ແລະ ພາກເອກະຊົນ ຈາກເຂດປົກຄອງພິເສດຮົງກົງ, ສປ ຈີນ ພາຍໃຕ້ວຽກງານສົ່ງເສີມການທູດເສດຖະກິດ ຂອງ ສປປ ລາວຂຶ້ນໃນວັນທີ 25 ກຸມພານີ້ທີ່ສູນຮ່ວມມືສາກົນ ແລະ ຝຶກອົບຮົມ (ICTC)ນະຄອນຫຼວງວຽງຈັນໂດຍການເປັນປະທານ ຂອງ ທ່ານ ໄມທອງ ທຳມະວົງສາຮອງລັດຖະມົນຕີກະຊວງການຕ່າງປະເທດ; ມີບັນດານັກທຸລະກິດ ແລະ ຜູ້ຕາງໜ້າຈາກບັນດາບໍລິສັດຊັ້ນນໍາຕ່າງໆຂອງເຂດປົກຄອງພິເສດຮົງກົງ ແລະ ຈີນແຜ່ນດິນໃຫຍ່, ສປ ຈີນ ເຂົ້າຮ່ວມປະມານ 20 ກວ່າບໍລິສັດ ແລະ ພາກສ່ວນທີ່ກ່ຽວຂ້ອງຂອງ ສປປ ລາວເຂົ້າຮ່ວມ.
ກອງປະຊຸມຄັ້ງນີ້ແມ່ນເພື່ອຜັນຂະຫຍາຍນະໂຍບາຍວຽກງານການທູດເສດຖະກິດ ຂອງ ສປປ ລາວ ຊຶ່ງໄດ້ໂຄສະນາ, ເຜີຍແຜ່ນະໂຍບາຍການລົງທຶນຕ່າງປະເທດ ແລະ ດຶງດູດການຄ້າ, ການລົງທຶນ ຈາກເຂດປົກຄອງພິເສດຮົງກົງ ແລະ ຈີນແຜນດິນໃຫຍ່ ໃຫ້ມາລົງທຶນຢູ່ ສປປ ລາວ ໃຫ້ຫຼາຍຍິ່ງຂຶ້ນ.ໃນຂະນະດຽວກັນ, ຜູ້ຕາງໜ້າຈາກ 4 ກະຊວງທີ່ກ່ຽວຂ້ອງ ຄື: ກະຊວງແຜນການ ແລະ ການລົງທຶນ;ກະຊວງຖະແຫຼງຂ່າວ, ວັດທະນາທຳ ແລະ ທ່ອງທ່ຽວ;ກະຊວງກະສິກຳ ແລະ ປ່າໄມ້ ແລະ ກະຊວງພະລັງງານ ແລະ ບໍ່ແຮ່ ໄດ້ຜັດປ່ຽນກັນຂຶ້ນນໍາສະເໜີບົດກ່ຽວກັບ ທ່າແຮງ, ກາລະໂອກາດ ແລະ ຄວາມຕ້ອງການໃນການລົງທຶນຂອງແຕ່ລະຂະແໜງການບຸລິມະສິດຢູ່ໃນ ສປປ ລາວ ໃຫ້ແກ່ ຄະນະນັກທຸລະກິດຮົງກົງ ແລະ ຈີນແຜ່ນດິນໃຫຍ່, ສປ ຈີນ ໄດ້ຮັບຮູ້ ແລະ ເຂົ້າໃຈຍິ່ງຂຶ້ນ.
ນອກຈາກນັ້ນ,ບັນດານັກທຸລະກິດຮົງກົງ ແລະ ຈີນແຜ່ນດິນໃຫຍ່, ສປ ຈີນ ຍັງໄດ້ເຂົ້າຮ່ວມພົບປະເຮັດວຽກຮ່ວມກັບກະຊວງສາທາລະນະສຸກ(ສະຖາບັນການແພດ ແລະ ການຢາພື້ນເມືອງລາວ), ມະຫາວິທະຍາໄລແຫ່ງຊາດລາວ, ສະພາການຄ້າ ແລະ ອຸດສາຫະກຳແຫ່ງຊາດ, ຢ້ຽມຊົມເຂດເສດຖະກິດພິເສດ, ດ່ານບໍລິການດ້ານໂລຈິສຕິກທ່າບົກ-ທ່ານາແລ້ງ ແລະ ເຂດການພັດທະນາອຸດສາຫະກຳ ຢູ່ ນະຄອນຫຼວງວຽງຈັນ ເພື່ອສຶກສາ ແລະ ຊອກຫາຊ່ອງທາງຊຸກຍູ້ການຮ່ວມມືໃນຕໍ່ໜ້າ.
(ຂ່າວ-ພາບ:ສຳນານ)
ຄໍາເຫັນ