ໃນໂອກາດການເຂົ້າຮ່ວມກອງປະຊຸມເວທີສົນທະນາ ລະດັບສູງ ໜຶ່ງແລວໜຶ່ງເສັ້ນທາງ ຄັ້ງທີ 3 ທີ່ ນະຄອນຫຼວງປັກກິງ ສປ ຈີນ, ໃນຕອນເຊົ້າຂອງວັນທີ 19 ຕຸລາ ນີ້, ສະຫາຍ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ພົບປະກັບ ສະຫາຍ ຫວໍ ວັນເຖືອງ ປະທານປະເທດ ແຫ່ງ ສສ ຫວຽດນາມ, ໄດ້ສະແດງຄວາມດີໃຈທີ່ໄດ້ພົບກັນອີກຄັ້ງໜຶ່ງໃນເທື່ອນີ້ ພາຍຫຼັງທີ່ໄດ້ພົບກັນໃນຕົ້ນເດືອນກັນຍາ 2023 ຜ່ານມາ ໃນໂອກາດເຂົ້າຮ່ວກອງປະຊຸມຜູ້ນຳ 3 ພັກ ຢູ່ ຮ່າໂນ້ຍ. ພ້ອມກັນນີ້ກໍໄດ້ຝາກຄວາມຢື້ຢາມຖາມຂ່າວອັນອົບອຸ່ນ ເຖິງສະຫາຍເລຂາທິການໃຫຍ່ ຫງວຽນ ຝູ ຈ້ອງ, ສະຫາຍນາຍົກລັດຖະມົນຕີ, ສະຫາຍປະທານສະພາແຫ່ງຊາດ ແລະ ບັນດາສະຫາຍການນຳພັກ-ລັດ ຫວຽດນາມ.
ສອງຝ່າຍໄດ້ແຈ້ງສະພາບຂອງແຕ່ລະປະເທດໃຫ້ກັນຊາບສະພາບການພາຍໃນຂອງແຕ່ລະປະເທດ, ໄດ້ຕີລາຄາສູງຕໍ່ການພົວພັນຮ່ວມມື ລາວ-ຫວຽດນາມ ໃນປີຜ່ານມາ ຊຶ່ງໄດ້ມີຄວາມຄືບໜ້າຫຼາຍດ້ານ ແລະ ນັບມື້ນັບເຂົ້າສູ່ລວງເລິກ. ການພົວພັນດ້ານການເມືອງສືບຕໍ່ມີຄວານໃກ້ຊິດ ແລະ ອົບອຸ່ນທີ່ສຸດ, ສະເພາະໃນປີນີ້ການນໍາຂັ້ນສູງຂອງສອງປະເທດກໍໄດ້ພົບປະກັນຫຼາຍຄັ້ງ, ການນຳບັນດາຂະແໜງການຂັ້ນສູນກາງ ແລະ ທ້ອງຖິ່ນ ກໍໄດ້ພົບປະແລກປ່ຽນບົດຮຽນກັນເປັນປະຈຳ, ການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບມີຄວາມສະໜິດແໜ້ນ ແລະ ນັບມື້ນັບມີປະສິດທິຜົນ, ການຮ່ວມມືດ້ານການຄ້າ ແລະ ການລົງທຶນ ສືບຕໍ່ມີການຂະຫຍາຍຕົວ, ດ້ານການຕ່າງປະເທດ, ສອງຝ່າຍໄດ້ສະໜັບສະໜູນຊຶ່ງກັນຢ່າງເປັນປົກກະຕິຢູ່ເວທີສາກົນຕ່າງໆ. ຕໍ່ໜ້າສະພາບການຂອງພາກພື້ນ ແລະ ສາກົນກຳລັງຜັນແປໄປຢ່າງໄວວາ, ສັບສົນ ແລະ ຫຼໍ່ແຫຼມ, ສອງປະເທດຍິ່ງຕ້ອງໄດ້ຈັບມືກັນແໜ້ນ, ພ້ອມກັນປົກປັກຮັກສາພາບແວດລ້ອມ ແຫ່ງສັນຕິພາບ, ສະຖຽນລະພາບ ເພື່ອເອື້ອອຳນວຍໃຫ້ແກ່ການພັດທະນາ, ນຳເອົາຜົນປະໂຫຍດຕົວຈິງມາສູ່ປະຊາຊົນ ລາວ-ຫວຽດນາມ.
ສະຫາຍ ຫວໍ ວັນເຖືອງ ໄດ້ສະແດງຄວາມຊົມເຊີຍ ສປປ ລາວ ທີ່ໄດ້ຮັບໜ້າທີ່ເປັນປະທານອາຊຽນ ແລະ ໄອປາ ໃນປີ 2024 ທັງເປັນເຈົ້າພາບກອງປະຊຸມ ປະທານສະພາແຫ່ງຊາດ ລາວ-ຫວຽດນາມ-ກຳປູເຈຍ ໃນທ້າຍປີ 2023 ນີ້. ຫວຽດນາມ ມີຄວາມຍິນດີ ຈະຮ່ວມມື, ແບ່ງປັນບົດຮຽນ ແລະ ໃຫ້ການສະໜັບສະໜູນ ສປປ ລາວ ໃນການປະຕິບັດບົດບາດດັ່ງກ່າວໃຫ້ສຳເລັດດ້ວຍດີ.
ສອງຝ່າຍຍິນດີສືບຕໍ່ຮັກສາການໄປມາຫາສູ່ກັນຂອງການນຳຂັ້ນສູງສອງຝ່າຍ ໃນແຕ່ລະຂັ້ນ, ສອງຝ່າຍໄດ້ເປັນເອກະພາບຊຸກຍູ້ບັນດາຂະແໜງການ ແລະ ທ້ອງຖິ່ນໃນການຈັດຕັ້ງຜັນຂະຫຍາຍບັນດາການຕົກລົງຂອງການນຳ, ບັນດາເອກະສານຮ່ວມມືທີ່ສອງຝ່າຍໄດ້ລົງນາມ ກໍຄືບັນດາໂຄງການຮ່ວມມືທີ່ສຳຄັນ ໃຫ້ມີຜົນສຳເລັດເປັນຮູບປະທຳ. ພ້ອມກັນນັ້ນ ກໍຮ່ວມກັນປຶກສາຫາລືຢ່າງຈິງໃຈ ເພື່ອແກ້ໄຂບັນຫາຄົງຄ້າງຕ່າງໆ, ກວດກາຄືນບັນດາກົນໄກການຮ່ວມມືສອງຝ່າຍ ເພື່ອປັບປຸງໃຫ້ສອດຄ່ອງ ແລະ ມີປະສິດທິຜົນຍິ່ງຂຶ້ນ.
ຜູ້ນຳທັງສອງໄດ້ຂອບໃຈຊຶ່ງກັນຕໍ່ການຮ່ວມມື ແລະ ການຊ່ວຍເຫຼືອຊຶ່ງກັນ ແລະ ກັນ ໃນຕະຫຼອດໄລຍະຜ່ານມາ, ເສີມຂະຫຍາຍມູນເຊື້ອອັນດີງາມຂອງສາຍພົວພັນຮ່ວມສຳພັນສູ້ຮົບຕ້ານສັດຕູຕົວດຽວກັນເພື່ອປົດປ່ອຍປະເທດຊາດໃນເມື່ອກ່ອນ, ສືບຕໍ່ຄຽງບ່າຄຽງໄຫຼ່ກັນ, ຈັບມືກັນແໜ້ນພ້ອມກັນພັດທະນາ ແລະ ໄດ້ຢືນຢັນນະໂຍບາຍອັນສະເໝີຕົ້ນສະເໜີປາຍຂອງສອງປະເທດໃນການສືບຕໍ່ປົກປັກຮັກສາ ແລະ ເພີ່ມພູນຄູນສ້າງສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ໃຫ້ນັບມື້ນັບຈະເລີນງອກງາມ ແລະ ໝັ້ນຄົງຂະໜົງແກ່ນຕະຫຼອດໄປ.
ຂ່າວ-ພາບ: ກະຊວງການຕ່າງປະເທດ
ສອງຝ່າຍໄດ້ແຈ້ງສະພາບຂອງແຕ່ລະປະເທດໃຫ້ກັນຊາບສະພາບການພາຍໃນຂອງແຕ່ລະປະເທດ, ໄດ້ຕີລາຄາສູງຕໍ່ການພົວພັນຮ່ວມມື ລາວ-ຫວຽດນາມ ໃນປີຜ່ານມາ ຊຶ່ງໄດ້ມີຄວາມຄືບໜ້າຫຼາຍດ້ານ ແລະ ນັບມື້ນັບເຂົ້າສູ່ລວງເລິກ. ການພົວພັນດ້ານການເມືອງສືບຕໍ່ມີຄວານໃກ້ຊິດ ແລະ ອົບອຸ່ນທີ່ສຸດ, ສະເພາະໃນປີນີ້ການນໍາຂັ້ນສູງຂອງສອງປະເທດກໍໄດ້ພົບປະກັນຫຼາຍຄັ້ງ, ການນຳບັນດາຂະແໜງການຂັ້ນສູນກາງ ແລະ ທ້ອງຖິ່ນ ກໍໄດ້ພົບປະແລກປ່ຽນບົດຮຽນກັນເປັນປະຈຳ, ການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບມີຄວາມສະໜິດແໜ້ນ ແລະ ນັບມື້ນັບມີປະສິດທິຜົນ, ການຮ່ວມມືດ້ານການຄ້າ ແລະ ການລົງທຶນ ສືບຕໍ່ມີການຂະຫຍາຍຕົວ, ດ້ານການຕ່າງປະເທດ, ສອງຝ່າຍໄດ້ສະໜັບສະໜູນຊຶ່ງກັນຢ່າງເປັນປົກກະຕິຢູ່ເວທີສາກົນຕ່າງໆ. ຕໍ່ໜ້າສະພາບການຂອງພາກພື້ນ ແລະ ສາກົນກຳລັງຜັນແປໄປຢ່າງໄວວາ, ສັບສົນ ແລະ ຫຼໍ່ແຫຼມ, ສອງປະເທດຍິ່ງຕ້ອງໄດ້ຈັບມືກັນແໜ້ນ, ພ້ອມກັນປົກປັກຮັກສາພາບແວດລ້ອມ ແຫ່ງສັນຕິພາບ, ສະຖຽນລະພາບ ເພື່ອເອື້ອອຳນວຍໃຫ້ແກ່ການພັດທະນາ, ນຳເອົາຜົນປະໂຫຍດຕົວຈິງມາສູ່ປະຊາຊົນ ລາວ-ຫວຽດນາມ.
ສະຫາຍ ຫວໍ ວັນເຖືອງ ໄດ້ສະແດງຄວາມຊົມເຊີຍ ສປປ ລາວ ທີ່ໄດ້ຮັບໜ້າທີ່ເປັນປະທານອາຊຽນ ແລະ ໄອປາ ໃນປີ 2024 ທັງເປັນເຈົ້າພາບກອງປະຊຸມ ປະທານສະພາແຫ່ງຊາດ ລາວ-ຫວຽດນາມ-ກຳປູເຈຍ ໃນທ້າຍປີ 2023 ນີ້. ຫວຽດນາມ ມີຄວາມຍິນດີ ຈະຮ່ວມມື, ແບ່ງປັນບົດຮຽນ ແລະ ໃຫ້ການສະໜັບສະໜູນ ສປປ ລາວ ໃນການປະຕິບັດບົດບາດດັ່ງກ່າວໃຫ້ສຳເລັດດ້ວຍດີ.
ສອງຝ່າຍຍິນດີສືບຕໍ່ຮັກສາການໄປມາຫາສູ່ກັນຂອງການນຳຂັ້ນສູງສອງຝ່າຍ ໃນແຕ່ລະຂັ້ນ, ສອງຝ່າຍໄດ້ເປັນເອກະພາບຊຸກຍູ້ບັນດາຂະແໜງການ ແລະ ທ້ອງຖິ່ນໃນການຈັດຕັ້ງຜັນຂະຫຍາຍບັນດາການຕົກລົງຂອງການນຳ, ບັນດາເອກະສານຮ່ວມມືທີ່ສອງຝ່າຍໄດ້ລົງນາມ ກໍຄືບັນດາໂຄງການຮ່ວມມືທີ່ສຳຄັນ ໃຫ້ມີຜົນສຳເລັດເປັນຮູບປະທຳ. ພ້ອມກັນນັ້ນ ກໍຮ່ວມກັນປຶກສາຫາລືຢ່າງຈິງໃຈ ເພື່ອແກ້ໄຂບັນຫາຄົງຄ້າງຕ່າງໆ, ກວດກາຄືນບັນດາກົນໄກການຮ່ວມມືສອງຝ່າຍ ເພື່ອປັບປຸງໃຫ້ສອດຄ່ອງ ແລະ ມີປະສິດທິຜົນຍິ່ງຂຶ້ນ.
ຜູ້ນຳທັງສອງໄດ້ຂອບໃຈຊຶ່ງກັນຕໍ່ການຮ່ວມມື ແລະ ການຊ່ວຍເຫຼືອຊຶ່ງກັນ ແລະ ກັນ ໃນຕະຫຼອດໄລຍະຜ່ານມາ, ເສີມຂະຫຍາຍມູນເຊື້ອອັນດີງາມຂອງສາຍພົວພັນຮ່ວມສຳພັນສູ້ຮົບຕ້ານສັດຕູຕົວດຽວກັນເພື່ອປົດປ່ອຍປະເທດຊາດໃນເມື່ອກ່ອນ, ສືບຕໍ່ຄຽງບ່າຄຽງໄຫຼ່ກັນ, ຈັບມືກັນແໜ້ນພ້ອມກັນພັດທະນາ ແລະ ໄດ້ຢືນຢັນນະໂຍບາຍອັນສະເໝີຕົ້ນສະເໜີປາຍຂອງສອງປະເທດໃນການສືບຕໍ່ປົກປັກຮັກສາ ແລະ ເພີ່ມພູນຄູນສ້າງສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ-ຫວຽດນາມ ໃຫ້ນັບມື້ນັບຈະເລີນງອກງາມ ແລະ ໝັ້ນຄົງຂະໜົງແກ່ນຕະຫຼອດໄປ.
ຂ່າວ-ພາບ: ກະຊວງການຕ່າງປະເທດ
ຄໍາເຫັນ