ຣັດເຊຍ ກະກຽມສົ່ງໂມດູນເພື່ອສ້າງໂຮງໄຟຟ້ານິວເຄລຍເທິງດວງຈັນ

13:28 29/01/2026

ຂ່າວຕ່າງປະເທດລາຍງານ ໃນວັນທີ 28 ມັງກອນ ຜ່ານມາວ່າ: ອົງການຂ່າວ TASS ຂອງຣັດເຊຍລາຍງານວ່າ, ຣັດເຊຍວາງແຜນທີ່ຈະສົ່ງໂມດູນ 3 ຊຸດຂຶ້ນສູ່ອະວະກາດເພື່ອສ້າງໂຮງງານໄຟຟ້ານິວເຄລຍເທິງດວງຈັນ ໃນລະຫວ່າງປີ 2033 - 2035.

ທ່ານ ວາສິລີ ມາຣຟິນ ຜູ້ອຳນວຍການໃຫຍ່ຂອງສະມາຄົມວິທະຍາສາດ ແລະ ການຜະລິດ S.A. Lavoshkin ກ່າວວ່າ: ໂຄງການໂຮງໄຟຟ້າດັ່ງກ່າວຖືກອອກແບບມາເພື່ອຮອງຮັບການລົງຈອດໃນບໍລິເວນໃກ້ກັບຂົ້ວຂອງດ້ວງຈັນຢ່າງນຸ່ມນວນ, ຖືກເປົ້າໝາຍ ແລະ ປອດໄພ, ພ້ອມທັງການຄົ້ນຄວ້າພາກສະໜາມ, ການເລືອກ ແລະ ສຶກສາສະຖານທີ່ລົງຈອດໃນອະນາຄົດ, ຕະຫຼອດຈົນການຕິດຕັ້ງໂມດູນຊຸດທຳອິດສຳລັບພື້ນທີ່ທົດສອບເທິງດວງຈັນ.

ທ່ານ ມາຣຟິນ ກ່າວວ່າ: ຈະມີການສົ່ງສະຖານີສາກໄຟ ແລະ ແຈກຢາຍພະລັງງານ, ຍານສຳຫຼວດດວງຈັນ ແລະ ໜ່ວຍຜະລິດໄຟຟ້ານິວເຄລຍຂຶ້ນສູ່ອະວະກາດໃນລະຫວ່າງປີ 2033 - 2035 ເພື່ອສະໜັບສະໜູນການກໍ່ສ້າງພື້ນຖານໂຄງລ່າງດ້ານພະລັງງານເທິງດວງຈັນ.

ຄໍາເຫັນ

ຂ່າວຕ່າງປະເທດ

ອົງການອະນາໄມໂລກຢືນຢັນການຍົກເລີກການຮັບຮອງ “ບໍ່ມີພະຍາດໝາກແດງໃຫຍ່”

29/01/2026 13:29

ຂ່າວສານຊີອາໄອລາຍງານ ໃນວັນທີ 28 ມັງກອນ ຜ່ານມາວ່າ: ສື່ມວນຊົນອັງກິດລາຍງານໃນວັນທີ 26 ມັງກອນ ຜ່ານມາວ່າ, ເນື່ອງຈາກພະຍາດໝາກແດງໃຫຍ່ແຜ່ລະບາດຢ່າງຕໍ່ເນື່ອງ, ອົງການອະນາໄມໂລກໄດ້ຢືນຢັນໃນວັນດຽວກັນວ່າ: ອົງການໄດ້ຍົກເລີກການຮັບຮອງ “ບໍ່ມີພະຍາດໝາກແດງໃຫຍ່” ຢູ່ຫຼາຍປະເທດເຊັ່ນ: ອັງກິດເປັນຕົ້ນ.

ອົສຕຣາລີ ພວມປະເຊີນກັບໄຟໄໝ້ປ່າຮຸ່ນແຮງ

29/01/2026 13:28

ຂ່າວຕ່າງປະເທດລາຍງານ ໃນວັນທີ 28 ມັງກອນ ຜ່ານມາວ່າ: ອົສຕຣາລີກຳລັງປະເຊີນກັບຄື້ນຄວາມຮ້ອນທີ່ທຳລາຍສະຖິຕິ, ເຮັດໃຫ້ເກີດໄຟໄໝ້ປ່າຮຸ່ນແຮງຢ່າງໜ້ອຍ 6 ຈຸດ. ອຸນຫະພູມໃນຫຼາຍເມືອງໄດ້ເພີ່ມຂຶ້ນສູງ, ໂດຍບາງເມືອງມີອຸນຫະພູມເກືອບ 50 ອົງສາ.

ສິງກະໂປ ຈະລົງທຶນ 786 ລ້ານໂດລາ ຊຸກຍູ້ອຸດສາຫະກຳ AI ຂອງປະເທດ

29/01/2026 13:26

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ລັດຖະບານສິງກະໂປກຽມຈະລົງທຶນຫຼາຍກວ່າ 1 ຕື້ໂດລາສິງກະໂປ (ປະມານ 786 ລ້ານໂດລາ) ເພື່ອສະໜັບສະໜູນໂຄງການຄົ້ນຄວ້າປັນຍາປະດິດ (AI) ຂອງພາກລັດໃນໄລຍະ5 ປີຂ້າງໜ້າ, ໂດຍມີຈຸດປະສົງເພື່ອສົ່ງເສີມອຸດສາຫະກຳ AI ຂອງປະເທດໃຫ້ເຂັ້ມແຂງຂຶ້ນ ທ່າມກາງການແຂ່ງຂັນທີ່ຮຸນແຮງຈາກສະຫະລັດ ອາເມຣິກາ ແລະ ຈີນ ໃນຖານະເປັນປະເທດມະຫາອຳນາດຂອງໂລກໃນຂະແໜງການນີ້.

ຈຳນວນຄົນເຂົ້າ-ອອກຈີນ ປີ 2025 ສ້າງສະຖິຕິສູງສຸດ

29/01/2026 13:25

ຂ່າວສານຊີອາໄອລາຍງານວ່າ: ໃນວັນທີ 28 ມັງກອນຜ່ານມາ, ອົງການຄຸ້ມຄອງຄົນເຂົ້າເມືອງແຫ່ງຊາດຈີນໄດ້ຈັດກອງປະຊຸມຖະແຫຼງຂ່າວ. ໃນໂອກາດນີ້, ໂຄສົກຖະແຫຼງຂ່າວອົງການດັ່ງກ່າວໄດ້ປະກາດໂຕເລກຂໍ້ມູນສຳຄັນ ແລະ ປະສິດທິຜົນຂອງວຽກງານຄຸ້ມຄອງຄົນເຂົ້າເມືອງປີ 2025.

FPT ປະກາດການສ້າງໂຮງງານກວດກາທົດລອງ ແລະ ບັນຈຸພັນຊິບເຄິ່ງຊັກນຳໄຟຟ້າ

29/01/2026 13:23

ວິທະຍຸກະຈາຍສຽງຫວຽດນາມລາຍງານວ່າ: ພິທີປະກາດການສ້າງໂຮງງານກວດກາທົດລອງ ແລະ ບັນຈຸພັນຊິບເຄິ່ງຊັກນຳໄຟຟ້າທີ່ກ້າວໜ້າ FPT ໂດຍກຸ່ມບໍລິສັດ FPT ໄດ້ຈັດຂຶ້ນໃນວັນທີ 28 ມັງກອນ ຜ່ານມາ ຢູ່ນະຄອນຫຼວງຮ່າໂນ້ຍ ຊຶ່ງແມ່ນໂຮງງານກວດກາທົດລອງ ແລະ ບັນຈຸພັນທຳອິດຂອງ ຫວຽດນາມ ໂດຍຊາວ ຫວຽດນາມ ເປັນເຈົ້າຂອງ, ປະກອບສ່ວນສ້າງລະບົບຊີວະພາບເຄິ່ງຊັກນຳໄຟຟ້າດ້ວຍຂັ້ນຕອນຢ່າງຄົບຖ້ວນ ຈາກການຄົ້ນຄວ້າ, ອອກແບບ, ຜະລິດ, ບຳລຸງສ້າງ, ກວດກາທົດລອງ, ບັນຈຸພັນ ແລະ ດຳເນີນທຸລະກິດ. ຈາກນັ້ນກໍກ້າວໄປສູ່ລະບົບສະໜອງທົ່ວໂລກຢ່າງເລິກເຊິ່ງ.

ມູນຄ່າການຄ້າສິນຄ້າຈັບຕ້ອງໄດ້ລະຫວ່າງຈີນກັບປະເທດຮ່ວມກັນສ້າງ ໜຶ່ງແລວໜຶ່ງເສັ້ນທາງ ເພີ່ມຂຶ້ນ 6.3%

28/01/2026 13:03

ຂ່າວສານຊີອາໄອລາຍງານວ່າ: ໃນວັນທີ 26 ມັງກອນຜ່ານມານີ້, ຫ້ອງການຖະແຫຼງຂ່າວຄະນະລັດຖະບານຈີນໄດ້ຈັດກອງປະຊຸມຖະແຫຼງຂ່າວ, ຜູ້ຮັບຜິດຊອບທີ່ກ່ຽວຂ້ອງຈາກກະຊວງການຄ້າຈີນກ່າວວ່າ: ປີ 2025, ຈີນກັບປະເທດທີ່ກ່ຽວຂ້ອງ ຮ່ວມກັນຊຸກຍູ້ການຮ່ວມມືດ້ານເສດຖະກິດການຄ້າພາຍໃຕ້ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ກ້າວສູ່ລວງເລິກຢ່າງໜັກແໜ້ນ ແລະ ໄດ້ຮັບປະສິດທິຜົນທີ່ຕັ້ງໜ້າໃນດ້ານຕ່າງໆ ເຊັ່ນ: ການຮ່ວມມືດ້ານການຄ້າ, ການລົງທຶນຕໍ່ກັນ, ການກໍ່ສ້າງໂຄງການ ແລະ ອື່ນໆ.

ຍອດຜູ້ເສຍຊີວິດຈາກເຫດດິນພູເຈື່ອນຢູ່ອິນໂດເນເຊຍ ເພີ່ມຂຶ້ນເປັນ 48 ຄົນ

28/01/2026 13:02

ຂ່າວສານຊີອາໄອລາຍງານໃນວັນທີ 28 ມັງກອນນີ້ວ່າ: ຕາມການລາຍງານຈາກຂ່າວສານອັນຕາຣາຂອງອິນໂດເນເຊຍໃນວັນທີ 27 ມັງກອນ ຜ່ານມາໃຫ້ຮູ້ວ່າ, ດິນພູເຈື່ອນທີ່ເກີດຂຶ້ນໃນຕອນເຊົ້າຂອງວັນທີ 24 ມັງກອນ ຜ່ານມາຢູ່ເຂດຊິຊາຣົວ ເມືອງບັນດຸງຕາເວັນຕົກ ແຂວງຊາວາຕາເວັນຕົກຂອງອິນໂດເນເຊຍ ເຮັດໃຫ້ມີຜູ້ເສຍຊີວິດ 48 ຄົນ.

ສິງກະໂປ ຕິດຕາມຄວາມສ່ຽງຂອງໝອກຄວັນ ຫຼັງພົບຄວັນຈາກໄຟໄໝ້ປ່າ

28/01/2026 13:01

ຂ່າວຕ່າງປະເທດລາຍງານ ໃນວັນທີ 27 ກຸມພາ ຜ່ານມາວ່າ: ອົງການສິ່ງແວດລ້ອມແຫ່ງຊາດສິງກະໂປ (NEA) ໄດ້ອອກຄຳເຕືອນກ່ຽວກັບຄວາມສ່ຽງບັນຫາໝອກຄວັນທີ່ອາດຈະເກີດຂຶ້ນ, ຫຼັງຈາກກວດພົບຈຸດຄວາມຮ້ອນທີ່ກ່ຽວ ຂ້ອງກັບການເຜົາພື້ນທີ່ກະສິກຳໃນເຂດພາກເໜືອ ຊຶ່ງເຮັດໃຫ້ມີຄວາມສ່ຽງທີ່ລົມຈະພັດຂ້າມຊາຍແດນ.

ອິນເດຍ ແລະ EU ບັນລຸຂໍ້ຕົກລົງການເສລີຄັ້ງປະຫວັດສາດ

28/01/2026 13:00

ຂ່າວຕ່າງປະເທດລາຍງານວ່າ: ອິນເດຍ ແລະ ສະຫະພາບເອີຣົບ (EU) ໄດ້ບັນລຸຂໍ້ຕົກລົງການຄ້າເສລີຄັ້ງເປັນປະຫວັດສາດໃນວັນທີ 27 ມັງກອນ ຜ່ານມາ ຊຶ່ງເປັນການສິ້ນສຸດການເຈລະຈາທີ່ຍືດເຍື້ອມາຕັ້ງແຕ່ປີ 2007. ໂດຍຂໍ້ຕົກລົງດັ່ງກ່າວໄດ້ຮັບການຍ້ອງຍໍວ່າເປັນ "ແມ່ຂອງຂໍ້ຕົກລົງທັງໝົດ" ເນື່ອງຈາກກວມເອົາອັດຕາສ່ວນປະມານ 25% ຂອງລວມຍອດຜະລິດຕະພັນພາຍໃນປະເທດ (GDP) ຂອງໂລກ ແລະ 1 ສ່ວນ 3 ຂອງການຄ້າສາກົນທັງໝົດ.

ຍີ່ປຸ່ນຫຼຸດຈາກ 3 ອັນດັບຜູ້ຜະລິດເຫຼັກດິບທີ່ໃຫຍ່ທີ່ສຸດຂອງໂລກ

28/01/2026 12:59

ຂ່າວຕ່າງປະເທດລາຍງານ ໃນວັນທີ 27 ມັງກອນ ຜ່ານມາວ່າ: ຍີ່ປຸ່ນໄດ້ຕົກຈາກ 3 ອັນດັບຜູ້ຜະລິດເຫຼັກດິບທີ່ໃຫຍ່ທີ່ສຸດໃນໂລກເປັນຄັ້ງທຳອິດໃນຮອບ 62 ປີ ໃນປີ 2025, ໂດຍຫຼຸດລົງມາຢູ່ອັນດັບທີ 4 ຍ້ອນການຜະລິດຫຼຸດລົງ 4% ເມື່ອທຽບກັບປີກ່ອນໜ້າ ເປັນ 80.68 ລ້ານໂຕນ ທ່າມກາງສະພາບຕະຫຼາດຊຸດໂຊມລົງ.

ເພີ່ມເຕີມ