ໂດຍ: ພູວັນ
ເນື່ອງໃນໂອກາດສະເຫຼີມສະຫຼອງວັນແມ່ຍິງສາກົນວັນທີ 8 ມີນາ ຄົບຮອບ 114 ປີ (8/3/1910-8/3/2024) ທີ່ຈະມາເຖິງນີ້ຕິດພັນກັບການສະເຫຼີມສະຫຼອງວັນສ້າງຕັ້ງແຂວງບໍລິຄໍາໄຊ ຄົບຮອບ 40 ປີ (6/3/1984-6/3/2024) ຄຽງຄູ່ກັບວັນສໍາຄັນຕ່າງໆຂອງພັກ-ຂອງຊາດຢ່າງເປັນຂະບວນກວ້າງຂວາງ ແລະ ຟົດຟື້ນ, ທ່ານນາງ ວິລະພອນ ພົມມະວົງສາ ຮອງປະທານຄະນະບໍລິຫານງານສະຫະພັນແມ່ຍິງແຂວງບໍລິຄໍາໄຊ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນໃນວັນທີ 5 ມີນານີ້ ທີ່ສຳນັກງານດັ່ງກ່າວ.
ທ່ານໄດ້ຍົກໃຫ້ເຫັນຄວາມໝາຍ-ຄວາມສໍາຄັນຂອງວັນແມ່ຍິງສາກົນ ຄົບຮອບ 114 ປີ ເພື່ອທົບທວນຄືນປະຫວັດມູນເຊື້ອ ແລະ ການເຄື່ອນໄຫວຂະບວນການແມ່ຍິງທົ່ວໂລກ, ພາກພື້ນ, ອາຊຽນ ແລະ ການເຂົ້າຮ່ວມເຄື່ອນໄຫວໃນຂະບວນການດັ່ງກ່າວຂອງສະຫະພັນແມ່ຍິງລາວ, ແມ່ຍິງແຂວງໃນແຕ່ລະໄລຍະ; ເພື່ອເປັນການປຸກລະດົມສະມາຊິກສະຫະພັນແມ່ຍິງ ແລະ ແມ່ຍິງລາວບັນດາເຜົ່າເຂົ້າຮ່ວມຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ, ແຜນພັດທະນາແມ່ຍິງແຂວງ ແລະ ແຜນພັດທະນາແມ່ຍິງຂັ້ນຕົນ ຕິດພັນກັບຂະບວນການເຄື່ອນໄຫວຂອງເອື້ອຍນ້ອງແມ່ຍິງໃນການຈັດຕັ້ງປະຕິບັດສົນທິສັນຍາ, ຖະແຫຼງການ ແລະ ເປົ້າໝາຍການພັດທະນາແບບຍືນຍົງ(SDGs) ຮອດ 2030.ອີງຕາມແຈ້ງການຂອງສູນກາງສະຫະພັນແມ່ຍິງລາວ ເລກທີ 97/ສສຍລ, ລົງວັນທີ 2 ກຸມພາ 2024ກ່ຽວກັບການຈັດຕັ້ງສະເຫຼີມສະຫຼອງວັນແມ່ຍິງສາກົນວັນທີ 8 ມີນາ 2024 ຄົບຮອບ 114 ປີແລະ ຂໍ້ຕົກລົງຂອງທ່ານເຈົ້າແຂວງເລກທີ 518/ຂບຊ, ລົງວັນທີ 28 ສິງຫາ 2023 ສະຫະພັນແມ່ຍິງແຂວງໄດ້ປະກອບຢູ່ໃນອະນຸກໍາມະການຮັບຜິດຊອບຈັດສະຖານທີ່ໂຮມຊຸມນຸມ, ສະຖານທີ່ທາງສາສະໜາ ແລະ ປະດັບປະດາເອ້ຢ້ອງ, ພິທີການໃນວັນສ້າງຕັ້ງແຂວງບໍລິຄໍາໄຊຄົບຮອບ 40 ປີ ຊຶ່ງຈະຈັດຂຶ້ນທີ່ສວນສາທາລະນະທ່ານ ສີສົມພອນ ລໍວັນໄຊ; ສະຫະພັນແມ່ຍິງແຂວງໄດ້ອອກແຈ້ງການເຖິງສະຫະພັນແມ່ຍິງເມືອງ, ຮາກຖານ, ໜ່ວຍອ້ອມຂ້າງແຂວງເພື່ອໃຫ້ສະຫະພັນແມ່ຍິງແຕ່ລະຂັ້ນຈັດຕັ້ງປະຕິບັດສະເຫຼີມສະຫຼອງວັນແມ່ຍິງສາກົນວັນທີ 8 ມີນາ 2024 ຄົບຮອບ 114 ປີດ້ວຍຫຼາຍຮູບແບບ, ວິທີການເພື່ອຈັດຕັ້ງໂຄສະນາ-ປາຖະກະຖາຫວນຄືນປະຫວັດຄວາມເປັນມາຂອງວັນແມ່ຍິງສາກົນ, ຈັດກິດຈະກໍາເສີມຂະຫຍາຍມູນເຊື້ອວັດທະນະທໍາ, ຮີດຄອງປະເພນີທີ່ເປັນເອກະລັກ ທີ່ຕິດພັນກັບການທ່ອງທ່ຽວ, ການປົກປັກຮັກສາສິ່ງແວດລ້ອມ, ການພັດທະນາ ແລະ ປົກປ້ອງແມ່ຍິງ-ເດັກນ້ອຍ, ບົດບາດຍິງ-ຊາຍ, ຢ້ຽມຢາມອະດີດການນໍາສະຫະພັນແມ່ຍິງແຂວງ, ກິດຈະກໍາສິລະປະ, ວັນນະຄະດີ, ກິລາປະເພດຕ່າງໆ ຕິດພັນກັບວັນສໍາຄັນຂອງຊາດ, ຂອງພັກ, ຂອງແຂວງໂດຍອີງໃສ່ສະພາບເງື່ອນໄຂຂອງກົມກອງທ້ອງຖິ່ນພາຍໃຕ້ຄໍາຂວັນ ‘‘ ລົງທຶນເລັ່ງລັດໃສ່ການພັດທະນາຄວາມກ້າວໜ້າຂອງແມ່ຍິງ’’ ແລະ ໃນວັນທີ 28 ກຸມພາຜ່ານມາ, ສະຫະພັນແມ່ຍິງແຕ່ລະຂັ້ນໃນທົ່ວແຂວງໄດ້ພ້ອມກັນສ້າງຂະບວນການອອກແຮງງານ, ປະດັບປະດາຕິດທຸງຊາດ, ທຸງພັກ, ທຸງທິວຕາມສໍານັກງານຫ້ອງການສະຖານທີ່ສໍາຄັນເພື່ອຕ້ອນຮັບວັນແມ່ຍິງສາກົນຄົບຮອບ 114 ປີແລະ ຂໍ່ານັບຮັບຕ້ອນວັນສ້າງຕັ້ງແຂວງບໍລິຄໍາໄຊ ຄົບຮອບ 40 ປີ, ມີການວາງສະແດງຜົນງານການເຄື່ອນໄຫວຂອງສະຫະພັນແມ່ຍິງ, ຜະລິດຕະພັນທີ່ເປັນສິນຄ້າປະເພດຕ່າງໆ, ສຳ ລັບການປາຖະກະຖາເລົ່າມູນເຊື້ອວັນແມ່ຍິງສາກົນ ຄົບຮອບ 114 ປີ ສະຫະພັນແມ່ຍິງແຂວງຄາດວ່າຈະຈັດຂຶ້ນໃນວັນທີ 13ມີນາທີ່ຈະມາເຖິງ ທີ່ສະໂມສອນແຂວງ.
ທ່ານກ່າວໃຫ້ຮູ້ອີກວ່າ: ປີ 2023 ຜ່ານມາ,ຄະນະນໍາສະຫະພັນແມ່ຍິງແຕ່ລະຂັ້ນໄດ້ສຶກສາອົບຮົມການເມືອງແນວຄິດໃຫ້ສະມາຊິກແມ່ຍິງ, ແມ່ຍິງບັນດາເຜົ່າປະຕິບັດຕາມແນວທາງນະໂຍບາຍຂອງພັກ-ລັດ, ເສີມຂະຫຍາຍຄຸນລັກສະນະທີ່ເປັນມູນເຊື້ອຂອງແມ່ຍິງລາວບັນດາເຜົ່າຢ່າງກວ້າງຂວາງ, ນໍາພາປັບປຸງກົງຈັກການຈັດຕັ້ງສະຫະພັນແມ່ຍິງແຕ່ລະຂັ້ນໃຫ້ເຂັ້ມແຂງທາງດ້ານປະລິມານແລະຄຸນນະພາບ,ໄດ້ເຄື່ອນໄຫວຊຸກຍູ້ວຽກງານຮາກຖານສໍາເລັດ 7 ເມືອງ ພ້ອມທັງປັບປຸງ ແລະ ດໍາເນີນກອງປະຊຸມໃຫຍ່ສະມາຊິກແມ່ຍິງຂັ້ນແຂວງໄດ້ 9 ຮາກຖານ, 6 ໜ່ວຍ, ຂັ້ນເມືອງ 186 ບ້ານ, 49 ຮາກຖານ, 72 ໜ່ວຍ, ຂະຫຍາຍສະມາຊິກແມ່ຍິງໄດ້ 5.701 ຄົນ, ປະທານຄະນະບໍລິຫານງານສະຫະພັນແມ່ຍິງແຂວງ, ຄະນະສະຫະພັນແມ່ຍິງເມືອງໄດ້ລົງຮາກຖານປະຈໍາຢູ່ເມືອງ, ເຂດ, ບ້ານ ຕາມຂະບວນການລວມຂອງແຂວງ, ຂອງເມືອງ ແລະ ໄດ້ກໍານົດໃຫ້ບ້ານ, ຮາກຖານ, ໜ່ວຍ ແລະ ສະຫະພັນແມ່ຍິງເມືອງດໍາເນີນກອງປະຊຸມໃຫຍ່ສະມາຊິກແມ່ຍິງຂັ້ນຕົນໃຫ້ສໍາເລັດໃນທ້າຍເດືອນມິຖຸນາ 2024 ນີ້. ສໍາຫຼັບກອງປະຊຸມໃຫຍ່ຜູ້ແທນແມ່ຍິງແຂວງບໍລິຄໍາໄຊຄາດວ່າຈະຈັດຂຶ້ນໃນທ້າຍປີ 2025.
ໂອກາດນີ້, ຂໍຕາງໜ້າໃຫ້ຄະນະນໍາສະຫະພັນແມ່ຍິງແຂວງ ຝາກເຖິງແມ່ຍິງຍຸກໃໝ່ໃຫ້ເພີ່ມທະວີການສຶກສາອົບຮົມແນວຄິດໃຫ້ອຸ່ນອ່ຽນທຸນທ່ຽງ, ມີການພັດທະນາຕົນເອງທາງດ້ານຄວາມຮູ້, ຄວາມສາມາດ, ວິຊາສະເພາະ, ວິຊາການ, ເຕັກໂນໂລຊີ, ພາສາຕ່າງປະເທດຢ່າງຮອບດ້ານໃຫ້ມີຄຸນນະພາບທຽບເທົ່າກັບເພດຊາຍ, ໃນຍຸກຂໍ້ມູນຂ່າວສານທີ່ທັນສະໄໝວ່ອງໄວແມ່ຍິງຄວນບໍລິໂພກຂໍ້ມູນຂ່າວສານຢ່າງມີສະຕິ, ດໍາລົງຊີວິດຖືກແບບແຜນຮີດຄອງປະເພນີອັນດີງາມຂອງຊາດ, ຂອງແມ່ຍິງລາວ, ຕ້ານທຸກປະກົດການຫຍໍ້ທໍ້ຄວາມຮຸນແຮງດ້ານຕ່າງໆທີ່ອາດເກີດຂຶ້ນກັບແມ່ຍິງ ແລະ ເດັກໃນຄອບຄົວ, ສັງຄົມໃຫ້ຫຼຸດໜ້ອຍຖອຍລົງເທື່ອລະກ້າວ.
ເນື່ອງໃນໂອກາດສະເຫຼີມສະຫຼອງວັນແມ່ຍິງສາກົນວັນທີ 8 ມີນາ ຄົບຮອບ 114 ປີ (8/3/1910-8/3/2024) ທີ່ຈະມາເຖິງນີ້ຕິດພັນກັບການສະເຫຼີມສະຫຼອງວັນສ້າງຕັ້ງແຂວງບໍລິຄໍາໄຊ ຄົບຮອບ 40 ປີ (6/3/1984-6/3/2024) ຄຽງຄູ່ກັບວັນສໍາຄັນຕ່າງໆຂອງພັກ-ຂອງຊາດຢ່າງເປັນຂະບວນກວ້າງຂວາງ ແລະ ຟົດຟື້ນ, ທ່ານນາງ ວິລະພອນ ພົມມະວົງສາ ຮອງປະທານຄະນະບໍລິຫານງານສະຫະພັນແມ່ຍິງແຂວງບໍລິຄໍາໄຊ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນໃນວັນທີ 5 ມີນານີ້ ທີ່ສຳນັກງານດັ່ງກ່າວ.
ທ່ານໄດ້ຍົກໃຫ້ເຫັນຄວາມໝາຍ-ຄວາມສໍາຄັນຂອງວັນແມ່ຍິງສາກົນ ຄົບຮອບ 114 ປີ ເພື່ອທົບທວນຄືນປະຫວັດມູນເຊື້ອ ແລະ ການເຄື່ອນໄຫວຂະບວນການແມ່ຍິງທົ່ວໂລກ, ພາກພື້ນ, ອາຊຽນ ແລະ ການເຂົ້າຮ່ວມເຄື່ອນໄຫວໃນຂະບວນການດັ່ງກ່າວຂອງສະຫະພັນແມ່ຍິງລາວ, ແມ່ຍິງແຂວງໃນແຕ່ລະໄລຍະ; ເພື່ອເປັນການປຸກລະດົມສະມາຊິກສະຫະພັນແມ່ຍິງ ແລະ ແມ່ຍິງລາວບັນດາເຜົ່າເຂົ້າຮ່ວມຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ, ແຜນພັດທະນາແມ່ຍິງແຂວງ ແລະ ແຜນພັດທະນາແມ່ຍິງຂັ້ນຕົນ ຕິດພັນກັບຂະບວນການເຄື່ອນໄຫວຂອງເອື້ອຍນ້ອງແມ່ຍິງໃນການຈັດຕັ້ງປະຕິບັດສົນທິສັນຍາ, ຖະແຫຼງການ ແລະ ເປົ້າໝາຍການພັດທະນາແບບຍືນຍົງ(SDGs) ຮອດ 2030.ອີງຕາມແຈ້ງການຂອງສູນກາງສະຫະພັນແມ່ຍິງລາວ ເລກທີ 97/ສສຍລ, ລົງວັນທີ 2 ກຸມພາ 2024ກ່ຽວກັບການຈັດຕັ້ງສະເຫຼີມສະຫຼອງວັນແມ່ຍິງສາກົນວັນທີ 8 ມີນາ 2024 ຄົບຮອບ 114 ປີແລະ ຂໍ້ຕົກລົງຂອງທ່ານເຈົ້າແຂວງເລກທີ 518/ຂບຊ, ລົງວັນທີ 28 ສິງຫາ 2023 ສະຫະພັນແມ່ຍິງແຂວງໄດ້ປະກອບຢູ່ໃນອະນຸກໍາມະການຮັບຜິດຊອບຈັດສະຖານທີ່ໂຮມຊຸມນຸມ, ສະຖານທີ່ທາງສາສະໜາ ແລະ ປະດັບປະດາເອ້ຢ້ອງ, ພິທີການໃນວັນສ້າງຕັ້ງແຂວງບໍລິຄໍາໄຊຄົບຮອບ 40 ປີ ຊຶ່ງຈະຈັດຂຶ້ນທີ່ສວນສາທາລະນະທ່ານ ສີສົມພອນ ລໍວັນໄຊ; ສະຫະພັນແມ່ຍິງແຂວງໄດ້ອອກແຈ້ງການເຖິງສະຫະພັນແມ່ຍິງເມືອງ, ຮາກຖານ, ໜ່ວຍອ້ອມຂ້າງແຂວງເພື່ອໃຫ້ສະຫະພັນແມ່ຍິງແຕ່ລະຂັ້ນຈັດຕັ້ງປະຕິບັດສະເຫຼີມສະຫຼອງວັນແມ່ຍິງສາກົນວັນທີ 8 ມີນາ 2024 ຄົບຮອບ 114 ປີດ້ວຍຫຼາຍຮູບແບບ, ວິທີການເພື່ອຈັດຕັ້ງໂຄສະນາ-ປາຖະກະຖາຫວນຄືນປະຫວັດຄວາມເປັນມາຂອງວັນແມ່ຍິງສາກົນ, ຈັດກິດຈະກໍາເສີມຂະຫຍາຍມູນເຊື້ອວັດທະນະທໍາ, ຮີດຄອງປະເພນີທີ່ເປັນເອກະລັກ ທີ່ຕິດພັນກັບການທ່ອງທ່ຽວ, ການປົກປັກຮັກສາສິ່ງແວດລ້ອມ, ການພັດທະນາ ແລະ ປົກປ້ອງແມ່ຍິງ-ເດັກນ້ອຍ, ບົດບາດຍິງ-ຊາຍ, ຢ້ຽມຢາມອະດີດການນໍາສະຫະພັນແມ່ຍິງແຂວງ, ກິດຈະກໍາສິລະປະ, ວັນນະຄະດີ, ກິລາປະເພດຕ່າງໆ ຕິດພັນກັບວັນສໍາຄັນຂອງຊາດ, ຂອງພັກ, ຂອງແຂວງໂດຍອີງໃສ່ສະພາບເງື່ອນໄຂຂອງກົມກອງທ້ອງຖິ່ນພາຍໃຕ້ຄໍາຂວັນ ‘‘ ລົງທຶນເລັ່ງລັດໃສ່ການພັດທະນາຄວາມກ້າວໜ້າຂອງແມ່ຍິງ’’ ແລະ ໃນວັນທີ 28 ກຸມພາຜ່ານມາ, ສະຫະພັນແມ່ຍິງແຕ່ລະຂັ້ນໃນທົ່ວແຂວງໄດ້ພ້ອມກັນສ້າງຂະບວນການອອກແຮງງານ, ປະດັບປະດາຕິດທຸງຊາດ, ທຸງພັກ, ທຸງທິວຕາມສໍານັກງານຫ້ອງການສະຖານທີ່ສໍາຄັນເພື່ອຕ້ອນຮັບວັນແມ່ຍິງສາກົນຄົບຮອບ 114 ປີແລະ ຂໍ່ານັບຮັບຕ້ອນວັນສ້າງຕັ້ງແຂວງບໍລິຄໍາໄຊ ຄົບຮອບ 40 ປີ, ມີການວາງສະແດງຜົນງານການເຄື່ອນໄຫວຂອງສະຫະພັນແມ່ຍິງ, ຜະລິດຕະພັນທີ່ເປັນສິນຄ້າປະເພດຕ່າງໆ, ສຳ ລັບການປາຖະກະຖາເລົ່າມູນເຊື້ອວັນແມ່ຍິງສາກົນ ຄົບຮອບ 114 ປີ ສະຫະພັນແມ່ຍິງແຂວງຄາດວ່າຈະຈັດຂຶ້ນໃນວັນທີ 13ມີນາທີ່ຈະມາເຖິງ ທີ່ສະໂມສອນແຂວງ.
ທ່ານກ່າວໃຫ້ຮູ້ອີກວ່າ: ປີ 2023 ຜ່ານມາ,ຄະນະນໍາສະຫະພັນແມ່ຍິງແຕ່ລະຂັ້ນໄດ້ສຶກສາອົບຮົມການເມືອງແນວຄິດໃຫ້ສະມາຊິກແມ່ຍິງ, ແມ່ຍິງບັນດາເຜົ່າປະຕິບັດຕາມແນວທາງນະໂຍບາຍຂອງພັກ-ລັດ, ເສີມຂະຫຍາຍຄຸນລັກສະນະທີ່ເປັນມູນເຊື້ອຂອງແມ່ຍິງລາວບັນດາເຜົ່າຢ່າງກວ້າງຂວາງ, ນໍາພາປັບປຸງກົງຈັກການຈັດຕັ້ງສະຫະພັນແມ່ຍິງແຕ່ລະຂັ້ນໃຫ້ເຂັ້ມແຂງທາງດ້ານປະລິມານແລະຄຸນນະພາບ,ໄດ້ເຄື່ອນໄຫວຊຸກຍູ້ວຽກງານຮາກຖານສໍາເລັດ 7 ເມືອງ ພ້ອມທັງປັບປຸງ ແລະ ດໍາເນີນກອງປະຊຸມໃຫຍ່ສະມາຊິກແມ່ຍິງຂັ້ນແຂວງໄດ້ 9 ຮາກຖານ, 6 ໜ່ວຍ, ຂັ້ນເມືອງ 186 ບ້ານ, 49 ຮາກຖານ, 72 ໜ່ວຍ, ຂະຫຍາຍສະມາຊິກແມ່ຍິງໄດ້ 5.701 ຄົນ, ປະທານຄະນະບໍລິຫານງານສະຫະພັນແມ່ຍິງແຂວງ, ຄະນະສະຫະພັນແມ່ຍິງເມືອງໄດ້ລົງຮາກຖານປະຈໍາຢູ່ເມືອງ, ເຂດ, ບ້ານ ຕາມຂະບວນການລວມຂອງແຂວງ, ຂອງເມືອງ ແລະ ໄດ້ກໍານົດໃຫ້ບ້ານ, ຮາກຖານ, ໜ່ວຍ ແລະ ສະຫະພັນແມ່ຍິງເມືອງດໍາເນີນກອງປະຊຸມໃຫຍ່ສະມາຊິກແມ່ຍິງຂັ້ນຕົນໃຫ້ສໍາເລັດໃນທ້າຍເດືອນມິຖຸນາ 2024 ນີ້. ສໍາຫຼັບກອງປະຊຸມໃຫຍ່ຜູ້ແທນແມ່ຍິງແຂວງບໍລິຄໍາໄຊຄາດວ່າຈະຈັດຂຶ້ນໃນທ້າຍປີ 2025.
ໂອກາດນີ້, ຂໍຕາງໜ້າໃຫ້ຄະນະນໍາສະຫະພັນແມ່ຍິງແຂວງ ຝາກເຖິງແມ່ຍິງຍຸກໃໝ່ໃຫ້ເພີ່ມທະວີການສຶກສາອົບຮົມແນວຄິດໃຫ້ອຸ່ນອ່ຽນທຸນທ່ຽງ, ມີການພັດທະນາຕົນເອງທາງດ້ານຄວາມຮູ້, ຄວາມສາມາດ, ວິຊາສະເພາະ, ວິຊາການ, ເຕັກໂນໂລຊີ, ພາສາຕ່າງປະເທດຢ່າງຮອບດ້ານໃຫ້ມີຄຸນນະພາບທຽບເທົ່າກັບເພດຊາຍ, ໃນຍຸກຂໍ້ມູນຂ່າວສານທີ່ທັນສະໄໝວ່ອງໄວແມ່ຍິງຄວນບໍລິໂພກຂໍ້ມູນຂ່າວສານຢ່າງມີສະຕິ, ດໍາລົງຊີວິດຖືກແບບແຜນຮີດຄອງປະເພນີອັນດີງາມຂອງຊາດ, ຂອງແມ່ຍິງລາວ, ຕ້ານທຸກປະກົດການຫຍໍ້ທໍ້ຄວາມຮຸນແຮງດ້ານຕ່າງໆທີ່ອາດເກີດຂຶ້ນກັບແມ່ຍິງ ແລະ ເດັກໃນຄອບຄົວ, ສັງຄົມໃຫ້ຫຼຸດໜ້ອຍຖອຍລົງເທື່ອລະກ້າວ.
ຄໍາເຫັນ