ສະແດງສີລະປະວັດທະນະທຳຮ່ວມໃຈ ໄທ - ລາວ

13:31 14/07/2025

ເມື່ອບໍ່ດົນມານີ້, ທ່ານນາງ ມໍຣະກົດ ສີສະຫວັດ ເອກອັກຄະຣາຊະທູດໄທ ປະຈຳ ສປປ ລາວ ເປັນປະທານເປີດງານການສະແດງສີລະປະວັດທະນະທຳຮ່ວມໃຈ ໄທ-ລາວ ໃນໂອກາດສະເຫຼີມສະຫຼອງວັນສ້າງຕັ້ງສາຍພົວພັນທາງການທູດ ລະຫວ່າງໄທ - ສປປ ລາວ ຄົບຮອບ 75 ປີ ທີ່ຫໍວັດທະນະທຳແຫ່ງຊາດ ນະຄອນຫຼວງວຽງຈັນ. ໂດຍການເຂົ້າຮ່ວມຂອງ ທ່ານນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ ສປປ ລາວ ໂດຍມີແຂກຖືກເຊີນເຂົ້າຮ່ວມຮັບຊົມ.

ສະແດງສລະປະວດທະນະທຳຮວມໃຈ ໄທ - ລາວ - image 1

ການສະແດງສີລະປະວັດທະນະທຳຮ່ວມໃຈ ໄທ-ລາວ ປະກອບດ້ວຍ: 1. ການສະແດງຜົນງານຂອງຜູ້ເຂົ້າຮ່ວມການປະກວດຜົນງານສີລະປະ “75 ປີ ແຫ່ງຄວາມງົດງາມຂອງສາຍພົວພັນໄທ-ລາວ” ທັງໝົດ 76 ຮູບ ແລະ ຜົນງານຂອງສິນລະປິນໄທ ທີ່ເຂົ້າຮ່ວມ Workshop ແຕ້ມຮູບທີ່ສະຖານກົງສູນໃຫຍ່ ປະຈຳແຂວງສະຫວັດນະເຂດ ລະຫວ່າງວັນທີ 4-6 ພຶດສະພາ 2025 ອີກກວ່າ 50 ຜົນງານ. ໃນໂອກາດນີ້, ທ່ານຮອງລັດຖະມົນຕີກະຊວງສຶກສາທິການ ແລະ ກິລາ ສປປ ລາວ ແລະ ຕາງໜ້າ ກະຊວງວັດທະນະທຳ ແລະ ການທ່ອງທ່ຽວ ສປປ ລາວ ໄດ້ມອບຖ້ວຍລາງວັນຂອງລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ ສປປ ລາວ ໃຫ້ແກ່ຜູ້ຊະນະການປະກວດຜົນງານສິລະປະ ຈຳນວນ 9 ຄົນດ້ວຍ, 2. ການບັນເລງດົນຕີຄາດຊິກຮ່ວມກັນລະຫວ່າງອາຈານຈາກວິທະຍາໄລດຸຣິຍາງຄະສິນ, ມະຫາວິທະຍາໄລມະຫິດົນ ແລະ ອາຈານ, ນັກຮຽນຈາກວິທະຍາໄລສີລະປະແຫ່ງຊາດ ສປປ ລາວ ຊຶ່ງສະຖານເອກອັກຄະຣາຊະທູດ ຮ່ວມກັບວິທະຍາໄລດຸຣິຍາງຄະສິນ ຈັດການອົບຮົມດ້ານດົນຕີຄາດຊິກໃຫ້ແກ່ບຸກຄະລາກອນຂອງວິທະຍາໄລສີລະປະແຫ່ງຊາດ ສປປ ລາວ ລະຫວ່າງວັນທີ 7-9 ກໍລະກົດ 2025 ເພື່ອພັດທະນາທັກສະ ແລະ ເຕັກນິກການໃຊ້ເຄື່ອງດົນຕີຄາດຊິກໃຫ້ແກ່ຄະນະອາຈານ ແລະ ນັກຮຽນຂອງວິທະຍາໄລສີລະປະແຫ່ງຊາດ ສປປ ລາວ, 3. ການສະແດງລຳໂນຣາ ໂດຍຜູ້ຊ່ວຍສາສະດາຈານທຳມະນິດ ນິຄົມຣັດ ສິລະປິນແຫ່ງຊາດ ປີ 2021 ແລະ ຄະນະການສະແດງຟ້ອນລຳວົງລາວ

ສະແດງສລະປະວດທະນະທຳຮວມໃຈ ໄທ - ລາວ - image 2

ໂດຍກອງສີລະປະກອນແຫ່ງຊາດ ຊຶ່ງສະແດງເຖິງສີລະປະວັດທະນະທຳທີ່ເປັນເອກະລັກຂອງທັງສອງປະເທດ ແລະ ທັງສອງການສະແດງ ໄດ້ຖືກຮັບຮອງການຂຶ້ນທະບຽນເປັນມໍລະດົກວັດທະນະທຳທີ່ຈັບຕ້ອງບໍ່ໄດ້ຂອງອົງການສຶກສາ, ວິທະຍາສາດ ແລະ ວັດທະນະທຳແຫ່ງສະຫະປະຊາຊາດ (ອົງການອຸຍເນັດສະໂກ) ສະຖານເອກອັກຄະຣາຊະທູດ ໂດຍການຮ່ວມມືຂອງກະຊວງວັດທະນະທຳ ແລະ ການທ່ອງທ່ຽວ ຈັດກິດຈະກຳທີ່ຫຼາກຫຼາຍດ້ານສິລະປະວັດທະນະທຳ ເພື່ອສະເຫຼີມສະຫຼອງວັນສ້າງຕັ້ງສາຍພົວພັນທາງການທູດ ລະຫວ່າງໄທ - ສປປ ລາວ ຕະຫຼອດທັງປີ 2025 ດ້ວຍການຮ່ວມມື ແລະ ການສະໜັບສະໜູນຈາກຄະນະສິນລະປິນໄທ ນຳໂດຍອາຈານ ອຳມາລິດ ຊູສຸວັນ ສິລະປິນແຫ່ງຊາດ ສາຂາທັດສະນະສິນ (ຈິດຕະກຳ-ສື່ປະສົມ) ປະຈຳປີ 2020, ວິທະຍາໄລດຸຣິຍາງຄະສິນ, ມະຫາວິທະຍາໄລມະຫິດົນ, ມູນນິທິສົງຂາເມືອງເກົ່າ, ມູນນິທິສິຄະລິນເພື່ອການພັດທະນາ ແລະ ສະມາຄົມສິລະປິນອີສານ.

ສະແດງສລະປະວດທະນະທຳຮວມໃຈ ໄທ - ລາວ - image 3

ຂ່າວ: ສະຖານທູດໄທປະຈຳລາວ

ຄໍາເຫັນ

ຂ່າວການຮ່ວມມື

ທ່ານ ບຸນທອງ ຈິດມະນີ ຕ້ອນຮັບທູດຝຣັ່ງ ປະຈໍາລາວ ເຂົ້າຢ້ຽມຂໍ່ານັບອໍາລາ

28/08/2025 15:34

ໃນວັນທີ 28 ສິງຫານີ້ ທີ່ ທຳນຽບປະທານປະເທດ, ທ່ານ ບຸນທອງ ຈິດມະນີ ກຳມະການກົມ ການເມືອງສູນກາງພັກ ຜູ້ປະຈຳການຄະນະເລຂາທິການສູນກາງພັກ ຮອງປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳນັບອໍາລາຂອງທ່ານນາງ ຊິວ-ແລັງ ຊູອອກ (Siv-Leng CHHUOR) ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສ ຝຣັ່ງ ປະຈໍາ ສປປ ລາວ ໃນໂອກາດທ່ານທູດ ສຳເລັດການປະຕິບັດໜ້າທີ່ການທູດປະຈຳ ສປປ ລາວ.

ກອງປະຊຸມປຶກສາຫາລືວຽກງານການທູດເສດຖະກິດ ຂອງ ສປປ ລາວ ໃນຮູບແບບເຊິ່ງໜ້າ ແລະ ທາງໄກ

28/08/2025 15:25

ໃນວັນທີ 27 ສິງຫານີ້, ກົມເສດຖະກິດ ກະຊວງການຕ່າງປະເທດ ໄດ້ຈັດກອງປະຊຸມປຶກສາຫາລືວຽກງານການທູດເສດຖະກິດ ຂອງ ສປປ ລາວ ຮ່ວມກັບ ບັນດາສໍານັກງານຜູ້ຕາງໜ້າ ແຫ່ງ ສປປ ລາວ ປະຈໍາຕ່າງປະເທດ ໃນຮູບແບບເຊິ່ງໜ້າ ແລະ ທາງໄກ (Hybrid) ຂຶ້ນທີ່ກະຊວງການຕ່າງປະເທດ, ພາຍໃຕ້ການເປັນປະທານຂອງ ທ່ານ ໄມທອງ ທໍາມະວົງສາ ຮອງລັດຖະມົນຕີກະຊວງການຕ່າງປະເທດ ໂດຍມີບັນດາທ່ານເອກອັກຄະລັດຖະທູດ, ທ່ານກົງສູນໃຫຍ່ ແລະ ທ່ານຫົວໜ້າຫ້ອງການສໍານັກງານ ພ້ອມທັງບັນດານັກການທູດ ທີ່ປະຈຳຢູ່ ສຳນັກງານຜູ້ຕາງໜ້າ ຂອງ ສປປ ລາວ ທີ່ຕ່າງປະເທດ ຈໍານວນ 41 ແຫ່ງ ເຂົ້າຮ່ວມ.

ຫົວໜ້າ ຄຕພ ຕ້ອນຮັບການເຂົ້າຢ້ຽມຂໍ່ານັບອໍາລາຂອງເອກອັກຄະລັດຖະທູດ ຝຣັ່ງ ປະຈໍາ ລາວ

27/08/2025 10:01

ໃນວັນທີ 26 ສິງຫານີ້ ທີ່ ສຳນັກງານຄະນະພົວພັນຕ່າງປະເທດສູນກາງພັກ, ທ່ານ ບຸນເຫຼືອ ພັນດານຸວົງ ຫົວໜ້າຄະນະພົວພັນຕ່າງປະເທດສູນກາງພັກ ໄດ້ຕ້ອນຮັບການເຂົ້າຢ້ຽມຂ່ຳນັບອໍາລາຂອງ ທ່ານ ນາງ ຊິວ-ແລັງ ຊູອອກ (Siv-Leng CHHUOR) ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສ ຝຣັ່ງ ປະຈໍາ ສປປ ລາວ.

ຮ່າໂນ້ຍ - ນະຄອນເພື່ອສັນຕິພາບ, ເຮືອນຫຼັງທີສອງຂອງນັກສຶກສາລາວ

26/08/2025 16:22

ໃນຖານະທີ່ເປັນນັກສຶກສາລາວ ທີ່ກໍາລັງສຶກສາຮ່ຳຮຽນຢູ່ຮ່າໂນ້ຍ, ໃນຂະນະດຽວກັນ, ປັດຈຸບັນ ສັງກັດຢູ່ພະແນກພົວພັນການຕ່າງປະເທດ ຂອງຄະນະໂຄສະນາອົບຮົມສູນກາງພັກ ແລະ ປະກອບສ່ວນເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ - ຫວຽດນາມ, ຫວຽດນາມ - ລາວ. ຂ້າພະເຈົ້າໄດ້ສຶກສາຮໍ່າຮຽນລະດັບປະລິນຍາຕີ ແລະ ປັດຈຸບັນກໍາລັງສຶກສາຕໍ່ລະດັບປະລິນຍາໂທ. ຂ້າພະເຈົ້າດໍາລົງຊີວິດ ແລະ ເຮັດວຽກຢູ່ນະຄອນຫຼວງຮ່າໂນ້ຍ ອັນແສນສວຍງາມ ແລະ ຮັ່ງມີ, ສີວິໄລ, ທັນສະໄໝ ກໍຄືນະຄອນແຫ່ງສັນຕິພາບ. ຂ້າພະເຈົ້າ ເຫັນໄດ້ເຖິງບັນດາຄຸນຄ່າພິເສດຂອງນະຄອນຫຼວງຮ່າໂນ້ຍ ມາຕະຫຼອດ.

ລົດໄຟ ຈີນ-ລາວ: ກະແສການທ່ອງທ່ຽວ ທີ່ບັນເລງເພງບົດໃໝ່

26/08/2025 15:18

ລົດໄຟຈີນ-ລາວໃນຖານະໂຄງການສັນຍາລັກໜຶ່ງແລວໜຶ່ງເສັ້ນທາງໄດ້ບັນທຸກມິດຕະພາບອັນເລິກເຊິ່ງຂອງປະຊາຊົນສອງປະເທດອີກທັງຍັງເປັນສາຍໄຍສຳຄັນທີ່ເຊື່ອມໂຍງຈີນແລະລາວ, ທາງລົດໄຟສາຍນີ້ຜ່ານພູມີປະເທດທີ່ສະຫຼັບຊັບຊ້ອນທ້າທາຍອຸປະສັກດ້ານວິສາວະກຳ, ຫຼອມລວມສະຕິປັນຍາແລະເຫື່ອແຮງຂອງຜູ້ກໍ່ສ້າງທັງສອງຊາດຈຶ່ງກາຍເປັນຫຼັກຖານທີ່ມີຊີວິດຊີວາຂອງການກ້າວໄປດ້ວຍກັນແລະການຮ່ວມມືແບບຊະນະຮ່ວມກັນຂອງຈີນ-ລາວ, ລົດໄຟສາຍນີ້ກ້າວຂ້າມຄວາມໝາຍເສັ້ນທາງຄົມມະນາຄົມທຳມະດາກາຍເປັນລະບຽງເສດຖະກິດທີ່ສຳຄັນທີ່ຂັບເຄື່ອນການພັດທະນາພູມີພາກແລະ ເປັນຂົວວັດທະນະທຳທີ່ເຊື່ອມຕໍ່ນ້ຳໃຈຂອງປະຊາຊົນສອງປະເທດເປັນໂອກາດສຳຄັນໃນການຮ່ວມມືກ້າວສູ່ທາງເລິກແລະທາງກວ້າງໂດຍສະເພາະດ້ານການຄ້າ-ການລົງທຶນ, ການແລກປ່ຽນວັດທະນະທຳໂດຍສະເພາະແມ່ນການທ່ອງທ່ຽວຂ້າມແດນມີບັນຍາກາດຄຶກຄື້ນຂຶ້ນຫຼາຍເທົ່າຜ່ານການ “ຂີ່ລົດໄຟທ່ຽວສອງປະເທດ” ໄດ້ກາຍເປັນກະແສທີ່ກຳລັງນິຍົມກັນຫຼາຍໃນກຸ່ມນັກທ່ອງທ່ຽວ, ລົດໄຟສາຍນີ້ບໍ່ພຽງແຕ່ມອບປະສົບການການເດີນທາງທີ່ສະດວກ, ວ່ອງໄວທັນໃຈ, ສ້າງຄວາມປະທັບໃຈໃຫ້ຜູ້ຄົນນັບໝື່ນນັບແສນ, ແຕ່ຍັງຂັບເຄື່ອນບົດບາດໃໝ່ແຫ່ງມິດຕະພາບຈີນ-ລາວ.

ດີໃຈ ແລະ ພູມໃຈ ທີ່ເຫັນສາຍພົວມິດຕະພາບອັນຍິ່ງໃຫຍ່ ນັບມື້ພັດທະນາ

26/08/2025 14:10

ໃນງານລ້ຽງອາຫານຄໍ່າ ເພື່ອສະເຫຼີມສະຫຼອງວັນຊາດ ສສ ຫວຽດນາມ ຄົບຮອບ 80 ປີ (2/9/1945 – 2/9/2025) ທີ່ຈັດຂຶ້ນຢ່າງສົມກຽດ ເມື່ອຄໍ່າວັນທີ 22 ສິງຫາ ຜ່ານມາ ທີ່ນະຄອນຫຼວງວຽງຈັນ ຊຶ່ງເປັນວັນຊາດ ກໍຄື “ບຸນເອກະລາດ” ຂອງປວງຊົນຫວຽດນາມ; ໃນປີນີ້, ກໍເປັນປີແຫ່ງຂີດໝາຍປະຫວັດສາດຂອງຫວຽດນາມ ດ້ວຍມີຫຼາຍເຫດການທີ່ເປັນປີຄົບຮອບໃຫຍ່; ຂະນະດຽວກັນ, ປີ 2025 ນີ້ ກໍເປັນປີທີ່ສຳຄັນຂອງ ສປປ ລາວ ຊຶ່ງໂອກາດກ່າວໃນງານລ້ຽງດັ່ງກ່າວນັ້ນ, ສະຫາຍ ຫງວຽນ ມິງ ເຕິມ ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສສ ຫວຽດນາມ ກໍໄດ້ກ່າວສະແດງຄວາມຮູ້ສຶກດີໃຈ ແລະ ພູມໃນ ຕໍ່ຜົນງານທີ່ໜ້າພາກພູມໃຈຂອງ ພັກ, ລັດ ແລະ ປະຊາຊົນລາວ ອ້າຍນ້ອງ, ທັງເຫັນສາຍພົວມິດຕະພາບອັນຍິ່ງໃຫຍ່ ນັບມື້ພັດທະນາ.

ປະດັບຫຼຽນໄຊ ໃຫ້ການນໍາຂັ້ນສູງ ກວຕ ຫວຽດນາມ

26/08/2025 10:09

ໂດຍຕອບສະໜອງຕາມການເຊື້ອເຊີນຂອງ ທ່ານ ຫງວຽນ ແມງ ຮຸງ ລັດຖະມົນຕີ ກະຊວງວິທະຍາສາດ ແລະ ເຕັກໂນໂລຊີ (ກວຕ) ສສ ຫວຽດນາມ, ທ່ານ ບໍ່ວຽງຄຳ ວົງດາລາ ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ (ກຕສ) ພ້ອມດ້ວຍ ຮອງລັດຖະມົນຕີ ແລະ ຄະນະ ໄດ້ເດີນທາງຢ້ຽມຢາມ ແລະ ເຮັດວຽກຢູ່ ນະຄອນຫຼວງຮ່າໂນ້ຍ ສສ ຫວຽດນາມ ຫວ່າງບໍ່ດົນມານີ້ ເພື່ອສືບຕໍ່ຮັດແໜ້ນຄວາມສາມັກຄີຮ່ວມມືໃນຂົງເຂດ ເຕັກໂນໂລຊີ ແລະ ການສື່ສານ.

ງານເປີດໂຕ ລາຍການ ສະລະຄະດີ “ ສາຍໃຍວັດທະນະທຳ ຂອງ ທ່ານ ສີ ຈິ້ນຜິງ”

25/08/2025 22:32

ເນື່ອງໃນໂອກາດຈະມີການປະຊຸມສຸດຍອດອົງການຮ່ວມມືຊາງໄຮ້ SCO (shanghai cooperation organization) ໃນປີ 2025 ທີ່ຈະມາເຖິງນີ້.

ງານເປີດໂຕ ລາຍການ ສະລະຄະດີ “ ສາຍໃຍວັດທະນະທຳ ຂອງ ທ່ານ ສີ ຈິ້ນຜິງ”

25/08/2025 22:32

ວັນບຸນເອກະລາດ 80 ປີ ຫວຽດນາມ ໃນປີນີ້ ເປັນປີແຫ່ງຂີດໝາຍປະຫວັດສາດ

25/08/2025 13:52

ວັນທີ 2 ກັນຍາປີ 2025 ນີ້, ສຳລັບ ສສ ຫວຽດນາມ ເປັນປີຄົບຮອບໃຫຍ່ຂອງ ວັນຊາດ ກໍຄືວັນ “ບຸນເອກະລາດ” ຂອງທົ່ວປວງຊົນຫວຽດນາມ ຄົບຮອບ 80 ປີ (2/9/1945-2/9/2025) ຊຶ່ງປັດຈຸບັນປະຊາຊົນຫວຽດນາມທັງຢູ່ພາຍໃນ ແລະ ຕ່າງປະເທດ ພວມດຳລົງຊີວິດໃນບັນຍາກາດອັນສະຫງ່າອົງອາດ ແຫ່ງການປະຕິວັດເດືອນສິງຫາ (19/8/1945-19/8/2025) ທີ່ມີຄວາມໝາຍປະຫວັດສາດ, ມຸ່ງໄປເຖິງ “ວັນບຸນເອກະລາດ”ຂອງຊາດ. ພ້ອມນີ້, ກໍເປັນປີທີ່ບໍ່ພຽງແຕ່ມີຄວາມໝາຍທາງດ້ານການເວລາເທົ່ານັ້ນ, ແຕ່ຫາກຍັງແມ່ນຂີດໝາຍປະຫວັດສາດທີ່ສຳຄັນຂອງຊາດຫວຽດນາມອີກດ້ວຍ.

ເພີ່ມເຕີມ