 |
ຫ້ອງສະໝຸດທີ່ ມອບ-ຮັບ ໃຫ້ 5 ໂຮງຮຽນ ດັ່ງກ່າວ, ປະກອບມີ ປຶ້ມສອງພາສາ ລາວ-ຈີນ ແລະ ອຸປະກອນອ່ານອັດສະລິຍະ, ໃຊ້ວັດສະດຸປະຫຍັດພະລັງງານ ແລະ ເປັນມິດກັບສິ່ງແວດລ້ອມໃນການກໍ່ສ້າງ, ສ້າງສະພາບແວດລ້ອມການອ່ານທີ່ທັນສະໄໝ, ສະດວກສະບາຍ ແລະ ປອດໄພສຳລັບນັກຮຽນ, ກາຍເປັນ "ໂຄມໄຟຄວາມຮູ້" ທີ່ສ່ອງແສງໃຫ້ແກ່ການເຕີບໃຫຍ່ຂອງເດັກນ້ອຍ. ໂຄງການຫ້ອງສະໝຸດ CSG ແມ່ນການປະຕິບັດທີ່ສຳຄັນຂອງບໍລິສັດ CSG ໃນການຊຸກຍູ້ດ້ານການສຶກສາ, ສົ່ງເສີມການແລກປ່ຽນວັດທະນະທຳ. ມາຮອດ ປັດຈຸບັນ, ໂຄງການນີ້, ໄດ້ສ້າງສຳເລັດ 500 ແຫ່ງ, ເປັນປະໂຫຍດໃຫ້ແກ່ເດັກນ້ອຍຫລາຍກວ່າ 200.000 ຄົນ. ການສ້າງຫ້ອງສະໝຸດໃນ ສປປ ລາວ ໃນຄັ້ງນີ້, ເປັນສັນຍານວ່າ: ໂຄງການກ້າວໄປສູ່ສາກົນຢ່າງເປັນທາງການ, ຈະເພີ່ມແຮງຂັບເຄື່ອນທີ່ຕໍ່ເນື່ອງໃຫ້ແກ່ການຮ່ວມມືດ້ານການສຶກສາ ຈີນ-ລາວ, ເສີມສ້າງການພັດທະນາກຳລັງຄົນໜຸ່ມ, ສືບຕໍ່ປະກອບສ່ວນພະລັງງານສຳລັບການສ້າງຊຸມຊົນຊະຕາກຳຮ່ວມ ຈີນ-ລາວ ທີ່ມີຄຸນນະພາບສູງຂຶ້ນ ແລະ ແໜ້ນແຟ້ນຂຶ້ນ.
ໃນໂອກາດດຽວກັນ, ມູນນິທິພັດທະນາຊົນນະບົດຈີນ (CFRD), ບໍລິສັດສາຍສົ່ງໄຟຟ້າແຫ່ງຊາດລາວ (EDL-T), ບໍລິສັດ ຊີອີອີຊີ (CEEC), ບໍລິສັດ ຊີຈີເອັນ (CGN), ບໍລິສັດ ເອັດທີພີຊີ (STPC) ແລະ ວິສາຫະກິດຈີນ ທີ່ປະຈຳຢູ່ ສປປ ລາວ ໄດ້ມອບລົດຖີບ, ກະເປົາເປ້, ອຸປະກອນກິລາ ແລະ ອື່ນໆ ຫຼາຍກວ່າ 5.000 ຊຸດ ໃຫ້ແກ່ 5 ໂຮງຮຽນ ດັ່ງກ່າວ, ລວມມູນຄ່າ 2,28 ຕື້ກີບ.
ໃນປັດຈຸບັນໂຄງການ CSG ໄດ້ສຳເລັດການສ້າງຫ້ອງສະໝຸດຈໍານວນ 500 ແຫ່ງ ຢູ່ໃນ 98 ເມືອງ ຂອງ ສປ ຈີນ,ໄດ້ປະກອບປື້ມອ່ານເຂົ້າເປັນຈໍານວນປະມານ 1.74 ລ້ານເຫຼັ້ມ, ຮັບໃຊ້ໃຫ້ແກ່ນັກຮຽນກວ່າ 510,000 ຄົນ. ການສ້າງຫ້ອງສະໝຸດ ຢູ່ ສປປ ລາວໃນຄັ້ງນີ້, ສະແດງໃຫ້ເຫັນໂຄງການດັ່ງກ່າວໄດ້ເຂົ້າສູ່ສາກົນຢ່າງເປັນທາງການ, ເພື່ອສົ່ງເສີມການຮ່ວມມືດ້ານການສຶກສາ ແລະ ການສ້າງບຸຄະລາກອນໄວໜຸ່ມ, ປະກອບສ່ວນເຂົ້າໃນການພັດທະນາຂອບຄູ່ຮ່ວມຊະຕາກຳລາວ-ຈີນໃຫ້ໄດ້ມາດຖະຖານ ແລະ ຄຸນະພາບສູງກວ່າເກົ່າ.
ຂ່າວ-ພາບ:ພູວຽງຄຳ
ຄໍາເຫັນ