ໂດຍການເຂົ້າຮ່ວມຂອງທ່ານ ຄໍາລຸຍ ຍະຕິວົງ ຄະນະໂຄງການກອງທຶນສາມັກຄີແນວລາວສ້າງຊາດ ແລະ ຊາວນາບ້ານໂພນທັນ, ບ້ານນາຄໍາ ເຂົ້າຮ່ວມ.
ທ່ານ ຄໍາກ່າຍ ພັນທິລາດ ເຈົ້າຂອງນາຕົວແບບທີ່ທົດລອງນຳໃຊ້ປຸ໋ຍ ກາຫົວຄວາຍໄດ້ລາຍງານວ່າ: ວິທີການນໍາໃຊ້ປຸ໋ຍແມ່ນເລີ່ມຈາກການປັກດໍາເຂົ້ານາ ໄດ້ 20 ວັນ ໃສ່ປຸ໋ຍເລັ່ງຄັ້ງທີ 1 ໄດ້ມີການບົວລະບັດຮັກສາຫຼົກຫຍ້າຂ້າຫຸ່ນໃນເຂົ້າອອກໃຫ້ໝົດ ໃສ່ປຸ໋ຍຄັ້ງທີ 2 ແມ່ນອາຍຸເຂົ້າໄດ້ 20-25 ວັນ, ໄດ້ມີການບົວລະບັດຮັກສາຄືກັບຄັ້ງທຳອິດ ພ້ອມອັດຄັນຕັນທາງນ້ຳ. ໃນການໃສ່ປຸ໋ຍຄັ້ງທີ 3 ແມ່ນອາຍຸເຂົ້າໄດ້ 25-30. ວັນຫຼັງຈາກນັ້ນ, ກໍມີການບົວລະບັດຮັກສາຕາມປົກກະຕິ, ສັງເກດເຫັນວ່າ ການນໍາໃຊ້ປຸ໋ຍກາຫົວຄວາຍນີ້ຕົ້ນເຂົ້າຂຽວງາມພ້ອມແຕກກໍດີ, ໝາກດົກ ຮວງເຂົ້າງາມ ໄດ້ຮັບຜົນຕອບແທນສູງເມື່ອທຽບໃສ່ກັບການໃສ່ຝຸ່ນວິທະຍາສາດສະນິດອື່ນໆ ເພາະວ່າຝຸ່ນວິທະຍາສາດກາຫົວຄວາຍຈະຊ່ວຍປັບປຸງດິນໄປພ້ອມກັນ. ຊຶ່ງເຫັນໄດ້ວ່າຊາວນາໄດ້ສະໝັກໃຈຕາມຄໍາແນະນໍາທາງດ້ານເຕັກເນັກຂອງບໍລິສັດ ເຫັນໄດ້ວ່າການນໍາໃຊ້ ເຂົ້າແຕກກໍດີ ແລະ ສາມາດໄດ້ຮັບຜົນຜະລິດດີທຽບໃສ່ ກັບການໃສ່ປຸຍວິທະຍາສາດໃນເມື່ອກ່ອນ.
ທ່ານ ຫວຽນ ດິ່ງເຈົາ ຫົວໜ້າຫ້ອງການເຕັກເນັກຂອງບໍລິສັດປູຍບິງດຽນ ໄດ້ແນະນຳກ່ຽວກັບວິທີການໃສ່ປຸ໋ຍ ກາຫົວຄວາຍ ໃນນາເຂົ້າຢ່າງຖືກວິທີ ເພື່ອໃຫ້ຊາວນາໄດ້ນຳໃຊ້ຢ່າງຖືກຕ້ອງຈຶ່ງຈະໄດ້ຜົນຕອບແທນທີ່ດີ, ຕົ້ນທຶນຕ່ຳ ແຕ່ໄດ້ຮັບຜົນຜະລິດສູງ. ຈາກການສາທິດ, ສະແດງໃຫ້ເຫັນເຖິງຄວາມກ້າວກະໂດດທາງດ້ານຜົນຜະລິດ ແລະ ປະສິດທິພາບ ເມື່ອປຽບທຽບກັບຮູບແບບການຜະລິດກະສິກຳແບບດັ້ງເດີມຂອງຊາວກະສິກອນລາວ. ໃນຕໍ່ໜ້ານີ້, ບໍລິສັດປຸ໋ຍບິ່ງດ໋ຽນ ແລະ ບໍລິສັດ ໄພບູນ ການຄ້າ ຂາອອກ - ຂາເຂົ້າ ຈໍາກັດ ໄດ້ແນະນໍາໃຫ້ຄໍາປຶກສາດ້ານວິຊາສະເພາະໃຫ້ແກ່ຊາວກະສິກອນ, ຊ່ວຍຊາວກະສິກອນຍົກສູງຄວາມຮູ້ດ້ານກະສິກໍາໃຫ້ນັບມື້ນັບດີຂຶ້ນ ເພື່ອຫຼຸດພົ້ນຈາກຄວາມທຸກຍາກ ກ້າວສູ່ຄວາມຮັ່ງມີ ຈາກພື້ນທີ່ດິນນາຂອງປະຊາຊົນເອງ.
(ແຫຼ່ງຂ່າວ: ເມືອງໄຊພູທອງ)
ຄໍາເຫັນ