ພິທີສະເຫຼີມສະຫຼອງວັນສ້າງຕັ້ງໜັງສືພິມພາສາຕ່າງປະເທດ(ວຽງຈັນທາຍ) ຄົບຮອບ 30 ປີ (7 ເມສາ 1994 - 7 ເມສາ 2024) ໄດ້ຈັດຂຶ້ນໃນວັນທີ 9 ເມສານີ້ ທີ່ໂຮງແຮມແລນມາກແມ່ຂອງຣີເວີໄຊ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ(ຖວທ); ມີທ່ານ ທອງຫຼໍ່ ດວງສະຫວັນ ຫົວໜ້າບັນນາທິການໃຫຍ່ ໜັງສືພິມພາສາຕ່າງປະເທດ;ມີຕາງໜ້າອົງການຈັດຕັ້ງສາກົນ ແຂກຖືກເຊີນທີ່ກ່ຽວຂ້ອງເຂົ້າຮ່ວມ.
ທ່ານ ທອງຫຼໍ່ ດວງສະຫວັນ ໄດ້ຍົກໃຫ້ເຫັນບັນດາຜົນສຳເລັດຫຼາຍດ້ານໃນໄລຍະ 30 ປີທີ່ຜ່ານມາ. ໜັງສືພິມພາສາຕ່າງປະເທດ ຊຶ່ງເປັນໜັງສືພິມພາສາອັງກິດສະບັບທຳອິດຂອງລາວ. ພ້ອມໃຫ້ຄຳໝັ້ນສັນຍາທີ່ໜັກແໜ້ນ ເພື່ອສືບຕໍ່ພັດທະນາອົງການ ບົນພື້ນຖານຜົນສຳເລັດທີ່ຍາດມາໄດ້ໃນໄລຍະ 30 ປີຜ່ານມາ. ໜັງສືພິມໄດ້ຮັບການສ້າງຕັ້ງຂຶ້ນໃນວັນທີ 7 ເມສາ 1994ໃນຖານະເປັນກົມໜຶ່ງຂອງກະຊວງຖວທ, ໜັງສືພິມພາສາຕ່າງປະເທດ ໄດ້ຖືກມອບໝາຍໜ້າທີ່ໃຫ້ເປັນ ກະບອກສຽງຂອງພັກ ແລະ ລັດ ໃນການສື່ສານກັບໂລກແນໃສ່ເພື່ອຍົກສູງຖານະບົດບາດຂອງລາວໃນເວທີໂລກ ແລະ ສ້າງພາບພົດຂອງປະເທດໃນດ້ານດີ ຕາມແນວທາງ ນະໂຍບາຍເປີດກວ້າງການຮ່ວມມືກັບສາກົນຂອງພັກ ແລະ ລັດ ທີ່ໄດ້ປະຕິບັດນັບຕັັ້ງແຕ່ປີ 1986.
ພາຍໃຕ້ການຊີ້ນຳຂອງພັກ ແລະ ລັດ ໂດຍສະເພາະແມ່ນຄະນະນຳ ກະຊວງ ຖວທ, ຄະນະບັນນາທິການໜັງສືພິມພາສາຕ່າງປະເທດໄດ້ອອກແຮງພັດທະນາໜັງສືພິມ ແລະ ຂະຫຍາຍການລາຍງານຂ່າວ ແລະ ເຫດການຕ່າງທີ່ເກີດຂຶ້ນໃນລາວ ແລະ ຕ່າງປະເທດ.
ໜັງສືພິມໃນໄລຍະເລີ່ມຕົ້ນມີພະນັກງານບໍ່ເທົ່າໃດຄົນ, ໃນເວລານັ້ນມີຄອມພິວເຕີພຽງໜ່ວຍດຽວ ແລະ ກ້ອງຖ່າຍຮູບນ້ອຍໆ, ແຕ່ທຸກມື້ນີ້ໜັງສືພິມພາສາຕ່າງປະເທດໄດ້ກາຍເປັນສື່ສິງພິມໜຶ່ງທີ່ທັນສະໄໝ, ມີອຸປະກອນທີ່ທັນສະໄໝ ແລະ ພະນັກງານທີ່ມີພອນສະຫວັນ, ສາມາດສະໜອງຂໍ້ມູນຂ່າວສານກ່ຽວກັບການພັດທະນາທາງດ້ານການເມືອງ-ການປົກຄອງ, ສັງຄົມ ແລະ ເສດຖະກິດ ໃຫ້ຜູ້ອ່ານໄດ້ດີ. ເພື່ອຮັບມືກັບການປ່ຽນແປງສະພາບແວດລ້ອມຂອງສື່ ແລະ ການປະກົດຕົວຂອງຮູບແບບການສື່ສານທາງດີຈີຕອນ, ໜັງສືພິມພາສາຕ່າງປະເທດໄດ້ເປີດເວັບໄຊສະບັບທຳອິດ ໃນປີ 1999 ແລະ ໄດ້ນໍາສະເໜີຂ່າວຜ່ານຫຼາຍຊ່ອງທາງ ໂດຍສະເພາະຜ່ານສື່ສັງຄົມອອນລາຍ, ຂໍ້ຄວາມສັ້ນຜ່ານລະບົບໂທລະສັບມືຖື ຊຶ່ງເຮັດໃຫ້ເຂົ້າເຖິງກຸ່ມຜູ້ອ່ານໄດ້ຫຼາຍຂຶ້ນກວ່າເກົ່າ.
ນອກຈາກ ເຜີຍແຜ່ຂ່າວ ຜ່ານໜັງສືພິມ ແບບດັ່ງເດີມແລ້ວ, ໜັງສືພິມພາສາຕ່າງປະເທດຍັງໄດ້ກະຈາຍຂ່າວ ເປັນປົກກະຕິ ຜ່ານເວັບໄຊ ແລະ ໜ້າສື່ສັງຄົມອອນລາຍຂອງຕົນເປັນປະຈຳ ແລະ ຖີ່ຂຶ້ນກວ່າເກົ່າ. ປັດຈຸບັນ, ຜູ້ອ່ານຫຼາຍພັນຄົນໄດ້ກາຍເປັນລູກຄ້າ ແລະ ສັ່ງຈອງອ່ານໜັງສື່ພິມແບບເຈ້ຍ, ແບບເອເລັກໂຕຣນິກ ແລະ ຂໍ້ຄວາມສັ້ນຜ່ານລະບົບໂທລະສັບມືຖື.“ພວກເຮົາມີຄວາມພາກພູມໃຈຕໍ່ຜົນສຳເລັດອັນຍິ່ງໃຫຍ່ໃນໄລຍະ 30 ປີຜ່ານມາ, ແຕ່ສິ່ງດັ່ງກ່າວນັ້ນຈະບໍ່ຢຸດເຊົາໃນແນວຄວາມຄິດໃໝ່ມາພັດທະນາຕົນເອງ ແລະ ຈະສືບຕໍ່ສ້າງອົງກອນບົນພື້ນຖານບົດຮຽນ ແລະ ຜົນສໍາເລັດທີ່ຍາດມາໄດ້ຕະຫຼອດໄລຍະ 30 ປີ ຜ່ານມາ.”
ໃນພິທີ, ທ່ານນາງ ສວນສະຫວັນ ວິຍະເກດ ໄດ້ໃຫ້ກຽດມອບຫຼຽນກາແຮງງານຊັ້ນ 2 ໃຫ້ທ່ານ ດາວວອນ ພະຈັນທະວົງ ຊຶ່ງເປັນໜຶ່ງໃນບັນດານັກທຸລະກິດທີ່ໄດ້ໃຫ້ການສະໜັບສະໜູນໜັງສືພິມພາສາຕ່າງປະເທດຕະຫຼອດໄລຍະ 30 ປີຜ່ານມາ ແລະ ມອບໃບຍ້ອງຍໍຜົນງານດີເດັ່ນໃຫ້ພະນັກງານໜັງສືພິມພາສາຕ່າງປະເທດ. ພ້ອມນີ້, ທ່ານລັດຖະມົນ ຕີຍັງໄດ້ມອບແຜ່ນຈາລຶກຜົນງານໃນການປະກອບສ່ວນພັດທະນາໜັງສືພິມພາສາຕ່າງປະເທດ ໃຫ້ຜູ້ຕາງໜ້າຈາກສະຖານທູດອົສຕຣາລີ ແລະ ທູດສະຫະຣາຊະອານາຈັກອັງກິດປະຈໍາລາວອີກດ້ວຍ.
ຂ່າວ-ພາບ:ຍຸພິນທອງ
ທ່ານ ທອງຫຼໍ່ ດວງສະຫວັນ ໄດ້ຍົກໃຫ້ເຫັນບັນດາຜົນສຳເລັດຫຼາຍດ້ານໃນໄລຍະ 30 ປີທີ່ຜ່ານມາ. ໜັງສືພິມພາສາຕ່າງປະເທດ ຊຶ່ງເປັນໜັງສືພິມພາສາອັງກິດສະບັບທຳອິດຂອງລາວ. ພ້ອມໃຫ້ຄຳໝັ້ນສັນຍາທີ່ໜັກແໜ້ນ ເພື່ອສືບຕໍ່ພັດທະນາອົງການ ບົນພື້ນຖານຜົນສຳເລັດທີ່ຍາດມາໄດ້ໃນໄລຍະ 30 ປີຜ່ານມາ. ໜັງສືພິມໄດ້ຮັບການສ້າງຕັ້ງຂຶ້ນໃນວັນທີ 7 ເມສາ 1994ໃນຖານະເປັນກົມໜຶ່ງຂອງກະຊວງຖວທ, ໜັງສືພິມພາສາຕ່າງປະເທດ ໄດ້ຖືກມອບໝາຍໜ້າທີ່ໃຫ້ເປັນ ກະບອກສຽງຂອງພັກ ແລະ ລັດ ໃນການສື່ສານກັບໂລກແນໃສ່ເພື່ອຍົກສູງຖານະບົດບາດຂອງລາວໃນເວທີໂລກ ແລະ ສ້າງພາບພົດຂອງປະເທດໃນດ້ານດີ ຕາມແນວທາງ ນະໂຍບາຍເປີດກວ້າງການຮ່ວມມືກັບສາກົນຂອງພັກ ແລະ ລັດ ທີ່ໄດ້ປະຕິບັດນັບຕັັ້ງແຕ່ປີ 1986.
ພາຍໃຕ້ການຊີ້ນຳຂອງພັກ ແລະ ລັດ ໂດຍສະເພາະແມ່ນຄະນະນຳ ກະຊວງ ຖວທ, ຄະນະບັນນາທິການໜັງສືພິມພາສາຕ່າງປະເທດໄດ້ອອກແຮງພັດທະນາໜັງສືພິມ ແລະ ຂະຫຍາຍການລາຍງານຂ່າວ ແລະ ເຫດການຕ່າງທີ່ເກີດຂຶ້ນໃນລາວ ແລະ ຕ່າງປະເທດ.
ໜັງສືພິມໃນໄລຍະເລີ່ມຕົ້ນມີພະນັກງານບໍ່ເທົ່າໃດຄົນ, ໃນເວລານັ້ນມີຄອມພິວເຕີພຽງໜ່ວຍດຽວ ແລະ ກ້ອງຖ່າຍຮູບນ້ອຍໆ, ແຕ່ທຸກມື້ນີ້ໜັງສືພິມພາສາຕ່າງປະເທດໄດ້ກາຍເປັນສື່ສິງພິມໜຶ່ງທີ່ທັນສະໄໝ, ມີອຸປະກອນທີ່ທັນສະໄໝ ແລະ ພະນັກງານທີ່ມີພອນສະຫວັນ, ສາມາດສະໜອງຂໍ້ມູນຂ່າວສານກ່ຽວກັບການພັດທະນາທາງດ້ານການເມືອງ-ການປົກຄອງ, ສັງຄົມ ແລະ ເສດຖະກິດ ໃຫ້ຜູ້ອ່ານໄດ້ດີ. ເພື່ອຮັບມືກັບການປ່ຽນແປງສະພາບແວດລ້ອມຂອງສື່ ແລະ ການປະກົດຕົວຂອງຮູບແບບການສື່ສານທາງດີຈີຕອນ, ໜັງສືພິມພາສາຕ່າງປະເທດໄດ້ເປີດເວັບໄຊສະບັບທຳອິດ ໃນປີ 1999 ແລະ ໄດ້ນໍາສະເໜີຂ່າວຜ່ານຫຼາຍຊ່ອງທາງ ໂດຍສະເພາະຜ່ານສື່ສັງຄົມອອນລາຍ, ຂໍ້ຄວາມສັ້ນຜ່ານລະບົບໂທລະສັບມືຖື ຊຶ່ງເຮັດໃຫ້ເຂົ້າເຖິງກຸ່ມຜູ້ອ່ານໄດ້ຫຼາຍຂຶ້ນກວ່າເກົ່າ.
ນອກຈາກ ເຜີຍແຜ່ຂ່າວ ຜ່ານໜັງສືພິມ ແບບດັ່ງເດີມແລ້ວ, ໜັງສືພິມພາສາຕ່າງປະເທດຍັງໄດ້ກະຈາຍຂ່າວ ເປັນປົກກະຕິ ຜ່ານເວັບໄຊ ແລະ ໜ້າສື່ສັງຄົມອອນລາຍຂອງຕົນເປັນປະຈຳ ແລະ ຖີ່ຂຶ້ນກວ່າເກົ່າ. ປັດຈຸບັນ, ຜູ້ອ່ານຫຼາຍພັນຄົນໄດ້ກາຍເປັນລູກຄ້າ ແລະ ສັ່ງຈອງອ່ານໜັງສື່ພິມແບບເຈ້ຍ, ແບບເອເລັກໂຕຣນິກ ແລະ ຂໍ້ຄວາມສັ້ນຜ່ານລະບົບໂທລະສັບມືຖື.“ພວກເຮົາມີຄວາມພາກພູມໃຈຕໍ່ຜົນສຳເລັດອັນຍິ່ງໃຫຍ່ໃນໄລຍະ 30 ປີຜ່ານມາ, ແຕ່ສິ່ງດັ່ງກ່າວນັ້ນຈະບໍ່ຢຸດເຊົາໃນແນວຄວາມຄິດໃໝ່ມາພັດທະນາຕົນເອງ ແລະ ຈະສືບຕໍ່ສ້າງອົງກອນບົນພື້ນຖານບົດຮຽນ ແລະ ຜົນສໍາເລັດທີ່ຍາດມາໄດ້ຕະຫຼອດໄລຍະ 30 ປີ ຜ່ານມາ.”
ໃນພິທີ, ທ່ານນາງ ສວນສະຫວັນ ວິຍະເກດ ໄດ້ໃຫ້ກຽດມອບຫຼຽນກາແຮງງານຊັ້ນ 2 ໃຫ້ທ່ານ ດາວວອນ ພະຈັນທະວົງ ຊຶ່ງເປັນໜຶ່ງໃນບັນດານັກທຸລະກິດທີ່ໄດ້ໃຫ້ການສະໜັບສະໜູນໜັງສືພິມພາສາຕ່າງປະເທດຕະຫຼອດໄລຍະ 30 ປີຜ່ານມາ ແລະ ມອບໃບຍ້ອງຍໍຜົນງານດີເດັ່ນໃຫ້ພະນັກງານໜັງສືພິມພາສາຕ່າງປະເທດ. ພ້ອມນີ້, ທ່ານລັດຖະມົນ ຕີຍັງໄດ້ມອບແຜ່ນຈາລຶກຜົນງານໃນການປະກອບສ່ວນພັດທະນາໜັງສືພິມພາສາຕ່າງປະເທດ ໃຫ້ຜູ້ຕາງໜ້າຈາກສະຖານທູດອົສຕຣາລີ ແລະ ທູດສະຫະຣາຊະອານາຈັກອັງກິດປະຈໍາລາວອີກດ້ວຍ.
ຂ່າວ-ພາບ:ຍຸພິນທອງ
ຄໍາເຫັນ