ໂຣກຕຸ້ຍ ແລະ ການດື່ມເຫຼົ້າ ເພີ່ມຄວາມສ່ຽງເປັນມະເຮັງເຕົ້ານົມ

12:53 31/03/2026

ຂ່າວຕ່າງປະເທດລາຍງານວ່າ: ຜົນການສຶກສາທີ່ນຳພາໂດຍມະຫາວິທະຍາໄລຊິດນີຂອງອົສຕຣາລີ ແລະ ເຜີຍແຜ່ຜ່ານເວັບໄຊສູນວິທະຍາສາດສື່ມວນຊົນອົສຕຣາລີ ໃນວັນທີ 30 ມີນາ ຜ່ານມາ ຊີ້ໃຫ້ເຫັນວ່າ: ໂຣກຕຸ້ຍ ແລະ ການດື່ມເຄື່ອງດື່ມທີ່ມີທາດເຫຼົ້າເພີ່ມຄວາມສ່ຽງຂອງການເປັນມະເຮັງເຕົ້ານົມໃນແມ່ຍິງຢ່າງຫຼວງຫຼາຍເມື່ອມີອາຍຸຫຼາຍຂຶ້ນ.

ການສຶກສາດັ່ງກ່າວ, ໄດ້ນຳໃຊ້ຂໍ້ມູນຈາກໂຄງການສຶກສາໄລຍະຍາວຂອງອົສຕຣາລີດ້ານສຸຂະພາບຂອງແມ່ຍິງ ເພື່ອກວດສອບປັດໄຈດ້ານວິຖີຊີວິດຕ່າງໆ ແລະ ຄວາມເຊື່ອມຕໍ່ຂອງປັດໄຈເຫຼົ່ານັ້ນກັບຄວາມສ່ຽງຂອງການເປັນມະເຮັງເຕົ້ານົມໃນແມ່ຍິງທີ່ມີອາຍຸ 45-50 ປີ ຫຼາຍກວ່າ 12,700 ຄົນ.

ນັກຄົ້ນຄວ້າພົບວ່າ: ໃນໄລຍະເວລາ 25 ປີ, ມີແມ່ຍິງໄດ້ຖືກກວດພົບວ່າເປັນມະເຮັງເຕົ້ານົມ 941 ຄົນ ແລະ ແມ່ຍິງທີ່ມີນ້ຳໜັກເກີນ ຫຼື ເປັນໂຣກຕຸ້ຍ ມີທ່າອ່ຽງທີ່ຈະເປັນມະເຮັງເຕົ້ານົມຫຼາຍກວ່າແມ່ຍິງທີ່ມີນ້ຳໜັກປົກກະຕິ. ການດື່ມເຄື່ອງດືີ່ມທີ່ມີທາດເຫຼົ້າ, ໃນລະດັບໃດກໍຕາມ, ລ້ວນແຕ່ເພີ່ມຄວາມສ່ຽງຂອງການເປັນມະເຮັງເຕົ້ານົມ ແລະ ແມ່ຍິງທີ່ໂສດມີຄວາມສ່ຽງສູງກວ່າ.

ຢ່າງໃດກໍຕາມ, ນັກຄົ້ນຄວ້າລາຍງານວ່າປັດໄຈດ້ານວິຖີຊີວິດອື່ນໆເຊັ່ນ: ການສູບຢາ ແລະ ການປິ່ນປົວດ້ວຍຮໍໂມນທົດແທນ, ບໍ່ພົບວ່າມີຄວາມກ່ຽວຂ້ອງກັບຄວາມສ່ຽງທີ່ເພີ່ມຂຶ້ນຂອງການເປັນມະເຮັງເຕົ້ານົມໃນກຸ່ມແມ່ຍິງນີ້.

ຄໍາເຫັນ

ຂ່າວຕ່າງປະເທດ

ສະຫະພັນ ອາຣັບ ສະເໜີເລຂາທິການໃຫຍ່ຄົນໃໝ່

31/03/2026 12:55

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 29 ມີນາ ຜ່ານມາ, ສະຫະພັນ ອາຣັບ ໄດ້ປະກາດທ່ານ ນາບິລ ຟາມີ ອະດີດລັດຖະມົນຕີກະຊວງການຕ່າງປະເທດເອຢິບ ໄດ້ຮັບການສະເໜີດຳລົງຕຳແໜ່ງເປັນເລຂາທິການໃຫຍ່. ການສະເໜີທ່ານ ນາບິລ ຟາມີ ດຳລົງຕຳແໜ່ງເລຂາທິການໃຫຍ່ ສະຫະພັນ ອາຣັບ ສືບທອດທ່ານ ອາເໝັດ ອາບລູ ເກດ, ໂດຍບັນດາປະເທດສະມາຊິກເຫັນດີເປັນເອກະພາບຮັບຮອງເອົາໃນວາລະກອງປະຊຸມລັດຖະມົນຕີການຕ່າງປະເທດ ອາຣັບ ຄັ້ງທີ 165.

ICAO ຈຳກັດຜູ້ໂດຍສານພົກພາ power bank ໄດ້ສູງສຸດ 2 ອັນ

31/03/2026 12:50

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ອົງການການບິນພົນລະເຮືອນສາກົນ (ICAO) ໄດ້ປະກາດກົດລະບຽບໃໝ່ກ່ຽວກັບອຸປະກອນແບັດເຕີຣີສຳຮອງແບບພົກພາ ຫຼື power bankທີ່ໃຊ້ແບັດເຕີຣີ lithium ຊຶ່ງຈໍາກັດໃຫ້ຜູ້ໂດຍສານຖ້ຽວບິນແຕ່ລະຄົນສາມາດພົກພາ power bankໄດ້ສູງສຸດ 2 ອັນ ແລະ ຫ້າມນຳໃຊ້ໃນລະຫວ່າງການບິນ. ໂດຍມີຜົນບັງຄັບໃຊ້ທັນທີ.

ກຳປູເຈຍ ຫຼຸດພາສີນຳເຂົ້າລົດໄຟຟ້າ ແລະ ອຸປະກອນພະລັງງານແສງຕາເວັນ

31/03/2026 12:48

ຂ່າວຕ່າງປະເທດລາຍງານ ໃນວັນທີ 30 ມີນາ ຜ່ານມາວ່າ: ຖະແຫຼງການຈາກກົມພາສີ ແລະ ອາກອນຂອງກຳປູເຈຍ ທີ່ອອກໃນວັນ 29 ມີນາຜ່ານມາຊີ້ໃຫ້ເຫັນວ່າ, ກໍາປູເຈຍໄດ້ຕັດສິນໃຈຫຼຸດພາສີນໍາເຂົ້າລົດໄຟຟ້າ (EVs), ເຕົາໄຟຟ້າ ແລະ ອຸປະກອນພະລັງງານແສງຕາເວັນ ເລີ່ມແຕ່ວັນທີ 1 ເມສາ 2026 ເປັນຕົ້ນໄປ ເພື່ອຫຼຸດຜ່ອນຜົນກະທົບຂອງລາຄານໍ້າມັນເຊື້ອໄຟທົ່ວໂລກທີ່ເພີ່ມຂຶ້ນ ເນື່ອງຈາກຂໍ້ຂັດແຍ່ງໃນຕາເວັນອອກກາງ.

ດັດຊະນີການປະດິດສ້າງໃໝ່ຂອງຈີນ ຫຍັບຂຶ້ນເປັນອັນດັບ 9 ຂອງໂລກ

31/03/2026 12:47

ຂ່າວສານຊີອາໄອລາຍງານ ໃນວັນທີ 30 ມີນາ ຜ່ານມາວ່າ: “ບົດລາຍງານດັດຊະນີປະດິດສ້າງໃໝ່ແຫ່ງຊາດ 2025” ທີ່ສະຖາບັນຄົ້ນຄວ້າຍຸດທະສາດການພັດທະນາວິທະຍາສາດເຕັກໂນໂລຊີຈີນເປີດເຜີຍໃນກອງປະຊຸມປະຈຳປີຂອງເວທີປຶກສາຫາລືຈົ່ງກ່ວນຊຸນປີ 2026 ທີ່ຈັດຂຶ້ນໃນວັນທີ 29 ມີນາ ຜ່ານມາ ສະແດງໃຫ້ເຫັນວ່າ: ດັດຊະນີການປະດິດສ້າງໃໝ່ແຫ່ງຊາດຂອງຈີນໄດ້ຫຍັບຂຶ້ນມາເປັນອັນດັບທີ 9 ຂອງໂລກ ດີຂຶ້ນ 11 ອັນດັບເມື່ອທຽບໃສ່ປີ 2012 ແລະ ໄດ້ກາຍເປັນປະເທດທີ່ໄດ້ຮັບຄວາມກ້າວໜ້າໄວທີ່ສຸດໃນ 10 ກວ່າປີຜ່ານມາ ແລະ ຢວ່າງບາດກ້າວໄປສູ່ເປົ້າໝາຍທີ່ເປັນປະເທດແຖວໜ້າຂອງບັນດາປະເທດທີ່ມີການປະດິດສ້າງໃໝ່ ແລະ ເປັນປະເທດເຂັ້ມແຂງດ້ານວິທະຍາສາດເຕັກໂນໂລຊີຂອງໂລກ.

ຫວຽດນາມ ແລະ ທະນາຄານໂລກ ຊຸກຍູ້ການຮ່ວມມືກ່ຽວກັບຊັບພະຍາກອນນ້ຳ

31/03/2026 12:47

ວິທະຍຸກະຈາຍສຽງຫວຽດນາມລາຍງານວ່າ: ຫວ່າງມໍ່ໆມານີ້ທີ່ນະຄອນຫຼວງຮ່າໂນ້ຍ, ໃນການຕ້ອນຮັບທ່ານນາງ ມາຣຽມ ເຈ. ເຊີແມນ ຜູ້ອຳນວຍການທະນາຄານໂລກ (WB) ປະຈຳ ຫວຽດນາມ, ທ່ານ ເຈິ່ນຮົ່ງຮ່າ ຮອງນາຍົກລັດຖະມົນຕີ ຫວຽດນາມ ໄດ້ຕີລາຄາສູງບົດບາດຂອງ WB ແມ່ນຄູ່ຮ່ວມມືພັດທະນາແຖວໜ້າ ແລະ ໄດ້ໜູນຊ່ວຍ ຫວຽດນາມ ໃນຫຼາຍຂົງເຂດ, ໂດຍສະເພາະແມ່ນກະສິກຳ ແລະ ສິ່ງແວດລ້ອມຢ່າງມີປະສິດທິຜົນ.

ຍ້ອນຫຍັງແຂກຮັບເຊີນສາກົນຈຶ່ງເວົ້າວ່າ “ຈີນເປັນທາງເລືອກທີ່ຕ້ອງມີ”?

30/03/2026 13:42

ຂ່າວສານຊີອາໄອລາຍງານວ່າ: ກອງປະຊຸມປະຈໍາປີ 2026 ຂອງເວທີປຶກສາຫາລືອາຊີໂປອາວໄດ້ປິດລົງໃນວັນທີ 27 ມີນາ ຜ່ານມານີ້ ຢູ່ແຂວງໄຫຫຼໍາຂອງ ຈີນ, ຜູ້ຕາງໜ້າປະມານ 2,000 ຄົນຈາກ 60 ກວ່າປະເທດ ແລະ ເຂດແຄວ້ນໄດ້ເຂົ້າຮ່ວມກອງປະຊຸມດັ່ງກ່າວ. ໃນນັ້ນ, ມີແຂກຮັບເຊີນສາກົນຫຼາຍທ່ານຊີ້ໃຫ້ເຫັນວ່າ: ຈາກ “ແຜນການຂອງຈີນ” ທີ່ສະເໜີອອກໃນກອງປະຊຸມດັ່ງກ່າວຮອດຂໍ້ລິເລີ່ມທົ່ວໂລກຕ່າງໆທີ່ສະເໜີອອກໂດຍຈີນ, ລ້ວນແຕ່ໄດ້ວາດພາບຄໍາສັບສໍາຄັນໜຶ່ງຢ່າງຈະແຈ້ງ ຄື: ການເປີດປະຕູ.

ຂໍ້ຂັດແຍ່ງໃນອ່າວອາຣັບ ເຮັດໃຫ້ຄ່າຂົນສົ່ງສິນຄ້າເພີ່ມຂຶ້ນ

30/03/2026 11:37

ຂ່າວຕ່າງປະເທດລາຍງານໃນວັນທີ 28 ມີນາ ຜ່ານມາວ່າ: ກຸ່ມສະໜັບສະໜູນການຂົນສົ່ງທີ່ເປັນມິດກັບສິ່ງແວດລ້ອມໃນເອີຣົບ ໄດ້ເປີດເຜີຍວ່າ, ຄວາມເຄັ່ງຕຶງອ້ອມຮອບຊ່ອງແຄບຮໍມຸສ ກຳລັງເພີ່ມຕົ້ນທຶນສຳລັບອຸດສາຫະກຳການຂົນສົ່ງສິນຄ້າທາງເຮືອທົ່ວໂລກ. ບໍລິສັດຫຼາຍແຫ່ງຕ້ອງຈ່າຍຄ່ານໍ້າມັນເຊື້ອໄຟ, ຄ່າຂົນສົ່ງ ແລະ ຄ່າໃຊ້ຈ່າຍດ້ານສິ່ງແວດລ້ອມເພີ່ມເຕີມ 340 ລ້ານເອີໂຣຕໍ່ມື້.

ຈີນ ຈະຊຸກຍູ້ການຮ່ວມມື ແລະ ການພັດທະນາວິທະຍາສາດເຕັກໂນໂລຊີຂອງໂລກ

30/03/2026 11:36

ຂ່າວສານຊີອາໄອລາຍງານໃນວັນທີ 29 ມີນາ ຜ່ານມາວ່າ: ກອງປະຊຸມເວທີປຶກສາຫາລືຈົ່ງກວນຊຸ່ນປະຈຳປີ 2026 ພາຍໃຕ້ຫົວຂໍ້ “ການເຊືີ່ອມໂຍງເຂົ້າກັນຢ່າງເລິກເຊິ່ງລະຫວ່າງການປະດິດສ້າງດ້ານວິທະຍາສາດເຕັກໂນໂລຊີ ແລະ ການປະດິດສ້າງດ້ານອຸດສາຫະກຳ” ທີ່ກຳລັງຈັດຂຶ້ນຢູ່ນະຄອນຫຼວງປັກກິ່ງ ຂອງຈີນ, ໂດຍມີແຂກເຂົ້າຮ່ວມຫຼາຍກວ່າ 1.000 ຄົນ ທີ່ມາຈາກ 100 ກວ່າປະເທດ ແລະ ເຂດແຄວ້ນ ໄດ້ຮ່ວມກັນປຶກສາຫາລືຫົວຂໍ້ຕ່າງໆກ່ຽວກັບການປະດິດສ້າງດ້ານວິທະຍາສາດເຕັກໂນໂລຊີ, ການປະດິດສ້າງດ້ານອຸດສາຫະກຳ, ການເປີດປະຕູສູ່ພາຍນອກ ແລະ ການຮ່ວມມືດ້ານວິທະຍາສາດເຕັກໂນໂລຊີໃນລະດັບສູງຂອງຈີນ ແລະ ອື່ນໆ.

ບັ້ນເຄື່ອນໄຫວ ໂມງໜ່ວຍໂລກ ປີ 2026 ຂອງຫວຽດນາມ ປະຢັດໄຟຟ້າໄດ້ 463,000 kWh

30/03/2026 11:35

ວິທະຍຸກະຈາຍສຽງຫວຽດນາມ ລາຍງານວ່າ: ຕາມຂໍ້ມູນຈາກບໍລິສັດບໍລິຫານລະບົບໄຟຟ້າ ແລະ ຕະຫຼາດໄຟຟ້າແຫ່ງຊາດ (NSMO), ພາຍຫຼັງ 1 ຊົ່ວໂມງມອດໄຟຕອບສະໜອງບັ້ນເຄື່ອນໄຫວ ໂມງໜ່ວຍໂລກປີ 2026 (ແຕ່ເວລາ 20 ໂມງ 30 ນາທີ ຫາ 21 ໂມງ 30 ນາທີ ຂອງວັນທີ 28 ມີນາ 2026), ທົ່ວປະເທດປະຢັດໄຟຟ້າໄດ້ 463,000 kWh.

ອິນໂດເນເຊຍ ຫ້າມເດັກນ້ອຍອາຍຸຕ່ຳກວ່າ 16 ປີໃຊ້ສື່ສັງຄົມອອນລາຍ

30/03/2026 10:59

ຂ່າວສານຊີອາໄອລາຍງານໃນທ້າຍອາທິດຜ່ານມາວ່າ: ເລີ່ມແຕ່ວັນທີ 28 ມີນາ 2026 ເປັນຕົ້ນໄປ, ລັດຖະບານອິນໂດເນເຊຍໄດ້ປະຕິບັດມາດຕະການຫ້າມກຸ່ມຄົນທີ່ມີອາຍຸຕ່ຳກວ່າ 16 ປີໃຊ້ສື່ສັງຄົມອອນລາຍຢ່າງເປັນທາງການ.

ເພີ່ມເຕີມ