 |
ທ່ານ ນາງ ສຸດທິລົມ ສຸລິວົງ ຮອງປະທານສະຫະພັນແມ່ຍິງແຂວງ ໄດ້ໃຫ້ກຽດປາຖະກະຖາປະຫວັດຄວາມເປັນມາຂອງວັນແມ່ຍິງສາກົນ ວັນທີ 8 ມີນາ, ຊຶ່ງກໍາເນີດເກີດຂຶ້ນໃນທ່າມກາງສະພາບຖຶກກົດຂີ່ຂູດຮີດຂອງແຮງງານຍິງໃນອະດີີດທີ່ຕ້ອງເຮັດວຽກໜັກມື້ລະ 16-17 ຊົ່ວໂມງ ໂດຍບໍ່ມີມື້ພັກ, ຕໍ່ສະພາບດັ່ງກ່າວແມ່ຍິງໃນຫຼາຍປະເທດຈິ່ງພາກັນລຸກຂຶ້ນຕໍ່ສູ້ ແລະ ປະທ້ວງ ເພື່ອຮຽກຮ້ອງໃຫ້ຫຼຸດເວລາເຮັດວຽກມື້ລະ 8 ຊົ່ວໂມງ. ຕໍ່ມາໃນວັນທີ 8 ມີນາ ປີ 1910 ຄວາມພະຍາຍາມຂອງພວກແມ່ຍິງກໍໄດ້ຂະຫຍາຍໄປໃນວົງກວ້າງ, ກອງປະຊຸມແມ່ຍິງສາກົນ ທີ່ນະຄອນໂຄເປັນຮາກ ປະເທດເດັນມາກ ໄດ້ຮັບຮອງຂໍ້ຮຽກຮ້ອງຂອງບັນດາກໍາມະກອນຍິງ ທີ່ໃຫ້ຫຼຸດເວລາເຮັດວຽກລົງ, ເຫຼືອມື້ລະ 8 ຊົ່ວໂມງ ແລະ ກໍານົດເອົາວັນທີ 8 ມີນາ ຂອງທຸກໆປີ ເປັນວັນແມ່ຍິງສາກົນ. ນອກນັ້ນ, ຍັງຍົກໃຫ້ເຫັນເຖິງບົດບາດ ແລະ ຄວາມຄືບໜ້າຂອງແມ່ຍິງຜ່ານອົງການຈັດຕັ້ງ, ສົນທິສັນຍາ, ຖະແຫຼງການ ແລະ ກອງປະຊຸມຕ່າງໆ ກ່ຽວກັບແມ່ຍິງໃນລະດັບສາກົນ, ພາກພື້ນ ແລະ ອາຊຽນ; ພ້ອມທັງໄດ້ສະເໜີນະໂຍບາຍ ແລະ ກົນໄກສົ່ງເສີມຄວາມກ້າວໜ້າຂອງແມ່ຍິງ ໃນ ສປປ ລາວ ແລະ ວຽກງານພົ້ນເດັ່ນໃນປີ2025 ແລະ ແຜນການ 2026.
ໂອກາດນີ້, ທ່ານ ນວນຕາ ແກ້ວນະວົງ ຍັງໄດ້ມີຄໍາເຫັນ ແລະ ທິດຊີ້ນໍາ ໂດຍເນັ້ນໃຫ້ບັນດາຄະນະຮາກຖານ ຕະຫຼອດເຖິງສະມາຊິກແມ່ຍິງ ສືບຕໍ່ຖືເອົາການສຶກສາອົບຮົມດ້ານການເມືອງ-ແນວຄິດ ເປັນບັນຫາສໍາຄັນໃຫ້ແກ່ສະມາຊິກສະຫະພັນແມ່ຍິງ,ຝຶກຝົນຄົ້ນຄວ້າຮໍ່າຮຽນ ເພື່ອຍົກລະດັບຄວາມຮູ້-ຄວາມສາມາດຂອງຕົນໃຫ້ສູງຂຶ້ນ; ສືບຕໍ່ເສີມສ້າງຄວາມສາມັກຄີໃຫ້ເປັນປຶກແຜ່ນ, ຊ່ວຍເຫຼືອເຊິ່ງກັນ ແລະ ກັນ; ພ້ອມທັງຮັກສາ ແລະ ເສີມຂະຫຍາຍມູນເຊື້ອວັດທະນະທຳອັນດີງາມຂອງຊາດ, ຂອງແມ່ຍິງລາວ. ພ້ອມກັນນັ້ນຍັງໄດ້ເນັ້ນໃຫ້ມີການກະກຽມປັບປຸງ ລະບົບການຈັດຕັ້ງຄືນໃໝ່ໃຫ້ເໝາະສົມ ພາຍຫຼັງການໂຮມກັນລະຫວ່າງວຽກງານໂຄະນະນາອົບຮົມໂຮມ ແລະ ຂະແໜງສື່ມວນຊົນ ເພື່ອເຮັດແນວໃດໃຫ້ວຽກງານໄດ້ຂັບເຄື່ອນໄປຂ້າງໜ້າ ແລະ ສ້າງໃຫ້ອົງການແມ່ຍິງຂົງເຂດດັ່ງກ່າວມີຄວາມເຂັ້ມແຂງ.
(ຂ່າວ: ມະນີວັນ)
ຄໍາເຫັນ