ສະຫະພັນກຳມະບານແຂວງສາລະວັນ ໄດ້ຈັດພິທີປາຖະກະຖາວັນສ້າງຕັ້ງກໍາມະບານລາວ ຄົບຮອບ 68 ປີ (1 ກຸມພາ 1956-1 ກຸມພາ 2024) ຕິດພັນກັບການບໍລິຈາກເລືອດເພື່ອຊ່ວຍເຫຼືອສັງຄົມຂຶ້ນໃນວັນທີ 31 ມັງກອນຜ່ານມາ ທີ່ວິທະຍາໄລຄູສາລະວັນ ໃຫ້ກຽດເຂົ້າຮ່ວມ ແລະ ປາຖະກະຖາຂອງທ່ານ ຄຳເຫຼັກ ອິນດາວົງ ອະດີດປະທານສະຫະພັນກຳມະບານແຂວງ, ມີທ່ານ ຄຳຕາ ໂຮ່ຊົງເລືອງ ປະທານແນວລາວສ້າງຊາດແຂວງຜູ້ຊີ້ນຳວຽກງານອົງການຈັດຕັ້ງມະຫາຊົນ,ທ່ານ ຂິດຕະກອນ ສາຍສະໜຸດ ຜູ້ປະຈຳການປະທານຄະນະບໍລິຫານງານສະຫະພັນກຳມະບານແຂວງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ຄຳເຫຼັກ ອິນດາວົງ ໄດ້ຍົກໃຫ້ເຫັນການກໍາເນີດ, ເຕີບໃຫຍ່ຂະຫຍາຍຕົວຂອງອົງການກໍາມະບານລາວກ່ອນປົດປ່ອຍ ແລະຫຼັງປົດປ່ອຍພ້ອມດ້ວຍມູນເຊື້ອອັນດີງາມໃນໄລຍະຜ່ານມາຂອງອົງການຈັດຕັ້ງກໍາມະບານລາວ ໂດຍສະເພາະການປະກອບສ່ວນປົກປັກຮັກສາ ແລະ ພັດທະນາສ້າງສາປະເທດຊາດ. ສະຫະພັນກໍາມະບານລາວ ໄດ້ເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ໆໄດ້ກໍານົດໄວ້ໃນໂຄງການດໍາເນີນງານ ໂດຍໄດ້ກໍ່ສ້າງ, ປັບປຸງກົດລະບຽບ, ລະບົບການຈັດຕັ້ງ, ໂຄງປະກອບບຸກຄະລາກອນ, ແບບແຜນວິທີເຮັດວຽກ, ຂະຫຍາຍການຈັດຕັ້ງ ແລະສະມາຊິກກໍາມະບານຢູ່ໃນແຕ່ລະຂົງເຂດເພື່ອໃຫ້ສອດຄ່ອງກັບຄວາມເປັນຈິງ ແລະຄວາມຮຽກຮ້ອງຕ້ອງການຂອງໜ້າທີ່ການເມືອງໃນແຕ່ລະໄລຍະ. ສະຫະພັນກໍາມະບານລາວໄດ້ປະກອບສ່ວນໃນພາລະກິດປະຕິວັດ ເພື່ອກໍ່ສ້າງເຂດປົດປ່ອຍເປັນລັດໜຶ່ງ, ກຽມທຸກເງື່ອນໄຂເພື່ອປົດປ່ອຍປະເທດຊາດຢ່າງສົມບູນ; ໜ້າທີ່ຕົ້ນຕໍຂອງກໍາມະບານເວລານັ້ນແມ່ນໄດ້ລົງກໍ່ສ້າງຮາກຖານຢູ່ບັນດາຫົວໜ່ວຍແຮງງານຈໍານວນໜຶ່ງເຊັ່ນ: ໂຮງງານຕີເຫຼັກ, ໂຮງງານຕ່ໍາແຜ່ນ, ໂຮງງານປຸງແຕ່ງອາຫານ, ໂຮງພິມ, ໄປສະນີ, ການສື່ສານ, ການກໍ່ສ້າງຖະໜົນຫົນທາງ ແລະ ອື່ນໆ ເພື່ອສຸມໃສ່ປຸກລະດົມຂົນຂວາຍ, ຊຸກຍູ້ມະຫາຊົນເຂົ້າຮ່ວມຂະບວນການຕໍ່ສູ້ໃຫ້ເປັນຂະບວນຟົດຟື້ນຢ່າງຕໍ່ເນື່ອງໂດຍຢຶດໝັ້ນຕາມແນວທາງນະໂຍບາຍຂອງພັກທີ່ວ່າ “ສັນຕິພາບເອກະລາດປະຊາທິປະໄຕ ແລະ ເອກະພາບ” ເພື່ອເຮັດໃຫ້ສໍາເລັດຕາມຄາດໝາຍສູ້ຊົນ ໃນແຕ່ລະໄລຍະ ໂດຍສະເພາະແມ່ນການປະຕິບັດຕາມມະຕິກອງປະຊຸມໃຫຍ່ຄັ້ງຕ່າງໆຂອງພັກປະຊາຊົນ ປະຕິວັດລາວ ເພື່ອເຮັດໃຫ້ປະຊາຊົນຫຼຸດພົ້ນອອກຈາກຄວາມທຸກຍາກໄດ້ເທື່ອລະກ້າວ ຕາມແນວທາງຂອງພັກ-ລັດວາງອອກໃນຕໍ່ໜ້າ ຊຶ່ງຍາມໃດສະມາຊິກກໍາມະບານລາວ, ກໍາມະກອນ ແລະຊາວຜູ້ອອກແຮງງານລາວ ກໍໄດ້ປະກອນສ່ວນໂດຍກົງໃນການພັດທະນາເສດຖະກິດ-ສັງຄົມໃຫ້ມີການເຕີບໃຫຍ່ຂະຫຍາຍຕົວເປັນກ້າວໆ.
ຂ່າວ-ພາບ: ລັັດຕະນາ ແສງສຸວັນ
ທ່ານ ຄຳເຫຼັກ ອິນດາວົງ ໄດ້ຍົກໃຫ້ເຫັນການກໍາເນີດ, ເຕີບໃຫຍ່ຂະຫຍາຍຕົວຂອງອົງການກໍາມະບານລາວກ່ອນປົດປ່ອຍ ແລະຫຼັງປົດປ່ອຍພ້ອມດ້ວຍມູນເຊື້ອອັນດີງາມໃນໄລຍະຜ່ານມາຂອງອົງການຈັດຕັ້ງກໍາມະບານລາວ ໂດຍສະເພາະການປະກອບສ່ວນປົກປັກຮັກສາ ແລະ ພັດທະນາສ້າງສາປະເທດຊາດ. ສະຫະພັນກໍາມະບານລາວ ໄດ້ເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ໆໄດ້ກໍານົດໄວ້ໃນໂຄງການດໍາເນີນງານ ໂດຍໄດ້ກໍ່ສ້າງ, ປັບປຸງກົດລະບຽບ, ລະບົບການຈັດຕັ້ງ, ໂຄງປະກອບບຸກຄະລາກອນ, ແບບແຜນວິທີເຮັດວຽກ, ຂະຫຍາຍການຈັດຕັ້ງ ແລະສະມາຊິກກໍາມະບານຢູ່ໃນແຕ່ລະຂົງເຂດເພື່ອໃຫ້ສອດຄ່ອງກັບຄວາມເປັນຈິງ ແລະຄວາມຮຽກຮ້ອງຕ້ອງການຂອງໜ້າທີ່ການເມືອງໃນແຕ່ລະໄລຍະ. ສະຫະພັນກໍາມະບານລາວໄດ້ປະກອບສ່ວນໃນພາລະກິດປະຕິວັດ ເພື່ອກໍ່ສ້າງເຂດປົດປ່ອຍເປັນລັດໜຶ່ງ, ກຽມທຸກເງື່ອນໄຂເພື່ອປົດປ່ອຍປະເທດຊາດຢ່າງສົມບູນ; ໜ້າທີ່ຕົ້ນຕໍຂອງກໍາມະບານເວລານັ້ນແມ່ນໄດ້ລົງກໍ່ສ້າງຮາກຖານຢູ່ບັນດາຫົວໜ່ວຍແຮງງານຈໍານວນໜຶ່ງເຊັ່ນ: ໂຮງງານຕີເຫຼັກ, ໂຮງງານຕ່ໍາແຜ່ນ, ໂຮງງານປຸງແຕ່ງອາຫານ, ໂຮງພິມ, ໄປສະນີ, ການສື່ສານ, ການກໍ່ສ້າງຖະໜົນຫົນທາງ ແລະ ອື່ນໆ ເພື່ອສຸມໃສ່ປຸກລະດົມຂົນຂວາຍ, ຊຸກຍູ້ມະຫາຊົນເຂົ້າຮ່ວມຂະບວນການຕໍ່ສູ້ໃຫ້ເປັນຂະບວນຟົດຟື້ນຢ່າງຕໍ່ເນື່ອງໂດຍຢຶດໝັ້ນຕາມແນວທາງນະໂຍບາຍຂອງພັກທີ່ວ່າ “ສັນຕິພາບເອກະລາດປະຊາທິປະໄຕ ແລະ ເອກະພາບ” ເພື່ອເຮັດໃຫ້ສໍາເລັດຕາມຄາດໝາຍສູ້ຊົນ ໃນແຕ່ລະໄລຍະ ໂດຍສະເພາະແມ່ນການປະຕິບັດຕາມມະຕິກອງປະຊຸມໃຫຍ່ຄັ້ງຕ່າງໆຂອງພັກປະຊາຊົນ ປະຕິວັດລາວ ເພື່ອເຮັດໃຫ້ປະຊາຊົນຫຼຸດພົ້ນອອກຈາກຄວາມທຸກຍາກໄດ້ເທື່ອລະກ້າວ ຕາມແນວທາງຂອງພັກ-ລັດວາງອອກໃນຕໍ່ໜ້າ ຊຶ່ງຍາມໃດສະມາຊິກກໍາມະບານລາວ, ກໍາມະກອນ ແລະຊາວຜູ້ອອກແຮງງານລາວ ກໍໄດ້ປະກອນສ່ວນໂດຍກົງໃນການພັດທະນາເສດຖະກິດ-ສັງຄົມໃຫ້ມີການເຕີບໃຫຍ່ຂະຫຍາຍຕົວເປັນກ້າວໆ.
ຂ່າວ-ພາບ: ລັັດຕະນາ ແສງສຸວັນ
ຄໍາເຫັນ