 |
ໂຄງການການກຸສົນນານາຊາດ “ການເດີນທາງສົ່ງມອບເຄື່ອງນຸ່ງ &ຄວາມຮັກ” ທີ່ຮ່ວມກັນລິເລີ່ມໂດຍ ສະມາຄົມການຮ່ວມມື ແລະ ພັດທະນາຊາວໜຸ່ມ ຈີນ - ລາວ, ທີມງານ HandoraLubekeແລະ ສະຫະພັນອາສາສະໝັກ ປານໂຈ່ວ (ກຸ້ຍໂຈ່ວ) ໄດ້ສຳເລັດລົງຢ່າງຈົບງາມຢູ່ເຂດຊົນນະບົດ ນະຄອນຫຼວງວຽງຈັນ - ວັງວຽງ, ສປປ ລາວ. ພາຍໃນເວລາ 2 ວັນ, ສະມາຊິກ 25 ທ່ານ ພ້ອມດ້ວຍ ພາຫະນະ 8 ຄັນ ທີ່ບັນຈຸເຄື່ອງອຸປະໂພກ-ບໍລິໂພກ ໄດ້ລົງໄປເຖິງບັນດາບ້ານ, ເພື່ອມອບເຄື່ອງນຸ່ງຫົ່ມ ແລະ ຄວາມຫ່ວງໃຍໃຫ້ເຖິງມືຂອງປະຊາຊົນບັນດາເຜົ່າໂດຍກົງ.
 |
ກິດຈະກຳຄັ້ງນີ້ໄດ້ຮວບຮວມກຳລັງແຮງຈາກຫຼາຍຝ່າຍຂອງສອງຊາດ ລາວ-ຈີນ ໂດຍໄດ້ຮັບການສະໜັບໜູນຢ່າງເຕັມທີ່ຈາກບັນດາຫົວໜ່ວຍທຸລະກິດ ເຊັ່ນ: ByteLinkDeemall, ມູນນິທິ One Foundation Shenzhen, ອຸປະກອນ ຄຸນລຸນຮື, ອະສັງຫາລິມະຊັບ ຫົງຟ້າ, ການຂຸດຄົ້ນແຮ່ທາດ ຖ້ວນຮົວ, ອາຄານ ເຕ້ຍຈິ໋ວ... ນອກຈາກນີ້ ຍັງມີການຮ່ວມເດີນທາງຈາກຕາງໜ້າຂະແໜງການສາທາລະນະສຸກ (ແພດ), ພະລັງງານ, ກະສິກຳ, ການອອກແບບສະຖາປັດຕະຍະກຳ ພ້ອມດ້ວຍບຸກຄົນທີ່ມີຈິດໃຈເອື້ອເຟື້ອເພື່ອແຜ່ ເຮັດໃຫ້ມີການຊ່ວຍເຫຼືອດ້ານພາຫະນະ ແລະ ຄອຍອຳນວຍຄວາມສະດວກຕະຫຼອດການເດີນທາງ.
 |
ການເດີນທາງຄັ້ງນີ້ ບໍ່ພຽງແຕ່ໄດ້ນຳເອົາຄວາມອົບອຸ່ນໄປສູ່ເຂດພູດອຍເທົ່ານັ້ນ, ແຕ່ຍັງເປັນຫຼັກຖານຢັ້ງຢືນເຖິງມິດຕະພາບ ແລະ ການຮ່ວມມືຢ່າງເລິກເຊິ່ງລະຫວ່າງປະຊາຊົນສອງຊາດ ລາວ - ຈີນ.
 |
ໃນອະນາຄົດ, “ການເດີນທາງສົ່ງມອບເຄື່ອງນຸ່ງ &ຄວາມຮັກ” ຈະຍັງຄົງຈັບມືກັບທຸກຝ່າຍ ເພື່ອຂະຫຍາຍເສັ້ນທາງການກຸສົນໃຫ້ກວ້າງຂວາງຍິ່ງຂຶ້ນ ແລະ ສືບຕໍ່ສົ່ງຕໍ່ຄວາມອົບອຸ່ນສູ່ສັງຄົມຢ່າງຕໍ່ເນື່ອງ.
ຄໍາເຫັນ