ກອງປະຊຸມສະຫຼຸບວຽກງານກະສິກຳ ແລະ ປ່າໄມ້ 9 ເດືອນ ແລະ ທິດທາງແຜນການ 3 ເດືອນທ້າຍປີຈັດຂຶ້ນໃນວັນທີ 19 ຕຸລາ ນີ້ ທີ່ໂຮງຮຽນການເມືອງ ແລະ ການປົກຄອງແຂວງຄຳມ່ວນ ໂດຍການເຂົ້າຮ່ວມເປັນປະທານຂອງ ທ່ານ ສົມສະອາດ ອຸ່ນສີດາ ຮອງເຈົ້າແຂວງຄໍາມ່ວນ, ທ່ານ ບຸນຈັນ ໄຊປັນຍາ ຫົວໜ້າພະແນກ ກະສິກໍາ ແລະ ປ່າໄມ້ແຂວງ, ມີຕາງໜ້າພະແນກພາຍໃນແຂວງ, ບັນດາຂະແໜງການອ້ອມຂ້າງ ແລະ ພະນັກງານ-ລັດຖະກອນ ໃນຂົງເຂດດັ່ງກ່າວເຂົ້າຮ່ວມ.
ທ່ານ ສຸກກັນ ອິນທະນູຮັກ ຮອງຫົວໜ້າພະແນກ ກະສິກໍາ-ປ່າໄມ້ ໄດ້ຜ່ານບົດສະຫຼຸບຜົນການຈັດຕັ້ງປະຕິບັດແຜນພັດທະນາ ກະສິກໍາ-ປ່າໄມ້ ແລະ ພັດທະທະນາຊົນນະບົດປະຈໍາ 9 ເດືອນ ແລະ ທິດທາງແຜນການ 3 ເດືອນທ້າຍປີ 2023 ໂດຍສະເພາະແມ່ນສະພາບການຜະລິດເຂົ້າ ຕາມແຜນການລວມມີເນື້ອທີ່ປູກທັງໝົດ 102.189 ເຮັກຕາ, ຄາດຄະເນຜົນຜະລິດ 398.228 ໂຕນ, ສະເລ່ຍຕໍ່ຄົນໃຫ້ໄດ້ 910 ກິໂລ/ຄົນ/ປີ, ການຜະລິດພືດສຳຮອງ ປະຕິບັດການປູກ ເນື້ອທີ່ 25.592 ເຮັກຕາ ເທົ່າກັບ 200% ຂອງແຜນການປີ 12.745 ເຮັກຕາ. ເຄື່ອນໄຫວ ແລະ ຕິດຕາມ ການສັກຢາປ້ອງກັນສັດລ້ຽງຂອງປະຊາຊົນທັງໝົດ 218.014 ໂຕ, ໃນນັ້ນ ມີ ຄວາຍ 19.994 ໂຕ ເທົ່າກັບ 39%, ງົວ 40.669 ໂຕ ເທົ່າກັບ 42% , ໝູລາດ 9.400 ໂຕ ເທົ່າກັບ 21%, ໝູພັນ 20.352 ໂຕ ເທົ່າກັບ 100% ແບ້ 5.082 ໂຕ, ເທົ່າກັບ 23% ແລະ ສັດປີກ 122.827 ໂຕ, ເທົ່າກັບ 14%. ດ້ານການສົ່ງເສີມການປູກ ແລະ ຟື້ນຟູປ່າໄມ້, ຕາມແຜນການຄາດຄະເນ ໃນເນື້ອທີ່ທັງໝົດ 1.138 ເຮັກຕາ, ປະຕິບັດໄດ້ 1.586,40 ເຮັກຕາ, ທຽບໃສ່ແຜນການເທົ່າກັບ 139,40%, ຂຶ້ນທະບຽນສວນປູກໄມ້ ຕາມແຜນ 127 ຕອນ, ປະຕິບັດໄດ້ 6 ຕອນ, ລວມເນື້ອທີ່ 650,15 ເຮັກຕາ, ທຽບໃສ່ແຜນໄດ້ 4,72%. ການຈັດສັນ ກຳນົດເຂດຟື້ນຟູປ່າໄມ້ ຕາມແຜນ 3.476 ເຮັກຕາ, ປະຕິບັດໄດ້ 23,91 ເຮັກຕາ, ທຽບໃສ່ແຜນໄດ້ 0,68%. ນອກນີ້ຍັງໄດ້ຍົກໃຫ້ເຫັນຜົນງານການເຄື່ອນໄຫວດ້ານອື່ນໆ ອີກຈໍານວນໜຶ່ງທີ່ຕິດພັນກັບຂົງເຂດວຽກງານກະສິກຳ-ປ່າໄມ້ ລວມເຖິງຈຸດດີ, ຈຸດຄົງຄ້າງ ທີ່ຈະຕ້ອງໄດ້ສືບຕໍ່ປັບປຸງແກ້ໄຂໃນຕໍ່ໜ້າ ຕະຫຼອດຮອດພາກທິດທາງແຜນການ. ໃນໂອກາດດຽວກັນ ຕາງໜ້າບັນດາຂະແໜງການແຕ່ລະພາກສ່ວນ ຍັງໄດ້ພ້ອມກັນປະກອບຄໍາຄິດຄໍາເຫັນເຂົ້າໃສ່ເນື້ອໃນບົດສະຫຼຸບ ແລະ ພາກທິດທາງແຜນການ ເພື່ອໃຫ້ຄວາມກະຈ່າງແຈ້ງກ່ຽວກັບການປະຕິບັດໜ້າທີ່ນໍາພາ-ຊີ້ນໍາ ແລະ ການເຄື່ອນໄຫວດ້ານວຽກງານວິຊາສະເພາະທີ່ຂະແໜງຕົນຮັບຜິດຊອບ, ທັງນີ້ກໍເພື່ອແນໃສ່ຍົກສູງຄວາມເປັນເອກະພາບ ໃນການພິຈາລະ ນາຮັບຮອງເອົາເນື້ອໃນບົດສະຫຼຸບ ແລະ ທິດທາງແຜນການດັ່ງກ່າວ ໄປຜັນຂະຫຍາຍຈັດຕັ້ງປະຕິບັດເຂົ້າໃນວຽກງານຕົວຈິງໃຫ້ມີປະສິດທິຜົນໃນຕໍ່ໜ້າ.
ພິເສດໃນກອງປະຊຸມຄັ້ງນີ້ຍັງໄດ້ມີພິທີມອບ-ຮັບການຍ້ອງຍໍສັນລະເສີນບຸກຄົນທີ່ມີຜົນງານດີເດັ່ນປະກອບສ່ວນເຫື່ອແຮງ ແລະ ສະຕິປັນຍາ ເຂົ້າໃນການແຂ່ງຂັນຮັກຊາດ, ສ້າງບ້ານພັດທະນາ ແລະ ຜັນຂະຫຍາຍວຽກງານ 3 ສ້າງ ເຂົ້າສູ່ລ່ວງເລິກ (2016-2020) ໃຫ້ແກ່ບັນດາພະນັກງານ-ລັດຖະກອນ ຂອງພະແນກກະສິກໍາ ແລະ ປ່າໄມ້ແຂວງ ຊຶ່ງປະກອບມີ ໄດ້ຮັບຫຼຽນໄຊແຮງງານຊັ້ນ I ຈໍານວນ 2 ທ່ານ, ຊັ້ນ II ຈໍານວນ 2 ທ່ານ, ຊັ້ນ III ຈໍານວນ 20 ທ່ານ, ຫຼຽນກາແຮງງານຈໍານວນ 23 ທ່ານ ຍິງ 10 ທ່ານ, ໃບຍ້ອງຍໍລັດຖະບານຈໍານວນ 39 ທ່ານ ຍິງ 19 ທ່ານ ແລະ ໄດ້ຮັບຍ້ອງຍໍຂອງແຂວງຈໍານວນ 122 ທ່ານ ຍິງ 31 ທ່ານ, ເປັນກຽດມອບ ໂດຍ ທ່ານ ສົມສະອາດ ອຸ່ນສີດາ.
(ຂ່າວ-ພາບ: ມະນີວັນ)
ທ່ານ ສຸກກັນ ອິນທະນູຮັກ ຮອງຫົວໜ້າພະແນກ ກະສິກໍາ-ປ່າໄມ້ ໄດ້ຜ່ານບົດສະຫຼຸບຜົນການຈັດຕັ້ງປະຕິບັດແຜນພັດທະນາ ກະສິກໍາ-ປ່າໄມ້ ແລະ ພັດທະທະນາຊົນນະບົດປະຈໍາ 9 ເດືອນ ແລະ ທິດທາງແຜນການ 3 ເດືອນທ້າຍປີ 2023 ໂດຍສະເພາະແມ່ນສະພາບການຜະລິດເຂົ້າ ຕາມແຜນການລວມມີເນື້ອທີ່ປູກທັງໝົດ 102.189 ເຮັກຕາ, ຄາດຄະເນຜົນຜະລິດ 398.228 ໂຕນ, ສະເລ່ຍຕໍ່ຄົນໃຫ້ໄດ້ 910 ກິໂລ/ຄົນ/ປີ, ການຜະລິດພືດສຳຮອງ ປະຕິບັດການປູກ ເນື້ອທີ່ 25.592 ເຮັກຕາ ເທົ່າກັບ 200% ຂອງແຜນການປີ 12.745 ເຮັກຕາ. ເຄື່ອນໄຫວ ແລະ ຕິດຕາມ ການສັກຢາປ້ອງກັນສັດລ້ຽງຂອງປະຊາຊົນທັງໝົດ 218.014 ໂຕ, ໃນນັ້ນ ມີ ຄວາຍ 19.994 ໂຕ ເທົ່າກັບ 39%, ງົວ 40.669 ໂຕ ເທົ່າກັບ 42% , ໝູລາດ 9.400 ໂຕ ເທົ່າກັບ 21%, ໝູພັນ 20.352 ໂຕ ເທົ່າກັບ 100% ແບ້ 5.082 ໂຕ, ເທົ່າກັບ 23% ແລະ ສັດປີກ 122.827 ໂຕ, ເທົ່າກັບ 14%. ດ້ານການສົ່ງເສີມການປູກ ແລະ ຟື້ນຟູປ່າໄມ້, ຕາມແຜນການຄາດຄະເນ ໃນເນື້ອທີ່ທັງໝົດ 1.138 ເຮັກຕາ, ປະຕິບັດໄດ້ 1.586,40 ເຮັກຕາ, ທຽບໃສ່ແຜນການເທົ່າກັບ 139,40%, ຂຶ້ນທະບຽນສວນປູກໄມ້ ຕາມແຜນ 127 ຕອນ, ປະຕິບັດໄດ້ 6 ຕອນ, ລວມເນື້ອທີ່ 650,15 ເຮັກຕາ, ທຽບໃສ່ແຜນໄດ້ 4,72%. ການຈັດສັນ ກຳນົດເຂດຟື້ນຟູປ່າໄມ້ ຕາມແຜນ 3.476 ເຮັກຕາ, ປະຕິບັດໄດ້ 23,91 ເຮັກຕາ, ທຽບໃສ່ແຜນໄດ້ 0,68%. ນອກນີ້ຍັງໄດ້ຍົກໃຫ້ເຫັນຜົນງານການເຄື່ອນໄຫວດ້ານອື່ນໆ ອີກຈໍານວນໜຶ່ງທີ່ຕິດພັນກັບຂົງເຂດວຽກງານກະສິກຳ-ປ່າໄມ້ ລວມເຖິງຈຸດດີ, ຈຸດຄົງຄ້າງ ທີ່ຈະຕ້ອງໄດ້ສືບຕໍ່ປັບປຸງແກ້ໄຂໃນຕໍ່ໜ້າ ຕະຫຼອດຮອດພາກທິດທາງແຜນການ. ໃນໂອກາດດຽວກັນ ຕາງໜ້າບັນດາຂະແໜງການແຕ່ລະພາກສ່ວນ ຍັງໄດ້ພ້ອມກັນປະກອບຄໍາຄິດຄໍາເຫັນເຂົ້າໃສ່ເນື້ອໃນບົດສະຫຼຸບ ແລະ ພາກທິດທາງແຜນການ ເພື່ອໃຫ້ຄວາມກະຈ່າງແຈ້ງກ່ຽວກັບການປະຕິບັດໜ້າທີ່ນໍາພາ-ຊີ້ນໍາ ແລະ ການເຄື່ອນໄຫວດ້ານວຽກງານວິຊາສະເພາະທີ່ຂະແໜງຕົນຮັບຜິດຊອບ, ທັງນີ້ກໍເພື່ອແນໃສ່ຍົກສູງຄວາມເປັນເອກະພາບ ໃນການພິຈາລະ ນາຮັບຮອງເອົາເນື້ອໃນບົດສະຫຼຸບ ແລະ ທິດທາງແຜນການດັ່ງກ່າວ ໄປຜັນຂະຫຍາຍຈັດຕັ້ງປະຕິບັດເຂົ້າໃນວຽກງານຕົວຈິງໃຫ້ມີປະສິດທິຜົນໃນຕໍ່ໜ້າ.
ພິເສດໃນກອງປະຊຸມຄັ້ງນີ້ຍັງໄດ້ມີພິທີມອບ-ຮັບການຍ້ອງຍໍສັນລະເສີນບຸກຄົນທີ່ມີຜົນງານດີເດັ່ນປະກອບສ່ວນເຫື່ອແຮງ ແລະ ສະຕິປັນຍາ ເຂົ້າໃນການແຂ່ງຂັນຮັກຊາດ, ສ້າງບ້ານພັດທະນາ ແລະ ຜັນຂະຫຍາຍວຽກງານ 3 ສ້າງ ເຂົ້າສູ່ລ່ວງເລິກ (2016-2020) ໃຫ້ແກ່ບັນດາພະນັກງານ-ລັດຖະກອນ ຂອງພະແນກກະສິກໍາ ແລະ ປ່າໄມ້ແຂວງ ຊຶ່ງປະກອບມີ ໄດ້ຮັບຫຼຽນໄຊແຮງງານຊັ້ນ I ຈໍານວນ 2 ທ່ານ, ຊັ້ນ II ຈໍານວນ 2 ທ່ານ, ຊັ້ນ III ຈໍານວນ 20 ທ່ານ, ຫຼຽນກາແຮງງານຈໍານວນ 23 ທ່ານ ຍິງ 10 ທ່ານ, ໃບຍ້ອງຍໍລັດຖະບານຈໍານວນ 39 ທ່ານ ຍິງ 19 ທ່ານ ແລະ ໄດ້ຮັບຍ້ອງຍໍຂອງແຂວງຈໍານວນ 122 ທ່ານ ຍິງ 31 ທ່ານ, ເປັນກຽດມອບ ໂດຍ ທ່ານ ສົມສະອາດ ອຸ່ນສີດາ.
(ຂ່າວ-ພາບ: ມະນີວັນ)
ຄໍາເຫັນ