ໂດຍເປັນປະທານຂອງທ່ານ ວັນເລີນ ປຸ້ຍໄມນີ ເຈົ້າເມືອງບໍລິຄັນ, ໃຫ້ກຽດເຂົ້າຮ່ວມຂອງທ່ານ ດວງຕາ ມໍລະຄາສຸກ ຄະນະປະຈໍາພັກແຂວງ ປະທານກວດກາພັກ ຫົວໜ້າອົງການກວດກາລັດ ແຂວງບໍລິຄໍາໄຊ, ມີພາກສ່ວນກ່ຽວຂ້ອງທົ່ວເມືອງເຂົ້າຮ່ວມ.
ໃນໄລຍະປີ 2024 ຜ່ານມາ, ວຽກງານຮາກຖານການເມືອງພັດທະນາຊົນນະບົດຮອບດ້ານ ຕິດພັນກັບວຽກງານ 3 ສ້າງ ຂອງເມືອງ ບໍລິຄັນ ໄດ້ສຸມໃສ່ການຈັດຕັ້ງປະຕິບັດຄໍາຂວັນ ຕັ້ງໜ້າສ້າງຄອບຄົວ ໃຫ້ມີຄວາມຮັ່ງມີຜາສຸກ, ບ້ານມີຄວາມເຂັ້ມແຂງ, ເມືອງ-ແຂວງມີຄວາມພັດທະນາ ໃນປີ 2024 ໄດ້ມອບຄວາມຮັບຜິດຊອບໃຫ້ພະນັກງານລົງຮາກຖານການເມືອງ, ພັດທະນາຊົນນະບົດຮອບດ້ານ ທັງໝົດ 20 ທ່ານ, ພະນັກນັກງານຂັ້ນແຂວງ 4 ທ່ານ ຕະຫຼອດໄລຍະ 1 ປີ ຜ່ານມາ ວຽກງານຮາກຖານໄດ້ພະຍາຍາມນໍາເອົາມະຕິ, ຄໍາສັ່ງ, ຂໍ້ຕົກລົງ ແລະ ແຈ້ງການຕ່າງໆ ຂອງຂັ້ນເທີງ ລົງເຜີຍແຜ່ໃຫ້ແຕ່ລະບ້ານຢ່າງທົ່ວເຖິງ, ສີ່ງສໍາຄັນໃນການແກໄຂຄວາມທຸກຍາກ ແລະ ການພັດທະນາ ທົ່ວເມືອງມີ 9,908 ຄອບຄົວ, ພົນລະເມືອງ 58,904 ຄົນ ຍີງ 29,115 ຄົນ. ຄອບຄົວພົ້ນທຸກ ກວມ 97% ຄອບຄົວ, ຍັງທຸກຍາກ 3%, ຄອບຄົວພັດທະນາ 91% ຍັງ, 9%. ບ້ານພັດທະນາ 42 ບ້ານ ເທົ່າກັບ 95% ເມືອງໄດ້ສຸມໃສ່ການພັດທະນາບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນນະບົດ 2 ບ້ານ ສາມາດປະກາດຮັບຮອງໄດ້ 1 ບ້ານ ຄື: ບ້ານ ຫ້ວຍຄູນ. ໄດ້ເລັ່ງໃສ່ການຈັດສັນພູມລໍາເນົາ ອາຊີບ ຈຸດສຸມ ພູຄໍາ ແລະ ຈຸດສຸມ ນາກູນ, ຈັດສັນດີນປຸກສ້າງໃນ 2 ຈຸດສຸມໄດ້ 881 ຕອນ, ດີນທໍາການຜະລິດ 141 ຕອນ ເນື້ອທີ່ທັງໝົດ 1,147,000 ກ່ວາຕາແມັດ. ດ້ານການພັດທະນາພື້ນຖານໂຄງລ່າງ ແຜນການລົງທືນຂອງລັດໃນເຂດຊົນນະບົດມີ 6 ໂຄງການ ມູນຄ່າ 5,753,200,000 ກ່ວາກີບ, ປະຕິບັດໂຄງການກໍ່ສ້າງເສັ້ນທາງເບຕົ່ງໄດ້ 10 ເສັ້ນ, ຍາວ 7,7 ກິໂລແມັດ ມູນຄ່າ 7,9 ຕຶກີບ. ຕິດຕັ້ງລະບົບໄຟເຍືອງທາງໂຊລ່າເຊວໄດ້ 7 ບ້ານ ມີ 382 ຊຸດ ມູນຄ່າ 371,450,000 ກີບ ປຸກສ້າງເຮືອນໃຫ້ຄອບຄົວທຸກຍາກໄດ້ 4 ຫຼັງ. ແປງຂົວໄດ້ 6 ແຫ່ງ ມູນຄ່າ 212,560,000ກີບ. ວຽກງານ 3 ສ້າງ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ 5 ດ້ານ, ສາມາດເຮັດບັນລຸໄດ້ 3 ດ້ານ ຄື: ດ້ານກໍ່ສ້າງພັກ-ພະນັກງານບັນລຸ 100%, ດ້ານວັດທະນະທໍາ-ສັງຄົມ ບັນລຸ 91% ແລະ ດ້ານປ້ອງກັນຊາດ-ປ້ອງກັນຄວາມສະຫງົບໄດ້ 100%, ຍັງບໍ່ລຸ 2 ດ້ານ, ການສ້າງບ້ານເປັນຫົວໜ່ວຍພັດທະນາ ທີ່ສາມາດບັນລຸໃນ 4 ດ້ານ ມີ 40 ບ້ານ, ຍັງ 4 ບ້ານ.
(ຂ່າວ-ພາບ: ກົວຊົ່ງ)
ຄໍາເຫັນ