ແຂວງສາລະວັນ ໄດ້ຈັດພິທີປະກາດຮັບຮອງ ເປັນແຂວງຢຸດຕິການຖ່າຍຊະຊາຍ ເປັນແຂວງທີ 7 ໃນທົ່ວປະເທດ ຂຶ້ນໃນວັນທີ 12 ມີນາຜ່ານມາ ທີ່ແຂວງດັ່ງກ່າວ ໂດຍການໃຫ້ກຽດເປັນປະທານຂອງ ທ່ານ ດາວວົງ ພອນແກ້ວ ເຈົ້າແຂວງສາລະວັນ, ທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ, ມີແຂກຖືກເຊີນຈາກສູນກາງ, ແຂວງໃນທົ່ວປະເທດເຂົ້າຮ່ວມ.
ທ່ານ ເຈົ້າແຂວງສາລະວັນ ໄດ້ກ່າວເປີດກອງປະຊຸມວ່າ: ແຂວງສາລະວັນ ປະກອບມີ 8 ເມືອງ, ມີ 578 ບ້ານ, 84.348 ຄອບຄົວ, ພົນລະເມືອງ 465.414 ຄົນ ຍິງ 235.839 ຄົນ. ໃນໄລຍະຜ່ານມາ ປະຊາຊົນຢູ່ເຂດຊົນນະບົດ ແມ່ນດໍາລົງຊີວິດແບບດັ້ງເດີມ ຂາດການເອົາໃຈໃສ່ດ້ານສຸຂະອານາໄມ ເຮັດໃຫ້ເກີດມີພະຍາດຕ່າງໆເກີດຂຶ້ນ ເປັນປະຈຳ. ສະນັ້ນ, ດ້ວຍຄວາມເອົາໃຈໃສ່ຂອງຄະນະພັກ-ອົງການປົກຄອງແຂວງ ສົມທົບກັບກະຊວງສາທາລະນະສຸກ ແລະ ອົງການຈັດຕັ້ງສາກົນຕ່າງໆ ໂດຍໄດ້ມີສ່ວນຮ່ວມໃນການປັບປຸງຊີວິດການເປັນຢູ່ຂອງປະຊາຊົນ ໃນເຂດຊົນນະບົດ ເຮັດໃຫ້ວຽກງານສຸຂະອານາໄມ ໄດ້ຮັບການແກ້ໄຂໃຫ້ດີຂຶ້ນ. ຜ່ານການລົງປະເມີນຂອງຄະນະກຳມະການກ່ຽວຂ້ອງຂັ້ນແຂວງ ເຫັນວ່າ: ອັດຕາການຊົມໃຊ້ນ້ຳສະອາດໃນທົ່ວແຂວງ ກວມເອົາ 96,34%, ການຊົມໃຊ້ວິດຖ່າຍກວມເອົາ 99,85%, ໄດ້ປະກາດຮັບຮອງບ້ານສາທາລະນະສຸກແບບຢ່າງ ແລະ ບ້ານຢຸດຕິການຖ່າຍຊະຊາຍ ໄດ້ 578 ບ້ານ ເທົ່າກັບ 100% ຂອງຈໍານວນບ້ານທັງໝົດໃນທົ່ວແຂວງ ແລະປະກາດເມືອງຢຸດຕິການຖ່າຍຊະຊາຍ ໄດ້ຄົບທັງ 8 ເມືອງ.
ທົ່ວແຂວງ ມີ 72.526 ຄົວເຮືອນ, ມີວິດຖ່າຍເປັນຂອງຕົນເອງ 72.302 ຄົວເຮືອນ ເທົ່າກັບ 99,69%, ຍັງບໍ່ທັນມີວິດຖ່າຍ 224 ຄົວເຮືອນ ເທົ່າກັບ 0,31%. ໃນນັ້ນ, ໃຊ້ວິດຖ່າຍຮ່ວມກັບຍາດພີ່ນ້ອງ 118 ຄົວເຮືອນ ເທົ່າກັບ 0,16% ແລະ ຄົວເຮືອນທີ່ບໍ່ໄດ້ໃຊ້ວິດ 106 ຄົວເຮືອນ ເທົ່າກັບ 0,15%.
ໃນຕອນທ້າຍ, ກໍໄດ້ມອບໃບຢັ້ງຢືນເອົາ ແຂວງສາລະວັນ ເປັນແຂວງຢຸດຕິການຖ່ານຊະຊາຍ ຊຶ່ງເປັນກຽດມອບໂດຍ ທ່ານ ລັດຖະມົນຕີກະຊວງສາທາລະນະສຸກ, ຮັບໂດຍ ທ່ານເຈົ້າແຂວງສາລະວັນ ພ້ອມນັ້ນ, ກໍໄດ້ຮ່ວມກັນຕັດແຖບຜ້າ, ເປີດແຜ່ນປ້າຍ ແລະ ລັ່ນຄ້ອງ 9 ບາດ ເພື່ອຮັບຮອງເອົາແຂວງສາລະວັນ ເປັນແຂວງຢຸດຕິການຖ່າຍຊະຊາຍ ຢ່າງເປັນທາງການ.
ຂ່າວ: ລັດຕະນາ ແສງສຸວັນ
ທ່ານ ເຈົ້າແຂວງສາລະວັນ ໄດ້ກ່າວເປີດກອງປະຊຸມວ່າ: ແຂວງສາລະວັນ ປະກອບມີ 8 ເມືອງ, ມີ 578 ບ້ານ, 84.348 ຄອບຄົວ, ພົນລະເມືອງ 465.414 ຄົນ ຍິງ 235.839 ຄົນ. ໃນໄລຍະຜ່ານມາ ປະຊາຊົນຢູ່ເຂດຊົນນະບົດ ແມ່ນດໍາລົງຊີວິດແບບດັ້ງເດີມ ຂາດການເອົາໃຈໃສ່ດ້ານສຸຂະອານາໄມ ເຮັດໃຫ້ເກີດມີພະຍາດຕ່າງໆເກີດຂຶ້ນ ເປັນປະຈຳ. ສະນັ້ນ, ດ້ວຍຄວາມເອົາໃຈໃສ່ຂອງຄະນະພັກ-ອົງການປົກຄອງແຂວງ ສົມທົບກັບກະຊວງສາທາລະນະສຸກ ແລະ ອົງການຈັດຕັ້ງສາກົນຕ່າງໆ ໂດຍໄດ້ມີສ່ວນຮ່ວມໃນການປັບປຸງຊີວິດການເປັນຢູ່ຂອງປະຊາຊົນ ໃນເຂດຊົນນະບົດ ເຮັດໃຫ້ວຽກງານສຸຂະອານາໄມ ໄດ້ຮັບການແກ້ໄຂໃຫ້ດີຂຶ້ນ. ຜ່ານການລົງປະເມີນຂອງຄະນະກຳມະການກ່ຽວຂ້ອງຂັ້ນແຂວງ ເຫັນວ່າ: ອັດຕາການຊົມໃຊ້ນ້ຳສະອາດໃນທົ່ວແຂວງ ກວມເອົາ 96,34%, ການຊົມໃຊ້ວິດຖ່າຍກວມເອົາ 99,85%, ໄດ້ປະກາດຮັບຮອງບ້ານສາທາລະນະສຸກແບບຢ່າງ ແລະ ບ້ານຢຸດຕິການຖ່າຍຊະຊາຍ ໄດ້ 578 ບ້ານ ເທົ່າກັບ 100% ຂອງຈໍານວນບ້ານທັງໝົດໃນທົ່ວແຂວງ ແລະປະກາດເມືອງຢຸດຕິການຖ່າຍຊະຊາຍ ໄດ້ຄົບທັງ 8 ເມືອງ.
ທົ່ວແຂວງ ມີ 72.526 ຄົວເຮືອນ, ມີວິດຖ່າຍເປັນຂອງຕົນເອງ 72.302 ຄົວເຮືອນ ເທົ່າກັບ 99,69%, ຍັງບໍ່ທັນມີວິດຖ່າຍ 224 ຄົວເຮືອນ ເທົ່າກັບ 0,31%. ໃນນັ້ນ, ໃຊ້ວິດຖ່າຍຮ່ວມກັບຍາດພີ່ນ້ອງ 118 ຄົວເຮືອນ ເທົ່າກັບ 0,16% ແລະ ຄົວເຮືອນທີ່ບໍ່ໄດ້ໃຊ້ວິດ 106 ຄົວເຮືອນ ເທົ່າກັບ 0,15%.
ໃນຕອນທ້າຍ, ກໍໄດ້ມອບໃບຢັ້ງຢືນເອົາ ແຂວງສາລະວັນ ເປັນແຂວງຢຸດຕິການຖ່ານຊະຊາຍ ຊຶ່ງເປັນກຽດມອບໂດຍ ທ່ານ ລັດຖະມົນຕີກະຊວງສາທາລະນະສຸກ, ຮັບໂດຍ ທ່ານເຈົ້າແຂວງສາລະວັນ ພ້ອມນັ້ນ, ກໍໄດ້ຮ່ວມກັນຕັດແຖບຜ້າ, ເປີດແຜ່ນປ້າຍ ແລະ ລັ່ນຄ້ອງ 9 ບາດ ເພື່ອຮັບຮອງເອົາແຂວງສາລະວັນ ເປັນແຂວງຢຸດຕິການຖ່າຍຊະຊາຍ ຢ່າງເປັນທາງການ.
ຂ່າວ: ລັດຕະນາ ແສງສຸວັນ
ຄໍາເຫັນ