ສະພາຄວາມໝັ້ນຄົງສະຫະປະຊາຊາດ ໄດ້ຈັດກອງປະຊຸມພິເສດສຸກເສີນໃນວັນທີ 28 ກຸມພາ ຜ່ານມາ ຢູ່ສຳນັກງານສະຫະປະຊາຊາດ ທີ່ ນິວຢອກ ປະເທດສະຫະລັດ ອາເມລິກາ. ໃນກອງປະຊຸມ, ທ່ານ ອັນໂຕນິໂອ ກູເຕີເຣສ ເລຂາທິການໃຫຍ່ສະຫະປະຊາຊາດ ໄດ້ກ່າວປະນາມບັນດາການບຸກໂຈມຕີ ອີຣານ ແລະ ທ່ານກ່າວເຕື່ອນວ່າ: ການກະທໍາດ້ານການທະຫານຢູ່ ຕາເວັນອອກກາງ ອາດຈະກໍ່ໃຫ້ເກີດຜົນຕາມມາທີ່ບໍ່ສາມາດຄາດຄິດໄດ້, ຊ້ອນແຝງຄວາມສ່ຽງເກີດບັນດາເຫດການທີ່ບໍ່ມີຜູ້ໃດສາມາດຄວບຄຸມໄດ້ຢູ່ເຂດທີ່ຂາດຄວາມສະຖຽນລະພາບທີ່ສຸດໃນໂລກ.
ໃນກອງປະຊຸມ, ຜູ້ຕາງໜ້າຫຼາຍປະເທດໄດ້ຮຽກຮ້ອງໃຫ້ຫຼຸດຜ່ອນຄວາມເຄັ່ງຕຶງທີ່ອາດຈະເພີ່ມຂຶ້ນອີກ ແລະ ຢືນຢັນການເຄົາລົບກົດໝາຍສາກົນ ແມ່ນເງື່ອນໄຂຊີ້ຂາດໃຫ້ແກ່ຄວາມໝັ້ນຄົງຢ່າງຍາວນານຢູ່ພາກພື້ນຕາເວັນອອກກາງ ແລະ ໃນໂລກ.
ຄໍາເຫັນ