຫາຍ ພັທ ບົວຄຳ ພີມພິເສນ ຮອງຫ້ອງການເມືອງ ປກສ ແຂວງ ໄດ້ຜ່ານມະຕິຕົກລົງຂອງຄະນະປະຈຳພັກແຂວງ ສະບັບເລກທີ 504, ລົງວັນທີ 15 ພຶດສະພາ 2026 ວ່າດ້ວຍການຮັບຮອງແຜນການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ ປະຈຳປີ 2026; ຊຶ່ງມີ 17 ໜ່ວຍພັກທີ່ຂຶ້ນກັບກອງບັນຊາການ ປກສ ແຂວງ; ຈາກນັ້ນ, ໄດ້ຜ່ານມະຕິຕົກລົງຂອງຄະນະປະຈຳພັກແຂວງ ສະບັບເລກທີ 34/ຄປພຂ, ລົງວັນທີ 19 ມີນາ 2026 ວ່າດ້ວຍການອອກບັດ-ມອບບັດໃຫ້ສະມາຊິກພັກສົມບູນ ຜູ້ທີ່ມີມາດຖານເງື່ອນໄຂຄົບຖ້ວນຈຳນວນ 48 ສະຫາຍ ຍິງ 13 ສະຫາຍ.
 |
ໂອກາດນີ້, ສະຫາຍ ພົຈວ ຄຳບານ ພົມມະນີວົງ ໄດ້ມີຄຳເຫັນໂອ້ລົມ ພ້ອມທັງເນັ້ນໜັກໃຫ້ບັນດາໜ່ວຍພັກ ແຕ່ລະໜ່ວຍພັກ ຈົ່ງພ້ອມກັນປະຕິບັດໜ້າທີ່ວຽກງານຕາມການມອບໝາຍໃຫ້ມີປະສິດທິຜົນສູງຂຶ້ນເລື້ອຍໆ.
 |
ຂ່າວ-ພາບ: ປກສ ແຂວງເຊກອງ
ຄໍາເຫັນ