ໃນວັນທີ 5 ມີນາ ນີ້ ທີ່ຫ້ອງປະຊຸມໃຫຍ່ ຊັ້ນ I ອົງການໄອຍະການປະຊາຊົນສູງສຸດ (ອອປສ) ໄດ້ຈັດກອງປະຊຸມປາຖະກະຖາ ວັນແມ່ຍິງສາກົນ ຄົບຮອບ 114 ປີ ໂດຍພາຍໃຕ້ການເປັນປະທານຂອງ ທ່ານ ນາງ ພອນທິບ ສາວະລີ ຄະນະບໍລິຫານງານພັກ ຄະນະບໍລິຫານງານສູນກາງສະຫະພັນແມ່ຍິງ ສະໄໜທີ VIII ປະທານສະຫະພັນແມ່ຍິງ ອອປສ ຊຶ່ງ ຄະນະສະຫະພັນແມ່ຍິງ ສະມາຊິກແມ່ຍິງ ອ້ອມຂ້າງ ອອປສ ເຂົ້າຮ່ວມ.
ໃນກອງປະຊຸມ, ທ່ານ ນາງ ພອນທິບ ສາວະລີ ໄດ້ປາຖະກະຖາຫວນຄືນມູນເຊື້ອປະຫວັດແຫ່ງການກໍາເນີດ, ການເຕີບໃຫຍ່ຂະຫຍາຍຕົວ, ຜົນງານການເຄື່ອນໄຫວ ແລະ ການເສີມຂະຫຍາຍມູນເຊື້ອອັນດີງາມ, ເປັນຂິດໝາຍແຫ່ງໄຊຊະນະອັນພຶ້ນຖານຂອງຂະບວນການແມ່ຍິງສາກົນ ໃນການຕໍ່ສູ້ທວງເອົາສິດຜົນປະໂຫຍດອັນເປັນທຳ ໃຫ້ແກ່ແມ່ຍິງຊາວຜູ້ອອກແຮງງານໃນທົ່ວໂລກ, ເປັນວັນລະນຶກເຖິງການຕໍ່ສູ້ຂອງແມ່ຍິງ ເພື່ອປົດປ່ອຍຕົນເອງ ແລະ ທວງໃຫ້ມີສິດສະເໝີພາບປະຊາທິປະໄຕ ຄືກັນກັບຜູ້ຊາຍ. ພ້ອມນັ້ນກໍໄດ້ເຜີຍແຜ່ຄຳແນະນຳກ່ຽວກັບການກະກຽມ ແລະ ດຳເນີນກອງປະຊຸມໃຫຍ່ ໜ່ວຍແມ່ຍິງຮາກຖານ ສະຫາຍຍັງໄດ້ຊີ້ນໍາເອື້ອຍນ້ອງສະຫະພັນແມ່ຍິງ ອົງການໄອຍະການປະຊາຊົນສູງສຸດ ຈົ່ງພ້ອມກັນປະຕິບັດຄໍາຂວັນວັນແມ່ຍິງສາກົນ ປີ 2024 “ລົງທຶນເລັ່ງໃສ່ການພັດທະນາຄວາມກ້າວໜ້າຂອງແມ່ຍິງ” “Invest in women: Accelerate Progress” ຕິດພັນກັບຂໍ້ແຂ່ງຂັນ 3 ມີ 4 ຮັບປະກັນ ຂອງອົງການໄອຍະການປະຊາຊົນສູງສຸດ ແລະ ຂະບວນແຂ່ງຂັນຮັກຊາດ ແລະ ພັດທະນາ, ສ້າງສະຖາບັນຄອບຄົວ ແລະ ສັງຄົມ ໃຫ້ມີຄວາມສະຫງົບ, ປອດໄພ.
ໃນວາລະດັ່ງກ່າວ ທ່ານ ນາງ ຫວານໃຈ ພະສີວໍລະວົງ ຄະນະສະຫະພັນແມ່ຍິງ ຮອງປະທານກວດກາສະຫະພັນແມ່ຍິງ ອອປສ ໄດ້ຜ່ານຂໍ້ຕົກລົງ ວ່າດ້ວຍການແບ່ງໜ່ວຍໃໝ່ ສະຫະພັນແມ່ຍິງ ອອປສ ແລະ ໄດ້ມອບຄວາມຮັບຜິດຊອບໃຫ້ຫົວໜ້າໜ່ວຍເປັນຜູ້ນໍາພາສະມາຊິກຂອງຕົນຈັດຕັ້ງປະຕິບັດ.
ໃນກອງປະຊຸມ ທ່ານ ນາງ ແສງສຸດາ ສີປະເສີດ ຮອງປະທານສະຫະພັນແມ່ຍິງ ປະທານກວດກາສະຫະພັນແມ່ຍິງ ອອປສ ໄດ້ຜ່ານແຜນກິດຈະກຳຕ່າງໆຂອງສະຫະພັນແມ່ຍິງ ອົງການໄອຍະການປະຊາຊົນສູງສຸດ ທີ່ຈະຈັດຂຶ້ນໃນລະຫວ່າງວັນທີ 6-7 ມີນາ 2024 ນີ້ ເພື່ອຮັດແໜ້ນຄວາມສາມາຄີຂອງເອື້ອຍນ້ອງແມ່ຍິງ ກໍຄື ສາມອົງການຈັດຕັ້ງມະຫະຊົນດ້ວຍກັນ ທີ່ເມືອງສັງທອງ ນະຄອນຫຼວງວຽງຈັນ ຕື່ມອີກ.
ໃນໂອກາດດັ່ງກ່າວ ທ່ານປະທານ ໄດ້ຊີ້ນໍາເອື້ອຍນ້ອງສະຫະພັນແມ່ຍິງ ອອປສ ເພີ່ມທະວີຄວາມຮັບຜິດຊອບຂອງຄະນະ ແລະ ສະມາຊິກສະຫະພັນແມ່ຍິງ ຈົ່ງພ້ອມກັນປະຕິບັດຄໍາຂວັນວັນແມ່ຍິງສາກົນ ປີ 2024 “ລົງທຶນເລັ່ງໃສ່ການພັດທະນາຄວາມກ້າວໜ້າຂອງແມ່ຍິງ” ຂອງ ສູນກາງສະຫະພັນແມ່ຍິງລາວວາງອອກ ດ້ວຍຄວາມຮັບຜິດຊອບສູງ ແລະ ການປົກປ້ອງສິດຜົນປະໂຫຍດຂອງແມ່ຍິງ, ການສົ່ງເສີມຄວາມກ້າວໜ້າຂອງແມ່ຍິງ ແລະ ຄວາມສະເໝີພາບລະຫວ່າງຍິງ-ຊາຍ, ຊຶ່ງໄດ້ກຳນົດແຈ້ງຢູ່ໃນລັດຖະທຳມະນູນ ແລະ ກົດໝາຍຕ່າງໆ. ພ້ອມກັນສະເຫຼີມສະຫຼອງວັນແມ່ຍິງສາກົນ ຄົບຮອບ 114 ປີ ທີ່ຈະໜູນວຽນມາໃນອີກບໍ່ພໍເທົ່າໃດມື້ ເອົາໃຈໃສ່ໃນການເຮັດວຽກເປັນໝູ່ຄະນະ, ມີຄວາມສາມັກຄີພາຍໃນ ແລະ ຮັກສາມູນເຊື້ອຮີດຄອງປະເພນີອັນດີງາມຂອງຊາດ.
ຂ່າວ-ພາບ: ນ້ອຍມີນາ
ໃນກອງປະຊຸມ, ທ່ານ ນາງ ພອນທິບ ສາວະລີ ໄດ້ປາຖະກະຖາຫວນຄືນມູນເຊື້ອປະຫວັດແຫ່ງການກໍາເນີດ, ການເຕີບໃຫຍ່ຂະຫຍາຍຕົວ, ຜົນງານການເຄື່ອນໄຫວ ແລະ ການເສີມຂະຫຍາຍມູນເຊື້ອອັນດີງາມ, ເປັນຂິດໝາຍແຫ່ງໄຊຊະນະອັນພຶ້ນຖານຂອງຂະບວນການແມ່ຍິງສາກົນ ໃນການຕໍ່ສູ້ທວງເອົາສິດຜົນປະໂຫຍດອັນເປັນທຳ ໃຫ້ແກ່ແມ່ຍິງຊາວຜູ້ອອກແຮງງານໃນທົ່ວໂລກ, ເປັນວັນລະນຶກເຖິງການຕໍ່ສູ້ຂອງແມ່ຍິງ ເພື່ອປົດປ່ອຍຕົນເອງ ແລະ ທວງໃຫ້ມີສິດສະເໝີພາບປະຊາທິປະໄຕ ຄືກັນກັບຜູ້ຊາຍ. ພ້ອມນັ້ນກໍໄດ້ເຜີຍແຜ່ຄຳແນະນຳກ່ຽວກັບການກະກຽມ ແລະ ດຳເນີນກອງປະຊຸມໃຫຍ່ ໜ່ວຍແມ່ຍິງຮາກຖານ ສະຫາຍຍັງໄດ້ຊີ້ນໍາເອື້ອຍນ້ອງສະຫະພັນແມ່ຍິງ ອົງການໄອຍະການປະຊາຊົນສູງສຸດ ຈົ່ງພ້ອມກັນປະຕິບັດຄໍາຂວັນວັນແມ່ຍິງສາກົນ ປີ 2024 “ລົງທຶນເລັ່ງໃສ່ການພັດທະນາຄວາມກ້າວໜ້າຂອງແມ່ຍິງ” “Invest in women: Accelerate Progress” ຕິດພັນກັບຂໍ້ແຂ່ງຂັນ 3 ມີ 4 ຮັບປະກັນ ຂອງອົງການໄອຍະການປະຊາຊົນສູງສຸດ ແລະ ຂະບວນແຂ່ງຂັນຮັກຊາດ ແລະ ພັດທະນາ, ສ້າງສະຖາບັນຄອບຄົວ ແລະ ສັງຄົມ ໃຫ້ມີຄວາມສະຫງົບ, ປອດໄພ.
ໃນວາລະດັ່ງກ່າວ ທ່ານ ນາງ ຫວານໃຈ ພະສີວໍລະວົງ ຄະນະສະຫະພັນແມ່ຍິງ ຮອງປະທານກວດກາສະຫະພັນແມ່ຍິງ ອອປສ ໄດ້ຜ່ານຂໍ້ຕົກລົງ ວ່າດ້ວຍການແບ່ງໜ່ວຍໃໝ່ ສະຫະພັນແມ່ຍິງ ອອປສ ແລະ ໄດ້ມອບຄວາມຮັບຜິດຊອບໃຫ້ຫົວໜ້າໜ່ວຍເປັນຜູ້ນໍາພາສະມາຊິກຂອງຕົນຈັດຕັ້ງປະຕິບັດ.
ໃນກອງປະຊຸມ ທ່ານ ນາງ ແສງສຸດາ ສີປະເສີດ ຮອງປະທານສະຫະພັນແມ່ຍິງ ປະທານກວດກາສະຫະພັນແມ່ຍິງ ອອປສ ໄດ້ຜ່ານແຜນກິດຈະກຳຕ່າງໆຂອງສະຫະພັນແມ່ຍິງ ອົງການໄອຍະການປະຊາຊົນສູງສຸດ ທີ່ຈະຈັດຂຶ້ນໃນລະຫວ່າງວັນທີ 6-7 ມີນາ 2024 ນີ້ ເພື່ອຮັດແໜ້ນຄວາມສາມາຄີຂອງເອື້ອຍນ້ອງແມ່ຍິງ ກໍຄື ສາມອົງການຈັດຕັ້ງມະຫະຊົນດ້ວຍກັນ ທີ່ເມືອງສັງທອງ ນະຄອນຫຼວງວຽງຈັນ ຕື່ມອີກ.
ໃນໂອກາດດັ່ງກ່າວ ທ່ານປະທານ ໄດ້ຊີ້ນໍາເອື້ອຍນ້ອງສະຫະພັນແມ່ຍິງ ອອປສ ເພີ່ມທະວີຄວາມຮັບຜິດຊອບຂອງຄະນະ ແລະ ສະມາຊິກສະຫະພັນແມ່ຍິງ ຈົ່ງພ້ອມກັນປະຕິບັດຄໍາຂວັນວັນແມ່ຍິງສາກົນ ປີ 2024 “ລົງທຶນເລັ່ງໃສ່ການພັດທະນາຄວາມກ້າວໜ້າຂອງແມ່ຍິງ” ຂອງ ສູນກາງສະຫະພັນແມ່ຍິງລາວວາງອອກ ດ້ວຍຄວາມຮັບຜິດຊອບສູງ ແລະ ການປົກປ້ອງສິດຜົນປະໂຫຍດຂອງແມ່ຍິງ, ການສົ່ງເສີມຄວາມກ້າວໜ້າຂອງແມ່ຍິງ ແລະ ຄວາມສະເໝີພາບລະຫວ່າງຍິງ-ຊາຍ, ຊຶ່ງໄດ້ກຳນົດແຈ້ງຢູ່ໃນລັດຖະທຳມະນູນ ແລະ ກົດໝາຍຕ່າງໆ. ພ້ອມກັນສະເຫຼີມສະຫຼອງວັນແມ່ຍິງສາກົນ ຄົບຮອບ 114 ປີ ທີ່ຈະໜູນວຽນມາໃນອີກບໍ່ພໍເທົ່າໃດມື້ ເອົາໃຈໃສ່ໃນການເຮັດວຽກເປັນໝູ່ຄະນະ, ມີຄວາມສາມັກຄີພາຍໃນ ແລະ ຮັກສາມູນເຊື້ອຮີດຄອງປະເພນີອັນດີງາມຂອງຊາດ.
ຂ່າວ-ພາບ: ນ້ອຍມີນາ
ຄໍາເຫັນ