ວັນທີ 10 ມັງກອນ ນີ້ ທີ່ຫ້ອງວ່າການແຂວງຄຳມ່ວນ ໄດ້ຈັດກອງປະຊຸມ ສະຫຼຸບການຈັດຕັ້ງປະຕິບັດວຽກງານກອງທຶນຊົດເຊີຍການປ່ອຍນໍ້າລົງສູ່ສາຍນໍ້າກະທ້າງໃນກໍລະນີສະເພາະປະຈຳປີ 2023 ແລະ ທິດທາງແຜນການປີ 2024 ໂດຍການເປັນປະທານຂອງ ທ່ານ ແກ້ວອຸດອນ ບຸດສິງຂອນ ຮອງເຈົ້າແຂວງຄໍາມ່ວນ, ມີທ່ານ ຄຳໝັ້ນ ສໍປະເສີດ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ, ຜູ້ອຳນວຍການເຂື່ອນໄຟຟ້ານໍ້າເທີນ 2, ພ້ອມດ້ວຍຄະນະຮັບຜິດຊອບກອງເລຂາຂັ້ນແຂວງ-ຂັ້ນເມືອງເຂົ້າຮ່ວມ.
ທ່ານຮອງເຈົ້າແຂວງຄໍາມ່ວນໄດ້ຮຽກຮ້ອງມາຍັງບັນດາທ່ານທີ່ເຂົ້າຮ່ວມ ພ້ອມກັນຍົກສູງຄວາມຮັບຜິດຊອບຂອງຕົນ, ເອົາໃຈໃສ່ຕິດຕາມ ແລະ ປະກອບຄຳເຫັນ ເພື່ອຄົ້ນຄວ້າປຶກສາຫາລື ແລກປ່ຽນບົດຮຽນ ຈາກພຶດຕິກຳຕົວຈິງທີ່ຜ່ານມາ ໃຫ້ມີເນື້ອໃນຄົບຖ້ວນ ແລະ ເປັນເອກະພາບກັນ ໃນການຈັດຕັ້ງປະຕິບັດໃນຕໍ່ໜ້າໃຫ້ໄດ້ຮັບຜົນດີ ເພື່ອຈະໄດ້ພ້ອມກັນເຮັດສໍາເລັດຕາມຈຸດປະສົງ ແລະ ລະດັບຄາດໝາຍທີ່ກໍານົດໄວ້ ຊຶ່ງກອງປະຊຸມຈະໄດ້ຮັບຟັງການຜ່ານບົດລາຍງານຜົນການຈັດຕັ້ງປະຕິບັດວຽກງານກອງທຶນຊົດເຊີຍນໍ້າກະທ້າງໃນກໍລະນີສະເພາະປະຈຳປີ 2023 ແລະ ທິດທາງແຜນການໃນຕໍ່ໜ້າ; ສະເໜີພິຈາລະນາຮັບຮອງເອົາບັນດາໂຄງການນອນໃນເປົ້າໝາຍຂອງ 2 ເມືອງ ທີ່ທາງຄະນະຮັບຜິດຊອບກອງເລຂາໄດ້ກັ່ນກອງຄົ້ນຄວ້າ ແລະ ການນໍາສະເໜີແຜນການປ່ອຍນໍ້າຂອງບໍລິສັດໄຟຟ້ານໍ້າເທີນ 2 ຈຳກັດ ລົງສູ່ສາຍນໍ້າທໍາມະຊາດ ເພື່ອສ້ອມແປງຄອງປະຈຳປີ 2024-2025.
ຂ່າວ-ພາບ: ມະນີວັນ
ທ່ານຮອງເຈົ້າແຂວງຄໍາມ່ວນໄດ້ຮຽກຮ້ອງມາຍັງບັນດາທ່ານທີ່ເຂົ້າຮ່ວມ ພ້ອມກັນຍົກສູງຄວາມຮັບຜິດຊອບຂອງຕົນ, ເອົາໃຈໃສ່ຕິດຕາມ ແລະ ປະກອບຄຳເຫັນ ເພື່ອຄົ້ນຄວ້າປຶກສາຫາລື ແລກປ່ຽນບົດຮຽນ ຈາກພຶດຕິກຳຕົວຈິງທີ່ຜ່ານມາ ໃຫ້ມີເນື້ອໃນຄົບຖ້ວນ ແລະ ເປັນເອກະພາບກັນ ໃນການຈັດຕັ້ງປະຕິບັດໃນຕໍ່ໜ້າໃຫ້ໄດ້ຮັບຜົນດີ ເພື່ອຈະໄດ້ພ້ອມກັນເຮັດສໍາເລັດຕາມຈຸດປະສົງ ແລະ ລະດັບຄາດໝາຍທີ່ກໍານົດໄວ້ ຊຶ່ງກອງປະຊຸມຈະໄດ້ຮັບຟັງການຜ່ານບົດລາຍງານຜົນການຈັດຕັ້ງປະຕິບັດວຽກງານກອງທຶນຊົດເຊີຍນໍ້າກະທ້າງໃນກໍລະນີສະເພາະປະຈຳປີ 2023 ແລະ ທິດທາງແຜນການໃນຕໍ່ໜ້າ; ສະເໜີພິຈາລະນາຮັບຮອງເອົາບັນດາໂຄງການນອນໃນເປົ້າໝາຍຂອງ 2 ເມືອງ ທີ່ທາງຄະນະຮັບຜິດຊອບກອງເລຂາໄດ້ກັ່ນກອງຄົ້ນຄວ້າ ແລະ ການນໍາສະເໜີແຜນການປ່ອຍນໍ້າຂອງບໍລິສັດໄຟຟ້ານໍ້າເທີນ 2 ຈຳກັດ ລົງສູ່ສາຍນໍ້າທໍາມະຊາດ ເພື່ອສ້ອມແປງຄອງປະຈຳປີ 2024-2025.
ຂ່າວ-ພາບ: ມະນີວັນ
ຄໍາເຫັນ