ແຂວງບໍລິຄຳໄຊໄດ້ຈັດງານສະແດງສິລະປະເພື່ອສະເຫຼີມສະຫຼອງວັນສ້າງຕັ້ງແຂວງ ຄົບຮອບ 40 ປີ (6/3/1984-6/3/2024) ຂຶ້ນໃນຄໍ່າຄືນວັນທີ 5 ມີນາຜ່ານມາ ທີ່ເດີ່ນອະນຸສອນສະຖານທ່ານ ສີສົມພອນ ລໍວັນໄຊ ໂດຍການເຂົ້າຮ່ວມເປັນກຽດຂອງທ່ານ ກອງແກ້ວ ໄຊສົມຄາມ ເຈົ້າແຂວງບໍລິຄຳໄຊ, ມີທ່ານ ສຸວັນນີ ໄຊຊະນະ ຮອງເລຂາພັກແຂວງ ປະທານສະພາປະຊາຊົນແຂວງ, ມີບັນດາແຂກຖືກເຊີນ, ນັກສະແດງ ພ້ອມດ້ວຍມວນຊົນເຂົ້າຮ່ວມຊົມຢ່າງຫຼວງຫຼາຍ.
ທ່ານ ຄໍາແຫວນ ປັນຍານຸວົງ ຮອງເຈົ້າແຂວງ ຫົວໜ້າອະນຸກຳມະການຂະບວນການ ກ່າວວ່າ: ການຈັດງານຄັ້ງນີ້ເພື່ອສະເຫຼີມສະຫຼອງ 40 ປີແຫ່ງການສ້າງຕັ້ງແຂວງບໍລິຄໍາໄຊ ເພື່ອເປັນການອະນຸລັກ, ປົກປັກຮັກສາ ແລະ ສົ່ງເສີມມູນເຊື້ອວັດທະນະທໍາ-ຮີດຄອງປະເພນີທີ່ເປັນເອກະລັກຂອງບັນດາເຜົ່າ, ຂອງຊາດໃຫ້ມີການສືບທອດຢ່າງຍືນຍົງ.
ທ່ານ ສົນທອງ ວິບຸນກວ້າງ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແຂວງກ່າວວ່າ: ການຈັດງານປະກວດ ແລະ ສະແດງສິລະປະ-ວັນນະຄະດີຄັ້ງນີ້ ເພື່ອສົ່ງເສີມ, ອະນຸລັກຮັກສາ ແລະ ເຜີຍແຜ່ມູນມໍລະດົກວັດທະນະທໍາອັນລໍ້າຄ່າຂອງຊາດ ແລະ ຂອງເຜົ່າໃຫ້ຍືນຍົງຄົງຢູ່ຄູ່ຊາດລາວຕະຫຼອດໄປ ທັງເປັນການຊຸກຍູ້ສົ່ງເສີມບັນດານັກຂຽນ, ນັກປະພັນແຕ່ລະລຸ້ນໄດ້ມີໂອກາດຝົນປາຍປາກກາ, ຝົນສະຕິປັນຍາເພື່ອໃຫ້ໄດ້ບົດປະພັນວັນນະຄະດີທີ່ໂດດເດັ່ນໃນການໂຄສະນາແນວທາງນະໂຍບາຍຂອງພັກ, ຜົນງານການນໍາພາ, ປົກປັກຮັກສາ ແລະ ສ້າງສາພັດທະນາແຂວງບໍລິຄຳໄຊໄວ້ໃຫ້ຄົນຮຸ່ນຫຼັງໄດ້ສຶກສາຄົ້ນຄວ້າ, ເປັນການສະແດງອອກວິຖີຊີວິດຂອງປະຊາຊົນບັນດາເຜົ່າ ກໍຄືຂອງຊາດລາວໃຫ້ຄົນທັງຊາດ ແລະ ຊາວໂລກຮັບຮູ້ນັບມື້ກວ້າງຂວາງ.
ໃນພິທີໄດ້ມີການຮ້ອງເພງ, ເດີນແບບອາພອນເພດຊົນເຜົ່າ, ຂັບລຳທ້ອງຖິ່ນ ແລະ ມອບລາງວັນການປະພັນວັນນະຄະດີ, ລາງວັນປະເພດບົດເພງ, ບົດກາບກອນ ເປັນກຽດມອບໂດຍທ່ານເຈົ້າແຂວງ ແລະ ຄະນະປະທານທີ່ເຂົ້າຮ່ວມ.
ຂ່າວ: ພູວັນ, ພາບ: ແສງຈັນ
ທ່ານ ຄໍາແຫວນ ປັນຍານຸວົງ ຮອງເຈົ້າແຂວງ ຫົວໜ້າອະນຸກຳມະການຂະບວນການ ກ່າວວ່າ: ການຈັດງານຄັ້ງນີ້ເພື່ອສະເຫຼີມສະຫຼອງ 40 ປີແຫ່ງການສ້າງຕັ້ງແຂວງບໍລິຄໍາໄຊ ເພື່ອເປັນການອະນຸລັກ, ປົກປັກຮັກສາ ແລະ ສົ່ງເສີມມູນເຊື້ອວັດທະນະທໍາ-ຮີດຄອງປະເພນີທີ່ເປັນເອກະລັກຂອງບັນດາເຜົ່າ, ຂອງຊາດໃຫ້ມີການສືບທອດຢ່າງຍືນຍົງ.
ທ່ານ ສົນທອງ ວິບຸນກວ້າງ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແຂວງກ່າວວ່າ: ການຈັດງານປະກວດ ແລະ ສະແດງສິລະປະ-ວັນນະຄະດີຄັ້ງນີ້ ເພື່ອສົ່ງເສີມ, ອະນຸລັກຮັກສາ ແລະ ເຜີຍແຜ່ມູນມໍລະດົກວັດທະນະທໍາອັນລໍ້າຄ່າຂອງຊາດ ແລະ ຂອງເຜົ່າໃຫ້ຍືນຍົງຄົງຢູ່ຄູ່ຊາດລາວຕະຫຼອດໄປ ທັງເປັນການຊຸກຍູ້ສົ່ງເສີມບັນດານັກຂຽນ, ນັກປະພັນແຕ່ລະລຸ້ນໄດ້ມີໂອກາດຝົນປາຍປາກກາ, ຝົນສະຕິປັນຍາເພື່ອໃຫ້ໄດ້ບົດປະພັນວັນນະຄະດີທີ່ໂດດເດັ່ນໃນການໂຄສະນາແນວທາງນະໂຍບາຍຂອງພັກ, ຜົນງານການນໍາພາ, ປົກປັກຮັກສາ ແລະ ສ້າງສາພັດທະນາແຂວງບໍລິຄຳໄຊໄວ້ໃຫ້ຄົນຮຸ່ນຫຼັງໄດ້ສຶກສາຄົ້ນຄວ້າ, ເປັນການສະແດງອອກວິຖີຊີວິດຂອງປະຊາຊົນບັນດາເຜົ່າ ກໍຄືຂອງຊາດລາວໃຫ້ຄົນທັງຊາດ ແລະ ຊາວໂລກຮັບຮູ້ນັບມື້ກວ້າງຂວາງ.
ໃນພິທີໄດ້ມີການຮ້ອງເພງ, ເດີນແບບອາພອນເພດຊົນເຜົ່າ, ຂັບລຳທ້ອງຖິ່ນ ແລະ ມອບລາງວັນການປະພັນວັນນະຄະດີ, ລາງວັນປະເພດບົດເພງ, ບົດກາບກອນ ເປັນກຽດມອບໂດຍທ່ານເຈົ້າແຂວງ ແລະ ຄະນະປະທານທີ່ເຂົ້າຮ່ວມ.
ຂ່າວ: ພູວັນ, ພາບ: ແສງຈັນ
ຄໍາເຫັນ